The Latest
وحدت نیوز(جہلم) عید الفطر کے تیسرے روز مجلس وحدت مسلمین لاہور کے وفد نے نجم عباس کی زیر قیادت دینہ ضلع جہلم میں ایم ڈبلیوایم کے مرکزی سیکریٹری روابط ملک اقرار حسین علوی سے ان کی رہائش گاہ پر ملاقات کی ۔
اس موقع پر ایم ڈبلیوایم ضلع لاہور کے رہنما آفتاب ہاشمی اور کاظم علی بھی نجم عباس کے ہمراہ موجود تھے، ایم ڈبلیوایم ضلع لاہور کے رہنماؤں نے ملک اقرار حسین علوی کی ایم ڈبلیوایم کے پلیٹ فارم سے قومی خدمات خصوصاً پنجاب میں بحیثیت آرگنائزر تنظیمی خدمات کو سراہا اس موقع پر صوبائی جنرل سیکرٹری حسن رضا کاظمی اور مرکزی سیکرٹری سیاسیات اسد عباس نقوی بھی موجود تھے۔
وحدت نیوز(جیکب آباد)مجلس وحدت مسلمین پاکستان کے کارکن سابقہ ضلعی سیکرٹری تعلیم برادر راشد علی سولنگی کے گھر میں بجلی شاٹ سرکٹ کے سبب عید کے دن آگ لگ گئی جس کے باعث اس کے گھر کے تین کمروں میں موجود سامان جل کر راکھ بن گیا۔مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے آج برادر راشد علی سولنگی کے گھر پہنچ کر اس افسوسناک واقعے کی تفصیلات معلوم کیں اور برادر راشد علی سولنگی امجد علی سولنگی ارشد علی سولنگی کے بچوں کو عید گفٹ دیئے اور متاثرین کے ساتھ ہمدردی کا اظہار کیا۔
اس موقع پر گفتگو کرتے ہوئے علامہ مقصود علی ڈومکی نے کہا کہ عام طور پر ہم اداروں کی ناقص کارکردگی پر اعتراض کرتے ہیں مگر کل کے واقعے میں فائر برگیڈ نے بروقت پہنچ کر آگ بجھائی جو کہ قابل تعریف عمل ہے۔ آگ لگنے کے سبب بچی کے جہیز سمیت قیمتی اشیاء جل کر راکھ بن چکی ہیں۔ اھل خیر مومنین کو متاثرین سے تعاون کی درخواست ہے۔
در ایں اثناء علامہ مقصود علی ڈومکی نے ضلع کشمور میں ایک ہی دن میں چھ انسانوں کے اغواء برائے تاوان کے واقعے پر شدید غم و غصّے کا اظہار کرتے ہوئے اسے حکومت کی ناکامی قرار دیا۔
ایم ڈبلیو ایم ضلع کشمور کے صدر میر فائق علی خان جکھرانی سے گفتگو کرتے ہوئے علامہ مقصود علی ڈومکی نے کہا کہ کشمور ضلع کی ابتر صورتحال پر ہمیں شدید تشویش ہے کشمور ضلع میں تسلسل کے ساتھ سانحات رونما ہو رہے ہیں آئے روز معصوم انسانوں کا قتل اغواء برائے تاوان اور اغواء شدہ بچوں سے جنسی تشدد جیسے شرمناک واقعات حکومت اور ریاستی اداروں کی ابتر کارکردگی کی دلیل ہیں۔ ضلع کے دس لاکھ شہری ڈاکوؤں اور قاتلوں کے رحم و کرم پر ہیں۔ عید کے دن میں آدھے درجن انسانوں کا اغواء ڈاکو راج کی دلیل ہے۔
وحدت نیوز(سرگودھا)مجلس وحدت مسلمین پاکستان صوبہ پنجاب کے سابق صوبائی سیکرٹری جنرل ورکن شوری عالی جناب حجت الاسلام والمسلمین علامہ عبدالخالق اسدی کی دعوت پر علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب ان کے ڈیرے ، واقع چک نمبر 21 کوٹ مومن سرگودھا پہنچے ۔ آغا عبدالخالق اسدی نے صوبائی صدر ایم ڈبلیو ایم پنجاب کو خوش آمدید کہا دونوں مسئولین کے درمیان تنظیمی اور پنجاب کی سیاسی صورتحال پر تفصیلی گفتگو ہوئی ۔
سابق صوبائی صدر ورکن شوری عالی مجلس وحدت مسلمین پاکستان جناب عبدالخالق اسدی نے کہا کہ آپ نے بہت اچھا کیا کہ سرگودھا ڈویژن میں موجود موثر تنظیمی ،مذہبی اور سیاسی شخصیات سے ملاقاتیں شروع کی ہیں ۔ اصل توسیع تنظیم کا طریقہ بھی یہی ہے ۔
علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب نے جناب عبدالخالق اسدی کی میزبانی کرنے کا شکریہ ادا کیا اور کہا آپ بزرگان کی سرپرستی اور رہنمائی سے ہی آگے بڑھا جا سکتا ہے ۔لہذا امید ہے آپ اس سلسلے میں شفقت فرمائیں گے ۔ آغا عبدالخالق اسدی نے کاظمی صاحب کے لئےنیک خواہشات کا اظہار کرتے ہوئے کہا کہ مجھے یقین ہے آپ پنجاب کو بہتر مینج کر کے سنبھال لیں گے ان شاءاللہ ۔ جو روش میں نے آپ میں دیکھی ہے۔یہی بہتر ہے ۔
سرگودھا ڈویژن کے حوالے سے بات چیت کرتے ہوئے آغا اسدی نے کہا کہ جو بھی موثر شخصیات سرگودھا ڈویژن میں موجود ہیں ان سے رابطہ کیاجائے اور ان کے بہترین تجربات اور مشاورت سے سرگودھا ڈویژن میں تنظیمی فعالیت کا آغازجائے ۔ان شاءاللہ کامیابی ہوگی ۔یہ ڈویژن مذہبی اور تنظیمی حوالے سے رچ اور غنی ہے ۔مگر شومی قسمت کہ ہم بھی اس سے استفادہ نہ کرسکے ۔ اور روابط کو موثر نہ کراسکے ۔ آپ میں وہ پوٹینشل موجود ہے ۔ ہم حاضر ہیں شوری عمومی کے اجلاس کے بعد ہم آپ کے لئے حاضر ہیں جو بھی ہم سے ہوسکا دل وجان سے تعاون کریں گے ۔ ان شاءاللہ۔ اس ملاقات میں ظہیر کربلائی اور سید منظور حسین شاہ بھی علامہ سید علی اکبر کاظمی کے ہمراہ موجود تھے ۔
ملاقات کے آخر میں چک نمبر 21 کوٹ مومن سرگودھا میں مدفون صاحب کرامات بزرگ شخصیت مراجع عظام کے فتاوی کے مطابق احتیاط پر عمل کرنےوالے ، پیر سید فضل حسین شاہ بخاری جنہوں نے سرگودھا ڈویژن میں مکتب اہلبیت علیہم السلام کی ترویج میں شب وروز ایک کیا ۔ علمائے معاصر علامہ سید محمد باقر چکڑالوی ، علامہ حسین بخش جاڑا ،علامہ سید محمد یار شاہ ،علامہ فیض محمد مکھیالوی، علامہ سید محبوب علی شاہ ہمدانی کے ساتھ ملکر ترویج دین میں اپنا بھرپور حصہ ڈالا ،کی آرام گاہ پر پہنچے جہاں پر فاتحہ خوانی کی ۔ اور دعا بھی مانگی ۔
وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے سوات میں سی ٹی ڈی تھانے پر ملک دشمن دہشت گردوں کے بزدلانہ حملے کی شدید مذمت کی ہے ۔
سماجی رابطے کی ویب سائٹ ٹوئٹرپر جاری اپنے ایک مذمتی بیان میں انہوں نے کہا کہ سوات میں سی ٹی ڈی تھانے پر دہشتگردحملے کی جتنی بھی مذمت کی جائے کم ہے،نا اہل حکمرانوں نے عوام کو مہنگائی،بھوک،افلاس کے بعد دہشتگردوں کے رحم و کرم پر چھوڑ دیا ہے۔
انہوں نے مزید کہا کہ معیشت کی تباہی،آئین کی پامالی کے بعد دہشتگردوں کو بھی آزاد چھوڑ دیا گیا ہے،تاکہ الیکشن سےفرار کا راستہ ہموار ہوسکے،لیکن پاکستان کے غیور عوام بیدار ہیں وہ کبھی بھی اس ملک کے آئین کو پامال نہیں ہونے دینگے۔سوات دھماکے میں قیمتی جانوں کے ضیاع پر دلی افسوس ہوا، سانحہ کے شہداء کے لواحقین سے اظہار تعزیت کرتاہوں اور زخمیوں کی جلد صحت یابی کیلئے دعا گو ہوں۔
وحدت نیوز(پاراچنار)مجلس وحدت مسلمین پاکستان صوبہ خیبر پختونخوا کے صوبائی ڈپٹی جنرل سیکرٹری مولانا سید نقی شاہ نے لوئرکرم ابراھیم زئی میں نماز عید کے اجتماع سے خطاب کرتے ہوئے کہا کہ مسلمانان جہاں خصوصاً ولی المر المسلمین رہبر معظم سید علی خامنہ ای کو عید سعید الفطر کی مبارک باد پیش کرتے ہیں۔
انہوں نے مزید کہا کہ معاشرے میں امر بالمعروف و نہی عن المنکر بہت ضروری ہے اتفاق و اتحاد وقت کی اہم ضرورت ہے تقویٰ الہٰی اور خوف خدا انسانیت اور اسلام کا پہلا زینہ ہے ۔ ان کا مزید کہنا تھا کہ ہم دنیا بھر کی اسلامی مزاحمتی تحریکوں کی حمایت کرتے ہیں اور امریکہ اسرائیل اور ہندوستان پر کڑی تنقید کرت ہوئے کہا اسلام خصوصاً پاکستان کی سلامتی کو درپیش مسائل میں زیادہ ہاتھ ان ہی قوتوں کا ہے ۔
انہوں نے عالم اسلام خصوصاً نوجوان نسل کو سیرت محمد وال محمد کو اپنانے پر زور دیتے ہوئے کہا کہ در اصل کفر اور تکفیرت کا مقابلہ جدید علوم حاصل کرنے سے بہترین طریقے سے ہو سکتا ہے اور دینی و مذہبی علوم کے ساتھ اخلاقی اور فکری تربیت حاصل کرنا اج کے دور میں واجب ہے۔ خدا ہمیں دین شناسی سے آشنا رہنے کی توفیق عنایت فرمائے۔
وحدت نیوز(سرگودھا)علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب نے سرگودھا کی معروف علمی ،سماجی ومذہبی شخصیت عالم ربانی جناب حجت الاسلام والمسلمین علامہ سید باقر شیرازی( دام ظلہ) سے ملاقات کی تنظیمی ،سیاسی اور مکتب اہلبیت (علیہم السلام ) کے حوالہ تفصیلی گفتگو کی ۔ علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب نے کہا کہ ہم آپ کے پاس آئے ہیں تاکہ آپ دعابھی فرمائیں اور رہنمائی وسرپرستی بھی فرمائیں ۔ جس کے جواب میں قبلہ علامہ سید محمد باقر شاہ شیرازی نے کہا کہ کوشش کریں جہاں بھی جائیں سب سے ملیں ۔ کچھ لوگ پنجاب آئے جنہوں نے پرانے ساتھی جو مجلس کا اثاثہ تھے اس اثاثے کو ضائع کیا ۔ لگتا ایسا تھا ان کو ٹاسک دیا گیا ہے کہ پرانے ساتھیوں کو آگے نہیں آنے دینا ۔
انہوں نے مزید فرمایا میری اور قبلہ علامہ راجہ ناصر عباس جعفری(حفظہ اللہ) کی سوچ میں بہت زیادہ مماثلت پائی جاتی ہے ۔ انہوں کہا کہ وحدت کا مطلب جہاں بھی جائیں سب سے ملاقات کریں ۔ سب پر حجت تمام کریں ۔ اخلاص کے ساتھ آگے بڑھیں ۔ جب کام میں اخلاص ہوگا تو مدد بھی ہوگی اللہ مسب الاسباب ہے ۔ان تنصراللہ ینصرکم ۔ دکھاوے کام نہ کرنا ۔ پرانے ساتھیوں کو ساتھ لیکر چلنا ۔ انہیں نظر انداز نہ کرنا ۔ ہم سے جو سکا شاہ صاحب ہم آپ کے لئے دعا بھی کریں گے اور ساتھ بھی دیں ۔ سنجیدگی اور جدت کے ساتھ پنجاب میں بہت زیادہ زمینہ ہے کام کا ۔ آپ نے گھبرانا نہیں ۔ سرگودھا کے حوالے سے پوری کوشش ہوگی آپ کی فعالیت بڑھے ۔ شاہ صاحب آپ نے کسی کو ناراض نہیں کرنا ۔ ایک چیز کا خاص خیال رکھنا ہے کہ جب آپ اخلاص کے کام کریں گے تو مشکلات آئیں گی اگر مشکلات درپیش نہ ہوں تو سمجھ لینا ہم فعالیت میں کہیں پر کمی ہے ۔ حضرت امام خمینی (رہ) نے کہا کہ اگر آپ انقلاب کے لئے فعالیت کریں گے تو امریکہ آپ کا دشمن بن کر سامنے آئے گا ۔
قبلہ سید محمد باقر شیرازی نے کہا ۔انقلابیوں کی کامیابی راز ان کے ساتھ امریکہ کی دشمنی اور مکاری تھا ۔ ہمارے ساتھی یہاں تھوڑی سی مشکلات سے گھبرا جاتے ہیں جبکہ انہیں معلوم نہیں کہ اخلاص کے کام میں رکاوٹیں حتمی اور طے شدہ اور کامیابی کا راز ہیں ۔ یہ ملاقات قبلہ شیرازی صاحب کے واقع ڈیرہ نبی شاہ بالا میں ہوئی اور اس ملاقات میں ظہیر کربلائی بھی ان کے ہمراہ تھے ۔
وحدت نیوز(خوشاب)دو شوال المکرم کو موضع کرڑ ضلع خوشاب میں برائےایصال ثواب مرحومین مہر فیملی وبابا نواب فیملی کی جانب سے مجلس عزاء منعقد ہوئی جس ملک بھر جید علمائے کرام نے خطاب کیا ۔ علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کو اس مجلس عزاء میں مدعو کیا تھا ۔ کرڑ میں مجلس وحدت مسلمین پاکستان کے کسی رہنما کی یہ پہلا خطاب تھا ۔
مجلس عزاء میں مومنین مومنات کی ایک کثیر تعداد موجود تھی علامہ سید علی اکبر کاظمی نے اپنے خطاب میں قرآنی مومن کی صفات اور تاریخی مومن کی صفات کو بیان ۔ سورہ انفال کی آیات کی تلاوت سے آغاز کیا ۔ ماشاءاللہ علامہ سید علی اکبر کاظمی کا خطاب اتنا مدلل تھا کہ مومنین نے نعروں سے استقبال کیا ۔ لبیک یا حسین کی صداوں سے امام بارگاہ گونجتا رہا ۔
آخر میں علامہ صاحب نے مصائب جناب حضرت زینب( س) بنت امام علی علیہ السلام پڑھا ۔ مجلس کے اختتام پر علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کو آئندہ سال 2 شوال کی باقاعدہ دی گئی اور ایک مومن کی جانب سے 15 رجب المرجب کی بھی اسی امام بارگاہ میں دعوت دی گئی ۔ جسے علامہ صاحب قبول فرمالیا ۔ علامہ صاحب کے انداز خطابت اور بیان کو مومنین نے بہت سراہا ۔
وحدت نیوز(سکردو)صوبائی صدر مجلس وحدت مسلمین گلگت بلتستان آغا علی رضوی نے ایم ڈبلیو ایم رہنماؤں اور تحریک پاسداران سکردو کے رہنماؤں کے ہمراہ آر ایچ کیو سکردو کا دورہ کیا۔
اس موقع پر آغا علی رضوی نے براہ سانحہ میں زخمی بچوں کے والدین سے اظھار ہمدردی کیا اوروالدین کو یقین دہانی کرائی کہ پوری ملت اس سانحہ پر یکجا ہے اور پسماندگان و متاثرہ خاندان کے ساتھ ہےاگر متاثرہ خاندان کے ساتھ کسی بھی قسم کی نا انصافی برتی گئی تو پوری قوم مل کر سہولت کاری کرنے والوں کے خلاف کارروائی کرے گی۔
وحدت نیوز(جعفرآباد)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے ضلع جیکب آباد اور جعفر آباد کے مختلف علاقوں کا دورہ کیا اور وہاں انجمن حسینیہ خواجگان نارووالی کے تعاون سے زیر تعمیر مساجد کے کام کا جائزہ لیا۔ اس موقع پر گفتگو کرتے ہوئے علامہ مقصود علی ڈومکی نے کہا کہ مسجد اسلامی معاشرے کا مرکز اور محور ہے۔ جہاں اللہ تعالیٰ کی عبادت اور بندگی کے ساتھ ساتھ دینی تعلیم و تربیت کا درس ملتا ہے۔ مسجد دین اسلام کا مورچہ ہے۔ ہمیں مساجد سے اپنے تعلق کو مضبوط بنانا چاہئے۔
انہوں نے کہا کہ انجمن حسینیہ خواجگان نارووالی کے تعاون سے پہلے مرحلے میں سیلاب متاثرہ علاقوں میں 21 مساجد اور 11 مکانات کی تعمیر تکمیل کے مرحلے میں ہے۔ جبکہ عید الفطر کے تیسرے دن سیلاب متاثرہ علاقوں میں تعمیرات کے دوسرے مرحلے کے 26 مکانات اور 6 مساجد کے تعمیراتی کام کا باقاعدہ آغاز ہوگا۔ انہوں نے کہا کہ مجلس وحدت مسلمین پاکستان پہلے دن سے سیلاب متاثرین کے ساتھ ہے اور ہم متاثرین سیلاب کی بحالی کے عمل میں بھی حسب استطاعت کوشش کر رہے ہیں۔
وحدت نیوز(سکردو) گلگت بلتستان کے وزیر زراعت کاظم میثم نے بجلی کی سپیشل لائن لینے سے انکار کر دیا۔ اس سے پہلے بھی وہ سپیشل لائن لینے سے انکار کر چکے ہیں۔
ان کا کہنا تھا کہ عوام کو جو بجلی مل رہی ہے وہ مجھے بھی ملے۔ میں نے پہلے بھی سپیشل لائن لینے معذرت کی ہے اب بھی معذرت کروں گا، جو بجلی دستیاب ہے وہ عوام میں بلاتفریق تقسیم کی جائے۔ میں عوام سے برتر نہیں ہوں۔
بجلی کے بڑے منصوبے وفاقی حکومت کی ایما پر ڈراپ کئے جا رہے ہیں۔ شغرتھنگ پاور پراجیکٹ کو ایکنک سے واپس کرنا اس کی واضح دلیل ہے۔ ہم عوامی حقوق کیلئے ہر فورم پر لڑ رہے ہیں کہیں کوئی کمزوری نہیں دکھائیں گے۔
