وحدت نیوز(پشاور)  مجلس وحدت مسلمین خیبرپختونخواہ کے جنرل سیکریٹری شبیر حسین ساجدی نے اپنے تعزیتی بیان میں کہا کہ سید ثاقب اکبرنقوی داعی وحدت امت رفیق دیرینہ ڈاکٹر شہید اپنے دوست سے ملاقات کے ابدی سفر پر روانہ ہو گئے. بہت ھی افسوس ھوا ایک متقی انقلابی شخصیت جنہوں نے دین اسلام کی خاطر اپنا تمام کیریئر داو پر لگا دیا الیکٹریکل انجینئر کی اعلی نوکری چھوڑ کر ملت تشیع کے کاموں کو ترجیح دی . سابق مرکزی صدر امامیہ اسٹوڈنٹس ارگنایزیشن  رہ چکے ہیں ۔ آپ کئی کتابوں کے مصنف مقالہ نویس تھے ۔ عزیز دوست شفیق استاد شیعہ پارٹیوں کی مجبوری بن چکی تھی ۔ آپ ملی یکجہتی کونسل کے ڈپٹی جنرل سیکریٹری بھی تھے ۔

انہوں نے مزید کہا کہ مرحوم بین الاقوامی سطح پر حزب اللہ سمیت تمام اسلامی تحریکوں کے دیرینہ دوست تھے۔ قائد شہید علامہ عارف حسین الحسینی رح اور ڈاکٹر شہید محمد علی نقوی کے ساتھ مل کر دن رات ملت تشیع کی بہتری کے لئے کام کیا۔ اللہ پاک بحق محمد و آل محمد علیہ السلام ان کی مغفرت فرمائے اور جنت الفردوس میں اعلی مقام عطا فرمائے۔ آمین

وحدت نیوز(سکردو)داعی اتحاد امت، ممتاز محقق، ادیب، دانشمند، سربراہ البصیرہ، ڈپٹی جنرل سیکریٹری ملی یکجہتی کونسل پاکستان سید ثاقب اکبر نقوی کی رحلت پر رکن جی بی کونسل و پولیٹیکل سیکریٹری مجلس وحدت مسلمین گلگت بلتستان شیخ احمد علی نوری نے اپنے تعزیتی پیغام میں کہا کہ مرحوم کی قومی، ملی اور دینی خدمات لائق صد تحسین اور ناقابل فراموش ہیں۔دکھ کے اس موقع پر لواحقین کے ساتھ ہے۔

انہوں نے کہا کہ سید ثاقب اکبر نقوی کی رحلت ملت پاکستان ،حلقہ علم و دانش کے لیے ایک ناقابل تلافی حادثہ ہے۔مرحوم کے طویل فکری، علمی، تحقیقی، ادبی اور ثقافتی روابط رہے ہیں جنہیں ہرگز نہیں بھلایا جاسکتا۔انہوں نے مزید کہا کہ مرحوم کے حلقہ احباب اور لواحقین کی خدمت میں تعزیت و تسلیت پیش کرتے ہیں اور مرحوم کی مغفرت کے لیے دعا گو ہیں۔

وحدت نیوز(اسلام آباد) چراغ ِ علم وعمل ،معروف دانشورسید ثاقب اکبر نقوی مرحوم کی نماز جنازہ ادا کردی گئی اورانہیں آہوں اور سسکیوں میں  سپردخاک کردیا گیا۔

تفصیلات کے مطابق بہترین لب ولہجے کے مالک ، انتہائی ملنسار شخصیت ، ماہر علم وادب ، سابق صدر آئی ایس او پاکستان، موجودہ ڈپٹی جنرل سیکریٹری ملی یکجہتی کونسل اور صدرنشین البصیرہ سید ثاقب اکبر نقوی مرحوم کی نماز جنازہ جامع امام الصادق ؑ جی نائن ٹو اسلام آباد گراؤنڈ میں ادا کردی گئی۔

نماز جنازہ مفسرقرآن علامہ شیخ محسن علی نجفی کی زیر اقتداء اداکی گئی، نماز جنازہ میں چیئرمین ایم ڈبلیوایم علامہ راجہ ناصرعباس جعفری ، علامہ سید احمد اقبال رضوی، اسدعباس نقوی، علامہ حسنین عباس گردیزی، علامہ اقبال بہشتی ،ملک اقرار حسین، مرکزی رہنما شیعہ علماءکونسل علامہ شبیر میثمی ، علامہ عارف واحدی، نائب امیر جماعت اسلامی لیاقت بلوچ، سربراہ تحریک اہل حرم مفتی گلزاراحمد نعیمی ،سفیر جمہوری اسلامی ایران محمد علی حسینی سمیت مختلف سیاسی ، مذہبی وسماجی شخصیات سمیت ہزاروں چاہنے والے عزیز واقارب نے شرکت کی۔

نماز جنازہ کی ادائیگی کے بعد مرحوم کا جسد خاکی کو شاہ اللہ دتہ ٹاون D-12 کےقبرستان منتقل کیا گیا جہاں سینکڑوں عزیز واقارب کی موجودگی میں آہوں اور سسکیوں کے ساتھ انہیں سپرد خاک کردیا گیا۔ آج علم وادب کا ایک اور عظیم ستارہ منوں مٹی تلے ابدی نیندسو گیا۔

وحدت نیوز(اسلام آباد)داعی اتحاد بین المسلمین ، سابق مرکزی صدر آئی ایس او ،مرکزی ڈپٹی جنرل سیکریٹری ملی یکجہتی کونسل پاکستان اور چیئرمین البصیرہ ٹرسٹ سید ثاقب اکبر نقوی مختصر علالت کے بعد خالق حقیقی سے جاملے۔ ان کے انتقال پر مجلس وحدت مسلمین پاکستان کے مرکزی قائدین بشمول چیئرمین علامہ راجہ ناصرعباس جعفری، وائس چیئرمین علامہ سید احمد اقبال رضوی، مرکزی جنرل سیکریٹری سید ناصرشیرازی سمیت دیگر مرکزی و صوبائی قائدین نے دلی افسوس اور رنج وغم کا اظہار کیا ہے ۔

قائدین وحدت نےاپنے مشترکہ تعزیتی پیغام میں کہا ہے کہ داعی اتحاد بین المسلمین ، مرکزی ڈپٹی جنرل سیکریٹری ملی یکجہتی کونسل پاکستان اور چیئرمین البصیرہ ٹرسٹ برادرعزیز وبزرگوار سید ثاقب اکبر نقوی کی رحلت ملک وقوم کا ایک ناقابل تلافی نقصان ہے، انہوں نے اپنی پوری زندگی اتحاد و وحدت کی ترویج و فروغ میں صرف کردی،ملی یکجہتی کونسل کے قیام کیلئے مرحوم نے شب وروز جدوجہد کی ،مرحوم ایک بہترین مصنف، شاعر اور ادیب بھی تھےجن کی بیشمار تصانیف ان کے علمی وادبی ذوق وشوق کا منہ بولتا ثبوت ہیں۔

رہنماؤں نے مزید کہا کہ مرحوم ثاقب اکبر نقوی کے انتقال سے پیداہونے والا خلاء مدتوں پرنا ہوسکے گا، خدا وند متعال مرحوم ومغفور کی مغفرت فرمائے ، انہیں جوار آئمہ معصومین علیہم السلام میں محشور فرمائے اور ان کے تمام پسماندگان کو اپنی بارگاہ سے صابرین کا اجر عظیم مرحمت فرمائے۔

وحدت نیوز(اسلام آباد) آج ایک اور چراغ گل ہو گیا، ملت پاکستان آج ایک علمی و اجتماعی شخصیت سے محروم ہو گئی،داعی اتحاد بین المسلمین ،سابق مرکزی صدر آئی ایس او پاکستان، مرکزی ڈپٹی جنرل سیکریٹری ملی یکجہتی کونسل پاکستان اور چیئرمین البصیرہ ٹرسٹ سید ثاقب اکبر نقوی مختصر علالت کے بعد اسلام آباد کے نجی اسپتال میں خالق حقیقی سے جا ملے۔ ڈاکٹرز نے کچھ عرصہ قبل ان کے کینسر جیسے موذی مرض میں مبتلا ہونے کا انکشاف کیا تھا۔

تفصیلات کے مطابق سید ثاقب اکبر کی وفات قوم و ملت کا بڑا نقصان ہے۔ ایک مدبر اور دانشمند بزرگوار جو مختلف مکاتب فکر خصوصا شیعہ سنی کے درمیان ایک مستحکم اور مضبوط پل تھے۔نفیس اورہردلعزیزشخصیت کے مالک تھے ذھین اور باخبر انسان تھے،آپ اتحاد بین المسلمین کے عظیم داعی ،محقق ،ادیب، شاعر، دانشور اور خطیب تھے۔

مرحوم زمانہ طالب علمی میں امامیہ اسٹوڈنٹس آرگنائزیشن پاکستان سے وابستہ رہے، آئی ایس او پاکستان کے سابق مرکزی صدر اور رکن مرکزی نظارت کی حیثیت سے ذمہ داریاں انجام دیں، آپ 1977تا1979تک آئی ایس او پاکستان کے دوبار مرکزی صدر رہے۔

مرحوم شہید ڈاکٹر محمد علی نقوی ؒ اور شہید قائد علامہ سید عارف حسین الحسینیؒ کے قریبی رفقاء میں شمار کیئےجاتے تھے، انہوں نے پوری زندگی انقلابی جدوجہد میں صرف کی، روز اول سے امام خمینیؒ کے اسلامی انقلاب کا پیغام ہر پاکستانی تک پہنچانے کا عزم آخری سانس تک جاری رکھا۔  ایک متقی انقلابی شخصیت جنہوں نے دین اسلام کی خاطر اپنا تمام کیریئر داو پر لگا دیا الیکٹریکل انجینئر کی اعلی نوکری چھوڑ کر ملت تشیع کے کاموں کو ترجیح دی۔ قائد شہید علامہ عارف حسین الحسینی رح اور ڈاکٹر شہید محمد علی نقوی کے ساتھ مل کر دن رات ملت تشیع کی بہتری کے لئے کام کیا۔

مرحوم قاضی حسین احمد سابق امیر جماعت اسلامی کے ہمراہ ملک بھرمیں ملی یکجہتی کونسل پاکستان کی تاسیس کیلئے شبانہ روز مصروف عمل رہے، ہمیشہ شیعہ سنی مکاتب فکر کے درمیان مکالمے اور مباحثے کے ذریعے مسائل کیلئے کوشاں رہے۔

ذرائع کے مطابق سید ثاقب اکبرنقوی مرحوم کی نماز جنازہ کل (بدھ) دن 1 بجے جامع امام الصادق ؑ جی نائن ٹو اسلام آباد کے گراونڈ میں ادا کی جائیگی جس میں سیاسی ، سماجی ومذہبی شخصیات سمیت عزیز واقارب کی بہت بڑی تعداد کی شرکت متوقع ہے ۔

وحدت نیوز(اسلام آباد)چیئرمین مجلس وحدت مسلمین پاکستان (MWM) علامہ راجا ناصرعباس جعفری کی ہدایات پر شام کے زلزلہ متاثرین کے لیے امدادی سامان کی پہلی کھیپ روانہ کر دی گئی ہے۔ ایم ڈبلیو ایم کے شعبہ امورخارجہ کے زیر اہتمام پاکستانی قوم کی طرف سے شام کے زلزلہ متاثرین کے لیے 3 ٹن سے زائد امدادی سامان روانہ کیا گیا۔ ایم ڈبلیو ایم کے توسط سے پاکستانی قوم کی طرف سے شامی متاثرین کے لیے بھیجے گئے امدادی سامان میں اشیائے خوردونوش اور کمبل شامل ہیں۔

 اس موقع پر ایم ڈبلیو ایم پاکستان کے سیکرٹری امور خارجہ حجت الاسلام والمسلمین ڈاکٹر سید شفقت حسین شیرازی نے کہا شام کے زلزلہ متاثرین کو اس وقت امداد رسانی کی اشد ضرورت ہے۔ شام پر ظالمانہ بین الاقوامی پابندیوں، موسم کی شدت اور جنگ زدہ ہونے کیوجہ سے شام میں ایک بڑے انسانی المیہ کی سی کیفیت ہے۔ اس موقع پر انہوں نے زلزلہ میں فوت ہونے والوں کے لیے دعائے مغفرت اور زخمیوں کے لیے دعائے خیر کی۔