The Latest

وحدت نیوز(گھڑی یاسین) مجلس وحدت مسلمین تحصیل گڑھی یاسین کے سیکرٹری جنرل مستنصر مہدی ابڑو نے گھوٹکی ٹرین حادثے میں شہید ہونے والے مسافروں کی شہادت پر افسوس کا اظہار کرتے ہوئے کہا کہ ٹرین حادثہ ریلوے انتظامیہ کی نااہلی کے سبب پیش آیا ہے۔

 انہوں نے کہا کہ حادثے میں چالیس سے زائد افراد کی موت ایک المناک سانحہ ہے جس سے ہر آنکھ اشکبار ہے۔ حادثے کے زخمی افراد کو علاج معالجے کی مکمل سہولیات اور متاثرہ مسافروں کو ان کی منزل تک پہنچانے کے لیے ریلوے اور متعلقہ اداروں کو بلا حیل و حجت تمام تر وسائل بروئے کار لانے ہوں گے۔مسافروں کی طرف سے متبادل گاڑی کی فراہمی کے مطالبے پر ریلوے حکام کی عدم توجہی کی اطلاعات افسوسناک ہیں۔ گھوٹکی ٹرین حادثے کی شفاف تحقیقات ہونی چاہیے۔

وحدت نیوز(لیہ) پاکستان عوامی تحریک جنوبی پنجاب کے وفد نے لیہ میں مجلس وحدت مسلمین کے صوبائی رہنمائوں سے ملاقات کی، ملاقات میں مستقبل میں مشترکہ لائحہ عمل پر اتفاق کیا گیا، ملاقات میں پاکستان عوامی تحریک جنوبی پنجاب کے صوبائی ڈپٹی سیکرٹری ڈاکٹر محمودالحسن مصطفائی اور ضلعی صدر عوامی تحریک لیہ سید انعام اللہ گیلانی موجود تھے جبکہ مجلس وحدت مسلمین کی جانب سے صوبائی سیکرٹری عزاداری صفدر حسین خان، ضلعی سیکرٹری جنرل مولانا ساجد حسین اسدی، سابق ضلعی سیکرٹری جنرل ساجد حسین خان گشکوری، جمیل حسین خان، ضلعی ڈپٹی جنرل سیکرٹری مولانا رضوان جعفری اور دیگر موجود تھے۔

دوران ملاقات دونوں جماعتوں کے قائدین نے نئے سیاسی عزم اور جذبے کے ساتھ آگے بڑھنے پر اتفاق کیا ، ملاقات میں موجودہ ملکی سیاسی صورتحال پر گفتگو کی گئی، پی اے ٹی کے رہنمائوں نے 17جون کو سانحہ ماڈل ٹاؤن کے حوالے سے نکالی جانے والی احتجاجی ریلی میں شرکت کی دعوت دی، جسے ایم ڈبلیو ایم کے رہنمائوں نے قبول کیا۔

اس موقع پر ایم ڈبلیو ایم کے صوبائی رہنماصفدر خان نے کہا کہ ہم ان شاء اللہ مل کر انسانیت اور مظلوموں کے حق میں آواز بلند کریں گے اور اُن کا سہارا بنیں گے۔ اُنہوں نے مزید کہا کہ ان شاء اللہ وہ دن دور نہیں جب حق کی فتح ہوگی اور انقلاب کا سورج طلوع ہوگا۔

وحدت نیوز(ملتان) مجلس وحدت مسلمین جنوبی پنجاب کے صوبائی سیکرٹری سیاسیات نے کہا ہے کہ آسائشوں اور طاقت کے پیچھے بھاگتے انسان نے سب سے زیادہ ماحولیات کو تہہ و بالا کیا ہے۔ مصنوعی کھاد بنائی جا رہی ہے جو یقینا انسانی غذائی آلودگی کا سبب بن رہی ہے، ذرائع آمد ورفت میں روزانہ کی بنیاد پر اضافہ ہو رہاہے، صنعتوں کو بڑھانے پر زور دیا جا رہاہے، پلاسٹک کی اشیا بڑھ چڑھ کر بازار میں دستیاب ہیں اور رہی سہی کسر مہلک ہتھیاروں کا بے دریغ استعمال ہے جس نے پوری دنیا کو آلودہ کیا ہوا ہے۔ آلودگی کو کم کرنے کے لیے نچلی سطح تک لوگوں میں آگاہی مہم شروع کریں گے تاکہ لوگ اس مسئلے کو سمجھ سکیں۔ آلودگی کو کم کرنے میں اپنا کردار ادا کر سکیں۔

انہوں نے مزید کہا کہ شجرکاری بہترین ذریعہ ہے ماحولیاتی آلودگی کم کرنے کا۔ انشاءاللہ مجلس وحدت مسلمین جنوبی پنجاب کے کارکنان ماحولیاتی آلودگی سے نجات کے لئے اپنا مثبت کردار ادا کریں گے اور بھرپور شجرکاری مہم چلائیں گے۔

 انہوں نے کہا کہ شجرکاری سے نہ صرف ماحولیاتی آلودگی پر قابو پایا جاسکتا بلکہ شجرکاری سے گرمی کی شدت کو بھی کم کیا جاسکتا ہے، انہوں نے کہا کہ شجرکاری مہم میں حکومت کے ساتھ ساتھ شہریوں کی بھی ذمہ داری ہے کہ وہ ماحولیاتی آلودگی اور موسمیاتی تبدیلی سے بچاو کے لیے اپنا اپنا کردار ادا کریں۔

وحدت نیوز(مشہد مقدس)  مجلس وحدت مسلمین پاکستان شعبہ مشہد مقدس کے سیکرٹری جنرل حجتہ الاسلام والمسلمین آقائی عقیل حسین خان نے شہادت امام جعفر صادق علیہ السلام و برسی امام راحل روح اللہ الموسوی الخمینی رضوان اللہ علیہ کے موقع پر اپنے تعزیتی بیان میں کہا کہ رئیس مکتب امام جعفر صادق علیہ السلام وہ عظیم ہستی ہیں کہ جنہوں نے ہزاروں شاگردوں کو مختلف علوم کی تعلیم دی، امام جعفر صادق علیہ السلام نے اپنی پوری زندگی انسانیت کی بھلائی اور اسکی نجات کے لئے صرف کی۔

 انہوں کہا کہ آج امام جعفر صادق علیہ السلام کے فرزند جسے زمانہ خمینی بت شکن کے نام سے جانتا ہے اس مرد قلندر نے آئمہ کی سیرت طیبہ پر عمل کرتے ہوئے ظالموں اور جابروں کے خلاف علم جہاد بلند کیا اور ایک عظیم ملت کو ان کے چنگل سے آزاد کرایا، امام خمینی کی حکیمانہ  قیادت ہی ہے کہ جس نے ایرانی قوم کو سامراجی طاقتوں کی دلدل اور شہنشاہیت کے غلط بوسیدہ نظام سے نجات دلائی اور ایک عظیم اسلامی حکومت تشکیل دی۔

وحدت نیوز(لاہور) مجلس وحدت مسلمین پنجاب کے صوبائی سیکرٹری جنرل علامہ عبدالخالق اسدی نے پریس کانفرنس سے خطاب کرتے ہوئے کہا ہے کہ پنجاب انتظامیہ مکتب اہل بیت علیہم السلام سے متعصبانہ رویہ اختیار کیے ہوئے ہے. کورونا ایس او پیز کی آڑ میں ملت جعفریہ کو دیوار سے لگانے کی سازش کی شدید مذمت کر تے ہیں. یوم علی ع منانا ہماری عبادت ہے اور مظلوم فلسطینیوں کی حمایت ہمارے ایمان کا تقاضہ ہے، اس سے بڑی منافقت کیا ہو گی کہ ملت جعفریہ ہر سال کی طرح اس سال بھی مظلوم فلسطین مسلمانوں کے حق میں احتجاجی مظاہرے کرے تو ہم پر جھوٹی ایف آئی آر درج ہو جاۓ اور یوم علی علیہ السلام منانے پر بھی ایف آئی آر درج ہو جائے . جبکہ وزیراعظم عمران خان کے اعلان پرفلسطینیوں کے حق میں ریلیاں نکالی جائیں تو انہیں سراہا جائے۔

انہوں نے کہا کہ حکومتی مذہبی ادارہ جات میں ملت تشیع کے ساتھ مذہبی تعصب کی انتہا کر دی گئی ہے ، متحدہ علماء بورڈ میں شیعہ مکتب فکرکے علماء کی تعداد دیوبندی اور اہل سنت بریلوی کے مقابلے میں 50 فیصد کم کر دی گئی ہے. ایک متعصب شخص کومتحدہ علماء بورڈ کا چیئرمین مقر رکیا گیا. متحدہ علماء بورڈ کے موجودہ سیشن کے دو سال سے زیادہ عرصہ گزرنے کے باوجود تا حال شیعہ علماء کی تعدادکودوسرے مسالک کی تعداد کے برابر نہیں کیا گیا. متعصب ذمہ دار کی آمد سے قبل متحدہ علماء  بورڈ کے گزشتہ سیشنز میں ملت جعفریہ کے علمائے کرام کی تعداد دیگر مسالک کے علماء کی تعداد کے برابرتھی. اتحاد بین المسلمین کمیٹی میں بھی شیعہ حضرات کی تعدادکم رکھی گئی ہے. قرآن بورڈ میں بھی متعصبانہ رویہ اپنانے کی تیاری کی جارہی ہے۔

انہوں نے وزیراعلیٰ پنجاب عثمان بزدار اور سیکرٹری اوقاف سے مطالبہ کیا کہ اس متعصبانہ رویہ کا ازالہ کریں. اگر متحدہ علماء بورڈ میں شیعہ علماء کی تعداد باقی مسالک کے برابر نہ کی گئی تو مورخہ 25 جون کو محکمہ اوقاف کے دفتر کے باہر لاہور میں علامتی دھرنا دیا جائےگا. پنجاب کے اضلاع میں خصوصی طور پر چنیوٹ کے عزادار شہریوں پر بے جا جھوٹے مقدمات درج کیے جا رہے ہیں اور انہیں شیڈول فور میں ڈالا جا رہا ہے۔ہم کبھی بھی چنیوٹ کے عزاداروں کو تنہا نہیں چھوڑیں گے. چنیوٹ کا متعصب ایم پی اے اور متعصب ڈی پی او ملت جعفریہ کو دیوار سے لگانے کی سازش میں گٹھ جوڑ کیے بیٹھے ہیں۔

 انہوں نے کہا کہ وزیر قانون راجہ بشارت سے ہمارے مذاکرات کے باوجود چنیوٹ کے معاملے پر عملدرآمد نہ ہونے کے برابر ہے. محرم الحرام سے قبل عزاداری کے معاملے پر ڈویژنل ہیڈکوارٹرز میں عزاداری کانفرنس کا انعقاد کیا جائے گا اور اگر متحدہ علماء بورڈ اور دیگر سرکاری کمیٹیوں میں ملت جعفریہ کے ساتھ سازشوں کا سلسلہ جاری رہا تو مورخہ 25 جون کو محکمہ اوقاف کے دفتر کے باہر لاہور میں علامتی دھرنا دیا جائے گا۔

وحدت نیوز(کراچی) مجلس وحدت مسلمین صوبہ سندھ کے سیکریٹری جنرل علامہ سید باقرعباس زیدی نے گھوٹکی ٹرین حادثے میں قیمتی انسانی جانوں کے ضیاع پر دکھ اور افسوس کا اظہار کرتے ہوئے کہا کہ یہ ، ایک قومی سانحہ ہےجس پر پوری قوم سوگوار ہے۔ٹرین حادثے میں محکمہ جاتی کوتاہیوں کی نشاندہی باعث تشویش ہے۔

انہوں نے کہا کہ سانحےکی شفاف تحقیقات کے نتیجے میں ذمہ داران کا تعین کیا جائے اور انہیں عبرت ناک سزا دی جائے۔ ہم غمزدہ خاندانوں کے دکھ میں برابر کے شریک ہیں، خدا سے مرحومین کی مغفرت اور پسماندگان کیلئےصبر جمیل کیلئے دعا گو ہیں۔

وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے مزمل عباس ضلعی سیکرٹری جنرل مجلس وحدت مسلمین بھکر کے والد محترم کے انتقال پر ملا ل پر تعزیت و تسلیت پیش کرتے ہوئے پسماندگان سے دلی افسوس اور رنج و غم کا اظہار کیا ہے۔

انہوں نے کہا کہ اللہ سبحانہ و تعالیٰ کی بارگاہ میں دعا گو ہوں چہاردہ معصومین علیہم السلام کے صدقے مرحوم کی مغفرت فرمائے اور انہیں جوار معصومین علیہم السلام میں جگہ عنایت فرمائے،پسماندگان کو صبر جمیل عطا فرمائے اور اپنی بارگاہ سے صابرین کا بہترین اجر انہیں نصیب کرے ۔ آمین یا رب العالمین

وحدت نیوز(کوہاٹ)مجلس وحدت مسلمین خیبر پختونخواہ کے صوبائی کابینہ کا کوہاٹ آفس میں اجلاس ہوا. جس میں صوبائی کابینہ کے علامہ سید وحید عباس کاظمی, علامہ ارشاد حسین, قاری شیر افضل, حاجی علی داد خان, قاسم بھائی, ایڈوکیٹ جابر ,سید اسرار حسین اور جلال حسین طوری نے شرکت کی. مرکز سے آغا اقبال بہشتی ,ملک اقرار اور ایڈوکیٹ آصف نے شرکت کی۔

پروگرام کا باقاعدہ آغاز تلاوت کلام پاک سے قاری شیر افضل صاحب نے کیا.اس کے بعد صوبائی تنظیم سازی اور دیگر امور کے بارے میں تفصیل سے بات ہوئی. تنظیم سازی پے خصوصی طور پر بحث ہوئی .جو بڑے اضلاع ہے کوہاٹ, ہنگو,اورکزئی اور پشاور جن میں ابھی تک سیٹ اپ نہیں بن سکا۔ آئندہ تنظیم سازی کا خصوصی طور پر ان اضلاع میں کام ہوگا اور مرکز کی طرف سے یقین دہانی کرائی گئی کہ کسی ضلع میں مداخلت نہیں کی جائیگی اور سب کام صوبے کے مشاورت سے انجام پائینگے.صوبائی آفسز کو فعال بنایا جائے گا۔

اجلاس میں سہ ماہی پروگرام کو بھی بیان کیا گیا اور اگلے تین مہینوں میں صوبائی کابینہ کا اجلاس, شوری کا اجلاس اور ضلعی شوری کے اجلاس بھی منعقد کئے جائنگے.پروگرام کے آخر میں آغا اقبال بہشتی اور ملک اقرار صاحب نے اخلاقی درس دیئے اور تنظیمی امور کو بہتر سے بہتر طور پے چلانے کی تاکید و وصیت کی.اختتامی دعا علامہ ارشاد حسین صاحب نے کی۔

وحدت نیوز(اسلام آباد)مجلس وحدت مسلمین پاکستان کے سربراہ علامہ راجہ ناصر عباس جعفری نے گھوٹکی ٹرین حادثے میں قیمتی انسانی جانوں کے ضیاع پر افسوس کا اظہار کرتے ہوئے واقعہ کی فوری اور شفاف تحقیقات کا مطالبہ کیا ہے۔

انہوں نے کہا کہ حادثے میں چالیس سے زائد افراد کی موت ایک المناک سانحہ ہے جس سے ہر آنکھ اشکبار ہے۔ حادثے کے زخمی افراد کو علاج معالجے کی مکمل سہولیات اور متاثرہ مسافروں کو ان کی منزل تک پہنچانے کے لیے ریلوے اور متعلقہ اداروں کو بلا حیل و حجت تمام تر وسائل بروئے کار لانے ہوں گے۔مسافروں کی طرف سے متبادل گاڑی کی فراہمی کے مطالبے پر ریلوے حکام کی عدم توجہی کی اطلاعات افسوسناک ہیں۔

انہوں نے کہا کہ زخمی مسافروں کی طرف سے ریلوے کے عملے پر حادثے کا الزام عائد کیا جانا بہت سارے سوالات کو جنم دیتا ہے۔ریل کار کے ذریعے کسی بھی سفر سے قبل ریل کے انجن اور بوگیوں کے ضروری حصوں کی جانچ پڑتال میں کوتاہی سنگین جرم ہے۔ اس طرح کے حادثات اگر عملے کی غفلت کے سبب رونما ہوں تو ذمہ داران کے خلاف قتل اور دہشت گردی کے تحت مقدمات کا اندراج ہونا چاہئے تاکہ حساس نوعیت کی ذمہ داریوں میں کوتاہی نہ برتی جائے۔

وحدت نیوز(کوئٹہ) مجلس وحدت مسلمین پاکستان کے مرکزی ترجمان علامہ مقصود علی ڈومکی نے شہداء ٹھیڑھی ضلع خیرپور کے شہداء کی 58 ویں برسی کی مناسبت سے ویڈیو کانفرنس سے خطاب کرتے ہوئے کہا کہ تین جون 1963 کے دن یزیدی دھشت گردوں نے عزاداروں کا قتل عام کر کے یزیدی رسم ادا کی۔ روز عاشورا کے دن 118 حسینیوں نے جام شہادت نوش کیا جو کہ پاکستان کی تاریخ کا المناک سانحہ ہے۔ سر زمین پاکستان پر حسینیوں نے اپنے پاکیزہ لہو کا نذرانہ دے کر ذکر حسین علیہ السلام اور عزاداری کی حفاظت کی ہے۔ دھشت گردی اور بم دھماکے عاشقان اھل بیت علیھم السلام کو ڈرانے میں ناکام رہے۔

انہوں نے کہا کہ یزیدی فکر اسلام کی پاکیزہ تاریخ میں ایک نجس سوچ کا نام ہے جو ہر دور میں بے گناہ انسانوں کا خون بہانے کا نام ہے۔ حسینیوں کی چودہ سو سالہ تاریخ حق گوئی حق طلبی عشق خدا و عشقِ رسول و آل رسول سے مزین تابناک اور شہادت فی سبیل اللہ کے سرخ خون سے رنگین ہے۔انہوں نے کہا کہ آپریشن ضرب عضب اور رد الفساد کا تسلسل ضروری ہے۔ جن دھشت گردوں نے وطن عزیز پاکستان میں شہریوں کو نشانہ بنایا پاک فوج پولیس ایف سی اور رینجرز پر حملے کئے ان تکفیری دہشت گردوں کا مکمل خاتمہ ضروری ہے۔ اسی ہزار شہداء کے وارث آج بھی انصاف کے منتظر ہیں۔

Page 5 of 1131

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree