The Latest

وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے یوم تکبیر کے موقع پر اپنے پیغام میں کہا ہے کہ پاکستان کی جوہری طاقت خطے میں امن کی ضمانت ہے۔اگر پاکستان ایٹمی دھماکے نہ کرتا تو خطے میں طاقت کا توازن بے قابو ہوجاتا اور مکاردشمن کو اپنی کم ظرفی کے اظہار میں کسی قسم کی رکاوٹ درپیش نہ ہوتی۔

انہوں نے کہا کہ طاغوتی و استعماری طاقتوں کی آنکھوں میں پہلی اسلامی ایٹمی طاقت کانٹے کی طرح چب رہی ہے یہی وجہ ہے کہ وہ ارض پاک کے خلاف مسلسل سازشوں میں مصروف ہیں اور شرپسندی کا کوئی موقع ہاتھ سے جانے نہیں دیتے۔انہوں نے کہا پاکستان میں دہشت گردی کے واقعات اور فرقہ واریت کے فروغ میں وہ قوتیں ملوث رہیں ہیں جو ہماری ایٹمی پروگرام کو سبوتاژ کرنے کے درپے ہیں۔اپنے مذموم عناصر کے ذریعے اقوام عالم کو ہمیشہ  یہ باور کرانے کی کوشش کی جاتی رہی ہے کہ پاکستان دہشت گردوں کی محفوط پناہ گاہ ہے اور اس کا ایٹمی پروگرام محفوظ ہاتھوں میں نہیں۔ دہشت گردی کے خلاف انسداد دہشتگردی کے ادارے اور عوام نے یکساں موقف اختیار کرکے یہ ثابت کیا کہ قانون نافذ کرنے والے اداروں اور عوام ملک دشمنوں کے خلاف ایک پیج پر ہیں۔

انہوں نے کہا کہ جڑانوالہ میں تکیفیری دہشت گرد کے ہاتھوں نمازیوں کا قتل  اور پنجاب کے دیگر اضلاع  میں فرقہ واریت کے بڑھتے ہوئے  واقعات ایک سوچی سمجھی سازش ہے۔ایسے واقعات کے سدباب کے لیے ضروری ہے کہ ان شدت پسند عناصر پر بھی ہاتھ ڈالا جائے جو نظریات کے اختلاف پر قتل و غارت کی ترغیب دینے میں مصروف ہیں۔پاکستان کے داخلی امن کو ایک بار پھرتباہی کی طرف لے جانے کی کوشش کی جارہی ہے۔ انتہا پسندوں اور ان کے سہولت کاروں کی بیخ کنی کے بغیر ملک میں امن کے قیام کا تصورمحض خام خیالی ہے۔ہم نے دنیا پریہ ثابت کرنا ہے کہ ہم ایک ایٹمی طاقت ہیں اوراپنا نظریاتی و جغرافیائی دفاع اور اثاثوں کا تحفظ کرنا جانتے ہیں۔

وحدت نیوز (فیصل آباد) فیصل آباد کی تحصیل جڑانوالہ میں آج صبح تکفیری دہشت گرد کے ہاتھوں 2 شیعہ نمازی مسجد میں شہید کردیئے گئے، واقعے کی خبر ملتے ہی مجلس وحدت مسلمین صوبہ پنجاب کے ڈپٹی سیکریٹری جنرل و ضلعی ممبر امن کمیٹی ڈاکٹر سید افتخار حسین نقوی وفد کے ہمراہ جڑنوالہ پہنچ گئے ۔

اس موقع پر سیکرٹری جنرل ضلع فیصل آباد مولانا ذاکر حسین ،جڑانوالہ کے سیکریٹری جنرل محترم عرفانی صاحب اور دیگر رہنمابھی ان کے ہمراہ ان کے ہمراہ موجود ہیں۔ جہاں انہوںنے شہداء کی نماز جنازہ میں شرکت کی اور وارثان شہداءسے تعزیت کے ساتھ مکمل تعاون کا یقین دلایا۔

اس موقع پر ڈاکٹر افتخار حسین نقوی کا کہنا تھا کہ ہم شہداء کے لواحقین کیساتھ شانہ بشانہ کھڑے ہیں، اس ظلم کیخلاف خاموش نہیں رہیں گے،پنجاب حکومت دہشتگردوں اور ان کے سہولت کاروں کیخلاف کاروائی کرے، ہماری نسل کشی جاری ہے جبکہ دہشت گردوں کو پنجاب میں پروٹوکول دیا جا رہا ہے۔واضح رہے کہ اس واقعے کی ایف آئی آر درج کروا دی گئی ہے، ایک نامزد ملزم گرفتار ہو چکا ہے۔

وحدت نیوز(اسلام آباد) مجلس وحدت مسلمین پاکستان ضلع راولپنڈی/ اسلام آباد کے اراکین نے ضلعی سیکریٹری جنرل راولپنڈی مولانا سید علی اکبر کاظمی صاحب کی سربراہی میں شریف آباد غوری ٹاؤن اسلام آباد میں، زیر تعمیر مسجد علی ابن ابی طالب (ع) کا دورہ کیا اور علاقہ کے مکینوں سے ملاقات کی اور انہیں اپنے مکمل تعاون کی یقین دہانی بھی کروائی۔

علاقہ مکینوں کے مطابق انتظامیہ کی نااہلی اور دیگر حکومتی اداروں کی امن و امان کیلئے عدم توجہ گزشتہ کئی ماہ سے جاری ہے مقامی انتظامیہ، حکومتی رٹ کو لاگو کروانے میں ناکام نظر آتی ہے۔ اس علاقے میں نقب زنی، لوٹ مار اور زمینوں پر قبضے کے کئی واقعات رونما ہو چکے ہیں۔

 اسلام آباد کے علاقے غوری ٹاؤن میں مذہبی شدت پسند عناصر کی موجودگی علاقے کیلئے نیک شگون نہیں ہےچند دن قبل سوشل میڈیا پر وائرل ہونے والی وڈیوز میں دیکھا جاسکتا ہے کہ مسجد ہذا کی آئینی تعمیر نو کیلئے عدالت سے حاصل شدہ آڈر ہونے کے باجود شرپسند گروہ قانون و آئین کی دھجیاں اڑاتے ہوئے دارالحکومت اسلام آباد میں فرقہ وارنہ سرگرمیوں میں مصروف ہے اس وجہ سے راولپنڈی اور اسلام آباد کی شیعہ کمیونٹی میں شدید غم و غصہ کی لہر دوڑ گئی ہے۔

اطلاعات کے مطابق یہ چند شر پسند عناصر، عدالتی آرڈر کو چیلنج کرکے تھانہ کورال پولیس کے افسران کو بھی ہراساں کر رہے ہیں اسی وجہ سے مقامی انتظامیہ تعمیر مسجد میں تعاون کرنے سے گریزاں ہے ان حالات میں علاقے کے پرامن سادات و مومنین کی جان و مال کوبھی خطرہ لاحق ہو چکا ہے ۔ہم مطالبہ کرتے ہیں کہ مقامی انتظامیہ معزز عدالت سے حاصلِ شدہ جائز آرڈر پر عملدرآمد میں خلل پیدا کرنے والوں کے خلاف ضروری کاروائی کرے بصورتِ دیگر حکومتی اعلیٰ اداروں کی ذمہ داری بڑھ جاتی ہےکہ وہ ملک پاکستان میں امن و امان قائم رکھنے کیلئے اپنا کردار ادا کریں۔

وحدت نیوز(آرٹیکل)قوموں کے عروج وزوال میں شخصیات کا بڑا کردار ہوتاہے۔سرزمین نگر شخصیات کے پیدا کرنے میں بڑی زرخیز جگہ ہے۔عصر حاضر میں نگر کی قابل شخصیات میں ایک نام حاجی رضوان علی کا ہے۔

مجلس وحدت مسلمین پاکستان کی ٹکٹ پر 2015 کے انتخابات سے الیکشن میں حصہ لیا اور کامرانی کے بعد گلگت بلتستان کے اہم اور بنیادی کاموں میں بہت اچھا کردار ادا کیا۔
اپوزیشن میں ہونے کے باوجود بہت سارے تعلیم،صحت،روڈ، بجلی کے ترقیاتی کاموں کے ساتھ میرٹ کی بحالی اور دینی سیاست کی عظیم مثال قائم کی ۔
آپ کے دیگر دسیوں اہم کاموں کیساتھ دو بنیادی اور دو رس کام شاہراہ نگر، اور نگر ہیڈ کوارٹر ہے۔
شاہراہ نگر مناپن ناصر آباد سے نگر کے مختلف ایریاز سے ہوتاہوا ہوپر تک بنے گا جسکی وجہ سے سیاحت اور معیشت میں بہت بڑا انقلاب آئے گا۔


اس شاہراہ کی تعمیر کا ویژن حقیقت میں حاجی رضوان علی صاحب کے بابصیرت،اور دور اندیش ہونے کی دلیل ہے۔اس شاہراہ کی تعمیر کی خاطر وفاقی،صوبائی لیول پر حاجی نے متعدد میٹنگز کی اور شخصیات سے ملاقات کی۔ صدر اسلامی جمہوریہ پاکستان محترم جناب عارف علوی کوہوپر دعوت دی اور دیگر بہت ساری شخصیات کی آمد کا سلسلہ جاری رہا۔بالاخرہ حاجی صاحب کی محنت کے نتیجہ میں اب وہ شاہراہ تعمیر کے سفر کی طرف جاری ہے۔موجودہ وفاقی پیکج میں اس پروجیکٹ کو رکھنے کی خبر کے بعد نگر کی عوام مسلسل حاجی صاحب کا شکریہ ادا کررہی ہے۔اور سوشل میڈیا میں جوانوں کی طرفسے کافی پزیرائی ہے۔


حاجی صاحب کا دوسرا اہم پروجیکٹ نگر ہیڈ کوارٹر ہے۔ پی پی پی اور اسلامی تحریک کے سیاسی اختلافات کے نتیجہ میں یہ پروجیکٹ التوا کا شکار تھا لہذا حاجی صاحب نے دور اندیشی کا مظاہرہ کرتے ہوئے اس اہم کام کو بھی اپنے نام کیا۔ اگرچہ ہمارا موجودہ سیاسی سسٹم کام،میرٹ کو نہیں دیکھتا بلکہ وقتی مفاد،اور انتخابی جوڑ توڑ کو دیکھتا ہے۔جسکے نتیجہ میں نگر حلقہ 5 کی طرفسے جوپزیرائی ملنی چاہئے تھی نہیں ملی۔ لیکن نگر کی تاریخ کے اوراق میں حاجی رضوان علی صاحب کا نام سنہرے الفاظ میں لکھا جائے گا۔

تحریر: جے ایم بلتستانی

وحدت نیوز(کوئٹہ) مجلس وحدت مسلمین کوئٹہ ڈویژن کے سیکرٹری جنرل ارباب لیاقت علی ہزارہ نے کہا ہے کہ انسانیت کی خدمت سب سے اول اور سب سے بڑھ کر ہے۔ ہمارے لئے جتنا ممکن ہے، ہمیں اس معاشرے کی خدمت کرنی چاہیئے۔ ہر فرد کو زندگی کے جس شعبے میں موقع ملے، اس کی ذمہ داری ہے کہ بنی آدم کی خدمت کرے۔ ان خیالات کا اظہار انہوں نے شئیر انٹرنیشنل کی جانب سے اسکالرشپ کے لئے رجسٹریشن کے دوران میڈیا سے گفتگو کرتے ہوئے کیا۔

 ان کا کہنا تھا کہ جن فیملیز کو اسکالرشپ دیا جا رہا ہے، ان میں سے 90 خاندانوں کا تعلق ہزارہ ٹاون جبکہ 110 کا تعلق علمدار روڈ سے ہے۔ انہوں نے بلوچستان کے ناقص تعلیمی نظام کا تذکرہ کرتے ہوئے کہا کہ اسکالر شپ کا مقصد یہ ہے کہ شہداء کے بچے اکیسوی صدی کی بہترین تعلیمی سہولیات حاصل کر سکیں، اسی لئے ان خاندانوں میں جو بچے سرکاری اسکولوں کے طلباء ہیں، انہیں وہاں سے نکال کر اچھے اسکولوں میں داخل کر دیا گیا ہے۔

اطلاعات کے مطابقکوئٹہ میں شیئر انٹرنیشل کی جانب سے 200 شہداء کے گھرانوں  سے تعلق رکھنے والے بچوں کے اسکول سے یونیورسٹی تک کے اخراجات کے لئے اسکالرشپ فراہم کیا جا رہا ہے۔ جس کی رجسٹریشن المصطفٰی پبلک ہائی اسکول میں کی گئی۔ ایک سوال کے جواب پر ارباب لیاقت علی ہزارہ کا کہنا تھا کہ شیئر انٹرنیشنل ہمیشہ سے مختلف طریقوں سے تعلیم کو فروغ دینے کے لئے کام کرتا آرہا ہے، مگر یہ پہلی بار ہو رہا ہے کہ براہ راست ادارے کا نام آرہا ہے۔

وحدت نیوز(ملتان)مجلس وحدت مسلمین جنوبی پنجاب کے صوبائی سیکرٹری سیاسیات انجینیئر مہر سخاوت علی نے ڈیرہ غازیخان میں لادی گینگ کی درندگی، شقاوت اور کھلی دہشتگردی کی شدید مذمت کرتے ہوئے کہا ہے کہ ابھی پولیس کی مذکورہ گینگ کے سرنڈر کرنے کے اعلان کی بازگشت بھی ختم نہیں ہوئی تھی کہ اس گروہ نے دو افراد کو جانوروں کی طرح ذبح اور قتل کرکے قانون نافذ کرنے والے اداروں کے منہ پر زناٹے دار تھپڑ رسید کر دیا ہے۔

 انہوں نے کہا کہ کچے کے علاقے اور ٹرائبل ایریا میں پنپنے والے ان جرائم پیشہ افراد اور گروہوں کو بااثر وڈیروں اور نوابوں کی سرپرستی حاصل ہے، پولیس، خفیہ ایجنسیز اور قانون نافذ کرنے والے ادارے ان طاقتور سرپرستوں اور گینگز کے سامنے بھیگی بلی بنے ہوئے ہیں۔

انہوں نے کہا کہ اس واقعہ کی صرف ایک ویڈیو منظرعام پر آئی ہے، جس نے عوام میں خوف وہ راس اور دہشت کی لہر دوڑا دی ہے، جبکہ ایسے درجنوں واقعات رپورٹ ہی نہیں ہوتے، انہوں نے کہا کہ وزیراعلیٰ پنجاب کے اپنے گھر میں ہونے والی یہ لرزہ خیز واردات ایک ٹیسٹ کیس ہے، انہوں نے مطالبہ کیا کہ اس گینگ کے سرپرستوں سمیت تمام مجرموں کو گرفتار کرکے عبرتناک سزادی جائے اور حکومت جس رِٹ کی رٹ لگاتی ہے، اس کا عملی وجود بھی ثابت کرے۔

وحدت نیوز(کراچی )مجلس وحدت مسلمین پاکستان صوبہ سندھ کے سیکرٹری جنرل علامہ باقر عباس زیدی نے کہا ہے کہ سندھ حکومت انتظامی امور پر قابو پانے میں مکمل طور پر ناکام ہوچکی ہے، حکمرانوں کی بے حسی سندھ کے عوام کو پیپلز پارٹی سے دور کر رہی ہے، اگر سندھ حکومت نے اپنا رویہ نہ بدلا تو برسر اقتدار پارٹی کا سیاسی مستقبل تباہ ہوکر رہ جائے گا۔ انہوں نے کہا کہ صوبہ سندھ میں عام آدمی کا طرز زندگی تباہ حالی کا شکار ہے، صحت تعلیم روزگار اور قانون نافذ کرنے والے اداروں سمیت تمام شعبے پوری سرعت کے ساتھ تنزلی کی طرف بڑھ رہے ہیں، بڑھتی ہوئی مہنگائی نے جلتی پر تیل کا کام کر رکھا ہے، ایسا لگتا ہے جیسے حکومت کو عوام کی مشکلات سے کوئی غرض نہیں۔ انہوں نے کہا کہ لاک ڈاؤن دیہاڑی دار طبقے کے لئے وبال جان جب کہ انتظامی اہلکاروں کے لئے لوٹ مار کرنے کا سنہری موقع بنا ہوا ہے، دکانداروں سے جبری بھتہ وصول کیا جا رہا ہے، غریب عوام ہر طرف سے ظلم کی چکی میں پس رہے ہیں۔

انہوں نے کہا کہ حکومت کورونا وباء سے بچاتے بچاتے عوام کو بھوک اور فاقوں سے مار دے گی، جن چھوٹے دکانداروں کا روزگار متاثر ہو رہا ہے حکومت انہیں ریلیف فراہم کرے، ملک میں مہنگائی کی شرح دو سو فیصد تک بڑھ چکی ہے، عوام یہ پوچھنے میں حق بجانب ہیں کہ کورونا ریلیف کے نام پر ملنے والے اربوں روپے کن کاموں پر خرچ کئے گئے۔ انہوں نے کہا کہ بازار اور دکانیں زبردستی بند کرانے کے بجائے ایس او پیز پر سختی سے عمل درآمد کرایا جائے تاکہ تاجر طبقے کا روزگار چلتا رہے، تعلیمی اداروں کی بندش کے باعث طلباء کا تعلیمی سلسلہ مفلوج ہوکر رہ گیا ہے، اگر کوئی مثبت اور فوری لائحہ عمل طے نہ کیا گیا تو بچوں کا تعلیمی مستقبل داؤ پر لگ جائے گا، کورونا کے دوران تعلیمی نظام کو عالمی طریقہ کار سے ہم آہنگ کرنا ضروری ہے تاکہ کورونا وائرس کے پھیلاؤ کو بھی روکا جائے اور بچوں کی تعلیم بھی متاثر نہ ہو۔

وحدت نیوز(کوئٹہ) مجلس وحدت مسلمین پاکستان کے مرکزی ترجمان علامہ مقصود علی ڈومکی نے امریکی نائب وزیر دفاع کے بیان پر اپنی تشویش کا اظہار کرتے ہوئے کہا ہے کہ انسان دشمن سامراجی پالیسیوں کی بدولت امریکہ اقوام عالم میں تنہا ہو چکا ہے اور دنیا بھر کے عوام امریکہ کے انسان دشمن ظالمانہ نظام سے نفرت کرتے ہیں امریکہ اقوام عالم میں منفور ہو چکا ہے۔ شیطان بزرگ امریکہ نے پاکستان اور عالم اسلام کو ہمیشہ نقصان پہنچایا ہے اور وہ کبھی پاکستان کا قابل اعتماد دوست نہیں رہا۔ پاکستان میں دہشت گردی امریکہ اور سامراجی ممالک کا دیا ہوا تحفہ ہے۔

 انہوں نے کہا کہ امریکہ کی اسلام دشمنی کسی سے ڈھکی چھپی بات نہیں ہے۔ فلسطینی مسلمانوں کے قتل عام میں امریکہ براہ راست شریک ہے۔ امریکہ نے اسلام دشمنی کا مظاہرہ کرتے ہوئے بیت المقدس کو اسرائیل کا دارالخلافہ قرار دیا جو امت مسلمہ کی توہین کے مترادف ہے۔ امریکہ نے پوری دنیا کے اندر اسلام اور انقلاب اسلامی کے خلاف محاذ قائم کیا ہے۔

انہوں نے مزید کہا کہ امریکی نائب وزیر دفاع کی جانب سے پاکستان میں امریکی افواج کے لیے پاک سرزمین کے استعمال کی اجازت پر مبنی بیان انتہائی افسوسناک قابل مذمت اور پوری پاکستانی قوم کے لئے باعث تشویش ہے۔ پاکستان 22 کروڑ غیرت مند مسلمانوں کا ایک آزاد اور خودمختار وطن ہے۔ پاک وطن میں امریکی مداخلت اور سامراجی بالادستی ناقابل قبول ہے۔ امریکی دوستی نے ہمیشہ پاکستان کو بحرانوں میں دھکیل دیا اس لئے ہمارے حکمرانوں کو چاہئے کہ وہ امریکی غلامی سے اس ملک کو آزاد کریں۔

وحدت نیوز(کراچی) مجلس وحدت مسلمین صوبہ سندھ کے ترجمان علامہ مبشرحسن نے اپنے بیان میں کہا ہے کہ شکار پور میں ڈاکوؤں کے ہاتھوں صحافی اور پولیس اہلکاروں کا قتل انتہائی تشویشناک ہے۔ڈی جی رینجرز سندھ شکار پور میں ڈاکوؤں کے خلاف آپریشن کا فوری آغاز کریں۔

انہوں نے کہا کہ آخر کب تک سندھ میں ڈاکوؤں کا راج جاری رھے گا ؟وزیر اعلیٰ سندھ پولیس کو جدید سہولیات سے آراستہ کرنے کے لئے اقدامات کریں۔ ڈاکوؤں کے پاس سندھ پولیس سے زیادہ جدید اور خطرناک ہتھیار موجود ہیں۔  ڈاکوؤں کے پاس جدید ہتھیاروں کا ھونا حکومت اور اداروں کی کارکردگی پر سوالیہ نشان ہے۔

وحدت نیوز (اسلام آباد) مجلسِ وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ کوئی بھی ایسا فیصلہ جس سے پاکستان کی داخلی خودمختاری متاثر ہوتی ہو، اسے پاکستان کے عوام کسی صورت قبول نہیں کریں گے۔افغان امن کے لیے خطے کے ممالک کا باہمی تعاون وقت کی ضرورت ہے لیکن امریکہ کے قومی مفادات ہوں یا اس کی نیشنل سیکورٹی وہ اس ریجن کے مفادات اور ہمارے ملک کے قومی مفادات اور قومی سیکورٹی سے ایک دوسرے کی ضد ہیں ، قوم ماضی میں امریکہ سے تعاون کا خمیازہ بدترین دہشت گردی اور ستر ہزار سے زائد لاشوں کی صورت میں بھگت چکی ہے۔ امریکہ ہمیشہ اپنے مفادات کے حصول کی خاطر پاکستان کو اپنے ساتھ نتھی کرنے کے درپے رہتا ہے ، لہذا امریکہ کو پاکستانی فضائی اور زمینی حدود امریکہ کو دینا پاکستان کے بائیس کروڑ عوام کو ایک نئی آزمائش سے دوچار کرنے کے مترادف ہو گا۔

انہوں نے کہا کہ امریکہ کی افغانستان تک رسائی کے لیے پاکستان سے زمینی و فضائی راستے اور فوجی اڈے دینے کی اخباری اطلاعات تشویشناک ہیں۔ امریکہ کے معاون وزیرِ دفاع برائے ہند و بحرالکاہل (انڈو پیسفک) ڈیوڈ ہیلوے کے اس بیان "پاکستان امریکہ کو افغانستان تک رسائی دینے کے لیے زمینی اور فضائی حدود استعمال کرنے کی اجازت برقرار رکھے گا" پر حکومت اپنی پوزیشن واضح کرے اور امریکہ کو نفی میں دو ٹوک جواب دیا جائے۔عوام کو اندھیرے میں رکھنے سے قوم کا حکومت پر سے اعتماد اٹھ جائے گا۔

انہوں نے کہا کہ خطے سے امریکہ کا مکمل انخلا علاقائی امن کے قیام کے لیے ازحد ضروری ہے۔جب تک اس شیطانی قوت کا وجود خطے میں موجود رہے گا تب تک شرانگیز کارروائیوں کا خاتمہ ممکن نہیں۔

انہوں نے کہا کہ امریکہ نے ہمیشہ دوستی کے لبادے میں چھپ کر ہم پر وار کیا ہے۔ امریکہ کی خطے میں موجودگی کے لیے پاکستان کی اعلانیہ یا غیر اعلانیہ طور کسی بھی قسم کی امریکہ کو یقین دہانی عوامی خواہشات کے برعکس اور ریاست کے مفادات کے منافی سمجھی جائے گی۔

Page 9 of 1131

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree