The Latest

وحدت نیوز(قم المقدس)دنیا بھر کی طرح یومِ پاکستان کی تقریب ایران کے شہر قم میں بھی منعقد ہوئی۔ ایران کے شہر قم المقدس میں سپورٹ کشمیر انٹرنیشنل فورم نے 23 مارچ کی مناسبت سے ایک تحلیلی اجلاس کا اہتمام کیا۔ شرکائے اجلاس نے تحریکِ پاکستان کے بانیوں اور شہداء کی قربانیوں، خدمات اور بصیرت کو سراہا اور انہیں خراجِ عقیدت پیش کیا۔ نشست سے گفتگو کرتے ہوئے اصغریہ علم و عمل تحریک پاکستان کے مرکزی سیکرٹری تعلیم قمر عباس غدیری نے قیامِ پاکستان کے فلسفے اور موجودہ تقاضوں پر روشنی ڈالی۔ انہوں نے کہا کہ ہمارے آباو اجداد نے یہ ملک اس لئے بنایا تھا کہ اس میں لوگوں کو امن و امان، تحفظ اور بھائی چارہ میسّر ہوگا، تاہم بدقسمتی سے ایسا نہ ہوسکا۔ انہوں نے ملک کو موجودہ صورتحال سے نکالنے کیلئے ایک مشترکہ منصوبہ بندی کی ضرورت پر زور دیا۔

ان کے بعد ایم ڈبلیو ایم پاکستان کے امورِ خارجہ کے مسئول حجۃ الاسلام ڈاکٹر شفقت شیرازی نے قیام پاکستان کے حوالے سے قائداعظم محمد علی جناح کی خدمات پر روشنی ڈالی۔ ان کے مطابق قائداعظم نے مکار انگریزوں اور شدت پسند ہندووں کے ساتھ ساتھ مسلمانوں میں موجود انگریزوں اور کانگرس کے آلہ کاروں کا ڈٹ کر مقابلہ کیا۔انہوں نے کہا کہ جو لوگ انگریزوں اور کانگرس کے نمک خوار اور قائداعظم محمد علی جناح نیز قیامِ پاکستان کے دشمن تھے، وہی آج پاکستان کی سلامتی اور امن عامہ کیلئے خطرہ بنے ہوئے ہیں۔ آخر میں شراکاء نے پاکستان کی سلامتی، ترقی اور خیر و بھلائی کیلئے اجتماعی دعا بھی کی اور یومِ پاکستان کی مناسبت سے کیک بھی کاٹا۔ میزبانی کے فرائض سپورٹ کشمیر فورم کے ترجمان نذر حافی نے انجام دیئے۔ انہوں نے اجلاس کے اہم نکات کا خلاصہ کرنے کے علاوہ ایم ڈبلیو ایم قم کے مسئول حجۃ الاسلام شیدا حسین جعفری اور دیگر مہمانوں کا خصوصی طور پر شکریہ بھی ادا کیا۔

وحدت نیوز(اسلام آباد) مجلسِ وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے پتوکی میں باراتیوں کے ہاتھوں محنت کش کی مبینہ ہلاکت اور سکھر میں پوجا کماری کے قتل کی شدید الفاظ میں مذمت کرتے ہوئے واقعہ کے زمہ داروں کو کیفر کردار تک پہچانے کا مطالبہ کیا ہے۔انہوں نے کہا کہ ملک میں جرائم کی بڑھتی ہوئی شرح تشویشناک ہیں۔ پتوکی کا واقعہ معاشرتی بےحسی کی تصویر پیش کر رہا ہے۔معاشرتی اقدار کی تنزلی کی بنیادی وجہ اسلامی تعلیمات سے دوری اور تربیت کا فقدان ہے۔ ہمارا معاشرہ اخلاقی طور پر بدترین تباہی کے راستے پر چل نکلا ہے۔نئی نسل  کی اصلاح کے لیے خاندان، تعلیمی اداروں، اہل علم حضرات اور مسجد ومنبر کو اپنا بھرپور کردار ادا کرنا ہو گا۔ ملک کے مختلف شہروں میں نوجوان لڑکیوں کا اغواء جنسی زیادتی کے واقعات اور قتل و غارت کی کارروائیاں معمول کا حصہ بنتی جا رہی ہیں۔ لاقانونیت کا یہ منظر ریاستی اداروں کی کارکردگی پر سوالیہ نشان ہے۔ادارے آخر کیوں تماشائی بنے ہوئے ہیں۔انہوں نے کہا کہ جس معاشرے میں ظلم کا راج اور عدل و انصاف مفقود ہو وہ معاشرہ زیادہ دیر تک قائم نہیں رہ سکتا۔پتوکی اور سکھر کا واقعہ ظلم کی بدترین مثال ہے۔اس طرح کے واقعات میں ملوث ذمہ داروں کو جب تک عبرتناک انجام سے دوچار نہیں کیا جاتا تب تک ان کے حوصلے پست نہیں ہوں گے۔انہوں نے کہا قانون نافذ کرنے والے ادارے اس حقیقت کو ملحوظ خاطر رکھیں کہ انہوں نے اللہ تعالیٰ کے سامنے جوابدہ ہونا پڑے گا۔

وحدت نیوز(پشاور)مجلس وحدت مسلمین پاکستان کے سربراہ علامہ راجہ ناصر عباس جعفری نے پشاور کا دورہ کیا، اس دوران انہوں نے سانحہ مسجد کوچہ رسالدار کے زخمیوں کی گھروں میں جاکر عیادت کی۔ اس موقع پر مرکزی ڈپٹی سیکرٹری جنرل ایم ڈبلیو ایم سید ناصر عباس شیرازی اور صوبائی سیکرٹری جنرل خیبر پختونخوا علامہ سید وحید عباس کاظمی بھی ان کے ہمراہ تھے۔ علاوہ ازیں علامہ راجہ ناصر عباس جعفری نے امام بارگاہ آغا گل گنج پشاور میں مجلس تکریم و ترحیم شہداء جامعہ مسجد کوچہ رسالدار سے بھی خطاب کیا۔ مجلس عزاء میں کثیر تعداد میں عوام کے علاوہ خانوادہ شہداء اور مجروحین نے خصوصی شرکت کی۔ علامہ راجہ ناصر عباس جعفری نے دہشتگردی سے متاثرہ مسجد کوچہ رسالدار کا بھی دورہ کیا اور وہاں نماز بھی ادا کی۔ اپنے دورہ پشاور کے موقع پر سربراہ ایم ڈبلیو ایم نے مدرسہ شہید عارف حسینی میں بزرگ عالم دین علامہ سید جواد ہادی سے بھی ملاقات کی اور ان کی خیریت دریافت کی۔ اس موقع پر فرزند شہید قائد سید حسین الحسینی بھی موجود تھے۔

وحدت نیوز(کراچی)مجلس وحدت مسلمین پاکستان کے وفد کی 23 مارچ یوم پاکستان کے موقع پر علامہ صادق جعفری کی سربراہی میں علما و ذاکرین کے ہمراہ بانی پاکستان قائداعظم محمد علی جناح کے مزار پر حاضری دی۔ اس موقع پر ان کے ہمراہ بزرگ شیعہ عالم دین مولانا مرزا یوسف حسین، مولانا حیات حیسن نجفی، مولانا نشان حیدر ساجدی، مولانا ملک غلام عباس و دیگر موجود تھے۔ علامہ صادق جعفری نے میڈیا سے گفتگو کرتے ہوئے کہا کہ جس آزاد و خودمختار پاکستان کا تصور علامہ اقبال نے پیش کیا اور جس کے قیام کے لئے قائد اعظم محمد علی جناح نے انتھک جدوجہد کی، اس ارض پاک کی تکمیل کے لئے پوری قوم کو اسی لگن، دیانتداری اور جذبے کے ساتھ اپنے حصے کا کردار ادا کرنا ہوگا، پاکستان کا حصول محض کسی زمینی ٹکڑے کے لئے نہیں تھا بلکہ اس کا مقصد ایک ایسی اسلامی مملکت کا قیام تھا جو اپنے فیصلوں میں آزاد ہو، جس کے داخلی و خارجی فیصلے قومی مفادات کے تابع ہو، گزشتہ ستر سالوں سے عالمی استکباری طاقتیں پاکستان کے معاملات اور ہمارے دیگر ممالک سے تعلقات کو اپنی مرضی کے تابع دیکھنے کی متمنی ہیں، جو ریاست ملک و قوم کے وقار کو مقدم سمجھتی ہے وہ کسی بیرونی ڈکٹیشن کو خاطر میں نہیں لاتی، اس حقیقت کا ادارک صرف انہیں رہنماؤں کو ہوتا ہے جو باضمیر و باشعور عوام کی آنکھ سے معاملات کو پرکھنا جانتے ہیں۔

انہوں نے کہا کہ یوم پاکستان کے موقع پر او آئی سی وزرائے خارجہ کونسل کے اجلاس کی میزبانی پاکستان کررہا ہے جو باعث اعزاز ہے، وہ عالمی طاقتیں جو پاکستان کو ایک غیر محفوظ ریاست ثابت کرنے کے لئے ایڑی چوٹی کا زور لگا رہی تھیں اپنی ناکامی پر بے چین دکھائی دے رہی ہیں۔ انہوں نے کہا کہ او آئی سی کے اجلاس میں اسلامی ممالک کو درپیش مسائل پر نتیجہ خیز گفت و شنید کی ضرورت ہے، اس اجلاس کو خوش آئند تب ہی قرار دیا جا سکتا ہے جب اس کے ثمرات کشمیر، لبنان اور یمن سمیت ان مظلومین تک پہنچیں جو غاصبوں اور عالمی استعماری قوتوں کے شکنجے میں جکڑے ہوئے ہیں، یمن کے نہتے مسلمانوں کو گزشتہ سات سالوں سے جس ظلم و بربریت کا سامنا ہے، اس پر بھی موثر انداز میں آواز بلند کرکے تنظیم اپنے شفاف اور عادلانہ طرز عمل کا ثبوت پیش کرسکتی ہے، کشمیری عوام کی حمایت میں اٹل موقف اختیار کرکے اپنے خلاف ہونے والے پروپیگنڈے کو زائل کرنے کا حکومت کے پاس یہ بہترین موقع ہے، ہمیں اس اجلاس میں کشمیر کے عوام کی مضبوط آواز بننا چاہیئے، یوم پاکستان کے موقع پر ایک ایسی یوم کشمیر کی متفقہ قرارداد منظور کی جانی چاہیئے جو کشمیری عوام کی امنگوں کی عکاس ہو۔

وحدت نیوز (گلگت)مر کزی سیکرٹری یوتھ شعبہ خواتین مجلس وحدت مسلمین محترمہ سائرہ ابراہیم نے جشن ولادت امام زماں کے پروگرام سے خطاب کرتے ہوئے کہا کےامام زمانہ کی معرفت تب ہی ممکن ہے جب ہم مجتہدین کی تقلید میں ہوں گے انہوں نے کہا کے امام زماں کی نصرت کے لئے ہمیں تزکیہ نفس اور کردار سازی کی ضرورت ہے اس وقت یہود و نصاری تشیع کے خلاف ایک پلیٹ فارم پر جمع ہیں انہوں نے کہا کے اس وقت ہر نوجوان خود کو تعلیم کے زیور سے آراستہ کرے اور ہوشیار اور بیدار رہیے آج تمام مشکلات کا حل امام زماں عج کے ظہور کے لئے دعا کرنی چاہئے تا کے دنیا عدل و انصاف سے بھر جائے گی

وحدت نیوز(بلوچستان)مجلس وحدت مسلمین پاکستان کے مرکزی ترجمان مقصود علی ڈومکی نے 23 مارچ یوم پاکستان کی مناسبت پر کہا ہے کہ مصور پاکستان حضرت علامہ اقبال نے برصغیر کے مسلمانوں کے لئے جس وطن کا خواب دیکھا تھا، ہمیں مل کر اس وطن کی تعمیر کرنی ہے۔ قائداعظم محمد علی جناح نے برصغیر کے مسلمانوں کے لئے جن اہداف کے لئے الگ وطن حاصل کیا تھا، ان ہداف کا حصول ضروری ہے۔ انہوں نے مزید کہا کہ مسلکی اور علاقائی تعصبات کی بجائے ہمیں حقیقی معنوں میں ایک قوم بننا ہے۔ اعلیٰ انسانی و اسلامی اقدار سے عاری مفاد پرست سیاستدانوں اور حکمرانوں نے ہمیشہ ملک و قوم کی ترقی کی بجائے اپنے جزوقتی مفادات کو اولویت دی۔ انکا کہنا تھا کہ اقتدار کی رسہ کشی میں اقدار کی پامالی پوری قوم دیکھ رہی ہے۔ اقتدار کے بھوکے حکمرانوں کے ہاتھوں ضمیروں کی خرید و فروخت کرسی کے لئے اصولوں کی پامالی پاکستان کے ارباب اقتدار کی شناخت بن چکا ہے۔ انہوں نے کہا کہ اس رسہ کشی میں جو چیز کہیں نظر نہیں آتی وہ غریب عوام کا مفاد ہے۔ پی ٹی آئی نے سیاست میں گالیوں کا کلچر متعارف کرا کے ملکی مکروہ سیاسی نظام کو ننگا کر دیا ہے۔ او آئی سی امت مسلمہ کے مسائل حل کرنے میں ناکام رہی ہے۔ کشمیر فلسطین اور یمن میں مظلوم مسلمانوں کا بہتا لہو او آئی سی کے کردار پر سوالیہ نشان ہے۔

وحدت نیوز(ملتان )مجلس وحدت مسلمین جنوبی پنجاب کی صوبائی کابینہ کی جانب سے ایم ڈبلیو ایم ضلع ملتان کے سیکرٹری جنرل اور نومنتخب ضلعی کابینہ کے اعزاز میں استقبالیہ دیا گیا، اس موقع پر مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، صوبائی رہنما علامہ قاضی نادر حسین علوی، ڈپٹی سیکرٹری جنرل سلیم عباس صدیقی، ندیم عباس کاظمی، علی رضا بخاری، ثقلین نقوی موجود تھے جبکہ ضلع ملتان کی جانب سے ضلعی سیکرٹری جنرل علامہ وسیم عباس معصومی، مولانا ہادی حسین، مرزا وجاہت علی، غلام حسنین انصاری، غلام رضا عابد، تیمورحیدر، سید عاصم رضا، محمد رضا مومن، عون رضا انجم موجود تھے۔ علامہ اقتدار حسین نقوی نے اپنی گفتگو میں کہا کہ ہمیں اپنی صفوں میں اتحاد پیدا کرنے کی ضرورت ہے، جب تک ہم بحیثیت قوم طاقتور نہیں ہوتے ہمارا استحصال ہوتا رہے گا۔ ماضی میں ایسے کئی مواقع آئے جہاں ہمیں بحیثیت قوم اگنور کیا گیا، اب وقت آگیا کہ ہم اپنی بیداری کا ثبوت دیں اور میدان میں رہیں۔

وحدت نیوز( اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے یوم پاکستان کے موقع پر قوم کو مبارکباد دیتے ہوئے کہا کہ جس آزاد و خودمختار پاکستان کا تصور علامہ اقبال نے پیش کیا اور جس کے قیام کے لیے قائد اعظم محمد علی جناح رحمۃ اللہ علیہ نے انتھک جدوجہد کی اس ارض پاک کی تکمیل کے لیے پوری قوم کو اسی لگن، دیانتداری اور جذبے کے ساتھ اپنے حصے کا کردار ادا کرنا ہو گا۔ پاکستان کا حصول محض کسی زمینی ٹکڑے کے لیے نہیں تھا بلکہ اس کا مقصد ایک ایسی اسلامی مملکت کا قیام تھا جو اپنے فیصلوں میں آزاد ہو۔ جس کے داخلی و خارجی فیصلے قومی مفادات کے تابع ہو۔گزشتہ ستر سالوں سے عالمی استکباری طاقتیں پاکستان کے معاملات اور ہمارے دیگر ممالک سے تعلقات کو اپنی مرضی کے تابع دیکھنے کی متمنی ہیں۔جو ریاست ملک وقوم کے وقار کو مقدم سمجھتی ہے وہ  کسی بیرونی ڈکٹیشن کو خاطر میں نہیں لاتی۔ اس حقیقت کا ادارک صرف انہیں رہنماؤں کو ہوتا ہے جو باضمیر و باشعور عوام کی آنکھ سے معاملات کو پرکھنا جانتے ہیں۔ انہوں نے کہا  یوم پاکستان کے موقع پر او آئی سی وزرائے خارجہ کونسل کے اجلاس کی میزبانی پاکستان کررہا ہے جو باعث اعزاز ہے۔وہ عالمی طاقتیں جو پاکستان کو ایک غیر محفوظ ریاست ثابت کرنے کے لیے ایڑی چوٹی کا زور لگا رہی تھیں اپنی ناکامی پر بے چین دکھائی دے رہی ہیں۔انہوں نے کہا او آئی سی کے اجلاس میں اسلامی ممالک کو درپیش مسائل پر نتیجہ خیز گفت وشنید کی ضرورت ہے۔  اس اجلاس کو خوش آئند تب ہی قرار دیا جا سکتا ہے جب اس کے ثمرات کشمیر،لبنان اور یمن سمیت ان مظلومین تک پہنچیں جو  غاصبوں اور عالمی استعماری قوتوں کے شکنجے میں جکڑے ہوئے ہیں۔یمن کے نہتے مسلمانوں کو گزشتہ سات سالوں سے جس ظلم و بربریت کا سامنا ہے  اس پر بھی موثر انداز میں آواز بلند کر کے تنظیم اپنے شفاف اور عادلانہ طرز عمل کا ثبوت پیش کر سکتی ہے۔  کشمیری عوام کی حمایت میں اٹل موقف اختیار کر کے  اپنے خلاف ہونے والے پروپیگنڈے کو زائل کرنے کا حکومت کے پاس یہ بہترین موقع ہے۔ہمیں اس اجلاس میں کشمیر کے عوام کی مضبوط آواز بننا چاہئیے۔یوم پاکستان کے موقع پر ایک ایسی یوم کشمیر کی متفقہ قرارداد منظور کی جانی چاہیے جو کشمیری عوام کی امنگوں کی عکاس ہو۔

وحدت نیوز(اسلام آباد) حرم حضرت شاہ عبدالعظیم حسنی ؑ کے متولی آیت‌الله محمد محمدی رے شہری تہران کے خاتم الانبیاء ؐ ہسپتال میں رحلت کرگئے۔ان کی عمر 75 سال تھی۔مرحوم جيد عالم دین اور اسلامی انقلاب کے سرگرم رہنماؤں میں شمار ہوتے تھے۔ان کی ناگہانی وفات پر سیکریٹری جنرل مجلس وحدت مسلمین پاکستان علامہ راجہ ناصرعباس جعفری ڈپٹی سیکریٹری جنرل علامہ سید احمد اقبال رضوی و دیگر مرکزی و صوبائی قائدین نے دلی رنج اور افسوس کا اظہار کیا ہے۔قائدین نے اپنے تعزیتی پیغام میں کہا کہ تمام عالم تشیع آیت الله محمدی رے شہری کے انتقال پر ملال پر سوگوار ہے ،ان کا انتقال ملت تشیع کے لئے عظیم صدمہ ہے ،تمام ملت اور رہبر معظم سید علی خامنہ ای کے حضور تعزیت و تسلیت پیش کرتے ہیں۔واضح رہے کہ آیت اللہ محمدی رے شہری اسلامی جمہوریہ ایران کے قیام کے بعد پہلے وزیر اینٹلی جنس مقرر ہوئے۔آیت‌الله محمدی رے شہری نمائندہ ولی فقیہ اور مجلس خبرگان کے رکن بھی رہے ہیں جبکہ وہ دار الحدیث  اور دانشگاہ قرآن و حدیث کے مدیر اور متعدد کتب کے مؤلف بھی تھے۔

وحدت نیوز(لاہور) مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی محترمہ سیدہ زہرا نقوی نے تئیس مارچ یوم قرارد پاکستان کے حوالے سے اپنے پیغام میں کہا کہ برصغیر کے مسلمانوں نے فکر ِاقبال کی روشنی اور قائد اعظم کی قیادت میں دو قومی نظریہ کی بنیاد پر کامیاب جدوجہد کے نتیجہ میں پاکستان جیسا عظیم ملک حاصل کیا جو مسلمانوں کی قربانیوں کا ثمر اور اللہ تعالیٰ کی عظیم نعمت ہے  انہوں نے کہا کہ نظریہ پاکستان ہماری پہچان اور اساس ہے اور اس کی بقا اور سلامتی صرف اسی صورت ممکن ہے کہ نوجوان نسل کو اس نظریے کی بنیاد سے متعارف کروایا جائے یہ ذمہ داری والدین اور اساتذہ کی ہے کہ وہ اپنے بچوں اور شاگردان کو اس نظریے سے آگاہی دیں اپنے اسلاف کی جدوجہد اور عظیم قربانیوں کی تاریخ بیان کریں ان کا کہنا تھا کہ وطن عزیز ان دنوں بدترین بحران اور سنگین ترین حالات سے دوچار ہے ، مہنگائ ، سیاسی بحران ، دہشت گردی ،ٹارگٹ کلنگ جیسے عوامل ملک کی ساکھ کو خراب اور اسکی بنیادوں کو کمزور کر رہے ہیں حکمران اور عوام جب تک مل کر ان درپیش چیلنجز کا مقابلہ نہ کریں ان مسائل پر قابو پانا نا ممکن ہوگا  ان کا کہنا تھا  آج یوم قرارداد پاکستان کے موقع پر ہر پاکستانی کو خود سے یہ عہد کرنا ہوگا کہ فقیدالمثال قربانیوں سے حاصل کردہ اس وطن کی سالمیت پرآنچ نہیں آنے دیں گے ہمارے بڑوں نے قیام پا کستان کے وقت جو خواب دیکھے تھے ،اس میں حقیقت کا رنگ بھر نے کے لیے قوم کو متحد ہوکر اپنا قبلہ درست کرنا ہوگا ،ملک کو بدحالی کی دلدل سے نکال کر خوشحالی کی راہ پر گامزن کرنے میں خلوص نیت سے جدوجہد کرنی ہوگی۔

Page 15 of 1221

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree