وحدت نیوز(جیکب آباد)مدرسہ المصطفیٰ خاتم النبیینؐ میں علامہ مقصود علی ڈومکی کی زیر صدارت تعلیمی کانفرنس منعقد ہوئی۔ کانفرنس سے مولانا سیف علی ڈومکی زوار دلدار حسین گولاٹو سید غلام شبیر نقوی انجینئر عید محمد ڈومکی مولانا حسن رضا غدیری انجینئر اکبر علی لاشاری مولانا ارشاد علی سولنگی وسیم لطیف مہر نثار احمد ابڑو مولانا منور حسین سولنگی وزیر علی مشہدی سید ثاقب علی شاہ و دیگر نے خطاب کیا۔

کانفرنس سے خطاب کرتے ہوئے مدرسہ خاتم النبیین کے پرنسپل اور مجلس وحدت مسلمین پاکستان کے مرکزی ترجمان علامہ مقصود علی ڈومکی نے کہا کہ کسی بھی قوم کی تعمیر و ترقی میں تعلیم اور تربیت کا انتہائی اہم کردار ہے۔ ہمیں اپنی نوجوان نسل کی تعلیم و تربیت سے کبھی غافل نہیں رہنا چاہیئے۔

 انہوں نے کہا کہ تبلیغات اسلامی کے زیر اہتمام بلوچستان کے مختلف مقامات پر مجالس عزا اور عزاداری کے پروگرامز منعقد ہوئے۔انہوں نے کہا کہ مضبوط ادارے ہی قوم کی مضبوطی کا سبب ہیں۔ اس لئے ہم ادارہ سازی پر توجہ دے رہے ہیں۔ یہ ادارے قوم کی تعمیر و ترقی میں اہم کردار ادا کر رہے ہیں۔ ہم نے اپنی نوجوان نسل کو دینی اور عصری تعلیم کے زیور سے آراستہ کرنا ہے۔

وحدت نیوز(اسلام آباد) مجلس وحدت مسلمین پاکستان اور شیعہ علماء کونسل کے مرکزی قائدین کی اسلام آباد میں اہم ملاقات، مجلس وحدت مسلمین پاکستان کے مرکزی ڈپٹی سیکرٹری جنرل سید ناصر عباس شیرازی نے مرکزی سیکرٹری سیاسیات سید اسد عباس نقوی کے ہمراہ شیعہ علماء کونسل پاکستان کے مرکزی جنرل سیکرٹری علامہ عارف حسین واحدی سے ان کی رہائش گاہ پر ملاقات کی۔

 اس موقع پر دو طرفہ امور پر تبادلہ خیال کیا گیا اور کہا گیا کے عزاداری سید الشہداء کے حوالے سے کوئی قدغن قبول نہیں کریں گے، جھوٹی آیف آئی آرز اور شیڈول فور ناقابلِ قبول ہے، متعصبانہ رویئے کسی صورت قبول نہیں کریں گے۔

واضح رہے کہ گذشتہ دو روز سے اسلام آباد کے حالات کشیدہ ہیں، جہاں مولانا شہنشاہ نقوی کو خطاب کی بجائے گرفتار کیا گیا اور آبپارہ پر کالعدم جماعت کی جانب سے شیعہ مخالف ریلی نکالی گئی۔

وحدت نیوز(ملتان) مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی ایک روزہ دورے پر ملتان پہنچے، اسد عباس نقوی کے ہمراہ معاون سیکرٹری تنظیم سازی ایڈووکیٹ آصف رضا بھی موجود تھے۔ اسد عباس نقوی نے ملتان میں ایم ڈبلیو ایم جنوبی پنجاب کے صوبائی سیکرٹری جنرل علامہ اقتدار حسین نقوی اور صوبائی کابینہ کے اراکین سے ملاقات کی۔

 اس موقع پر صوبائی رہنما علامہ قاضی نادر حسین علوی، انجینئر سخاوت علی سیال، سید دلاور عباس زیدی، ثقلین نقوی بھی موجود تھے۔ ملاقات میں جنوبی پنجاب کی تنظیمی صورتحال کا جائزہ لیا گیا اور آمدہ بلدیاتی الیکشن کے حوالے سے لائحہ عمل طے کیا گیا، اسد عباس نقوی نے کہا کہ ملک بھر کی طرح جنوبی پنجاب میں بھی بلدیاتی الیکشن میں اپنی شناخت کیساتھ میدان میں اُتریں گے۔

وحدت نیوز(رحیم یارخان) مجلس وحدت مسلمین ضلع رحیم یارخان کا اجلاس امام بارگاہ حیدری ٹرسٹ رحیم یار خان میں منعقد ہوا، جس میں علمائے کرام، اراکین جماعت، سیاسی زعماء، امام بارگاہ کے منتظمین اور دیگر سینیئرز نے شرکت کی۔ ایم ڈبلیو ایم جنوبی پنجاب کے صوبائی ڈپٹی سیکرٹری جنرل غلام اصغر تقی، ڈپٹی سیکرٹری جنرل زعیم زیدی، خطیب حیدری ٹرسٹ علامہ شیخ منظور حسین، مولانا زبیر حیدر، مولانا شبیر حسین، گوہر عباس، باقر عباس، ریاض کھرل، ظفر حسین، فضل عباس، تنویر حسین، قیوم علی، چیئرمین حیدری ٹرسٹ مظہر حسین، ثقلین ریحان، شیخ مختار حسین، شہزاد حسین اور ارشاد خان سمیت دیگر موجود تھے۔ اجلاس میں متفقہ طور پر مولانا نیئر عباس کو ایم ڈبلیو ایم ضلع رحیم یارخان کا ضلعی آرگنائزر منتخب کیا گیا، نومنتخب ضلعی آرگنائزر و آرگنائزنگ کمیٹی سے صوبائی ڈپٹی سیکرٹری جنرل سید زعیم حیدر زیدی نے حلف لیا۔