وحدت نیوز(اسلام آباد)سربراہ تحریک نفاذ فقہ جعفریہ پاکستان آغا سید حامد علی شاہ موسوی خالق حقیقی سے جا ملے ، ان کی رحلت پر چیئرمین مجلس وحدت مسلمین پاکستان علامہ راجہ ناصرعباس جعفری نے دلی افسوس اور تعزیت کا اظہار کیا ہے ۔

میڈیا سیل سے جاری اپنے بیان میں انہوں نے کہا کہ تحریک نفاذ فقہ جعفریہ کے سربراہ بزرگ عالم دین سید حامد علی شاہ موسوی کے انتقال پر ان کے اہل خانہ کو ہدیہ تعزیت و تسلیت پیش کرتا ہوں۔قوم ایک بزرگ علمی شخصیت سے محروم ہو گئی ہے۔مرحوم کی بلندی درجات اور اہل خانہ کے صبر کے لیے دعاگو ہوں۔

علاوہ ازیںمجلسِ وحدت مسلمین پاکستان کے چیئرمین علامہ راجہ ناصر عباس نے تحریک نفاذ فقہ جعفریہ کے سربراہ سید حامد علی موسوی کی نماز جنازہ میں شرکت بھی کی۔مرحوم کی بلندی درجات اور سوگواران کے صبر کے لیے دعا کی۔

نماز جنازہ میں شرکاء سے گفتگو کرتے ہوئے انہوں نے کہا کہ آغا موسوی ملت تشیع کی ایک علمی اور محترم شخصیت تھے۔ان کے حلقہ احباب میں شامل افراد ان سے دلی عقیدت رکھتے تھے۔ان کا انتقال ایک قومی سانحہ ہے جس پر ان کو چاہنے والی ہر آنکھ اشکبار ہے۔

وحدت نیوز (اسلام آباد)مجلس وحدت مسلمین کے زیر اہتمام کنونشن سینٹراسلام آباد میں شہید قائد علامہ عارف حسین الحسینی کی 34ویں برسی کی مناسبت سے منعقدہ مہدی ع برحق کانفرنس سے خطاب کرتے ہوئے مجلس وحدت مسلمین کے چیئرمین علامہ راجہ ناصر عباس جعفری نے کہا ہے  کہ آج عید مباہلہ کے دن نبی کریم ﷺ  دین کی حقانیت کو ثابت کرنے کے لیے اپنے اہلبیت ؑ کو لے کر نکلے۔ حق و باطل کے معرکے کی ایسی مثال تاریخ میں نہیں ملتی۔ جب انسان حق پر ہو تو پھر فنا کا خوف اس سے دور ہو جاتا ہے۔

انہوں نے کہا کہ شہید قائد نے انبیاءکے راستے کو اختیار کیا۔وہ حقیقی معنوں میں کربلائی و عاشورائی تھے۔ انہوں نے کہا کہ ہم فاتح خبر کے ماننے والے ہیں۔ ہماری یہ ذمہ داری ہے کہ یہودی و نصاری کو خود پر غالب نہ آنا دیں۔ قران ہمیں ان کا راستہ روکنے کا حکم دے رہا ہے ۔پاکیزہ گودوں میں تربیت پانے والوں کو ذلت قبول نہیں کرتے۔ اس وقت پاکستان کو شہید قائدکے راستے کی ضرورت ہے۔ہم چود ہ سو سالوں سے حریت کے علمبردار ہیں۔ ہم نے کسی بھی دور میں غلامی قبول نہیں کی۔ کربلا کے پیروکاروں کو چاہیئے کہ وہ گلی محلے میں جا کر غلامی کے خلاف درس دیں۔ عالمی استکباری طاقتوں سے بھیک مانگنے والوں کو قومی وقار کا مجرم سمجھتے ہیں۔ہم نے عمران خان سے دوٹوک انداز میں کہا کہ پاکستان کے فیصلے ملک کے اندر ہوں واشنگٹن میں نہ کئے جائیں۔

انہوں نے کہا کہ امریکہ اور اس کے ساتھی کھل کر سامنے آچکے ہیں ۔پاکستانی عوام امریکہ کے خلاف نفرت کا برملا اظہار کر رہے ہیں۔انڈیا امریکہ اسرائیل ٹرائیکا پاکستان میں سازشی کھیل کھیل رہا ہے۔ہم پاکستان کے غیرت مند ، باشعور  و باضمیر بیٹے ہیں۔ہم گھروں میں نہیں بیٹھے گے ۔پوری قوم کا یہ فرض ہے کہ مادر وطن کی داد رسی کے لیے گھروں سے نکلیں۔ہم شہدا کے راستے پر ہیں اور خون کے آخری قطرے تک ڈٹے رہیں گے۔ پاکستان کو لوٹنے والوں سن لو ہمارے تمھارے مقابلے میں چاہے تنہا بھی رہ جائیں ڈٹے رہیں گے۔ہمیں غلامی قبول نہیں۔شیعہ سنی وحدت کا راستہ  عزت کا راستہ ہے۔

انہوں نے کہ کہ ہمارے لوگ مسنگ ہیں۔جنہوں نے لشکر بنائے ، تکفیری بنائیں انہوں نے ہمارے لوگ  غائب کر رکھے ہیں۔ہمارے لوگ بے گناہ ہیں ۔ان کو اٹھانے والے ہمیں تکلیف میں رکھنا چاہتے ہیں۔فوج پاکستان اور اس کے عوام کی ضرورت ہے۔جن لوگوں کے ارمان پورے نہیں ہو رے وہ پاکستان اور اس کے ریاستی اداروں کو ڈبونے پر تلے ہوئے ہیں۔دنیا میں طاقت کی سمت  تبدیل ہو رہی ہے۔انہوں نے کہا کہ پاکستان کی ترقی و استحکام سے جس جس کو تکلیف پہنچتی ہے ہمیں ان کے ساتھ کھڑا نہیں ہونا بلکہ جو ہمیں مضبوط دیکھنا چاہتے ہیں ہمیں ان ممالک کے کی صف میں ہونا چاہئے۔ہمیں ظالم دشمن سے مقابلہ کرنا آتا ہے۔

وحدت نیوز (اسلام آباد)مجلس وحدت مسلمین کے زیر اہتمام کنونشن سینٹراسلام آباد میں شہید قائد علامہ عارف حسین الحسینی کی 34ویں برسی کی مناسبت سے منعقدہ مہدی ع برحق کانفرنس سے خطاب کرتے ہوئے سنی اتحاد کونسل کے چیئرمین صاحبزادہ حامد رضا نے کہا کہ مجلس وحدت مسلمین کو خراج تحسین پیش کرتا ہوں کہ انہوں نے شہید قائد کی فکر کو زندہ رکھا ہوا ہے۔انہوں نے کہا کہ اسرائیل کو تسلیم کرنے کے لیے ہماری لاشوں سے گزر کر جانا ہو گا۔ جو اسرائیل کو تسلیم کرنے کی بات کرے گا ہم اس کی آنکھیں نوچ لیں گے۔عمران خان کے علاوہ کسی سیاسی شخصیت نے کبھی کھل کر یہ کہنے کی جرات نہیں کی کہ وہ اسرائیل کو تسلیم نہیں کریں گے۔

انہوں نے کہا نظریہ اسلام کے نام پر وجود میں آنے والی ریاست میں کسی کی عزت محفوظ نہیں رہی۔قائد اعظم  اور ان کے بعد قتل ہونے والی ممتاز سیاسی شخصیات کے قتل میں ملوث پس پردہ طاقتیں آج تک بے نقاب نہیں ہو سکیں۔پاکستان کو تباہ کرنے کے لیے مذہبی منافرت کا پر چار کیا گیا۔ جو لوگ اتحاد و اخوت کے داعی تھے انہیں قتل کر دیا گیا۔انہوں نے کہا کہ طالبان سے مذاکرات کا اختیار صاحبان اقتدار کو کس نے دیا ہے۔شہید ہمارے گھروں کے ہیں ہماری قوم کے ہیں ان کے قاتلوں کے بارے میں فیصلہ بھی ہم ہی نے کرنا ہے۔

وحدت نیوز (اسلام آباد) مجلس وحدت مسلمین کے زیر اہتمام کنونشن سینٹراسلام آباد میں شہید قائد علامہ عارف حسین الحسینی کی 34ویں برسی کی مناسبت سے منعقدہ مہدی ع برحق کانفرنس سے خطاب کرتے ہوئے جماعت اہل حرم پاکستان کے سربراہ مفتی گلزار احمد نعیمی نے کہا یہ تاریخی حقیقت ہے کہ استعماری طاقتیں قوموں کوٹکروں میں تقسیم کر کے انہیں اپنے مفادات کے لیے استعمال کرتا ہے۔اس شیطانی حکمت عملی کے خلاف ایسا گروہ بھی موجود رہتا ہے جو استعماری مقاصد کے خلاف ڈٹا رہتا ہے۔ہم ان شا اللہ ہمیشہ ان ظالموں کے خلاف تاحیات  ڈٹے رہیں گے۔

 پاکستان عوامی تحریک کے رہنما خرم نواز گنڈا پور نے کہاشہدا کا ہم پر قرض ہے اور ہم سے تقاضا کرتا ہے کہ ہم اسلامی و جمہوری نظام کے لیے جدوجہد جاری رکھیں۔انہوں نے کہا کہ نون لیگ کے ظلم کے خلاف ہم کل بھی کھڑے تھے اور آئندہ بھی کھڑے رہیں گے۔ظلم و ستم کاکوئی راستہ ہمیں حق سے نہیں ہٹا سکتا۔ ہم حسینی ہیں۔کسی بھی قربانی سے دریغ نہیں کریں گے۔پاکستان معاشی طور پر ڈوب رہا ہے۔ تاریخ میں پاکستان کے ایسے حالات کبھی نہیں ہوئے۔ماڈل ٹاون کا قاتل آج ملک کا وزیر داخلہ بنا ہوا ہے۔ ظلم کا یہ نظام چلنے نہیں دیں گے۔  

امام خمینی ٹرسٹ کے چیئرمین علامہ افتخار حسین نقوی نے کہا کہ  مہدی ؑ برحق کانفرنس ہمیں شہداء اور اس قافلے کے سالار شہید قائد عارف حسینی کی یاد دلاتی ہے۔شہید قائد نے پوری قوم کو اس وقت بیدار کیا جب سب غفلت میں پڑے ہوئے تھے۔شہید قائد نے ڈنکے کی چوٹ پر امریکہ کو پاکستان کی مشکلات کا ذمہ دار قرار دیا تھا۔ اس وقت پاکستان سنگین ترین دور سے گزر رہا ہے جس میں علماء پر اہم ذمہ داریاں عائد ہوتی ہیں۔

مجلس وحدت مسلمین پاکستان کے ڈپٹی چیئرمین علامہ احمد اقبال رضوی نے کہا کہ شہید قائد سے عقیدت کا اظہار ہمارے لیے سعادت ہے۔ایک ایسا الہی انسان جو اخلاص و تقوی کا پیکر تھا۔قائد شہید نے ملت جعفریہ کو ایک انقلابی پلیٹ فارم دیا۔انہوں نے اس فکر کا پرچار کیا جس کا مقصد تشیع کے حقوق اور وطن عزیزکا دفاع تھا۔شہید قائد نے ضیائی آمریت کے مقابلے میں تمام جمہوری قوتوں کو یکجا کیا۔

 مجلس وحدت مسلمین کے مرکزی جنرل سیکرٹری سید ناصر شیرازی نے کہا کہ ارض پاک میں ہمیں دیوار سے لگانے کی کوشش کی گئی۔ یہاں تک کہا گیا کہ ہم تم  ایسے تنہا کریں گے کوئی تم سے ہاتھ نہیں ملائے گا۔آج  وہ تکفیری آ کر دیکھ لیں تمام مکاتب فکر ہمارے ساتھ کھڑے ہیں اور وہ خود تنہا ہو گئے ہیں۔انہوں نے کہا کہ امریکہ مردو باد کا نعرہ یزید مردہ باد کا تسلسل ہے۔ یہ کسی ملک یا مکتب کا نعرہ نہیں بلکہ ظلم اور ظالموں کے خلاف حق پرستوں کا نعرہ ہے۔ انہوں نے کہا کہ عزاداری ہماری شہ رگ حیات ہے ۔عزاداری ہمارا آئینی حق ہے کس کو اس پر پابندی لگانے کی اجازت نہیں دیں گے۔

مجلس وحدت مسلمین کے مرکزی سیکرٹری تنظیم سازی علامہ مقصود ڈومکی نے کہا کہ شہید قائد نے جہاں عالم استکبار کے خلاف آواز اٹھائی وہاں وہ اپنے ملت کے ساتھ بھی جڑے رہے۔مجلس وحدت مسلمین اپنے عظیم قائد شہید عارف حسین کے ہر عمل کی تائید کرتے ہوئے میدان عمل میں کھڑی نظر آئے گی۔انہوں نے کہا کہ جبر کے ذریعے پاکستان کے سات کروڑ شیعہ پر کوئی نصاب تعلیم نافذ نہیں کیا جا سکتا۔

 مجلس وحدت مسلمین کے مرکزی رہنما علامہ حسن ظفر نقوی نے کہا کہ آج کے حکمران ضیائی آمریت کے ساتھی تھے۔انہوں نے ہر دور میں دہشت گردوں کی پشت پناہی کی۔انہوں نے کہا کہ امام خمینی  نے جس امریکہ کو شیطان بزرگ کہا تھا آج پوری دنیا نے اس حقیقت کو تسلیم کر لیا ہے کہ عالم اسلام کا سب سے بڑا دشمن امریکہ ہے۔

ملی یکجہتی کونسل کے رہنما ڈاکٹر ثاقب اکبر نے کہا کہ مہدی ؑ برحق کا نعرہ پوری دنیا مٰں عدل کا نعرہ ہے۔ ہم اس ملک میں اہل حق کے اتحاد کے خواہاں ہیں۔ ہم ظالمین کا اتحاد نہیں چاہتے۔علامہ آغا علی رضوی نے کہا کہ  دین اسلام کی  تبلیغٖ اور دفاع کے لیے سب کو ہر وقت تیار رہنا چاہئیے۔ دین کے لیے کب کیا کرنا ہے اس کا فیصلہ بابصیرت قیادت کرتی ہے۔قائد شہید ایک بابصیرت رہنما تھے ۔انہوں نے واضح کر دیا تھا کہ امریکی کی دوستی اور دشمنی دونوں خطرناک ہیں۔

مجلس علمائے شیعہ کے صدر علامہ سید حسنین گردیزی نے کہا کہ روز مباہلہ مسیحیت کے مقابلے میں اسلام کی فتح کا دن ہے۔سچوں کے ساتھ ہونے کے لیے ضروری ہے کہ آپ کا کردار آپ کی گفتار کی تصدیق کرے۔ انہوں نے کہا امریکی مداخلت کے مکمل خاتمے کے بغیر پاکستان کی ترقی و استحکام ممکن نہیں ۔

ممبر صوبائی اسمبلی سیدہ زہرا نقوی نے کہا کہ شہید قائد کی زندگی ہمارے لیے مشعل راہ ہے۔شہید قائد کے مطابق  باپردہ خواتین سے عالمی استکباری قوتیں سخت خائف ہیں۔باپردہ خواتین امام برحق ؑ کے ظہور کے لیے زمینہ سازی میں مصروف رہیں۔

 پاراچنار کے تحصیل چیئرمین آغا مزمل حسین نے کہا نوجوان ہماری قوم کا قیمتی سرمایہ ہیں ان کے جوش و ولولے کو خراج تحسین پیش کرتا ہوں.گلگت بلتستان کے وزیر میثم کاظم نے کہاقائد عارف حسین الحسینی کو ان استعماری قوتوں نے شہید کرایا جو قائد و اقبال کے  پاکستان کے مخالف تھیں۔ہم شہدائے پاکستان اور شہید قائد سے یہ عہد کرتے ہیں کہ خط شہید سے کبھی پیچھے نہیں ہٹیں گے۔ گلگت بلتستان کے وزیر اعلی کے معاون خصوصی  الیاس صدیقی نے کہا کہ دہشت گردوں کے ساتھ مذاکرات کا مقصد انہیں قتل عام کادوبارہ موقع  فراہم کرنا ہے۔کانفرنس سے چیئرمین ایم ڈبلیوایم علامہ راجہ ناصرعباس جعفری، چیئرمین سنی اتحاد کونسل صاحبزادہ حامد رضا، سابق صوبائی وزیر قانون آغا محمد رضا ،ملک اقرار حسین، علامہ اقتدار حسین نقوی، علامہ ولایت حسین جعفری، علامہ جہانزیب جعفری، علامہ آغا اعجاز بہشتی،عارف الجانی نے بھی خطاب کیا۔تقریب میں سابق وفاقی وزیر ذلفی بخاری سمیت معروف شخصیات بھی موجود تھیں۔

وحدت نیوز(اسلام آباد) مجلس وحدت مسلمین پاکستان کے زیر اہتمام شہید قائد علامہ سیدعارف حسین الحسینیؒ کی 34 ویں برسی کے موقع پر مہدی برحق ؑ کانفرنس کا آغاز کنونشن سینٹر اسلام آباد میں ہوچکا ہے۔ کانفرنس کا باقائدہ آغاز ایم ڈبلیوایم کے مرکزی ڈپٹی جنرل سیکریٹری علامہ اعجاز بہشتی نے تلاوت کلام الہیٰ سے کیا۔

کانفرنس میں نظامت کےفرائض ایم ڈبلیوایم کے مرکزی رہنما ملک اقرار حسین اور عارف حسین الجانی انجام دے رہے ہیں، جبکہ ملک بھر سے ہزاروں کی تعداد میں مرد وخواتین کارکنان شریک ہیں، کانفرنس سے مختلف مکاتب فکر کے جید علمائے کرام وسیاسی ومذہبی شخصیات خطاب کریں گی۔

کانفرنس سے ایم ڈبلیوایم کے مرکزی و صوبائی قائدین سمیت خصوصی صدارتی خطاب چیئرمین مجلس وحدت مسلمین پاکستان علامہ راجہ ناصرعباس جعفری کریں گے جس میں وہ ملکی سیاسی وبین الاقوامی حالات سمیت قومی پالیسی بیان کریں گے۔

وحدت نیوز(بہاولپور)مجلس وحدت مسلمین ضلع بہاولپور کی ضلعی شوریٰ کا اجلاس جامع مسجد شیعہ فرید گیٹ میں منعقد ہوا، اجلاس کی صدارت ایم ڈبلیو ایم جنوبی پنجاب کے صدر علامہ سید اقتدار حسین نقوی نے کی۔ اجلاس میں مرکزی ڈپٹی سیکرٹری جنرل سلیم عباس صدیقی، صوبائی سیکرٹری سیاسیات سید وسیم عباس زیدی سمیت ضلع بھر کے یونٹس صدور اور ممبران نے شرکت کی۔ اجلاس میں اتفاق رائے سے سید سکندر نقوی کو آئندہ تین سال کے لیے دوبارہ صدر منتخب کر لیا گیا۔ ایم ڈبلیو ایم جنوبی پنجاب کے صوبائی صدر علامہ اقتدار حسین نقوی نے نومنتخب صدرسے حلف لیا۔