وحدت نیوز(گلگت)اپوزیشن لیڈر گلگت بلتستان اسمبلی کاظم میثم نے اپنے ایک بیان میں کہا ہے کہ ایک بظاہر سیاسی رہنماء نے سستی شہرت کے لیے بیک وقت ایک مذہبی جماعت اور منرلز سے وابستہ افراد پر بڑا الزام عائد کیا ہے۔ انہیں تھوڑی سی ہمت کرکے ثبوت کے ساتھ اسمبلی میں بات کرنی چاہیے تھی-

 انہوں نے معدنیات سے وابستہ گلگت بلتستان کے ہزاروں تاجروں پر رشوت کا الزام عائد کرکے ان کو بدنام کرنے کی کوشش کی ہے۔ کسی بھی مخالف جماعت پہ جھوٹے الزامات عائد کرکے خوش ہوجائیں اور یہ کہتے پھریں کہ جھوٹا الزام لگانا ہمارا فن ہے مخالف نے کہاں کہاں دفاع کرنا ہے؟ لیکن وہ طبقہ جو محنت کرکے اپنی جان جوکھوں میں ڈال کر حلال رزق روزی کمانے والے ہیں ان لوگوں پر رشوت کا الزام قابل مذمت ہے۔ منرلز ایسوسی ایشن اور اس سے وابستہ افراد کو داغدار کرکے نہیں معلوم کس کی خوشنودی حاصل کرنا چاہتے ہیں۔ 

مذہبی جماعت کی طرف اشارہ کرکے موصوف نے تمام مذہبی جماعتوں پر سوال اٹھایا ہے۔ اگر موصوف سچا ہے تو ثبوت کے ساتھ اس مذہبی جماعت کا نام لینا چاہیے۔ لگتا ہے اس خبر کا سورس بھی وہی ہے جس خبر میں خالد خورشید کی حکومت گرانے کے بعد انہوں نے وزیراعلٰی بننا تھا۔

وحدت نیوز(اسلام آباد) مجلس وحدت مسلمین پاکستان کےسربراہ سینیٹر علامہ راجہ ناصرعباس جعفری نے اپنے بیان میں کہا ہے کہ اپوزیشن لیڈر عمر ایوب، صاحبزادہ حامد رضا اور پاکستان تحریکِ انصاف سے وابستہ دیگر پارلیمانی نمائندوں اور ورکرز کے خلاف انسدادِ دہشت گردی کی عدالت کا فیصلہ، درحقیقت عدل و انصاف کے بنیادی اصولوں کی کھلی پامالی اور آئینی روایات کی صریح خلاف ورزی ہے۔‏

جب ریاستی ادارے سیاسی انتقام کی بنیاد پر فیصلے صادر کرنے لگیں، اور عدالتیں سرکاری اہلکاروں کی غیر مصدقہ، متنازع اور جھوٹی گواہیوں پر انحصار کرتے ہوئے لاکھوں ووٹرز کی نمائندگی کرنے والے منتخب نمائندوں کو سزائیں سنانے لگیں، تو یہ صرف ایک عدالتی فیصلہ نہیں رہتا بلکہ یہ عدلیہ کی غیرجانبداری پر سوالیہ نشان بن جاتا ہے۔‏

یہ فیصلہ نہ صرف عوامی اعتماد کو متزلزل کرتا ہے، بلکہ پاکستان کے آئینی و جمہوری مستقبل کو بھی خطرے میں ڈالتا ہے۔ ایسے فیصلے عدالتوں کے ماتھے پر کلنک کا ٹیکہ ہوتے ہیں، اور تاریخ انہیں کبھی معاف نہیں کرتی۔ آنے والے مورخین اسے انصاف کے نظام میں سیاہ باب کے طور پر قلمبند کریں گے، جس میں طاقتوروں کی خوشنودی کی خاطر قانون کو پامال کیا گیا۔‏

پاکستان کے آئین میں ہر شہری کو منصفانہ سماعت، غیرجانبدار ٹرائل اور شفاف عدالتی کارروائی کا حق حاصل ہے۔ منتخب نمائندوں کے ساتھ انتقامی رویہ نہ صرف جمہوریت کے منہ پر طمانچہ ہے بلکہ ریاست کی اخلاقی بنیادوں کو بھی ہلا دینے کے مترادف ہے۔

وحدت نیوز(کراچی)مجلس وحدت مسلمین پاکستان کراچی ڈویژن ضلع غربی کی جانب سے قائد وحدت علامہ راجہ ناصر عباس جعفری کے ریمدان بارڈر کی طرف لانگ مارچ کے اعلان کی  حمایت میں اور چہلم امام کے موقعے پر زمینی راستوں پر پابندی خلاف  نماز  جمعہ کے جامع مسجد حیدری اورنگی ٹاون نمبر 10 کراچی  سے احتجاجی ماتمی ریلی نکالی گی جس سے علامہ حیات عباس نجفی علامہ محمد صادق جعفری نےخطاب کیا اور  بڑی تعداد میں مومنین نے شرکت اور لبیک یاحسین کی صداوں میں لانگ میں شرکت کا اعلان کیا۔

وحدت نیوز(ملتان)مجلس وحدت مسلمین عزاداری ونگ کے زیر اہتمام برسی قائد شہید عارف حُسین الحُسینی کی مناسب سے مجلس عزاء کا انعقاد کیا گیا جس میں مرکزی جنرل سیکرٹری مجلس وحدت مسلمین پاکستان جحت الاسلام سید حسن ظفر نقوی نے خطاب کیا اور فلسفہ شہادت قائد شہید کی مجاہدانہ زندگی پر روشنی ڈالتے ہوئے کہا کہ شہید کی زندگی ہمارے لئے مشعل راہ ہے ۔ کم ترین وسائل اور تاریخ کے ظالم ترین ڈیکٹیٹر کے سامنے جس انداز میں شہید قائد نے اپنی قوم کی قیادت کرتے ہوئے انکے حقوق کے تحفظ کے لئے جد وجہد کی وہ شہید قائد کی کرشماتی شخصیت بصیرت اور شجاعت کا معجزہ ہے۔۔ جس کی بدولت وطن عزیزکے ہر باوفا بیٹے کے دل میں شہید قائد آج بھی زندہ اور انکا راستہ ہر ایک شیعہ سُنی مسلم کے لئے مشعل راہ ہے۔