The Latest

وحدت نیوز(لاہور)امامیہ اسٹوڈنٹس آرگنائزیشن پاکستان کی گولڈن جبلی کے موقع پر تمام پیروان ولایت و امامت کو مبارکباد پیش کرتے ہوے دختر شہید ڈاکٹر محمد علی نقوی، مرکزی صدر مجلس وحدت مسلمین شعبہ خواتین و رکن پنجاب اسمبلی محترمہ سیدہ زہرا نقوی نے اپنے ایک پیغام میں کہا کہ امامیہ طلباء و طالبات کے کاروان الہی نے پچاس سالہ حماسی ، روحانی اور تربیتی سفر میں جو کارہائے نمایاں انجام دیے ہیں اور ملک و ملت کی ہر مذہبی و قومی ایشو پر جو خدمت کی ہے اسے کوئی بھی نظر انداز نہیں کر سکتا ، شہداء کے لہو سے سینچے گئے اس پاکیزہ شجر نے ہر دور میں افراد کی روحانی و اخلاقی تربیت کی انہیں جدوجہد اور مزاحمت کا راستہ دکھایا۔

 انہوں نے کہا آئی ایس او ایک ایسا پلیٹ فارم ہے کہ جب کبھی ملت پر کوئی مشکل وقت آیا ھے تو اس تنظیم کے جوان ملت کی امید بن کر میدان میں اترتے ہیں اپنے پچاس سالہ دور میں شاندار کامیابیاں سمیٹنے والی اس تنظیم نے بے شمار مشکلات اور نا مساعد حالات کا سامنا کیا ، کئیں طوفان اور تلاطم آئے اور چلے گئے لیکن  امامیہ طلباء و طالبات کے حوصلے پست نہ ہوئے اور انہوں نے ہر قسم کے حالات اور مشکلات کا ڈٹ کر سامنا کیا۔

 انہوں نے کہا کہ اس تنظیم کے تربیت یافتہ جوان عالمی حالات و واقعات ، سیاست اور دشمن کی سازشوں کو سب سے بہتر انداز میں سمجھتے ہیں یہی وجہ ہے کہ ہر زمانے میں اس پلیٹ فارم سے امت مسلمہ کے مسائل چاہے وہ فلسطین و کشمیر ہو یا یمن و بحرین میں مسلمانوں پر ڈھائے جانے والے مظالم کی داستان آئی ایس او نے سب سے آگے بڑھتے ہوئے استعماری طاقتوں کے مظالم اور تجاوز کے خلاف آواز بلند کی اور فکر امام خمینی کا عکس ثابت ہوئے۔

ان کا مزید کہنا تھا کہ امامیہ اسٹوڈنٹس آرگنائزیشن شہیدوں کی یادگار ہے اور قوم کی امید ہے کہ یہ نوجوان طلباء و طالبات تقوی ، تربیت نفس ، عمدہ اخلاق اور علم و عمل کیساتھ اس کاروان کو آگے لے کر چلیں گے قوم میں وحدت اور یکجہتی قائم کرنے کے لیے ہمیشہ کی طرح ایک مثبت کردار ادا کریں گے دعا ہے اور یقین ہے کہ امامیہ اسٹوڈنٹس آرگنائزیشن پاکستان اپنے دستور پر عمل پیرا ہوتے ہوئے، جہد مسلسل اور عزم و ہمت کے اس سفر میں کاروان امام مھدی عج سے منسلک ہوگئی۔ ان شاء اللہ

وحدت نیوز(قم)سرزمین قم المقدس میں ایم ڈبلیو ایم شعبہ خواتین لاہور کی جانب سے زائرین کے لیے تربیتی ورکشاپ کا انعقاد ،سیکرٹری جنرل مجلس وحدت مسلمین شعبہ خواتین لاہور محترمہ حنا تقوی کی سربراہی میں زائرین خواتین کا قافلہ شہر قم المقدس پہنچا جہاں محترمہ حنا تقوی کی جانب سے ان کے لیے ورکشاپ کا انعقاد کیا گیا جس میں محترمہ لبنی زیدی نے خصوصی شرکت کی ورکشاپ سے جناب مولانا سید حسین زیدی صاحب نے ھدف زیارت اور زائر کے عنوان پر خطاب کرتے ہوئے کہا کہ زائرین کو ان مقامات مقدسہ میں اپنے وقت کے امام کو یاد رکھنا اور ان سے قربت حاصل کرنے کی کوشش کرنی چایئے ہمارا یہاں آنے کا مقصد معرفت محمد و آل محمد اور ظہور امام زمان کے لیے آمادگی ہونا چاہئے۔

 ان کا مزید کہنا تھا ‎ہر چیز کا ایک ہدف ہوتا ہے جب کوئی انسان سونے سے پہلے اپنے تمام کام سوچتا ہے کے صُبح میں نے اپنے کون سے کام سر انجام دینے ہیں یعنی کے اس نے اپنا ایک ہدف بنا لیا کے یہ میں نے کرنا تو وہ اس کام کو سر انجام دیتا ہے۔ اسی طرح ہمیں زیارات پہ جانے سے پہلے اپنے آپ سے وعدہ کر کے نکلنا چاہیے کے ہم زیارات پہ جا رہے ہیں اور ہمارا ھدف معرفت امام زمان عج ہوگا اور ہماری دعاوں کو مرکز و محور ظہور امام زمان عج ہوگا۔

وحدت نیوز(لاہور) مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے کہا ہے کہ معاشرے میں امن اور ہم آہنگی پیدا کرنے کیلئے علما، اساتذہ اور والدین اپنا اپنا کردار ادا کریں۔ علماء کرام اپنی دینی اور سماجی مقام کو استعمال کرتے ہوئے عوام کو امن پسندی اور ہم آہنگی کی ترویج کریں اساتذہ اپنے مقدس پیشے کے ذریعے ملک کے معماروں کے مستقبل کی آبیاری کریں۔ اپنے ایک بیان میں انہوں نے کہا کہ میں اساتذہ سے درخواست کروں گی کہ وہ طلبہ اور طالبات سے امن پسندی اور ہم آہنگی کے موضوعات پر کلاس روم میں گفتگو کرتے رہیں۔

سیدہ زہرا نقوی کا مزید کہنا تھا کہ والدین اپنے بچوں کی تربیت اس انداز میں کریں کہ بچوں میں نفرت، تشدد اور منفی رویوں کا رجحان نہ ہو۔ انہوں نے کہا کہ ہم سب کو مل کر پاکستان کا مستقبل روشن اور پرامن بنا سکتے ہیں، معاشرے کے ہر فرد کو چاہیے کہ وہ نا آگہانی صورتحال میں اپنے آپ کو مربوط رکھیں اور پُرامن طریقے اور افہام و تفہیم سے متنازعہ صورتحال کو حل کریں۔

وحدت نیوز (لاہور) حالیہ دہشت گردی کے واقعات پر معصوم جانوں کے ضیاع پر اظہار افسوس کرتے ہوئےمرکزی صدر مجلس وحدت مسلمین شعبہ خواتین و رکن پنجاب اسمبلی محترمہ سیدہ زہرا نقوی نے اپنے ایک پیغام میں کہا کہ وطن عزیز سنگین ترین دور سے گزرا رہا ہے ایک ماہ میں دہشت گردی کے تین واقعات سے معلوم ہوتا ہے کہ ملک دشمن عناصر منظم انداز میں دہشت گردی کے ذریعے ملک کو کمزور کرنا چاہ رہے ہیں۔

انہوں نے کہا کسی بھی ملک کے عوام کی جان و مال کی حفاظت ریاستی اداروں کی اولین ذمہ داری ہے ان واقعات کے خاتمے کے لیے دہشت گردوں سے آہنی ہاتھوں سے نمٹنا ضروری ہے ملک پاکستان کو اس وقت بے شمار سنگین مسائل اور دشوار ترین حالات کا سامنا ہے ایسے میں دہشت گردی کے پے در پے واقعات نہایت تشویشناک ہیں ۔

انہوں نے مذید کہا کہ پاکستان کی سالمیت و بقا اور عوام کی حفاظت کے لیے ریاست کو سنجیدگی سے ان دہشت گردانہ واقعات کی روک تھام کے لیے سخت اقدامات اٹھانے ہونگے اور قاتلوں کو انصاف کے کٹہرے میں پیش کرنا ہوگا۔

سیدہ زہرا نقوی نے میرانشاہ میں خودکش حملے کے نتیجے میں تین سیکورٹی اہلکار اور بچوں کی ہلاکت کی شدید الفاظ میں مذمت کرتے ہوئے کہا ہے کہ ملک میں جاری دہشت گردی کی نئی لہر پر توجہ دینے کی ضرورت ہے اور اس کے اسباب کو جاننے کی ضرورت ہے ہماری بہادر فوج نے ہمیشہ کی طرح اپنی جانوں کی پرواہ نہ کرتے ہوئے عام لوگوں کے تحفظ کو یقینی بنانے کے لیے کام کیا ہے۔

انہوں نے مزید کہا کہ دہشت گردی کی لہر نے ایک بار پھر وطن عزیز کو اپنی لپیٹ میں لے لیا ہے ۔ کئی سال قبل دہشت گردی کے خلاف شروع ہونیوالے ملک گیر اور غیر معمولی آپریشن کے بعد بھی دہشت گردوں کا مکمل صفایا نہیں ہو سکا ہے اور وہ آج بھی اپنی مذموم کارروائیاں کر رہے ہیں ۔ اس صورتحال کا ازسر نو جائزہ لینے اور نئی حکمت عملی وضع کرنے کی ضرورت ہے ۔

وحدت نیوز(لاہور) آٹھ شوال یوم انہدام جنت البقیع کے موقع پر مجلس وحدت مسلمین شعبہ خواتین لاہور کی جانب سے کاسمو کلب باغ جناح میں یوتھ کانفرنس کا انعقاد کیا گیا۔ کانفرنسن کی صدارت سیکرٹری جنرل ایم ڈبلیو ایم شعبہ خواتین لاہور حنا تقوی نے کی۔ کانفرنس میں ضلعی کابینہ اراکین عظمی نقوی، نجبہ علوی، معصومہ محقق، عالیہ رضوی، عندلیب زہرا، رضوانہ، عندلیب آغا سمیت خواتین بالخصوص بچیوں نے بھرپور تعداد میں شرکت کی۔ کانفرنس کے خطاب میں حنا تقوی نے کہا کہ دختر رسول خدا صلی اللہ علیہ و آلہ وسلم، آئمہ اہلبیت، ازواج و اصحاب رسول (ص) کے مزارات کو مسمار کرنا آل سعود کا گھناونا اور ناقابل معافی جرم ہے۔

انہوں نے کہاکہ جنت البقیع کو منہدم کرنے والے شیطان صفت لوگوں نے اس قبیح فعل سے دین اسلام کو زک پہنچائی ہے۔ انہوں نے کہا آل سعود کے اس قبیح فعل کی پیروی کرتے ہوئے داعش نے انبیاء و اولیاء کے مزارات کی بے حرمتی کی، یہ آل سعود کے غلط افکار اور خرافاتی دین کا نتیجہ ہے، کہ ملعون رشدی جیسے شاتم رسول پیدا ہوئے، جنہوں نے رسالت مآب (ص) کی شان میں گستاخانہ خاکے بنائے، خدا کی لعنت ہو ایسے گروہ پر جو دین اسلام کیلئے ننگ و عار کا باعث ہے۔ انہوں نے کہا کہ سرزمین مقدس کو فحاشی و عریانی کا مرکز بنایا جا رہا ہے، آل سعود امریکہ و اسرائیل کی ایماء پر مکہ و مدینہ جیسے مقدس مقامات کی توہین کر رہی ہے۔

انہوں نے کہا کہ یہودیوں کے اشتراک کیساتھ مسلمان ممالک میں خون کی ندیاں بہہ رہی ہیں، سرزمین حجاز میں غیرمسلموں کے آثار تو محفوظ ہیں، لیکن مسلمانوں کی مقدس ہستیوں کی قبور کے آثار مٹا دیئے گئے اور دنیا بھر کے مسلمانوں کی پیٹھ پر خنجر گھونپا گیا۔ یوتھ کانفرنس کے اختتام پر تمام شرکاء نے لارنس روڈ پر پلے کارڈز اٹھا کر آل سعود مردہ باد کے نعرے بلند کرتے ہوئے شدید احتجاج کیا۔ شرکاء نے مطالبہ کیا کہ جنت البقیع کی فوری طور پر دوبارہ تعمیر شروع کی جائے اور شعائر اسلام کی حفاظت کی جائے۔

وحدت نیوز (لاہور) عید الفطر کے موقع پر مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی محترمہ سیدہ زہرا نقوی نے اپنے پیغام میں تمام اہل اسلام کو مبارکباد دیتے ہوئے کہا کہ ماہ مبارک رمضان میں ایک مہینے کی اطاعت، تزکیہ نفس کے مظاہرے کے بعد روح میں طہارت و  پاکیزگی لوٹ آتی ہے اور وہ آلودگیاں اور کثافتین جو انسان کے اندر گھر کرلیتی ہیں ختم ہوجاتی ہیں  ۔

انہوں نے کہا کہ عید الفطر رمضان المبارک کی نعمتوں کا شکرانہ اور اللہ کی جانب سے انعام و اکرام کا دن ہے بلاشبہ حقیقی عید اسی کی ہے کہ جو ماہ رمضان کے حقیقی فلسفے کے مطابق اس کی رحمتوں سے بہرہ مند ہوا اور خدا کی بیش بہا رحمتوں کے خزانے سے اپنا دامن بھر لیا اب انسان اس قابل ہو چکا ہے اور اپنے نفس کو گناہوں کی آلودگیوں سے بچا سکے اور وہ امام علی علیہ سلام کے فرمان کے مطابق ہرروز کو روز عید بنا سکتا ہے۔

 انہوں نے مزید کہاکہ عیدالفطر کی خوشیوں میں جہاں عزیز و اقارب اور دوست و احباب کو شریک کریں وہاں معاشرے کے ان طبقات کا خیال رکھنا بھی ہمارا فرض ہے جو استطاعت نہیں رکھتے، عید کے دن خدا کے حضور شکرانہ ادا کیا جائے اور اپنی دعاؤ ں میں مظلومین کشمیر و فلسطین کے حق میں بھی دعا کی جائے۔

وحدت نیوز(گلگت)آج امن عالم کے علمبرداروں کو یوکرائن میں قتل ہونے والوں کا بہت درد ہے اور آے دن کسی نہ کسی طرف سے آواز اٹھ رہی ہے مگر ان آدم خور امن کے علمبرداروں کو نہ فلسطین نظر آتا ہے نہ یمن نہ عراق نہ افغانستان مرکزی سیکریٹری یوتھ مجلس وحدت مسلمین شعبہ خواتین محترمہ سائرہ ابراہیم نے یوم القدس کے حوالے سے جاری بیاں میں کہا کے قدس صرف اسلام کا نہیں انسانیت کا مسئلہ بھی ہے۔

انہوں نے کہا کہ آج جو کچھ اسرائیل فلسطین کے مظلوموں کے ساتھ کررہا ہے وہ صرف اسلام دشمنی نہیں بلکہ انسانیت دشمنی بھی ہے اسلیے کہ جو بربریت وہ انجام دے رہا ہے وہ انسانیت کے خلاف ہے بلکہ جانوروں سے بد تر سلوک کررہے ہیں یہ ظالم اسرائیلی جہاں نہ بچوں پر رحم کھایا جاتا ہے نہ عورتوں اور بوڑھوں پر آج امن عالم کے علمبرداروں کو یوکرائن میں قتل ہونے والے انسان نظر آتے ہیں اور آے دن کسی نہ کسی طرف سے آواز اٹھ رہی ہے مگر ان امن کے علمبرداروں کو نہ فلسطین نظر آتا ہے نہ یمن نہ عراق نہ افغانستان۔

انہوں نے کہا کہ یہ اسرائیلی اور اس کے تعلق دار کسی بھی مسلک سے تعلق رکھنے والے ہوں سب ظالم ہیں اور ہم ان کے مقابلے میں مظلوموں کی حمایت اعلان کرتے ہوئے ہیں اور یہ حمایت اسلیے نہیں کہ یہ مسلمان ہیں بلکہ اسلیے کہ یہ انسان ہیں اور کسی بھی مکتب فکر میں انسانیت پر ظلم کرنے کی اجازت نہیں دی گئی ہے بلکہ جانوروں کے ساتھ بھی وہ سلوک نہیں کیا جاتا جو اسرائیلی درندے انجام دے رہے ہیں۔

انہوں نے کہا کے امریکہ کو دوسرے ممالک میں مداخلت اور اپنی حکمرانی کا جنوں ہے لیکن وہ یاد رکھے کے ہمارے وطن عزیز کے اندرونی معاملات میں مداخلت امریکہ کو بہت مانگا پڑے گا انہوں نے کہا کے ہم شضیت پرست نہی ہیں لیکن جو امریکہ کا مخلاف ہو گا ہم اس کے ساتھ کھڑے ہیں اور وطن عزیز کے لئے کسی بھی قربانی سے گریز نہی کریں گے انہوں نے کہا کے امریکی مداخلت پر ہماری خاموشی وطن عزیز کے لئے سنگین خطرات کا باعث ثابت ہو سکتی ہے۔

وحدت نیوز(اسلام آباد) مجلس وحدت مسلمین شعبہ خواتین کی مرکزی سیکرٹری سیاسیات محترمہ سیدہ نرگس سجاد کا یوم القدس کی مناسبت سے پیغام میں کہنا تھا کہ مسئلہ فلسطین امت مسلمہ کے اساسی اور بنیادی مسائل میں سے ایک ہے جس نے کئی عشروں سے امت مسلمہ کو بے چین کررکھا ہے - ارض فلسطین جسے انبیاکی سرزمین کہا جاتا ہے اور بیت المقدس جو مسلمانوں کا قبلہ اوّل ہے اس وقت سے غاصب صہیونی ریاست کے قبضے میں ہے رہبر کبیر بت شکن زمان سید روح اللہ موسوی الخمینی کی بصیرت کو لاکھوں سلام کے جنہوں نے ماہ مبارکہ رمضان کے الوداعی جمعے کو عالمی یوم القدس سے منسوب کیا جسکی بدولت آج پوری دنیا صیہونیوں کے بچھائے ہوے سازشی جال سے بخوبی واقف ہے۔

 انہوں نے کہا یوم القدس پوری دنیا میں بھرپور انداز میں منایا جاتا ھے دنیا بھر میں لاکھوں افراد نہ صرف فلسطینی عوام سے اظہار یکجہتی اور بیت المقدس سے اپنی وابستگی کا اظہار کرتے ہیں بلکہ دنیا میں جہاں کہیں بھی عالمی استعماری طاقتیں اپنی طاقت کے بل بوتے پر ظلم ڈھا رہی ہیں خواہ فلسطین و لبنان و شام پر صہیونی قبضے کی شکل میں ہو یا کشمیر اور برما میں مسلمانوں پر ظلم و ستم کی صورت میں ظلم یمن کے نہتے عرب مسلمانوں پر بمباری و دہشت گردی کرکے کیا جائے یا لیبیا اور شام میں مسلمانوں کو خانہ جنگی میں مبتلا کرکے کیا جائے یوم القدس ان سارے مسلمانوں سے اظہار یکجہتی کا دن ہے۔

 انہوں نے مزید کہا کہ یہ دن ا ہمت کا دن ہے اور مستضعفین و مظلومین کی فتح کی نوید کا دن ہے لھذا یوم القدس پر بلا تفریق مسلک و مکتب تمام امت مسلمہ گھروں سے باہر نکلے اور قبلہ اول کی آزادی ، فلسطینیوں کی بقا اور صیہونیوں کی سازشوں کو ناکام بنانے میں اپنا کردار پیش کریں۔

وحدت نیوز(لاہور) شاعر مشرق علامہ اقبال کے اشعار کے تناظر میں فلسطینی قوم حریت پسند اور مجاہدانہ فکر و عمل کی حامل قوم ھے فلسطینی عوام ایک طویل عرصہ سے  غاصب صیہونی طاقتوں کے مقابلے میں اپنی سرزمین کا دفاع کر رہے ہیں ۔ان خیالات کا اظہار مرکزی سیکرٹری جنرل ایم ڈبلیو ایم شعبہ خواتین و رکن پنجاب اسمبلی محترمہ سیدہ زہرا نقوی نے فلسطین فاونڈیشن پاکستان لاہور چیپٹر کے زیر اہتمام منعقدہ القدس مرکز و محور کانفرنس سے کیا۔

 انہوں نے کہا کہ ہمارے فلسطینی بہن بھائی یقین کی منزل پر فائز ہیں جن کی فکر آزاد ہے جو ہمیشہ سے سرزمین مقدس کی خاطر جدوجہد کرتے دکھائی دیتے ہیں جنہوں نے باطل کے سامنے کبھی گھٹنے نہیں ٹیکے، انہوں نے کہا کہ پاکستان ایک ایٹمی طاقت ہونے کے باوجود بے شمار مسائل کا شکار ہے جن میں ایک مسئلہ ملکی خودمختاری کا بھی شامل ہے جب ہم اپنے مسائل میں گھرے رہیں گے تو فلسطین یا کشمیر کے مسئلے پر ایک توانا آواز کیسے اٹھا سکیں گے۔

 انہوں نے کہا آج ضرورت اس امر کی ہے کہ ہم اپنے مفادات اور پارٹیز سے بالاتر ہو کر غلامانہ طرز فکر سے رہائی حاصل کریں ملکی خومختاری اور سالمیت پر کسی طور سمجھوتہ نہ کریں اور وہ فکر اپنائیں جو علامہ اقبال نے اپنی شاعری کے ذریعے ہم تک پہنچائ مسئلہ فلسطین اور قبلہ اول کے تحفظ کے لیے امت مسلمہ اقبال کی خواب کی تعبیر بنتے ہوے ایک طاقت بن کر ابھرے قبلہ اول دنیا بھر کے مسلمانوں کا دوسرا حرم ہے لہذا جمعتہ الوداع یوم القدس پر تمام لوگ گھروں سے نکلیں اور قبلہ اول کی آزادی ، مظلومین فلسطین کے ساتھ اظہار یکجہتی اور غاصب صیہونی فورسز امریکہ و اسرائیل سے اظہار بیزاری کریں۔

 کانفرنس سے نائب سربراہ مجلس وحدت مسلمین علامہ احمد اقبال رضوی، پاکستان مسلم لیگ نواز سے اراکین پنجاب اسمبلی حنا پرویز بٹ، آغا علی حیدر ،جماعت اسلامی کے نائب امیر لیاقت بلوچ ،  بیرسٹر عامر رہنما پیپلز پارٹی ،فلسطین فاؤنڈیشن پاکستان کے سیکرٹری جنرل ڈاکٹر صابر ابو مریم ,سربراہ منہاج القرآن ڈاکٹر محمد حسین آزاد، ملی یکجہتی کونسل کے جاوید قصوری سمیت صحافی مرتضیٰ ڈار ،مفتی جاوید نوری عظیم بھٹ ،سید شہزاد روشن گیلانی اور پاکستان میں مقیم فلسطینی طلباء نے خطاب کیا۔

وحدت نیوز(اسلام آباد) ایم ڈبلیو ایم شعبہ خواتین کے المجلس علمی و تربیتی گروپ کے دوسرے سالانہ تربیتی کورس کا اختتام ، نتائج کا اعلان کر دیا گیا ۔  المجلس  علمی و تربیتی گروپ کے تربیتی کورس کے دوسرے سال کے اختتام پر پندرہ رمضان المبارک ولادت امام حسن مجتبی علیہ سلام کے دن پہلی پانچ پوزیشن حاصل کرنے والی ممبران کے نام اعلان المجلس علمی و تربیتی گروپ کی مسئول اور مرکزی سیکرٹری تنظیم سازی ایم ڈبلیو ایم شعبہ خواتین محترمہ معصومہ نقوی نے کیا ۔

گذشتہ سال ماہ شوال سے شروع کیا گیا ماہانہ تربیتی ورکشاپ کا  یہ سلسلہ ماہ شعبان المعظم میں اختتام پذیر ہوا  جس کے مطابق پورے سال میں نو ورکشاپس کا انعقاد ہوا ہر ورکشاپ تین یا چار موضوعات پر مشتمل تھی اساتذہ کرام نے تفسیر قران ، تاریخ اسلام ، قصص القران ،اور احکام دین کے موضوعات پر مفید دروس دیے ۔

رواں سال اچھی کارکردگی دکھانے والی مومنات کے لیے مرکزی سیکرٹری جنرل ایم ڈبلیو ایم شعبہ خواتین محترمہ سیدہ زھرا نقوی کی خصوصی ھدایت پر اسناد ،کتب و نقدی کا اہتمام کیا گیا جو کہ کچھ دنوں تک خواھران تک پھنچادی جایئں گیں ۔مومنات کا استقبال اور جوش و جذبہ دیکھتے ھوے اس سال بھی انشاءاللہ دروس کے سلسلے کو کورس کی شکل میں جاری رکھیں گے۔

 گروپ کی مسئول خانم سیدہ معصومہ نقوی کا کھنا تھا کہ اس پر مسرت موقع پر میں تمام پوزیشن حاصل کرنے والی خواھران کو تھہ دل سے مبارکباد دیتی ھوں نیز اپنی گروپ ایڈمنز خواہر سیدہ عرفہ عباس اور خواہر سیدہ زینب بنت الھدی کی شکرگزار ھوں جو اس دوران بھرپور معاونت سر انجام دیتی ہیں اللہ تعالی ہمیں علم و آگہی کے میدان میں بڑھ چڑھ کر کام کرنے کی توفیق عطا فرماے۔ آمین

Page 1 of 93

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree