وحدت نیوز( سرگودھا)صوبائی رکن ورکنگ کمیٹی مجلس وحدت مسلمین شمالی پنجاب جناب مولانا ذوالفقار اسدی صاحب نے قائد شہید کے دیرینہ ساتھی  بزرگ عالم دین جناب حجت الاسلام والمسلمین مولانا دلاور حسین صاحب قبلہ سے موضع جھاویاں میں ملاقات کی۔

اس موقع پر مولانا ذوالفقار اسدی صاحب نے مولانا دلاور حسین صاحب کی خیریت دریافت کی اور مجلس وحدت مسلمین پاکستان کی تنظیمی فعالیت، خدمات اور زائرین کے لیے جناب حجت الاسلام والمسلمین علامہ راجہ ناصر عباس جعفری صاحب کی جانب سے کیے گئے اقدامات کی تفصیل پیش کی۔

مولانا دلاور حسین صاحب نے مجلس وحدت مسلمین پاکستان کے سربراہ علامہ راجہ ناصر عباس جعفری صاحب کی صحت و سلامتی کے لیے خصوصی دعا فرمائی اور ان کے اقدامات کی مکمل حمایت کا اعلان کیا۔ انہوں نے آئندہ بھی مجلس وحدت مسلمین پاکستان کے ساتھ بھرپور تعاون اور حمایت جاری رکھنے کے عزم کا اظہار کیا۔

اس ملاقات میں برادر شعیب رضا تحصیل صدر مجلس وحدت مسلمین تحصیل بھلوال ضلع سرگودھا بھی مولانا ذوالفقار اسدی صاحب کے ہمراہ موجود تھے۔

وحدت نیوز(آرٹیکل) پاکستان میں زائرینِ اہل بیتؑ کئی سالوں سے حکومتی بے توجہی، انتظامی رکاوٹوں اور سفری دشواریوں کا شکار ہیں، خاص طور پر ان کے لیے جو ایران، عراق اور شام کے مقدس مقامات کی زیارت کے لیے زمینی راستے اختیار کرنا چاہتے ہیں۔ ہوائی سفر کا خرچہ ہر کسی کے بس کی بات نہیں، اور زمینی راستہ ہی ہزاروں متوسط اور نادار پاکستانیوں کی امید ہے۔

اسی تناظر میں چیئرمین مجلس وحدت مسلمین  علامہ راجہ ناصر عباس جعفری نے کراچی سے ریمدان بارڈر تک بذریعہ سڑک عوامی کاروان لے جانے کا اعلان کیا ہے۔ یہ صرف ایک سفر نہیں بلکہ ایک تحریک ہے، ایک احتجاج ہے، اور ایک بیداری کا پیغام ہے، جس کے اثرات دہائیوں تک محسوس کیے جائیں گے۔

1۔ زائرین کے آئینی و مذہبی حقوق کا دفاع

مجلس وحدت مسلمین اور علامہ راجہ ناصر عباس کا یہ قدم زائرین کے لیے آئینی، مذہبی اور انسانی حقوق کی بازیابی کی جدوجہد ہے۔ ایک شہری کو اپنے مذہبی عقائد کے مطابق زندگی گزارنے اور عبادات کی ادائیگی کے لیے سفر کا حق حاصل ہے۔ زمینی راستے کی بندش اس حق کی کھلی خلاف ورزی ہے، جسے یہ کاروان چیلنج کر رہا ہے۔

 2۔ حکومت پر دباؤ اور قافلہ سالاروں کے نقصان کا ازالہ

یہ احتجاجی کاروان حکومت پر سنجیدہ عوامی دباؤ ڈالے گا کہ وہ زائرین اور قافلہ سالاروں کے مالی نقصانات کا ازالہ کرے جنہوں نے لاکھوں روپے لگا کر قافلے تیار کیے مگر سرحدی بندش کے باعث سخت مالی و جذباتی نقصان اٹھایا۔ یہ صرف زائرین کی نہیں بلکہ کاروباری اور دینی خدمتگار طبقے کی بھی جدوجہد ہے۔

 3۔ تاریخی اثرات… حکومتیں سوچنے پر مجبور

یہ کاروان محض وقتی احتجاج نہیں بلکہ ایسا تاریخی اقدام ہے جس کے اثرات دہائیوں تک باقی رہیں گے۔ اگر یہ سفر مکمل ہوتا ہے تو آئندہ کوئی بھی حکومت زمینی راستے کو بند کرنے کی جرات نہیں کر سکے گی، کیونکہ اسے معلوم ہو گا کہ ملت جعفریہ خاموش نہیں بیٹھے گی۔
 4۔ وحدت، اخوت، اور مذہبی ہم آہنگی کا پیغام

یہ سفر صرف شیعہ زائرین کے حق کی بات نہیں کرتا بلکہ پورے ملک میں مذہبی آزادی، وحدتِ امت اور ہم آہنگی کا پیغام دے گا۔ یہ کاروان ہر مظلوم، محروم اور نظر انداز شدہ طبقے کی ترجمانی کرے گا۔

 5۔ قومی معیشت اور سرحدی ترقی

زمینی راستے کی بحالی سے نہ صرف زائرین کو فائدہ ہو گا بلکہ بلوچستان کی سرحدی پٹی کو تجارتی سرگرمیوں اور علاقائی ترقی کا نیا موقع ملے گا۔ ایران و عراق سے تجارت بڑھے گی، اور مقامی لوگوں کو روزگار ملے گا۔

 6۔ عوامی شرکت… خودداری کا مظاہرہ

یہ کاروان محض ایک تنظیم یا رہنما کا نہیں بلکہ پوری ملت کا کاروان ہے۔ اس لیے عوام سے اپیل ہے کہ وہ اپنی مدد آپ کے تحت اس قافلہ میں شامل ہوں۔ ہر شخص اپنے ساتھ کھانے پینے کا سامان، پانی، ضروریاتِ سفر کا بندوبست کر کے نکلے، کیونکہ یہ سفر فقط منزل کا نہیں بلکہ مقصد کا سفر ہے۔

 بس اس بات کو سمجھنے کی ضرورت ہے کہ 

مجلس وحدت مسلمین کی اپیل پر کراچی سے ریمدان تک یہ احتجاجی سفر ایک تاریخی اقدام ہے جو زائرین، قافلہ سالاروں، دینی اداروں اور عام عوام کے حقوق کی ترجمانی کرتا ہے۔ اگر یہ کاروان کامیاب ہوتا ہے (اور ان شاء اللہ ہو گا)، تو یہ ریاست کو یہ پیغام دے گا کہ دینی شعائر اور مذہبی آزادی پر کوئی سمجھوتہ نہیں ہو سکتا۔

یہ وقت ہے کہ ہم سب متحد ہوں، قافلے کا حصہ بنیں، اور ظالمانہ پالیسیوں کے خلاف عملی احتجاج کا حصہ بن کر اپنے حقوق کی حفاظت کریں۔

تحریر: اسد عباس نقوی (مرکزی سیکرٹری سیاسیات مجلس وحدت مسلمین)

وحدت نیوز(اسلام آباد)مجلس وحدت مسلمین پاکستان کے مرکزی دفتر میں زائرین پر عائد بائی روڈ سفری پابندیوں کے حوالے سے ایک اہم اجلاس منعقد ہوا، جس کی صدارت مرکزی سیکرٹری سیاسیات سید اسد عباس نقوی نے کی۔

اجلاس میں علامہ اصغر عسکری، علامہ زاہد کاظمی، سالار زاہد حسین کاظمی، سالار منظور علی، سالار سید فیضان شاہ کاظمی، سالار محمد حسین شیرازی اور دیگر اہم شخصیات وسالاران کی شرکت۔

اجلاس کے دوران زائرین کو درپیش مشکلات، حکومتی وزراء سے ہونے والے مذاکرات اور آئندہ کے لائحہ عمل پر تفصیل سے تبادلہ خیال کیا گیا۔

اس موقع پر وائس آف کاروان سالار کی جانب سے غیر مصدقہ افراد کی جانب جاری غیر ضروری اعلامیہ کو بھی متفقہ طور پر مسترد کر دیا گیا۔ بلکہ وائس آف کاروان ایسے فعل کی متحمل نہیں۔

سید اسد عباس نقوی نے کہا کہ "اگر حکومت نے زائرین کے مسائل حل نہ کیے اور بائی روڈ سفر کی اجازت نہ دی تو 6 اگست کو کراچی سے ریمدان بارڈر تک تاریخی مارچ کیا جائے گا۔

ملک بھر سے زائرین اور کاروان سالار اس مارچ میں بھرپور شرکت کے لیے رابطے میں ہیں، حتیٰ کہ وہ افراد بھی تیار ہیں جن کے ویزے تاحال نہیں لگے۔ انہوں نے واضح کیا کہ یہ اقدام علامہ راجہ ناصر عباس جعفری کے اعلان کی روشنی میں اٹھایا جا رہا ہے، جس کی اجلاس میں شریک تمام سالاروں اور رہنماؤں نے بھرپور حمایت کا اعلان کیا۔

وحدت نیوز(گلگت) مجلس وحدت مسلمین کے پارلیمانی لیڈر اور قائد حزب اختلاف گلگت بلتستان اسمبلی کاظم میثم نے اپنے بیان میں کہا ہے کہ وزیراعظم پاکستان کے دورہ گلگت بلتستان پر سیلاب متاثرین کو شدید مایوسی ہوئی۔

گلگت بلتستان کے عوام کو غیرجمہوری اور جبر فسطائیت سے بننے والی حکومت سے ویسے بھی کوئی امید نہیں ہے۔

بے ربط اور مبہم تقریر میں کہیں چار ارب کا ذکر ہے اور نہ جی بی کے مجموعی ایشوز کا کوئی حل۔

وزیراعظم کی ہومیوپیتھک تقریر میں سیلاب متاثرین کی بحالی، نقصانات کا ازالہ اور انفراسٹکچر کی بحالی اور مستقبل کی پیش بندی کے لیے کوئی لائحہ عمل نہیں دیا گیا۔

پاک چین تجارتی راہداری کی بندش اور تاجروں کا احتجاج بھی بڑا ایشو تھا لیکن ایسا لگا کہ انکو اس مسئلے سے کوئی غرض ہی نہیں۔

سیلاب کے نقصانات کا درست تخمینہ دینے میں جو حکومت ناکام ہو ان کی بحالی کیسے کرسکے گی۔

وزیراعظم کو ڈرامائی انداز میں لایا گیا، انکی اتحادی حکومت ائیرپورٹ پر کھڑی کردی گئی اور کبینٹ ہال میں کرسی پر بٹھائی گئی جہاں سانس لینے کی بھی اجازت مشکل سے تھی۔

عوامی نمائندوں کو سیلاب کے نقصانات کی تفصیلات اور جی بی کے حالات پر بریفنگ دینی چاہیے تھی۔

گلگت بلتستان کلائمیٹ ہٹ ایریا ہے لیکن اس کو کیش دوسرے صوبے اور وفاق کر رہا ہے اس کے ذمہ دار وزیراعظم خود بھی ہے۔

کاربن کریڈٹ پروگرام میں گلگت بلتستان کو شامل کرنے کا اعلان کرتا تو ہم سمجھتے کہ وزیراعظم واقعی سنجیدہ اقدام اٹھانا چاہتا ہے۔

جس دن سیلاب زدہ علاقوں میں وزیراعظم کے دورہ کے بعد حفاظتی بند باندھے،سیلاب متاثرین کا نیاگھر بنے،فصلوں اور دیگر نقصانات کا ازالہ ہو تو ہم وزیراعظم کا شکریہ ادا کریں گے لیکن ان سے کوئی امید نہیں ہے۔

عوام کے نقصانات بیس ارب سے زیادہ ہے بتایا جائے یہ چار ارب کس مرض کی دوا ہے؟ اس سے بندھ باندھنا ہے، انفراسٹکچر کو بحال کرنا ہے،متاثرین کو نیاگھر دینا ہے یا خردبرد کرنا ہے۔