وحدت نیوز(لاہور)مجلس وحدت مسلمین پاکستان ضلع جھنگ کے صدر جناب مولانا روح اللہ کاظمی اور شیعہ علماء کونسل ضلع جھنگ کے مشترکہ وفد کی مرکزی سیکرٹری سیاسیات جناب سید اسد عباس نقوی سے ملاقات کی۔ صوبائی سیکرٹری سیاسیات صوبہ پنجاب جناب سید آغا حسین شاہ زیدی بھی اس ملاقات میںموجود تھے ۔ ملاقات میں موجودہ تنظیمی و سیاسی صورتحال پر گفتگو ہوئی۔ پنجاب اور بالخصوص جھنگ میں متوقع انتخابات پر مفصل گفتگو کی گئی ۔

ضلعی صدر ضلع جھنگ جناب روح اللہ کاظمی نے جھنگ کی موجودہ سیاسی اور تنظیمی صورتحال پر بریف کیا ۔ جھنگ کی تحصیل شورکوٹ ، اٹھارہ ہزاری اور احمد پور سیال کی سیاسی صورتحال پر بھی غوروغوض کیا گیا ۔ مرکزی سیکرٹری سیاسیات جناب سید اسد عباس نقوی نے ضلعی صدرایم ڈبلیو ایم ضلع جھنگ اور شیعہ علماء کونسل کے وفد کا شکریہ ادا کیا اور کہا کہ آپ حضرات ملکر اپنی تنظیمی اورسیاسی فعالیت کو جاری رکھیں ۔ ہم سے جو ہوسکا انشاءاللہ آپ کا بھرپور ساتھ دیں گے ۔

صوبائی سیکرٹری سیاسیات جناب سید آغا حسین شاہ صاحب نے بھی روح اللہ کاظمی اور ان کے ہمراہ شیعہ علماء کونسل کے وفد کا شکریہ ادا کیا ۔ روح اللہ کاظمی نے سید اسد عباس نقوی اور آغاسید حسین شاہ زیدی کا ملاقات کے لئے وقت دینے اور ضلع جھنگ کے مسائل کو سنجیدگی سے سننے اور ان کے حل کی یقین دہانی پر خصوصی شکریہ ادا کیا ۔ یہ ملاقات صوبائی سیکرٹریٹ ایم ڈبلیو ایم لاہور میں ہوئی ۔

وحدت نیوز(مریدکے) ضلع شیخوپورہ کی تحصیل مریدکے کی تنظیم نو ،تحصیل مریدکے میں مجلس وحدت مسلمین پاکستان پنجاب کے صوبائی جنرل سیکرٹری جناب سید حسن رضا کاظمی اور ضلع شیخوپورہ ضلعی صدرجناب سید علی عرفان نقوی کا دورہ اور تنظیمی برادران کے ساتھ ایک صمیمی نشست میں شرکت۔

تنظیمی نشست سے برادر سید حسن رضا کاظمی صوبائی جنرل سیکرٹری ایم ڈبلیو ایم صوبہ پنجاب اوربرادر سید علی عرفان نقوی ضلعی صدر ایم ڈبلیو ایم ضلع شیخوپورہ نے خطاب کیا ۔

 نشست کے آخر میں تحصیل مریدکے میں 5 افراد پر مشتمل آرگنائزننگ کمیٹی تشکیل دی گئی ۔ کمیٹی میں شامل افراد کے نام یہ ہیں ۔ کمیٹی کے سربراہ ضیغم عباس جعفری جبکہ شبیراسدی ، راناحبدار ، قمرعباس اور میثم عباس کو آرگنائزننگ کمیٹی کا ممبر بنایا گیا ہے ۔

وحدت نیوز(گجرانوالہ)مجلس وحدت مسلمین پاکستان پنجاب کے صوبائی صدر جناب علامہ سید علی اکبر کاظمی کا جامکے گوجرانوالہ آمد برادر سید منتظر مھدی ڈویژنل صدر مجلس وحدت مسلمین پاکستان گوجرانولہ ڈویژن کے زیر اہتمام,25 رجب المرجب بمناسبت شہادت مظلومانہ حضرت امام موسی کاظم علیہ السلام مجلس عزاء سے خطاب علاقے کے مومنین و مومنات کی کثیر تعداد میں شرکت ۔ علامہ سیدعلی اکبر کاظمی کا مجلس عزاء سےبہترین خطاب ۔

علامہ صاحب نے حضرت امام موسیٰ کاظم علیہ السلام کی سیرت پر گفتگو اور ان کی مظلومانہ شہادت کو بیان کیا ۔بنو امیہ کے بعد بنی عباس تاریخ کے ظالم ترین حکمران رہے جنہوں نے آل رسول ﷺ پر بہت مظالم ڈھائے ۔ جس امام ؑ کی سب سے زیادہ اولادتھی ان کا جنازے اٹھانے کے لئے مزدور بلائے گئے ۔ اور ایک ناشناس شخص کی مانند امامؑ کے جنازے کوبغداد کے ایک’’پل‘‘پر رکھا گیا ۔ امام ؑ کی زندگی میں کئی زندانوں اورحکومتی کارندوں کے گھروں میںقید وبند کی صعوبتوں سے گزرنا پڑا ۔علامہ علی اکبر کاظمی نے حضرت امام موسی ٰکاظم علیہ السلام کے فضائل ومصائب بیان کیے ۔جسے مومنین نے بہت سراہا ۔

وحدت نیوز(لاہور)مجلس وحدت مسلمین پاکستان کے چیئرمین علامہ راجہ ناصر عباس جعفری نے یوم مبعث کے موقع پر قومی مرکز شاہ جمال لاہور میں عنوان  مرحوم ساجد جاواکے ایصال ثواب کیلئے منعقدہ مجلس ترحیم میں بعثت حضرت رسول اکرمؐ کے حوالے سے گفتگو کرتے ہوئے کہا کہ رحمت اللعالمین ختمی مرتبت حضرت محمد ﷺ کی بعثت رب العالمین کا ہم پر خصوصی انعام ہے۔ خدا کے اس احسان کو ساری زندگی سجدے میں پڑے رہ کر بھی نہیں چکایا جا سکتا کہ اس نے ہمارا شمار شافع روز محشر ،سردارالانبیاء کے امتیوں میں کیا۔بعثت کا مطلب بیداری ہے نہ کہ خواب غفلت میں رہنا ہے ۔

 انہوں نے کہا کہ نبی کریم ﷺ نےبعثت سے قبل ہی اپنے اخلاق اور کردار و عمل سے مشرکین کو بھی اپنا گرویدہ بنا لیا تھا۔نبی برحقﷺ نے جس دین اسلام کی تبلیغ کی اور لوگوں کو اپنی اسوہ حسنہ سے جس کی طرف مائل کیا آج اسلام دشمن طاقتیں اقوام عالم کو اس دین سے متنفر کرنے کے لیے ایڑی چوٹی کا زور لگا رہی ہیں۔ دین اسلام میں داخل کرنے کے لیے نبی کریمﷺ نے تیئیس سال مشرکین کے ظلم برداشت کیے آج عالم استکبار کے ایجنٹ مسلمانوں کو نبی ﷺ کے اس دین سےخارج کرنے کے لیے طرح طرح کی فتوی بازی میں مصروف ہیں۔تعلیمات نبوی میں ایسے کسی تکفیری عمل کی کوئی گنجائش نہیں۔

وحدت نیوز(اسلام آباد)مجلس وحدت مسلمین گلگت بلتستان کے صدر حجت الاسلام والمسلمین آغا سید علی رضوی نے شب مبعث النبی صلی اللہ علیہ وآلہ وسلم کی مناسبت سے علی پور اسلام آباد مسجد خدیجہ الکبری میں منعقدہ اجتماع سے خطاب کرتے ہوئے کہاکہ بعثت نبوی کا مقصد قرآن مجید کی روشنی میں مندرجہ ذیل چیزیں ہیں۔

1:یتلو علیھم من آیاته
آیات الٰہی کی تلاوت کرنا۔
2: ویزکیھم:
بشریت کو پاک کرنا اور تربیت و تزکیہ کرنا۔
3: ویعلمھم الکتاب والحکمہ۔
کتاب اور حکمت کی تعلیم دینا۔

لہذا بعثت نبوی بشریت کی عظیم عید ہے۔آپ نے مزید فرمایا کہ ایک مناسبت آج کی رات شب معراج بھی ہے۔شب معراج پیارے حبیب حضرت محمد صلی اللہ علیہ وآله وسلم نے تمام انبیاء علیھم السلام کی زیارت کی اور انہیں نماز پڑھائی اور شب معراج مولا امیر المؤمنین علیہ السلام کی ولایت اور امامت اور آپکی عظمت کے مظاہرے کی رات ہے۔معراج میں مولاعلی علیہ السلام کی عظمت اور فضیلت کو بھی معراج عطاہوئی۔

وحدت نیوز(ڈیرہ اسماعیل خان)مجلس علمائے شیعہ پاکستان کے وفد نے ڈیرہ اسماعیل خان کا دورہ کیا، وفد میں مرکزی مسئول تبلیغات علامہ سید ثمر علی نقوی، مرکزی جنرل سیکرٹری علامہ اصغر عسکری اور کے پی کے صدر مولانا احمد روحانی شاملِ تھے۔

 اس دورے کے موقع پر وفد نے بزرگ عالم دین علامہ غلام حسن جاڑا کے انتقال پر تعزیت کی اور ان کی قبر پر فاتحہ خوانی بھی کی۔ اس کے علاوہ علمائے کرام نے اسپتال دانشگاہ الزھراء اور سکول کا دورہ کیا اور مولانا اظہر ندیم سے ڈی آئی خان کے مسائل اور بالخصوص علماء کے مسائل پر تفصیلی ملاقات اور گفتگو کی۔