The Latest

وحدت نیوز(لندن) مسلم کمیونٹی آف ایسیکس لندن میں مجلس وحدت مسلمین یوکے اور امامینز یو کے ۔ کے زیر اہتمام 28ویں برسی ڈاکٹر شہید محمد علی نقوی کے موقع پر تکریم شہداء کانفرنس کا انعقاد کیا گیا۔ جس میں یو کے بھر سے علماء اور تنظیمی افراد و عہدیداروں نے شرکت کی۔ سٹیج سیکرٹری کے فرائض جناب سید وجاہت علی الحسینی نے سرانجام دیئے۔

کانفرنس سے مجلس وحدت مسلمین یوکے ۔کے صدر جناب حجتہ الاسلام مولانا ابرار حسین الحسینی، حجتہ الاسلام مولانا سید رضا حیدر رضوی، حجتہ الاسلام مولانا غلام حر شبیری، حجتہ اسلام مولانا مشرف حسین الحسینی نے خطاب کیا۔ تمام مقررین نے قائد شہید علامہ سید عارف حسین الحسینی رح اور ڈاکٹر شہید محمد علی نقوی کے سوانح حیات اور کردار اور افکار پر روشنی ڈالی اور انہوں نے جو خدمات سرانجام دیں ملت اسلامیہ پاکستان کے لئے ان کو خراج تحسین پیش کیا۔

 مقررین نے یہ عہد کیا اور تمام ملت کے زعماء اور افراد سے اپیل کی کہ امام خمینی رح کے فرمان کے مطابق کہ ان شہیداء کے افکار کو ذندہ رکھا جائے۔ آج ملت اسلامیہ اور خصوصی طور پر ملت تشیع کو اتحاد کی ضرورت ھے۔ کانفرنس سے وڈیو لنک کے ذریعے مجلس وحدت المسلمین پاکستان کے مرکزی وائس چیئرمین جناب حجتہ اسلام مولانا سید احمد اقبال رضوی اور مولانا نقی ہاشمی صاحب نے بھی پاکستان سے خطاب کیا ۔

تمام مقررین نے اس بات پر زور دیا کہ جس طرح ہر شعبہ ذندگی میں ملت تشیع کو کام کرنے کی ضرورت ھے اسی طرح ملک کے ایوانوں میں بھی شیعہ نمائندگی بہت ضروری ھے اور یہ ڈاکٹر شہید محمد علی نقوی اور قائد شہید علامہ سید عارف حسین الحسینی رح کے نظریات کے عین مطابق ھے ۔

 مقررین نے مزید کہا کہ فلاحی کام یا عزاداری یا دوسری اجتماعی عبادات ھوں سب فرائض کے ساتھ ساتھ ان کا تحفظ بھی ضروری ھے اور ملکی عوامی اور حکومتی سطح پر ان کو سپورٹ یعنی مدد کی بھی ضرورت ھے ۔ جس طرح پاکستان کے دوسرے فرقوں اور مذاہب کی باقاعدہ قومی اور صوبائی اسمبلی اور سینیٹ میں نمائندگی ھے اسی طرح شیعیان پاکستان کو بھی ان ایوانوں میں نمائندگی لینا ھو گی ۔

وحدت نیوز(اسلام آباد) مجلس وحدت مسلمین پاکستا ن کے مرکزی جنرل سیکریٹری سید ناصرعباس شیرازی نے اپنے ایک بیان میں کہا ہے کہ موجودہ امپورٹڈ حکومت نے سیاسی مخالفین کے ساتھ ساتھ صحافیوں پر بھی ظلم وستم کے پہاڑ توڑ رکھے ہیں، ان نام نہاد جمہوری حکمرانوں نے اپنے ظالمانہ اقدامات میں آمرحکمرانوں کو بھی پیچھے چھوڑ دیا ہے، پہلے ارشد شریف جیسے محب وطن اور اس مٹی کے وفادار بیٹے پر اسی کی مادر وطن کی زمین تنگ کی گئی اور اسے دیارغیر جانے پر مجبور کیا گیا اور پھر بزدلوں نے اسے وہاں گھیر کر مارڈالا،اب ان کا اگلا ہدف بول ٹی وی کے کو چیئرمین شعیب شیخ ہیں، بول ٹی وی انتظامیہ نے رجیم چینج کے اس مکروہ آپریشن کے خلاف صدائے حق بلند کی اور آج تک ان ظالم حکمرانوں کے مقابل حق وسچ کا پرچم بلند کیئے ڈٹے ہوئے ہیں۔

انہوں نے مزید کہاکہ بول ٹی وی کو صرف اور صرف وطن سے وفاداری کی سزا دی جارہی ہے، ہم آزادی صحافت پر کامل یقین رکھتے ہیں، آزاد صحافت کا گلا دبایا جانا قومی سلامتی اور استحکام کے خلاف سنگین اقدام ہے،  بول نیوز کے مالک کو فوری رہا کیا جائے،ہم معاشرتی ترقی اس ظلم کےخلاف بول ٹی وی انتظامیہ کے شانہ بشانہ کھڑے ہیں ۔

وحدت نیوز(ملتان)پاکستان تحریک انصاف کے رہنما سابق مشیر وزیراعلی پنجاب و رکن پنجاب اسمبلی بیرسٹر وسیم خان بادوزئی نے وفد کے ہمراہ مجلس وحدت مسلمین ملتان کے ضلعی صدر علامہ وسیم عباس معصومی سے ملاقات کی اور انہیں دوبارہ صدر منتخب ہونے پر مبارکباد اور پھولوں کا گلدستہ پیش کیا۔ اس موقع پر مجلس وحدت مسلمین ملتان کے سیکرٹری سیاسیات و ممبر ڈویژنل امن کمیٹی ملتان انجینئر سخاوت علی سیال، ضلعی جنرل سیکرٹری عون رضا انجم ایڈووکیٹ، مولانا ہادی حسین، شہباز علی خان گرمانی ایڈووکیٹ، سید عاصم علی، غلام رضا عابد اور ثقلین نقوی موجود تھے۔ بیرسٹر وسیم خان بادوزئی نے کہا کہ مجلس وحدت مسلمین کی قیادتِ کے مشکور ہیں انہوں نے ہمیشہ حق اور سچ کا ساتھ دیا، علامہ راجہ ناصر عباس جعفری نے جس طرح مظلوموں اور مستضعفین کی حمایت کی ہے وہ قابل ستائش ہے۔

اس موقع پر علامہ وسیم عباس معصومی نے کہا کہ مجلس وحدت مسلمین قوم کی ترجمان جماعت ہے، ہم اس ملک میں کسی جماعت یا شخصیت کے ساتھ نہیں بلکہ ویژن اور سوچ کے ساتھ کھڑے ہیں، ہم اس ملک کے فیصلے اسی ملک میں چاہتے ہیں، عالمی طاغوت کی زیرتسلط حکمران کبھی بھی اس کی تقدیر نہیں بل سکتے، اس موقع پر انجینئر سخاوت علی سیال نے کہا ہم س ملک کی خودمختاری اور آزادانہ خارجہ پالیسی کے متمنی ہیں، لاہور میں کارکنوں پر ہونے والے حملے اور علی بلال کے قتل کی شدید الفاظ میں مذمت کرتے ہیں۔ ملاقات میں موجودہ سیاسی صورتحال پر تبادلہ خیال کیا گیا اور اس طرح کی ملاقاتیں جاری رکھنے کا اعادہ کیا گیا۔

وحدت نیوز(شکارپور)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے ضلع شکار پور کے شہر چک میں منعقدہ جشن میلاد حضرت امام زمانہ علیہ السلام سے خطاب کرتے ہوئے کہا ہے کہ عصر حاضر کی پریشان انسانیت کسی مسیحا کی منتظر ہے جو دنیا میں پھیلے ہوئے ظلم و ستم کا خاتمہ کرکے روئے زمین پر عدل و انصاف کا نظام قائم کرے۔ وہ عبدصالح جس کا وعدہ تورات زبور انجیل اور قرآن کریم میں کیا گیا یہ بات تمام آسمانی ادیان اور آسمانی کتابوں میں تواتر سے آئی ہے کہ دنیا کا انجام صالحین کی عالمی حکومت پر ہوگا۔ حضرت امام مہدی علیہ السلام پر ایمان تمام مسلمان مکاتب فکر کا مشترکہ اثاثہ ہے۔ اھل سنت کے اکابر علماء نے ہر دور میں حضرت امام مہدی علیہ السلام کے موضوع پر کتابیں تحریر کی ہیں۔

انہوں نے کہا کہ عصر حاضر کو عصر ظہور کا نام دینا چاہیے کیونکہ دنیا کے تیزی سے بدلتے حالات ایک مسیحا کی آمد کی خبر دے رہے ہیں۔ معرکہ حق و باطل میں اھل حق کی بڑھتی ہوئی طاقت اور منتظرین امام مہدی علیہ السلام کا عالمی سطح پر موثر کردار اس بات کا پتہ دیتا ہے کہ نظام ظلم و ستم اور کفر و طاغوت کے نظام کا عبرتناک انجام قریب ہے۔

انہوں نے کہا کہ جو امام عصر علیہ السلام کا سپاہی بننا چاہتا ہے اسے چاہیئے کہ وہ نائب امام کے لشکر میں شامل ہو جائے۔ اسی لئے شہید آیت اللہ سید دستغیب شیرازی نے کہا تھا کہ جو امام زمانہ علیہ السلام کا سپاہی بننا چاہتا ہے اسے لشکر خمینی میں شامل ہونا چاہیے۔

وحدت نیوز(ایبٹ آباد) امام زمانہ کی ولادت باسعادت اور نیمہ شعبان کی مناسبت سے مدرسہ رسول اعظم ایبٹ آباد میں میلاد کا انعقاد کیا گیا، جس میں صوبائی صدر مجلس وحدت مسلمین خیبر پختونخواہ نے ظہور امام کے حوالہ سے گفتگو فرمائی۔انھوں نے اپنے خطاب میں کہا کہ جب امام کا ظہور ہوگا تو وہ قران کی تفسیر کو لوگوں تک پہنچاۓ گے وہ قران جو آج کل مہجور ہو چکا ہے اور فقط صرف مرُدوں کے ایصالِ ثواب تک محدود ہو چکا ہے،زندوں کے لیے ایک نمونہ عمل بنا کر پیش کرے گے۔

 انھوں نے کہا علم کے ۲۷ حصہ ہے اور اب تک صرف ۲ ظاہر ہو چکے ہے امام باقی ۲۵ حصہ خود ظاہر کروائیں گے یوں علم اپنی انتہا تک پہنچ جاۓ گا۔ اللہ تعالی اپنی عنایات کو لوگوں تک پہنچاۓ گا۔ زمین اپنے دفینہ اور پہاڑ اپنے خزانہ باہر نکال دے گے ۔ امام اپنا اقتصادی پروگرام بھی لائںیں گے جس کے ذریعہ سے اجناس کا اتنا وافر ذخیرہ ہوگا کہ کوئی انسان بھوکا نہیں سوۓ گا۔ اس زمانہ میں ایک شخص زکوہ اور خمس لے کر نکلے گا مگر کوئی لینے والا نہیں ہوگا وہ انسان کو انسان کامل بنا دیں گے ۔ انہوں نے کہا کے امام اپنی حکومت میں عدل کا بہترین نظام نافذ کریں گے جو کہ مولا علی ع کی یاد تازہ کرے گا۔ ان کی حکومت میں جدید ترین آلات ہوں گے اس کے باوجود اُن کی اپنی زندگی سادہ ہوگی جس طرح کے باقی آئمہ طاہرینؑ نے گزاری۔

 پروگرام میں بڑی تعداد میں مومنین کے علاوہ بردران آئی ایس او ، مجلس وحدت مسلمین کے پی کے فنانس سیکرٹری مولانا نظر حسین روحانی، ڈپٹی سیکر ٹری جنرل طاہر حسن نئیر اور اہل سنت مشائخ سے پیر سید احتشام شاہ نے خصوصی شرکت کی اور خطاب بھی کیا۔پروگرام کی سجاوٹ ،لاءٹنگ اور ریفریشمنٹ کا اہتمام امامیہ سٹوڈینٹس آرگنائزیشن عزم ولایت یونٹ ایبٹ آباد نے کیا۔

وحدت نیوز ( جڑانوالہ) علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کی اپنے وفد کے ہمراہ چک 281 پتھورانا تحصیل جڑانوالہ ضلع فیصل آباد آمد اور میلاد مسعود حضرت امام زمان (ع) کی مناسبت سے منعقدہ جشن میں شرکت کی اور حاضرین سے خطاب فرمایا ۔ تحصیل جڑانوالہ ایم ڈبلیو ایم کے صدر جناب ظفرعباس سڈر نے اپنی آپ کے تحت اس جشن سعید کا اہتمام کیا تھاجس میںعلاقے کے سینکڑوں مومنین  لوگ شریک ہوئے ۔

ضلع فیصل آباد اور جڑانوالہ سے تعلق رکھنے والے مجلس وحدت کے تنظیمی برادران بھی شریک ہوئے ۔صوبائی صدر ایم ڈبلیو ایم نے اجلاس کے اختتام پر تنظیمی دوستوں کےساتھ ایک صمیمی نشست میں شرکت کی اور ان سے تنظیمی حوالے سے گفتگو کی ۔ صوبائی صدر سید علی اکبر کاظمی کے ہمراہ صوبائی سیکرٹری تربیت جناب علامہ ڈاکٹر گلزار جعفری بھی موجود تھے ۔

علامہ سید علی اکبر کاظمی نے خطاب کرتے ہوئے فرمایا :لو لم یبق من الدنیا الاّ یوم واحد لطول اللہ ذالک الیوم حتی یبعث رجلا من ولدی اسمہ کاسمی فقال سلمان :من ایّ ولدک یا رسول اللہ ؟ قال : من ولدی ھذا و ضرب بیدہ علی الحسین (ع)،

اگر دنیا کا فقط ایک دن باقی بچ جائے تو بھی اللہ اس دن کو یقینا طولانی قرار دے گا یہاں تک کہ میری اولاد سے ایک ایسے شخص کو مبعوث کرے گا جس کا نام میرے نام کی مانند ہو گا سلمان نے عرض کی : اے اللہ کے رسول (ص) وہ آپ کے کس فرزند کی اولاد سے ہو گا ؟
فرمایا: میرے اس فرزند سے ہو گا یہ کہہ کر اپنے ہاتھ کو حسین (ع) پہ رکھا۔(طبری احمد بن عبداللہ ، ذخائر العقبی ، ص 136)

 ابن عباس سے روایت ہے کہ ایک نعثل نامی یہودی حضرت رسالتمآب ﷺ کی بارگاہ میں شرفیاب ہو کر عرض کرنے لگا :حضرت  محمدﷺآپ سے کچھ ایسی چیزوں کے بارے میں پوچھنا چاہتا ہوں جو مدّت سے میرے دل میں ہیں اگر آپ میرے ان سوالوں کا جواب دیں گے تو میں آپ کے ہاتھ پر اسلام لاؤں گا حضرت نے فرمایا: اے ابو عمارہ پوچھو!۔

فاخبرنی عن وصّیک من ھو؟ فما من نبیّ الاّ ولہ وصی وانّ نبیا موسی بن عمران اوصی الی یوشع بن نون فقال نعم انّ وصیی والخلیفۃ من بعدی علیّ بن الی طالب وبعدہ :سبطای : الحسن والحسین یتلوہ تسعۃ من ولد الحسین ائمۃ الابرار فقال: یامحمد سمھم لی: قال نعم فاذامضی الحسین فابنہ علیّ واذامضی علیّ فابنہ محمد فاذامضی محمد فابنہ جعفرفاذامضی جعفرفابنہ موسی فاذامضی موسی فابنہ علی فاذامضی علیّ فابنہ محمد ثم ابنہ علیّ ثم ابنہ الحسن ثم الحجۃ ابن الحسن فھذہ اثناعشر ائمۃ عدد نقباء بنی اسرائیل قال فاین مکانھم من الجنۃ؟ قال :معی فی درجتی،

پس مجھے خبر دیں اپنے وصی کے متعلق کہ وہ کون ہے ؟اس لئے کہ ہر نبی کے لئے وصی ہوتا ہے اور ہمارے نبی موسی بن عمران نے یوشع بن نون کو اپنا وصی قراردیاہے حضور ﷺنے فرمایا ہاں بتحقیق میرا وصی اور میرا خلیفہ میرے بعد علیّ بن ابی طالب ہے اور اس کے بعد میرے دو نواسے حسن وحسین (ع) اور حسین کے بعد نو حسین کی اولاد سے ہیں گے یہی آئمہ ابرار ہیں اس نے عرض کی محمد :ان کے نام بتلائیے آپﷺنے فرمایا پس جب حسین اس دنیا سے رخصت ہون گے تو ان کا فرزند علیّ اور جب علیّ اس دنیا سے چلے جائیں گے تو ان کا بیٹا محمد اور جب محمد اس دنیا سے رخصت ہوں گے تو ان کا فرزند جعفر آور جب جعفر اس دنیا سے رخصت ہوں گے تو ان کا بیٹا موسی اور جب موسی اس دنیا سے چلے گئے تو ان کا بیٹا علی اور جب علیّ اس دنیا سے رخصت ہو جائیں گے تو ان کا فرزند محمد پھر ان کا فرزند علیّ پھران کا فرزند حسن اور پھر ان کا بیٹا حجّت میرا خلیفہ ہے۔یہ بارہ نفر ہیں انکی تعداد بنی اسرائیل کے نبیوں کی تعداد کے برابرہے اس نے پوچھا :جنت میں یہ کس جگھ ہوں گے فرمایا میرے درجہ میں میرے ساتھ ہوں گے ۔(جوینی خراسانی ، ابراھیم بن محمّد ، فرائد السمطین ، ج 2 ص133)

وحدت نیوز(کراچی)دعا کمیٹی صوبائی سیکرٹریٹ مجلس وحدت مسلمین سندھ اور سولجر بازاریونٹ اہم ڈبلیو ایم کے زیر اہتمام ہفتہ وار مرکزی اجتماعی دعائے توسل اور امام مہدی علیہ السلام کے یوم ولادت باسعادت پر سالانہ دعائے کمیل محفل شاہ خراسان روڈ پر منعقد ہوئی جس میں تلاوت دعائے توسل کی سعادت آغا ثقلین عباس زکزکی نے اور دعائے کمیل کی تلاوت مولانا نعیم الحسن نے حاصل کی جبکہ مولانا مختار احمد ، جاوید نقوی ، نوشاد علی،بو تراب اسکائوٹ کے برادرمحمد ضامن ناصر حسینی، علی عباس، عامر کاظمی، آغا سجاد، اقبال کاظمی،الخدام اسکائوٹس کے برادر عباس ،انجمن دربتولؑ کے برادر عظیم جاوا اور مومنین و مومنات کی بڑی تعداد نے شرکت کی۔ منقبت امام زمانہ علیہ السلام مرتضی نگری، حسنین عباس نے پیش کیا۔دعا کی تلاوت مولانا نعیم الحسن نے کی ۔

اس موقع پر مولانا نعیم الحسن، برادر ناصر حسینی ،برادر مرتضٰی نگری اور آغا ثقلین عباس زکزکی نے خطاب کرتے ہوئے کہا کہ آج کی شب امام زمانہؑ کے ظہور کے لئے دعا کرنے کی شب ہے۔امام ؑ ہمارے منتظر ہیں کہ ہم کب تیار ہوتے ہیں ۔امام زمانہ ؑ مظلومین جہاں کےلئے امید کی کرن ہیں ۔آج دنیامیں ظلم کے نظام کا مقابلہ مہدوی نظریہ کررہا ہے ۔امام زمانہؑ کے ماننے والے اس نظام کے خلاف سیسہ پلائی ہوئی دیوار بنے ہوئے ہیں ۔رہبر معظم جہاں آیت اللہ سید علی خامنہ ای ،آیت اللہ سیستانی اور دیگر مراجعین عظام کی سربراہی میں یہ نظام آگے بڑھتا جارہا ہے اور ظالم و جابر قوتوں کو کمزور کرکے اہل حق کو طاقتور بنانے کا فریضہ انجام دے رہا ہے۔

 دعائیہ اجتماع کے اختتام پر ڈاکٹر محمد علی نقوی ، کل مرحومین و مسلّمات ،شہدائے ملت جعفریہ ،پاکستان پاک فوج، رینجرزاور پولیس کے شہداء کیلئے فاتحہ خوانی کی گئی۔ اجتماعی دعائیہ کے اختتام پر نیاز تقسیم کی گئی اور دودھ کے شربت کی سبیل لگائی گئی۔

وحدت نیوز(جیکب آباد)مجلس وحدت مسلمین پاکستان کے مرکزی رہنما علامہ مقصود علی ڈومکی نے تحصیل گڑھی خیرو کے شہر میراں پور برڑو دوداپور اور داؤ کا دورہ کیا۔ اس موقع پر انہوں نے قرآن سینٹرز کے طلباء وطالبات اور مومنین سے خطاب کیا۔ اس موقع پر مجلس علمائے شیعہ ضلع جیکب آباد کے صدر علامہ سیف علی ڈومکی ایم ڈبلیو ایم کے تحصیل صدر سید عابد حسین شاہ سید علی شاہ مولانا عبد الخالق مولانا مظہر عباس و دیگر موجود تھے۔

اس موقع پر خطاب کرتے ہوئے علامہ مقصود علی ڈومکی نے کہا کہ طلباء و طالبات وطن کا مستقبل ہیں جن کی بہترین تعلیم و تربیت اصلاح معاشرہ کا باعث ہے۔ علماء کرام بچوں کی عصر حاضر کے تقاضوں سے ہم آہنگ تعلیم و تربیت کریں۔انہوں نے کہا کہ دین اسلام عورتوں کے حقوق کا محافظ ہے مغربی تہذیب و ثقافت سے مرعوب عناصر عورت کی آزادی کے نام پر فحاشی اور عریانی کا پرچار چاہتے ہیں۔ دین اسلام نے حیاء عفت و پاکدامنی اور حجاب کا حکم دے کر معاشرے میں پاکیزہ روابط کی بنیاد رکھی۔

انہوں نے کہا کہ لاہور میں انتخابی ریلی پر پابندی اور عوام پر ظلم و تشدد نے امپورٹڈ حکومت کو بے نقاب کر کے رکھ دیا ہے ووٹ کو عزت دو کا نعرہ لگانے والے آج ووٹ اور عوام کی طاقت سے خائف نظر آتے ہیں۔اس موقع پر انہوں نے سیلاب متاثرہ علاقوں کے مستحق ہونہار طلباء و طالبات میں انعامات تقسیم کیے۔

وحدت نیوز(ملتان)وحدت یوتھ ملتان ڈویژن کے نو منتخب ڈویژنل صدر برادر رونق بخاری نے اپنی تنظیمی مصروفیات کا آغاز جنوبی پنجاب کے صوبائی ہیڈ کوارٹر جامع مسجد ولی العصر ملتان سے کر دیا۔ ڈویژنل صدر نے پہلے غیر رسمی اجلاس میں ڈویژنل کابینہ کی تشکیل نو کے لیے سینیئرز سے مشاورت کی۔ اجلاس میں گفتگو کرتے ہوئے ڈویژنل صدر کا کہنا تھا کہ خدا کی دی ہوئی توفیق اور صلاحیتوں کو بروئے کار لا کر ملت کے جوانوں کو ایک تسبیح کی طرح جمع کریں گے۔ ڈویژنل کابینہ کی تشکیل نو کے لیے مشاورت کا سلسلہ جاری ہے بہت جلد ڈویژنل کابینہ کا اعلان کیا جائے گا۔

وحدت نیوز(جیکب آباد)مجلس وحدت مسلمین کے زیر اہتمام سٹی آف نالج پبلک اسکول جیکب آباد میں سیلاب متاثرین کو انجمن حسینیہ خواجگان نارووالی کی جانب سے مکانات اور مساجد کی تعمیر کیلئے قسط ادا کی گئی۔ اس موقع پر ایک پروقار تقریب میں 11 مکانات کے تعمیر کی آخری قسط اور 21 مساجد کی تعمیر کی دوسری قسط ادا کی گئی۔ تقریب سے مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی، صوبائی صدر علامہ سید ظفر عباس شمسی، صوبائی نائب صدر علامہ سہیل اکبر شیرازی، غلام حسین شیخ، علامہ سیف علی ڈومکی و دیگر شریک ہوئے۔

اس موقع پر خطاب کرتے ہوئے علامہ مقصود علی ڈومکی نے کہا کہ سیلاب متاثرین کی مکمل بحالی تک اہل خیر کا تعاون قابل ستائش ہے۔ حکومت نے بلند و بالا دعوؤں اور وعدوں کے باوجود ابھی تک مکانات کی تعمیر کے سلسلے میں کچھ نہیں کیا۔ انہوں نے کہا کہ ہم انجمن حسینیہ خواجگان نارووالی کی جانب سے بلوچستان کے متاثرہ محروم علاقوں میں خدمات کو خراج تحسین پیش کرتے ہیں۔ انہوں نے کہا کہ فلاحی ادارے محروم علاقے میں روزگار کی فراہمی میں مدد کریں، تاکہ لوگ اپنے پیروں پر کھڑے ہو سکیں۔ اس موقع پر علامہ سیف علی ڈومکی نے بھی خطاب کیا۔

Page 8 of 1334

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree