وحدت نیوز (لاہور) علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کا اپنے وفد کے ہمراہ لاہور علی رضا آباد میں امامیہ اسٹوڈنٹس آرگنائزیشن کی جانب منعقدہ برسی کے اجتماع اور کانفرنس میں شرکت کی اور شہید انقلاب ڈاکٹر محمد علی نقوی اور دیگر شھداء ملت کی قبور پر حاضری دی اور فاتحہ خوانی کی۔ امامیہ اسٹوڈنٹس آرگنائزیشن پاکستان کے اسکاوٹس نے باقاعدہ علی رضا آباد مسجد مریم اور مرقد شہید ڈاکٹر محمد علی نقوی کے میں دروازے سے استقبال کیا ۔

وحدت نیوز(اسلام آباد) مجلس وحدت مسلمین پاکستان کے چیئرمین علامہ راجہ ناصرعباس جعفری حفظہ اللہ نے امید مستضعفین جہاں, مہدی دوراں، زمین پر آخری حجت خدا، رسول اللہ صلی اللہ علیہ وآلہ وسلم کے بارہویں جانشین حضرت امام مہدی عجل اللہ تعالیٰ فرجہ الشریف کی ولادت باسعادت کے پُر مسرت موقع پراپنے پیغام میںکہا کہ پوری انسانیت اور عالم اسلام کی خدمت میں ہدیہ تبریک و تہنیت پیش کرتا ہوں۔

انہوں نے کہا کہ مہدی موعودؑ کا وجود مقدس عالم بشریت کیلئے مرکز امید و نجات ہے، فرزند رسول ؐ حضرت امام مہدیؑ کا انتظار نا فقط شیعہ بلکہ دنیا کاہر مظلوم اور محروم کررہاہے،حجت خدا کا یہ انتظام سب سے عظیم عبادت ہے، آپ ؑ ہی وہ عظیم ہستی ہیں جو ظلم وجور سے پرُ اس دنیا کو عدل وانصاف سے بھردیں گے۔

انہوں نے مزید کہاکہ نیمہ شعبان کی بابرکت سعاعتوں میں ہمیں جہاں اپنے مرحومین و شہداء کو اپنی دعاؤں میں یاد رکھنا ہے وہیں قوم کے بے گناہ اسیران کی جلد رہائی کیلئے بھی خصوصی دعاکرنی ہے اور ملک وقوم کی خوشحالی ، امن وامان کے قیام کیلئے بھی دعا کرنی چاہئے۔

وحدت نیوز(اوکاڑہ)پاکستان عوامی تحریک اور مجلس وحدت مسلمین نے کمر توڑ مہنگائی کے خلاف مشترکہ طور پر پرامن احتجاجی ریلی نکالی ریلی جو مدینہ چوک دیپال پور سے نکالی گئی جس کی قیادت پاکستان عوامی تحریک کے ضلعی صدر تصدق حسین اور مجلس وحدت مسلمین کے صوبائی رہنما سید انوار زیدی نے کی ۔

ریلی مختلف راستوں سے ہوتی ہوئی سٹی پریس کلب پہنچی ،جہاں مقررین نے احتجاجی ریلی  کے شرکاء سےخطاب کرتے ھوئے کہا کہ پی ڈی ایم کی حکومت میں مہنگائی اور بے روزگاری میں اضافہ ہوا ہے عوام پریشان حال ہے اور حکومت بیرونی قرضوں کے حصول کے لیے ملک میں مہنگائی کا طوفان کھڑا کر دیا ہے آٹا ،چینی، گھی ، پٹرول بجلی، گیس انتہائی مہنگی کر دی گئی ہے غریب عوام کا کوئی پرسان حال نہیں۔

 انہوں نے حکومت کے  خلاف اپنے غم وغصے کا اظہار کرتے ھوئے کہا کہ اس ظالم حکومت کی عوام دشمن پالیسیوں کی وجہ سے لوگ اپنے بچوں کو دو وقت کی روٹی کھلانے کے قابل بھی نہیں رھے غریب عوام خود کشیوں پر مجبور ھو گئی ہے اور حکمران طبقہ صرف عوام کو طفل تسلیاں دے رہا ہے، انہوں نے کہا کہ حکومت ہوش کے ناخن لیں اور عوام کو ریلیف فراہم کرنے کے لیے جنگی بنیادوں پر اقدامات اٹھائے۔

وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے بانی آئی ایس او پاکستان شہید ڈاکٹرسید محمد علی نقوی ؒ کے 28ویں یوم شہادت پر اپنے تعزیتی پیغام میں کہا کہ سفیر انقلاب شہید ڈاکٹر محمد علی نقوی کی متحرک شخصیت کو خراج عقیدت وسلام پیش کرتا ہوں، شہید کی ملک وملت کے لیے گراں قدر خدمات کو ہمیشہ یاد رکھا جائے گا، آپ کی شخصیت ہمارے اور جوانوں کے لیے اسوہ اور رول ماڈل ہے، آپ میں وہ تمام اعلیٰ ترین خصوصیات موجود تھیں جو ایک اسلامی، ولایئی اور انقلابی مبارز میں ہونی چاہیں۔

شہید ڈاکٹر نقوی ؒ اپنی ملت کو تمام شعبہ ہائے زندگی میں منظم انداز سے کامیاب و کامران ہوتا دیکھنے کی شدید آرزو رکھتے تھے اور ساری زندگی اسی عظیم مقصد کے حصول میں مصروف عمل رہے۔ تمام ملی تنظیموں کے عہدیداران اور قوم کو ڈاکٹر شہید کے راستے پر گامزن رہنے کے لیے انکی زندگی کے صفحات کو پڑھ کر اور انکے افکار کو درک کر کے اپنی اجتماعی و انفرادی کاوشوں کو جاری رکھنا چاہیے۔

وحدت نیوز(جیکب آباد)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی سے وحدت یوتھ ونگ پاکستان لاڑکانہ ڈویژن  کے صدر منصب علی کربلائی نے مدرسہ خاتم النبیین جیکب آباد میں وفد کے ہمراہ ملاقات کی، اس موقع پر غلام مقصود علی ڈومکی کو وحدت یوتھ ونگ ڈویژن سیٹ اپ کے بارے میں معلومات سے آگاہ کیا گیا۔

 اس موقع پر علامہ مقصود علی ڈومکی نے گفتگو کرتے ہوئے کہا کہ خوشی ہوئی ہے کہ ڈویژن لاڑکانہ میں وحدت یوتھ ونگ کا سیٹ اپ بنایا گیا ہے، مزید کہا کہ نوجوان ملت کا سرمایہ ہیں ہم آپ نوجوانوں کو کسی بھی موڑ پر اکیلا نہیں چھوڑیں گے، ہم ہر موڑ پر آپ کے ساتھ ہیں، مجھے خوشی ہوئی ہے کہ ڈویژن سطح پر وحدت یوتھ ونگ کا سیٹ اپ مضبوط بنانے کے لئے آپ کردار ادا کررہے ہیں، انہوں نے کہا کہ ہم ملک گیر مذہبی و سیاسی جماعت مجلس وحدت مسلمین پاکستان کے جانثار ہیں، وحدت یوتھ ونگ پاکستان کا سیٹ اپ ملک بھر میں وسیع کیا جائے گا۔

وحدت نیوز(شکارپور)شب نیمہ شعبان کی مناسبت سے مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے ضلع شکار پور کی مختلف مساجد میں قائم قرآن و دینیات سینٹرز کا دورہ کیا اور جشن میلاد حضرت امام زمانہ علیہ السلام کی مناسبت سے مستحق طلباء و طالبات میں عید گفٹ تقسیم کئے۔اس موقع پر ایم ڈبلیو ایم کے ضلعی رہنما غلام شبیر برڑو ،نظام دین انقلابی، گلشیر احمد سیٹھار ،کامران علی دل و دیگر موجود تھے۔

اس موقع پر خطاب کرتے ہوئے علامہ مقصود علی ڈومکی نے کہا کہ شب برائت اور منجی عالم بشریت حضرت امام زمانہ علیہ السلام کی ولادت باسعادت کی خوشی میں ہمیں معاشرے کے محروم اور غریب بچوں کو شامل کرنا چاہیے الحمدللہ وطن عزیز پاکستان میں اھل خیر نے ہمیشہ مستحق لوگوں کی مدد کی ہے۔ آئمہ اہل بیت علیہم السلام راتوں کو معاشرے کے غریب اور مستحق افراد کی گھر گھر جا کر مدد کرتے تھے ان کی پشت مبارک پر ان بوریوں کے نشانات پڑ جاتے تھے جو روٹیاں کاندھے پر اٹھا کر مستحقین کے دروازوں پر پہنچاتے تھے۔

انہوں نے کہا کہ حکومت نے آئی ایم ایف کی شرائط مہنگائی اور افراط زر کا تمام تر بوجھ غریبوں پر ڈال دیا ہے۔ مقروض ملک کے حکمرانوں کےپروٹوکول اور عیاشی میں کمی آنے کی بجائے اضافہ نظر آرہا ہے۔ حکمرانوں کی کرپشن عیاشی اور بدانتظامی کا حساب غریب عوام سے وصول کیا جا رہا ہے لوگوں کے پاس کھانے کو آٹا نہیں جس کے باعث کہیں بھوکے والدین بچوں کو بیچ رہے ہیں اور کہیں خودکشی کر رہے ہیں اب وقت آ چکا ہے کہ معاشرے کے مظلوم اور محروم لوگ اس ظالم نظام کے خلاف بغاوت کریں۔ اب فرسودہ ظالم نظام سے ٹکرانے کا وقت آچکا ہے۔