وحدت نیوز(گلگت) مجلس وحدت مسلمین گلگت بلتستان پولیٹیکل کونسل کا اجلاس رکن جی بی کونسل و صوبائی سیکرٹری سیاسیات مجلس وحدت مسلمین شیخ احمد علی نوری کی صدرات میں منعقد ہوا۔رکن جی بی کونسل شیخ احمد علی نوری نے کہا کہ ریونیو ایکٹ گلگت بلتستان کے عوام کے مفاد میں ہونا چاہیے اور غیر ضروری ٹیکسسز سے عوامی مشکلات میں اضافہ ہو گا اور مجلس وحدت مسلمین کسی بھی صورت عوامی مفادات کے تحفظ کو یقینی بنائے گی۔

انہوں نے کہا صوبائی حکومت عوام کو لوڈ شیڈنگ سے نجات دلانے کے لیے ضروری اقدامات اٹھائے اور پاور منصوبوں کو جلد پایہ تکمیل تک پہنچانے کے لیے تمام مشینری کو متحرک کیا جائے۔گندم کے حالیہ بحران کے حوالےسے انہوں نے کہا کہ وفاقی حکومت سے اس سلسلے میں بات کی جائے گی اور آٹے کے بحران پر قابو پانے کے لیے کوئی کوتاہی نہیں کریں گے۔بلتستان یونیورسٹی کے وہ سی کے حوالے سے انہوں نے کہا کہ اس مادر علمی میں میرٹ کی بنیاد پر تعیناتی ہونی چاہیے۔انہوں نے متعلقہ اداروں سے صوبائی صدر مجلس وحدت مسلمین آغا علی رضوی سمیت تمام بے گناہ افراد کو فورتھ شیڈول سے نکالنے کا مطالبہ کیا۔

انہوں نے کہا کہ وفاق کی جانب سے گندم کوٹے میں کمی کا فیصلہ ناقابل فہم ہے عوامی مسائل کے حل کے لیے آخری حد تک جائیں گے۔حقیقی آزادی مارچ میں شرکت کے حوالےسے سے انہوں نے کہا کہ مجلس وحدت مسلمین گلگت بلتستان اس مارچ میں بھرپور شرکت کرے گی۔

اجلاس میں صوبائی وزیر زراعت و پارلیمانی لیڈر مجلس وحدت مسلمین گلگت بلتستان کاظم میثم،رکن اسمبلی و ضلعی صدر شیخ اکبر علی رجائی،رکن اسمبلی و مرکزی سیکرٹری سیاسیات مجلس وحدت مسلمین شعبہ خواتین کنیز فاطمہ،معاون خصوصی وزیر اعلیٰ گلگت بلتستان الیاس صدیقی،صوبائی ترجمان ایم ڈبلیو ایم حاجی غلام عباس،مطہر عباس اور محمد سلیم نے شرکت کی۔

وحدت نیوز(احادیث )کتاب صحیح مسلم میں یہ روایت اس عبارت کے ساتھ ، مختلف اسناد کے ساتھ نقل ہوئی ہے:

حدثنا قُتَيْبَةُ بن سَعِيدٍ حدثنا جَرِيرٌ عن حُصَيْنٍ عن جَابِرِ بن سَمُرَةَ قال: سمعت النبي صلي الله عليه وسلم يقول وحدثنا رِفَاعَةُ بن الْهَيْثَمِ الْوَاسِطِيُّ واللفظ له حدثنا خَالِدٌ يَعْنِي بن عبد اللَّهِ الطَّحَّانَ عن حُصَيْنٍ عن جَابِرِ بن سَمُرَةَ قال: دَخَلْتُ مع أبي علي النبي صلي الله عليه وسلم فَسَمِعْتُهُ يقول: إِنَّ هذا الْأَمْرَ لَا يَنْقَضِي حتي يَمْضِيَ فِيهِمْ اثْنَا عَشَرَ خَلِيفَةً. قال: ثُمَّ تَكَلَّمَ بِكَلَامٍ خَفِيَ عَلَيَّ قال: فقلت لِأَبِي: ما قال؟ قال: كلهم من قُرَيْشٍ.

جابر بن سمره نے کہا ہے کہ: میں اپنے والد کے ساتھ رسول خدا کے پاس گیا، ہم نے سنا کہ ان حضرت نے فرمایا: خلافت اسلامی کا سلسلہ ختم نہیں ہو گا، یہاں تک کہ لوگوں پر بارہ خلیفہ حکومت کریں گے۔ پھر ان حضرت نے ایک ایسی بات کی کہ جو مجھے سمجھ نہیں آئی، میں نے اپنے والد سے کہا کہ: ان حضرت نے کیا فرمایا ہے ؟ میرے والد نے کہا کہ: رسول خدا نے فرمایا ہے کہ: وہ سارے بارہ جانشین قریش میں سے ہیں۔

النيسابوري القشيري، ابوالحسين مسلم بن الحجاج (متوفي261هـ)، صحيح مسلم، ج3، ص1452، ح1821، تحقيق: محمد فؤاد عبد الباقي، ناشر: دار إحياء التراث العربي - بيروت

مرکزی کردار سازی کونسل مجلس وحدت مسلمین پاکستان

وحدت نیوز(اسلام آباد) ملی یکجہتی کونسل کا اعلی سطحی مشاورتی اجلاس زیر صدارت جنرل سیکرٹری ملی یکجہتی کونسل اور نائب امیر جماعت اسلامی جناب لیاقت بلوچ منعقد ہوا۔۔مجلس وحدت مسلمین پاکستان کی نمائندگی مرکزی جنرل سیکرٹری مجلس وحدت مسلمین پاکستان اور ڈپٹی سیکرٹری جنرل ملی یکجہتی کونسل پاکستان جناب ناصر عباس شیرازی ایڈووکیٹ نے کی ۔

اجلاس میں آزاد کشمیر  کے ملی یکجہتی کونسل کے انتخابات کا فیصلہ کیا گیا جبکہ کشمیر اور فلسطین پر پاکستان کے تاریخی نظریاتی موقف کو بھر پور طریقے سے جاری رکھنے پر زور دیا گیا۔۔اجلاس میں وحدت کانفرنس کے حوالہ سے بھی کمیٹی تشکیل دی گئی ۔اور مرکزی دفتر کے انتظامی امور کا جائزہ لیا گیا ۔

اجلاس میں جماعت اہل حرم کے سربراہ جناب مفتی گلزار احمد نعیمی، اسلامی تحریک کے مولانا عارف حسین واحدی ،جناب ثاقب اکبر اور دیگر تنظیموں کے عہدیداروں نے شرکت کی ۔

وحدت نیوز(سکردو) مجلس وحدت مسلمین کے رہنما شیخ محمد جان حیدری نے کہا کہ گلگت بلتستان کے صوبائی اور ضلعی سیٹ اپ میں بیوروکریسی ہمیشہ دیگر صوبوں سے آتی ہے جسکی وجہ سے یہاں کے وسائل کا بے دریغ استعمال ہوتاہے جب ہمارے بچے سی ایس ایس امتحان سے محروم رہینگے تو مستقبل میں بیوروکریسی میں کھبی نہیں آسکتے۔گلگت بلتستان کی 75 سالہ تاریخ میں آج تک چیف سیکرٹری اور یوم سیکریٹری لوکل نہیں آیا اور ستم بالائے ستم تمام ڈویژن کے کمشنر اور اضلاع کے اے ڈی،ڈی سی تک باہر سے آتے ہیں۔

انہوں نے مزید کہا کہ گلگت بلتستان کے اسٹوڈنٹس کو سی ایس ایس جیسے اہم امتحان میں شامل ہونے سے محروم رکھنا سراسر نا انصافی اور ظلم ہے۔کیا ہم پاکستانی نہیں؟کیا ہمارا ملک کی بیروکریسی میں حق نہیں؟یہ ظلم کیوں اور کب تک؟ارباب اختیار اس پر فوری نوٹس لیں۔

وحدت نیوز (سکردو) سکردو میں جاری بجلی بحران کے حوالے سے مجلس وحدت مسلمین گلگت بلتستان کے ایک اعلیٰ سطح وفد نے رکن جی بی کونسل شیخ احمد علی نوری کی سربراہی میں وزیر تعمیرات عامہ وزیر محمد سلیم کے ہمراہ سیکرٹری پاور ظفر وقار تاج اور ایکسئین پاور سکردو سے تفصیلی بریفنگ لی۔ بریفنگ میں اعصاب شکن لوڈشیڈنگ پر قابو پانے کے لیے محکمہ برقیات اور ضلعی انتظامیہ کے اقدامات کے حوالے سے گفت و شنید ہوئی۔

وفد نے واضح کیا کہ بجلی کی مخدوش صورتحال کے سبب عوامی مشکلات میں اضافہ ہو رہا ہے جس سے حکومتی کارکردگی متاثر ہو رہی ہے۔ اس موقع پر محکمہ برقیات کی جانب سے لانگ ٹرم اور شارٹ ٹرم اٹھائے جانے والے اقدامات بالخصوص سکردو میں سولر سسٹم کی تنصیب کے ذریعے بجلی بحران پر قابو پانے، سرمک بجلی گھر کو فوری مکمل کرنے، طولتی بجلی گھر کو فنکشنل کرانے، روندو بجلی گھر کو فوری ریپیر کرنے، ژھوق پاور ہاوس ٹو میگاواٹ، کچورا فیس فائیو پر کام تیزی سے مکمل کرنے اور کچورا فیز ٹو کی ری ہیبلیٹیشن سمیت دیگر امور پر بریفنگ لی۔

سیکرٹری پاور نے کہا کہ سکردو سمیت تمام ہیڈکوارٹرز میں بجلی بحران کو کم کرنے کے لیے ہر ممکن اقدامات اٹھائے جائیں گے۔ اس کے علاوہ وفد نے پی ایس ڈی پی کی بجلی کے پروجیکٹس بالخصوص شغرتھنگ، غواڑی، ہرپو، ہینزل سمیت دیگر پاور پروجیکٹس کے حوالے سے جاری پیشرفت پر محکمہ کی کاوشوں پر روشنی ڈالی۔ایم ڈبلیو ایم وفد میں صوبائی وزیر زراعت کاظم میثم،رکن اسمبلی شیخ اکبر رجائی،معاون خصوصی الیاس صدیقی اور دیگر ہمراہ تھے۔

وحدت نیوز(جعفرآباد) مجلس وحدت مسلمین ضلع جعفرآباد کی ضلعی کابینہ کا اہم اجلاس زیر صدارت ضلعی صدر سید اسرار حسین شاہ دوپاسی ڈیرہ اللہ یار میں منعقد ہوا ،اجلاس میں جعفر آباد کی معزز شخصیت سید حسین شاہ دوپاسی ،صوبائی ترجمان سید شبیر شاہ دوپاسی نے خصوصی شرکت کی ۔ اجلاس میں ضلع جعفرآباد میں مزید یونٹس بنانے کے حوالے سے گفتگو ہوئی ۔

صوبائی ترجمان سید شبیر شاہ دوپاسی نے گفتگو کرتے ہوئے کہا کہ یونٹس کا قیام نہایت ضروری ہے اور تمام یونٹس ضلع اور تحصیل کےعہدیداران و ممبران کے لیے کردار سازی پر  دروس مساجد میں دعا اور اسٹڈی سرکل کے پروگرامز منعقد کرنے لازمی ہیں۔

 ضلعی کابینہ کے نائب صدر سجاد علی رند ،جنرل سیکرٹری برکت لاشاری ،ڈپٹی جنرل سیکرٹری امتیاز احمد لاشاری، میڈیا سیکرٹری غلام حسین بلوچ ،تحصیل ڈیرہ اللہ یار کےصدر شہزادہ دشتی، یونٹ در زہرا کےصدر خدا بخش بروہی اجلاس میں شریک ہوئے۔