وحدت نیوز(سکردو) اپنے تہنیتی پیغام میںمجلس وحدت مسلمین گلگت بلتستان کے صوبائی صدر کا کہنا تھا کہ تربیتی اور تبلیغی میدان میں ہم سب کو ایک ساتھ چلنے کی ضرورت ہے، اسی سلسلے میں جامعہ روحانیت بلتستان کے تربیتی اور تبلیغی امور میں ہماری طرف سے ہر ممکن تعاون جاری رہے گا اور ہمیشہ ساتھ دینگے۔

مجلس وحدت مسلمین گلگت بلتستان کے صوبائی صدر آغا علی رضوی نے حجت الاسلام و المسلمین سید احمد رضوی کو جامعہ روحانیت بلتستان کا نیا صدر منتخب ہونے پر مبارکباد پیش کی۔ جامعہ روحانیت بلتستان ایک مقدس علمی ادارہ ہے، جس کے ذریعے علمی امور کے علاوہ تربیتی اور تبلیغی امور کو زیادہ سے زیادہ ترویج کرنے کی ضرورت ہے، تاکہ پاکستان میں علمی اور تربیتی ماحول بنے اور علمی شخصیات کی کمی کو پورا کیا جاسکے۔ پاکستان میں بابصیرت علماء کی زیادہ ضرورت ہے، جو قومی اور عالمی ایشوز پر تجزیہ و تحلیل کے ساتھ قوم کی سرپرستی کرسکیں۔

امید ہے کہ جامعہ روحانیت بلتستان، طلباء کی علمی صلاحیتوں کے ساتھ ساتھ سیاسی اور سماجی و اجتماعی سوجھ بوجھ کو بھی بڑھانے میں کردار ادا کرے۔ تربیتی اور تبلیغی میدان میں ہم سب کو ایک ساتھ چلنے کی ضرورت ہے، اسی سلسلے میں جامعہ روحانیت بلتستان کے تربیتی اور تبلیغی امور میں ہماری طرف سے ہر ممکن تعاون جاری رہے گا اور ہمیشہ ساتھ دینگے۔ ان شاء اللہ تعلیمات اہل بیت کی ترویج میں اللہ تعالیٰ آپ کو کامیابی سے ہمکنار کرے۔

وحدت نیوز(کراچی) مجلس وحدت مسلمین ضلع ملیر کے صدر احسن عباس رضوی نے 16اکتوبر کو این اے 237 ملیر میں ہونے والے ضمنی انتخابات میں بے ضابطگیوں،بدانتظامی اور بدنظمی پر تشویش کا اظہار کیا ہے۔ضلعی سیکریٹریٹ وحدت ہاؤس میں بلدیاتی انتخابات کے حوالے سے منعقدہ اجلاس سے خطاب میں انہوں نے 23اکتوبر بروز اتوار کو شہر قائد میں دوسری مرحلے میں ہونے وا لے بلدیاتی انتخابات کے انعقاد سے قبل الیکشن کمیشن آف پاکستان سے مطالبہ کیا کہ ملیر یو سی3 جعفرطیار سوسائٹی کے حلقے میں شامل تمام پولنگ اسٹیشن کو حساس قرار دیا جائے۔بلدیاتی انتخابات سے قبل حلقے میں ہونے والے ضمنی انتخابی عمل میں بے ضابطگیاں الیکشن کمیشن کی غیر جانبداری پر ایک سوالیہ نشان ہے اس سے قبل صوبے میں بلدیاتی وضمنی انتخابات کے دوران ہونے والی بد نظمی، پر تشدد واقعات مختلف پولنگ اسٹیشنز پرٹھپہ مافیا کی یلغار کی پرانی روایات دہرائی گئیں ہیں۔

انہوں نے کہاکہ سندھ کی وڈیرہ شاہی انتخابات پر بری طرح مسلط ہے ملک میں شفاف الیکشن ایک خواب بنتا جارہا ہے حقیقی ووٹرز کیلئے دانستہ طور پر مشکلات کھڑی کر کے من پسند امیدوار کو کامیاب کرانے کی کوشش سے انتخابی عمل کو مشکوک بنا دیا جاتا ہے جس کے خاتمہ کیلئے الیکشن کمیشن آف پاکستان کو فوری اورسخت اقدامات اٹھانے ہوں گے۔

انہوں نے مطالبہ کیا کہ ملیر یو سی3 جعفرطیار فوج کی نگرانی میں  الیکشن کا انعقاد کروایا جائے الیکشن کمیشن بلدیاتی انتخابات سے قبل ان خامیوں کو درست کرے جو انتخابات کی شفافیت پر سوالیہ نشان ہے بصورت دیگر ان انتخابات کو الیکشن کمیشن و سندھ حکومت کی جانب سے جانبدارانہ سمجھا جائے گا۔اجلاس میں سید علی احمر زیدی نائب صدر ضلع ملیر شعیب رضا،قیصر عباس زیدی، امیدوار برائے یوسی چیئرمین سجاد اکبر،وائس چیئر مین عارف رضا، امیدوارجنرل کونسلر ممتار مہدی،عمران زیدی،سلمہ افتخار سمیت دیگر موجود تھے۔

وحدت نیوز(اسلام آباد) ملی یکجہتی کونسل کے زیر اہتمام مجلس وحدت مسلمین پاکستان کی میزبانی میں عشق پیغمبر اعظم ص مرکز وحدت مسلمین کانفرنس کا انعقاد پاک چائنہ فرینڈ شپ سنٹراسلام آباد میں ہوا کانفرنس میں شیعہ سنی وحدت کا عملی مظاہرہ تھا کانفرنس میں تمام مذہبی و سیاسی جماعتوں کے مرکزی قائدین اور علماءکرام ومشائخ عظام سمیت تمام شعبہ ہائے زندگی سے تعلق رکھنے والے شخصیات نے شرکت کی کانفرنس میں عوام کثیر تعداد میں شریک ہوئے۔

وحدت کانفرنس سے خطاب کرتے ہوئے چیئرمین مجلس وحدت مسلمین پاکستان علامہ راجہ ناصر عباس جعفری نے کہا کہ وحدت قرآنی اسٹریٹجی ہے وحدت کا مشن جہاد کبیر ہے اگر ہم اکھٹے ہو جائیں اور ایک وحدت کی لڑی میں پرو لیں تو ہم باقی ممالک کے لئے بھی نمونہ عمل بن جائیں وحدت اور نظم کی کا اندازہ آپ ایسٹ انڈیا کمپنی سے لگائیں کہ وہ ایک چھوٹی کمپنی تھی لیکن وحدت اور نظم کے ساتھ برصغیر پر قبضہ کیا ۔تاریخ گواہ ہے کہ خلافت عثمانیہ کا ٹوٹنا مسلمانوں کے اختلافات کا نتیجہ تھا ،دشمن ہمیں زندگی کے ہر شعبے میں کمزور کر رہا ہے امریکہ ہمارا دوست نہیں جس جس ملک کو ہمارے ایٹمی اثاثوں سے تکلیف ہے وہ ہمارا دوست نہیں جو ہم پر پاپندیاں لگا رہا ہے، امریکہ اسرائیل ہندوستان ہمارا دوست نہیں ہے اس ملک کا بچہ بچہ نعرہ لگا رہا ہے امریکہ کا جو یارہے غدار ہے غدار ہے۔

 انہو ں مزید کہا کہ اس وقت سیلاب سے ملک کے بشتر علاقے مصیبت سے دوچار ہیں سندھ کی صورتحال میں خود دیکھ کر آیا ہوں۔حکومت کہیں نظر نہیں آئی حکومت نے عوام کو سیلاب کی تباہ کارویوں کے درمیاں تنہا چھوڑ دیا ہے۔

وحدت نیوز(اسلام آباد)ملی یکجہتی کونسل کے زیر اہتمام مجلس وحدت مسلمین پاکستان کی میزبانی میں عشق پیغمبر اعظم ص مرکز وحدت مسلمین کانفرنس کا انعقاد پاک چائنہ فرینڈ شپ سنٹراسلام آباد میں ہوا کانفرنس میں شیعہ سنی وحدت کا عملی مظاہرہ تھا کانفرنس میں تمام مذہبی و سیاسی جماعتوں کے مرکزی قائدین اور علماءکرام ومشائخ عظام سمیت تمام شعبہ ہائے زندگی سے تعلق رکھنے والے شخصیات نے شرکت کی کانفرنس میں عوام کثیر تعداد میں شریک ہوئی۔

کانفرنس سے خطاب کرتے ہوئے نائب امیر جماعت اسلامی لیاقت بلوچ نے کہا ہے تمام مسلمانوں کے لئے کہ عشق پیغمبر اکرم وحدت مرکز ہے پیغمبر اکرم کی ذات سے عشق کا تقاضا ہے کہ ہم اسلام دشمن قوتوں کے اسیر نا ہوں عالم اسلام عالمی استکبار کی سازشوں کا شکار ہے کشمیر و فلسطین اپنے حقوق سے محروم ہے عشق پیغمبر اکرم کانفرنس کا پیغام وحدت امت ہے انہوں نے حال ہی میں پاس ہونے والے ٹرانس جنڈر بل پر گفتگو کرتے ہوئے کہا کہ ٹرانس جنڈر ایکٹ کے زریعے مغربی ثقافت کا مسلط کرنا منظور نہیں ہے۔

سابق وفاقی وزیر مذہبی امور پیر نور الحق قادری نے کانفرنس سے خطا ب کرتے ہوئے کہا کہ ایم ڈبلیو ایم اور ملی یک جہتی کونسل کو تمام مکاتب فکر کو ایک چھت کے نیچے اکٹھے کرنے پر مبارکباد دیتا ہوں ہمارا قرآن ایک ہے، ہمارا نبی ایک ہے آپ سب علما کا فرض ہے کہ گھر گھر وحدت و یگانگت کا پیغام پہنچائیںاس وقت ملک کو بےشمار چینلجز کا سامنا ہے بنی گالا کا درویش اینٹ کا جواب پتھر سے دیتا ہے ایک مولانا کنونشن سنٹر میں کھڑے ہو کر امریکہ سے کہتا ہے مجھے موقع دو۔

کانفرنس سے خطاب کرتے ہوئےسربراہ سنی اتحاد کونسل صاحبزادہ حامد رضا نے کہا کہ پاکستان میں کئی مسالک موجود ہیں اور ہمیں ایک دوسرے کو احترام کے ساتھ قبول کرنا چاہیے علمی، فقہی اختلاف موجود ہے لیکن ان کو خواص تک ہی رہنے دیں، عوام تک لے کر جائیں گے تو مسائل بڑھیں گے تحریک طالبان کے ساتھ مذاکرات کی نہ حمایت کی تھی اور نہ کریں گے قاتل اور بھیڑیے دوبارہ سامنے آ چکے ہیں لیکن شکست ان کا مقدر ٹھہرے گی انہوں نے مذید کہا کہ کوئی حکمران کشمیر اور فلسطین کی آزادی کے لئے کردار ادا نہیں کر رہا جوبائڈن کے پاکستان کو غیرذمہ دارا ایٹمی ملک کہنا اگر درست ہوتا تو آج نہ بھارت موجود ہوتا اور نہ اسرائیل موجود ہوتا، کشمیر اور فلسطین آزاد ہو چکے ہوتے حکمران اسرائیل کو تسلیم کرنے کی بات کر کے ہمارے زخموں پر نمک نہ چھڑکیں۔

جمعیت علمائے اسلام شیرانی گروپ کے رہنما سینٹر گل نصیب خان نے کانفرنس سے خطاب کرتے ہوئے کہاکہ امت کے اتحاد کے لئے اچھی تقاریر سے مسئلہ حل نہیں گا آج کے اجتماع میں موجود افراد نے عملی طور پر اتحاد وحدت کا مظاہرہ کیا ہے ہمیں اگر امن سے رہنا ہے تو ایک دوسرے مسالک کے جذبات اور عقائد کا احترام کریں اللہ رسول قرآن ایک ہے حلال حرام کا تصور ایک تو پھر ہم کس بات پر منتشر ہیں۔

وائس چیئرمین مجلس وحدت مسلمین علامہ سید احمد اقبال رضوی نے کانفرنس سے خطاب کرتے ہوئے کہا کہ دشمن کا ڈٹ کر مقابلہ کرنا چاہیے لیکن افسوس کے ساتھ ہمارے حکمران امریکا کے ساتھ تعلقات کے خواہاں ہیں پاکستان کی سرزمین پر جو بائیڈن نے جو الزام لگایا، وہ انتہائی افسوس ناک ہے اگر ہمارے حکمران کمزور نہ ہوتے تو جوبائنڈن کی یہ جرات نہ ہوتی پاکستان کے تمام شیعہ سنی مسلمان ایک تھے اور ایک ہیں۔

ملی یکجہتی کونسل کے سیکرٹری جنرل ثاقب اکبر نے خطاب کرتے ہوئے کہا کہ ہمیں یہاں آج محبت رسول اکرم نے اکھٹا کیا آج یہاں تمام اسلامی مکاتب کی نمائندگی موجود ہے عدل و انصاف کی حکومت کے قیام کے لئے سب سے پہلے مسلمانوں کے درمیان وحدت ضروری ہے۔

جماعت اہل حرم کے سربراہ مفتی گلزار نعیمی نے کانفرنس سے خطاب کرتے ہوئے کہا کہ اللہ کے نبی نے ایسی تعلیمات دی ہیں جن سے ہم نے غلط اور صیح کی پہچان کرنی ہے آپ صلی اللّٰہ علیہ وسلم نے ہمیں انسانیت سکھائی رسول اللہ کا حکم ہے کہ ہم نے کسی طاغوت کے سامنے نہیں جھکنا انسانیت کو اگر خطرہ ہے تو وہ امریکہ سے ہے امریکہ دوسری جنگ عظیم میں ایٹم بم کا استعمال کر چکا ہے امریکہ سب سے بڑا شیطا ن ہے ۔

کانفرنس سے خطاب کرتے ہوئے قاضی محمد شفیق پاکسان عوامی تحریک کے رہنما نے کہا کہ مجلس وحدت مسلمین کا طرہ امتیاز رہا ہے کہ ہر اہم موقع پر مختلف مکاتب فکر کے علما کو اکھٹا کرتے ہیں ڈاکٹر طاہر القادری پوری دنیا میں امت مسلمہ کے اتحاد و وحدت کے لئے کوشاں رہے ہیں ہمیں وحدت کے ساتھ آگے بڑھنا ہے اور متشدد گروہ کی سوچ کی نفی کرنی ہے۔

ممبر اسلامی نظریاتی کونسل نسیم علی شاہ نے کانفرنس سے خطاب کرتے ہوئے کہا کہ رسول خدا کا اسوہ پوری انسانیت کے لئے نمونہ عمل ہے ہمیں دشمن فرقہ واریت میں۔الجھانا چاہتا ہے ہمیں تفرقوں کو مٹانا ہے اور تمام مسالک کو قریب لانا ہے۔

 متحدہ جمعیت اہلحدیث کے رہنما ڈاکٹر عبدالمالک مجاہدنے کانفرنس سے خطا ب کرتے ہوئے کہا کہ آج وحدت امت کی پہلے سے زیادہ ضرورت ہے آج امت ٹکڑوں میں بٹ چکی ہے اور ہر جگہ مار کھا رہی ہے ہمیں اسلام کے مشترکات کو فروغ دینا ہو گا۔

کانفرنس نے مرکزی جنرل سیکرٹری مجلس وحدت مسلمین سید ناصر عباس شیرازی، جناب پیر صفدر گیلانی، سجادہ نشین دبارہ خواجہ فرید خواجہ معین الدین محبوب کوریجہ ،عبدالغفار روپڑی۔ صدر جمعیت اہلحدیث پاکستان مولانا شجاع الملک۔ رہنما جے یو آئی شیرانی ، عبداللہ حمید گل ،جناب عبدالرشید ترابی ، علامہ حسنین گردیزی ، ملک اقرار حسین رہنما ایم ڈبلیوایم اورقاری حسیب احمد نظیری و دیگر شخصیات نے بھی خطاب کیا ۔

وحدت نیوز(اسلام آباد) ملی یکجہتی کونسل پاکستان کی جانب سے مجلس وحدت مسلمین پاکستان کے زیر اہتمام اسلام آباد میں منعقدہ عشق پیغمبر اعظم مرکز وحدت مسلمین کانفرنس میں شریک تمام مکاتب فکر کے قائدین و علمائے کرام نے متفقہ اعلامیہ جاری کیا ۔

اعلامیہ میں کہا گیا کہ عشق پیغمبر اعظم حضر ت محمد مصطفیٰ خاتم النبین صلی اللہ علیہ و ا ٓلہ وسلم امت مسلمہ میں اللہ کی رسی کی مانند مرکزیت رکھتا ہے اور اس کو مضبوطی سے تھامے رکھنا ہی امت اسللامیہ کی کشتی کی نجات کا ضامن ہے۔عالم کو رسول اکرم کی مقدس ہستی کو نشانہ بنانا دراصل اِسی مرکزیت کو توڑنے کی سازش ہے لیکن انشاءاللہ اس اساس اور بنیاد پر مسلمین کی وحدت عالمی استعمار کے تمام خوابوں کو چکنا چور کر دے گی اور اغیار کے تقسیم کے ایجنڈے کو ناکام بنائے گی۔ عظیم الشان عشق پیغمبر اعظم کا نفرنس ہادی برحق کے لائے ہوئے نظام کوہی انسانیت اور اقوام کی بقاءکےلئے لازم اور ضروری سمجھتی ہے اور وطن عزیز پاکستان میں اسلام کے مقابل کسی بھی قانون کو رد کرتے ہوئے سودی نظام ، کرپشن ، محروم طبقات کی جفا تلفی کو مسترد کرکے ہر ریاست کو عام آدمی کی فلاح بہبود کےلئے کام کرنے کی طرف متوجہ کرتی ہے۔ کشمیر اور فلسطین پر تاریخی نظریاتی موقف سے انحراف در حقیقت پاکستان کی نظریاتی و جغرافیائی سرحدوں سے خیانت ہے۔ فلسطین کی آزادی اور کشمیریوں کی حق خود ارادیت کی مسلسل حمایت جاری رکھیں گے۔ اور وطن عزیز کے اسلامی ممالک کو ملے والے تمام بارڈز کو پرامن بناکر مظبوط و مستحکم افغانستان اور ایران کے حامی ہیں تا کہ پاکستان کے امن کی ضمانت دی جا سکے۔اس امر کی بنیاد پر افغانستان سے امریکی انخلاکو کامیابی قرار دیتے ہیں اور ایران ، پاکستان ، افغانستان کے خلاف امریکی پابندیوں کو مسترد کرتے ہیں۔

 آج کی یہ کانفرنس دہشت گردی کے خلاف NACTAکے قوانین پر اس کی روح کے مطابق عمل کرنے کی تلقین کرنے ہوئے دہشت گردوں کے خلاف Zero Tolerince پالیسی پر یقین رکھتی ہے۔ اور وطن عزیزکے خلاف اعلان جنگ کرنے والے دہشت گردوں سے مذاکرات کو رد کرتے ہوئے سوات کے عوام کی بیداری کی بھر حمایت کرتے ہین وطن عزیز میں بیرونی ایجنڈا اور دباؤ کے تحت مختلف ادوار میں متعارف کرائے گئےغیر اسلامی قوانین مثلاً گھریلو تشددبل ، ٹرانسنجنڈر ایکٹ ،وقف املاک وغیرہ میں شامل غیر اسلامی دفعات کو وفاقی شرعی عدالت کے فیصلوں کے روشنی میں ناقابل قبول قرار دیتے ہوئے فوری اصلاحات کی جائیں تاکہ اسلامی فلاحی معاشرہ کی تکمیل کے ہدف کی طرف بڑھا جاسکے۔کانفرنس نے امریکی صدر کا پاکستان کے ایٹمی پروگرام کے خلاف ہرزہ سرائی کو مسترد کرتے ہوئے پاکستان کے پرامن ایٹمی پروگرام کا ہر قیمت پر دفاع کرنے کا عہد کیا اور اس امر پر زور دیا کہ امریکہ عالمی جوہری مجرم ہے نا کہ پاکستان ۔

کانفرنس کا اعلامیہ اس تجدید عہد کو بھی سموئے ہوئے ہے کہ ملی یکجہتی کونسل وحدت اسلامی کے اس سفر کو دوام رہنے کےلئے تمام اسلامی مکاتب فکر کو ساتھ ملا کر امت واحدہ کی تشکیل کےلئے اپنی کوشش جاری رکھے گی اور ہر عالمی و علاقائی سازش اور فرقہ واریت کے آسیب کو کبھی پنپنے نہیں دے گی اللہ کریم کی رضا کےلئے کی جانے والی اس خالصانہ کوشش کو اپنی بارگاہ میں قبول و منظور فرمائے ۔آمین۔

وحدت نیوز(کراچی)  مجلس وحدت مسلمین شعبہ خواتین کی مرکزی صدر سیدہ معصومہ نقوی اور مولانا حسن مھدی کاظمی صاحب کی زیر سرپرستی کراچی کی تمام سابقہ عہدیداران کے ساتھ پہلی تربیتی نشست کا انعقاد ہوا ۔

محترمہ معصومہ نقوی اور مولانا حسن مھدی کاظمی نے خواہران سے خطاب کیا ۔اس موقع پر خواہران کا کہنا تھا کہ ہمارے اندر تزکیہ نفس کا فقدان ہے بہترین کردار سازی کے لیے ایسی ورکشاپس بہت موثر ثابت ہونگی۔ دوسری تربیتی ورکشاپ ان شاء اللہ دو ماہ بعد ہوگی۔