The Latest
وحدت نیوز(مظفرآباد)سابق سیکرٹری جنرل مجلس وحدت مسلمین آزادجموں وکشمیر ضلع باغ سیدعبادت علی کاظمی کی وحدت ہاوس مظفرآباد میں علامہ سید تصور حسین نقوی الجوادی سیکرٹری جنرل مجلس وحدت مسلمین آزادکشمیر سے ملاقات۔اس موقع پرضلع باغ کی سیاسی،ملی و تنظیمی صورتحال پر تفصیلی تبادلہ خیال کیا گیا۔
علامہ جوادی نے گفتگو کرتے ہوئےکہا کہ پچھلے کچھ عرصہ سے ضلع باغ کی تنظیم غیر فعال ہوئی تھی لیکن ہم چاہتے ہیں کہ جیسے پہلے ضلع باغ کا تنظیمی سیٹ اپ مثالی تھا ایسے ہی اب بھی یہ ضلع آپکی قیادت میں ماڈل ضلع بنے۔اس موقع پر علامہ تصور جوادی نے سید عبادت کاظمی کو مجلس وحدت مسلمین پونچھ ڈویژن کا کوآرڈینیٹر مقرر کرتے ہوئے ضلع باغ کے لیے عبوری سیکرٹری جنرل کی ذمہ داریاں بھی تفویض کیں۔
سید عبادت کاظمی نے کہا کہ میں اعتماد پر آپکا اور جماعت کا ممنون ہوں اور کوشش کروں گا کہ ضلع باغ میں بلخصوص اورپونچھ ڈویژن میں بھی اپنی فعالیت کر کے جلد ایک جامع رپورٹ مرکز کو فراہم کروں گا۔اس موقع پر سیکرٹری سیاسیت ایم ڈبلیو ایم آزادکشمیر سید ذوالفقار علی نقوی اور کوآرڈینیٹر ایمپلائز ونگ سید ممتاز حسین نقوی بھی موجود تھے۔
وحدت نیوز(لاہور) متحدہ علماء بورڈ سمیت سرکاری اداروں اور کمیٹیوں میں شیعہ نمائندگی کم کئے جانے کیخلاف شیعہ علمائے کرام میدان میں آ گئے۔ مجلس وحدت مسلمین پنجاب کے صوبائی دفتر وحدت سیکرٹریٹ میں شیعہ علما کرام نے ایم ڈبلیو ایم کے مرکزی رہنما علامہ احمد اقبال رضوی، صوبائی سیکرٹری جنرل پنجاب علامہ عبدالخالق اسدی کے ہمراہ پریس کانفرنس کی۔
علامہ احمد اقبال رضوی کا کہنا تھا کہ متحدہ بورڈ میں شیعہ مسلک کیساتھ زیادتی ہو رہی ہے، پاکستان کے بانی، پیسہ خرچ کرنیوالوں اور قربانیاں دینے والوں میں شیعہ شامل تھے، شیعیانِ حیدر کرار اس ملک کی ترقی میں کلیدی کردار ادا کرتے ہیں۔ انہوں نے کہا کہ اس ملک میں افراتفری کیلئے ماضی میں مذہبی منافرت پھیلائی گئی، گزشتہ حکمرانوں نے ملک کو تقسیم کیا، گزشتہ چالیس سال سے فرقہ وارانہ جنگ شروع ہے، ہمیں ہر لحاظ سے سائیڈ پر کرنے کی کوشش کی گئی مگر تشیع دشمن ناکام رہے۔
علامہ احمد اقبال رضوی کا کہنا تھا کہ ہم نے اپنے ملک سے وفاداری کی پاسداری کی ہے، اپنے ملک کیلئے قربانیاں دی ہیں اور آئندہ بھی وطن کی حرمت کیلئے ہم ہی قربانیاں دیں گے۔
انہوں نے کہا کہ ایک مرتبہ بھر فرقہ ورانہ جنگ چھیڑی جا رہی ہے، عزاداروں کو غیر آئینی اور غیر قانونی طور پر ہابند سلاسل کیا گیا، عزاداری سید الشہدا ہماری عبادت ہے، ہم اس سے کسی طور بھی پیچھے نہیں ہٹیں گے۔ انہوں نے کہا کہ نون لیگ کے دور میں ہم سے زیادتی ہوئی، پی ٹی آئی حکومت سے یہ توقع نہیں تھی، بیوروکریسی نے یزید کا کردار ادا کیا۔
علامہ عبدالخالق اسدی نے کہا کہ متحدہ علما بورڈ میں اہلسنت کی تعداد دس، الحدیث کی تعداد چھ اور ہماری تعداد پانچ ہے، متحدہ علما بورڈ میں ہماری تعداد آدھی کر دی گئی ہے، ہماری بات کو سنجیدگی سے سنیں اور اس پر عمل کریں. امتیازی ناروا سلوک نا قابل قبول ہے۔ انہوں نے کہا کہ متحدہ علما بورڈ میں ہمارے ساتھ امتیازی سلوک کیا جا رہا ہے جس کیخلاف اسمبلی میں توجہ دلاو نوٹس لا چکے ہیں، سب نے حمایت کی لیکن کوئی ردعمل نہیں آیا، گورنمنٹ اس حساس ایشو کی طرف توجہ دے۔
انہوں نے کہا کہ آج یہاں علمائے کرام کا اکٹھا ہونا ہمارا احتجاج ہے، اگر توجہ نہ دی گئی تو ہم پُرامن احتجاج کریں گے، جب تک متحدہ علماء بورڈ میں ہمارے علماء کی تعداد دوسرے مسالک کے علما کرام کے برابر نہیں کی جاتی ہمارا احتجاج جاری رہے گا۔
انہوں نے کہا کہ پنجاب اسمبلی کے باہر اکیس جون کو احتجاج ہو گا، پھر اس کے بعد پچیس جون کو علامتی احتجاج ہو گا۔ انہوں نے کہا کہ اگر پھر بھی توجہ نہ دی گئی تو پنجاب بھر سے کارکنان کو لاہور داخل کریں گے اور پر امن احتجاج ہو گا، یہ زیادتی نا قابل قبول ہے۔
پریس کانفرنس میں مرجع تقلید آیت اللہ حافظ بشیر نجفی حفظہ اللہ کے پاکستان میں نمائندے علامہ امجد علی عابدی، علامہ حسن رضا ہمدانی، علامہ گلزار فیاضی، علامہ مبشر نقوی،علامہ عقیل سیال، علامہ مظہر حسین، علامہ اقبال بہشتی، علامہ نیاز حسین علوی، علامہ علی تجمل تلہاڑا، علامہ ثقلین حیدر عابدی سمیت پنجاب بھر سے آئمہ جمعہ و جماعت علماء نے شرکت کی۔
وحدت نیوز (لاہور) مجلس وحدت مسلمین سینٹرل پنجاب کی صوبائی کابینہ و مرکزی عہدیداران کی مشترکہ میٹنگ وحدت ھاؤس لاھور میں منعقد ہوئی۔ جس میں صوبائی آفس کی فعالیت اور تنظیمی صورت حال، تنظیم سازی پر تفصیلی گفتگو ہوئی آئندہ کی حکمت عملی ترتیب دی گئی۔
میٹنگ میں مرکزی ڈپٹی سیکرٹری جنرل علامہ احمد اقبال رضوی، مرکزی سیکرٹری سیاسیات برادر اسد نقوی ، مرکزی رہنما علامہ اقبال بہشتی، مرکزی سیکرٹری روابط ملک اقرارحسین ، مرکزی معاون سیکرٹری تنظیم سازی برادر آصف رضا ، صوبائی سیکرٹری جنرل علامہ عبدالخالق اسدی، صوبائی سیکرٹری مالیات رائے ناصر علی، سینئر ممبر پولیٹیکل کونسل و صوبائی کابینہ رکن برادر حسین زیدی صوبائی سیکرٹری تنظیم سازی برادر منتظر مہدی و دیگر عہدیداروں نے شرکت کی۔
وحدت نیوز(لیہ) عاشقان حسین علیہ السلام پھر جیت گئے، لیہ کی سیشن کورٹ نے اربعین حسینی کے موقع پر نکلنے والی مشی(پیدل جلوس) کی پاداش میں 20 سے زائد مومنین کو باعزت بری کردیا گیا۔
مشی کیس میں بری ہونے والے مومنین میں مجلس وحدت مسلمین جنوبی پنجاب کے صوبائی سیکرٹری عزاداری صفدر حسین خان، سابق ضلعی سیکرٹری جنرل ایم ڈبلیو ایم لیہ ساجد خان گشگوری اور دیگر شامل تھے۔
اس موقع پر صفدر حسین خان نے کہا کہ آج حسینیت کی جیت ہوئی ہے اور روز اربعین عزاداروں پر درج بے بنیاد ایف آئی آر میں بری ہونا آل محمد ؑ کا خصوصی لطف و کرم ہے۔ اس موقع پر کیس کی پیروی کرنے والے وکلاء سبطین خان گشکوری ایڈووکیٹ اور امجد خان سرگانی ایڈووکیٹ بھی موجود تھے جن کی خصوصی کوششوں سے عزاداروں کو باعزت بری کیا گیا۔
ہم پاکستان میں ایسا کردار ادا کرنا چاہتے ہیں کہ ملت کے ہر فرد کو یقینی تحفظ حاصل ہو،علامہ اقتدارنقوی
وحدت نیوز(ملتان )مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے کہا ہے کہ ایم ڈبلیو ایم ایک مذہبی سیاسی جماعت ہے، ہم پاکستان میں ایسا کردار ادا کرنا چاہتے ہیں کہ ملت کے ہر فرد کو تحفظ یقینی حاصل ہو۔ ان خیالات کا اظہار اُنہوں نے مقامی ہوٹل میں ایم ڈبلیو ایم کے رہنماؤں،کارکنوں اور عمائدین سے ملاقات میں کیا۔
اس موقع پر ایم ڈبلیو ایم کے صوبائی رہنما طاہر خورشید، دلاور زیدی، ندیم کاظمی، ڈاکٹر ابوذر رضا نقوی، مولانا باقر حسین نقوی،ملازم حسین گرمانی، عمر خان مشوری ایڈووکیٹ اور دیگر موجود تھے۔
علامہ اقتدار نقوی نے مزید کہا کہ بدقسمتی سے بانیان پاکستان کی اولاد کو دیوار کے ساتھ لگایا گیا ہے، شیعہ حضرات امام بارگاہوں میں چلے گئے اور سنی حضرات درگاہوں میں چلے گئے جب کہ پاکستان مخالف اقتدار میں آگئے۔
اُنہوں نے کہا کہ مقتدر اداروں میں ہمارا نفوذ ہو، ہم اپنے مذہب کے لیے سیاست کر رہے ہیں۔ قوم میں سیاسی شعور پیدا کرنے کی ضرورت ہے ہمیں طاقتور ہونا ہوگا، کسی شخص یا گروہ کو فرنٹ لائن پر اپنے آئینی و مذہبی حقوق کی بات کرنی ہو گی ورنہ ہم اسی طرح روند دیے جائیں گے، جو لوگ اس وقت میدان میں ہیں ہمیں ان کا ساتھ دینا چاہیے ورنہ دشمن کے مقابلے میں ہم کامیاب نہیں ہوں گے۔
علامہ اقتدار نقوی نے کہا کہ ہمیں تنظیم اور شخصیت پرستی سے نکلنا ہوگا، جھونپڑی پر بھی علم لگانے والا ہمارا حصہ ہے، عزت اور آبرو مندی اپنی قوم کے لئے ہونی چاہیے، تمام مکاتب فکر سے ہمارا اچھا سلوک ہونا چاہیے، جو لوگ خدا کی راہ میں کام کرتے ہیں وہ ہمیشہ زندہ رہتے ہیں۔
انہوں نے کہا کہ بہت جلد ایم ڈبلیو ایم جنوبی پنجاب کی تنظیم سازی کا عمل مکمل کر لیا جائے گا۔ اس موقع پر محمد کاظم رضا، مونس رضا، علی عمران کربلائی، جعفر حسین، شفقت عباس ملانہ، فضل عباس، دل جان اصغر، شمشیر حیدر اور امجد عباس بھی موجود تھے۔
وحدت نیوز(شیخوپورہ) مجلس وحدت مسلمین شعبہ سیاسیات کی جانب سے میونسپل کارپوریشن فیروزوالہ میں امام بارگاہ ابوزر غفاری شیر بنگال کالونی میں مجلس وحدت مسلمین فیروزوالہ کے مسؤلين کیلئے تنظیمی و تربیتی نشست کا انعقاد کیا گیا. تنظیمی و تربیتی نشست میں ،مرکزی سیکرٹری سیاسیات برادر اسد نقوی ،سیکرٹری جنرل پنجاب علامہ عبدالخالق اسدی،ڈپٹی سیکرٹری جنرل پنجاب علامہ سید حسن رضا ھمدانی ،صوبائی سیکرٹری سیاسیات برادر حسن کاظمی ،سیکرٹری جنرل مجلس وحدت مسلمین تحصیل فیروزوالہ برادر سید زین رضوی ، یونٹ سیکرٹری جنرلز اور وحدت یوتھ کے مسئولين نے شرکت کی۔
سید اسد عباس نقوی نےمیونسپل کارپوریشن فیروزوالہ میں متوقع میونسپل کارپوریشن الیکشن کے حوالے سے تحصیل فیروزوالہ کے کارکنوں کی فعالیت کو سراہتے ہوئے اپنے خطاب میں کہا کہ آپ کا عمل لائق تحسین ہے قرآن و احادیث کی روشنی میں جوان سے انکی زندگی کے اہداف بتائے اور اہلبیت علیہ السلام اور بلخصوص امام زمان عج کی خوشنودی کیسے حاصل کی جا سکتی ہے، اس عزم کا اعادہ کیا مظلوموں کا ساتھ ہمیشہ دیں گے باطل کے خلاف میدان میں رہے گے۔آخر میں نئے آنے والے برادران کی حلف برداری سیکرٹری جنرل پنجاب علامہ عبدالخالق اسدی صاحب نے کروائی اور دعائے خیر کروائی۔
وحدت نیوز(اسلام آباد)سنٹرل سیکریٹریٹ مجلس وحدت مسلمین پاکستان کے شعبہ تربیت میں میٹنگ منعقد ہوئی جس میں ڈاکٹرمحمد یونس حیدری مرکزی سیکریٹری تربیت ،حجۃ الاسلام والمسلمین مولاناعقیل خان سیال نئے صوبائی سیکریٹری تربیت صوبہ سنٹرل پنجاب اور مولانا ظہیرالحسن کربلائی نے شرکت کی۔
جناب حجۃ الاسلام والمسلمین علامہ نقی ہاشمی کے کراچی شفٹ ہونے کی وجہ سے صوبائی سیکریٹری تربیت سنٹرل پنجاب کی سیٹ خالی ہو گئی تھی جس پر حجۃ الاسلام والمسلمین مولانا عقیل خان سیال سنیئرمدرس جامعہ بعثت کو سنٹرل پنجاب کا نیا صوبائی سیکریٹری تربیت نامزد کر دیا گیا ۔
نئے صوبائی سیکریٹری تربیت جناب حجۃ الاسلام والمسلمین مولاناعقیل خان سیال کی خدمت میں نئی ذمہ داری سنبھالنے پر مبارک باد پیش کی گئی اورشعبہ تربیت کے امور کا جائزہ لیا گیا اور آئندہ کے پروگرامات میں کو حتمی شکل دی گئی ۔ اس میٹنگ میں چارماہہ شعبہ تربیت کے پروگرام کی منظوری دی گئی اور اس پروگرام کو صوبائی تربیتی کونسلز میں بھجنے کی ہدایات جاری کی گئیں ۔ اگلی میٹنگ 14 جولائی کو منعقد ہوگی۔
وحدت نیوز(بیروت)مجلس وحدت مسلمین پاکستان کے مرکزی سیکریٹری امورخارجہ حجۃ الاسلام والمسلمین ڈاکٹر سید شفقت حسین شیرازی سے فلسطینی مقاومتی رہنماء ، لبنان میں تحریک جہاد اسلامی فلسطین کے نمائندہ جناب احسان عطایا نے ملاقات کی اورحالیہ فلسطین اسرائیل کشیدگی اور جنگ میں عوامی و حکومتی رد عمل اور فلسطین کی حمایت کے لئے پاکستان کا شکریہ ادا کیا۔
ڈاکٹر سید شفقت شیرازی نے مجلس وحدت مسلمین پاکستان کی جانب سے تمام مقاومتی جماعتوں کی ثابت قدمی کی تعریف کی اور انہیں باطل صہیونی طاقتوں کا مقابلہ کرنے اور ان پر عظیم فتح حاصل کرنےپر مبارکباد پیش کی۔
فلسطینی رہنماء نے اس فتح کو تمام عالم اسلام کی فتح قرار دیتے ہوئے کہا کہ فقط ہم ہی نہیں بلکہ اس مشکل وقت میں ہمارا ساتھ دینے والے تمام لوگ مبارکباد کےمستحق ہیں اور باطل کے مقابل یہ ہم سب کی مشترکہ فتح ہے ۔
آخر میں انہوں نے کہا کہ عالمی سطح پر ہماری ہر جانب توجہ تھی اور پاکستان سے عوامی و حکومتی رد عمل اورہماری حمایت میں جو بہترین موقف سامنے آیا اس پر ہم پاکستانی عوام، سیاسی و دینی رہنماؤں تمام جماعتوں اور بالخصوص مجلس وحدت مسلمین پاکستان کے شکر گزار ہیں۔
وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی سے وکلا کے وفد نے لاہور میں ملاقات کی۔ وفد میں سید اسد عباس نقوی ایڈووکیٹ، سید عرفان نقوی ایڈووکیٹ، حسین مہدی ایڈووکیٹ، راحت عالم ایڈووکیٹ، سیف علی ایڈووکیٹ، سید ماجد نقوی ایڈووکیٹ، سید شان حیدر ایڈووکیٹ، سید سائم تقوی ایڈووکیٹ ، عادل جعفری ایڈووکیٹ سمیت دیگر وکلاء شریک تھے۔
ملاقات میں متحدہ علماء بورڈ سمیت دیگر سرکاری کمیٹیوں میں شیعہ نمائندوں کی تعداد میں کی جانیوالی کمی اور امتیازی سلوک کے حوالے سے قانونی پہلووں کا جائزہ لیا گیا۔ علامہ عبدالخالق اسدی نے وکلاء رہنماؤں کو محکمہ اوقاف کے امتیازی سلوک کے حوالے سے آگاہ کیا جبکہ وکلاء رہنماؤں نے کہا کہ متحدہ علماء بورڈ سمیت کسی بھی ادارے یا کمیٹی میں آبادی کے تناسب سے ہی کسی بھی مکتب فکر کو نمائندگی دی جاتی ہے۔ وکلاء رہنماؤں نے کہا کہ ان معاملات میں محکمہ اوقاف جانبداری کا مظاہرہ کر رہا ہے اور اہل تشیع کو دیوار سے لگایا جا رہا ہے۔ ملاقات میں محکمہ اوقاف کے ذمہ داران کیخلاف قانونی چارہ جوئی کا بھی جائزہ لیا گیا۔
علامہ عبدالخالق اسدی نے کہا کہ اداروں میں امتیازی سلوک کسی طور برداشت نہیں کیا جائے گا، بیوروکریسی پنجاب بھر میں اہل تشیع کیساتھ امتیازی سلوک روا رکھے ہوئے ہے جس کی کسی طور اجازت نہیں دی جائے گی۔ انہوں نے کہا کہ پنجاب حکومت اور بیوروکریسی کے اس امتیازی سلوک کیخلاف پُرامن احتجاج کا حق رکھتے ہیں۔
وحدت نیوز(لاہور)مجلس وحدت مسلمین چنیوٹ کے سیکرٹری سیاسیات سید عاشق حسین بخاری کو ہائیکورٹ نے رہا کرنے کا حکم دیدیا۔ سید عاشق حسین بخاری کی ناجائز گرفتاری کیخلاف ایم ڈبلیو ایم نے لاہور ہائیکورٹ سے رجوع کیا تھا۔ مجلس وحدت مسلمین کی جانب سے اسد نثار بھٹی ایڈووکیٹ ہائیکورٹ میں پیش ہوئے۔ درخواستگزار وکیل نے موقف اختیار کیا کہ سید عاشق حسین بخاری کا نام ناجائز طور پر فورتھ شیڈول میں ڈالا گیا، سید عاشق حسین بخاری ایک محبِ وطن اور پُرامن شہری ہیں۔ درخواست گزار وکیل نے کہا کہ عاشق حسین بخاری نے یوم آزادی کے موقع پر چنیوٹ میں جشن آزادی ریلی میں شرکت کی۔
وکیل نے کہا کہ عاشق حسین بخاری نے سبز ہلالی پرچم اٹھا کر وطن کی حرمت اور سربلندی کیلئے نعرے لگائے اور مملکت خداداد سے اپنی والہانہ محبت کا اظہار کیا۔ چنیوٹ پولیس نے وطن سے محبت کے اظہار کے جرم میں عاشق حسین بخاری کو گرفتار کر لیا۔ درخواستگزار وکیل نے موقف اختیار کیا کہ کسی بھی شہری کو وطن سے محبت کے اظہار پر کوئی کیسے گرفتار کرسکتا ہے؟ عدالت نے فریقین کے دلائل سننے کے بعد ریمارکس دیئے کہ وطن کی محبت جزو ایمان ہے، کسی بھی شہری کو آزادی کا جشن منانے سے نہیں روکا جا سکتا۔ فاضل جج نے درخواست ضمانت منظور کرتے ہوئے سید عاشق حسین بخاری کو رہا کرنے کا حکم دیدیا۔
