وحدت نیوز(شکارپور)ضلع شکار پور کے شہر چک میں استقبال محرم الحرام کی مجلس عزا سے  خطاب کرتے ہوئے کہا ہے کہ فرزند رسول حضرت امام حسین علیہ السلام سے عشق و محبت دین اسلام کے بقاء کی ضامن ہے کربلا ہر دور کے انسان کی ضرورت ہے۔ دنیا کے تمام ادیان و مذاھب کے انسان امام حسین علیہ السلام سے محبت کرتے ہیں اور ان کی عظیم و بے مثال قربانی کو اھل حق کے لیے مشعل راہ سمجھتے ہیں۔

انہوں نے کہا کہ محرم الحرام سے قبل اتحاد بین المسلمین اور امن و اخوت کے علمبردار علماء و ذاکرین کے بین الصوبائی اور بین الاضلاع سفر اور داخلے پر پابندی غیر آئینی اقدام ہے۔ بلاسبب کسی معزز شہری عالم دین اور ذاکر اھل بیت کی نقل و حرکت کے حق پر قدغن بلا جواز ہے۔

انہوں نے کہا کہ پنجاب حکومت وزیر اعلیٰ آئی جی پولیس اور ہوم سیکرٹری اقتدار کی رسہ کشی سے فارغ ہو کر عوام کے جان و مال کی حفاظت پر توجہ دیں۔ پولیس اور انتظامیہ کی ذمہ داری عوام کی مذہبی آزادی سلب کرنا نہیں بلکہ عوام کے عبادی اجتماعات میں تعاون کرنا ہے۔ حکومت اور انتظامیہ صوبائی اور ضلع سطح کی محرم میٹنگز میں خانہ پوری کی بجائے ملت کی نمائندہ شخصیات اور جماعتوں کو نمائندگی دے۔انہوں نے کہا کہ جب نئے شہر آباد ہوں گے تو نئی مسجدیں بھی بنیں گی اور نئے جلوس عزاء نکلیں گے سبیلیں لگیں گی۔ نئی مجالس عزا جلوس اور سبیلوں پر پابندی قبول نہیں۔

وحدت نیوز(ڈیرہ مرادجمالی)مجلس وحدت مسلمین بلوچستان کے صوبائی صدر علامہ سید ظفر عباس شمسی نے کہاہے کہ بلوچستان میں دہشت گردی کے ممکنہ خدشات کے پیش نظر محرم الحرام میں سکیور ٹی کے فل پروف انتظامات کیئے جائیں تاکہ کوئی ناخوشگوار واقعہ رونما نہ ہوسکے محرم الحرام کے مہینے میں یزدیت کو شکست ہوئی دین اسلام کو حق کی فتح حاصل ہوئی تاریخ نے یہ فیصلہ رقم کیا محرم الحرام اتحاد ویکجہتی کا درس دیتا ہے تمام مسلمانوں کے درمیان وحدت کا پیغام ہے۔

 ان خیالات کا اظہار انہوں نے پریس کلب ڈیرہ مراد جمالی میں پریس کانفرنس سے خطاب کرتے ہوئے کیا اس موقع پر میڈیا سیکرٹری سید عبدالقادر شاہ،سیکرٹری عزاداری محمد نواز،سیکرٹری تنظیم ساز، سید حسن ظفرشمسی اور ایم کیوایم پاکستان کے سنیئر نائب صدر امداد حسین مری بھی موجود تھے۔ انہوں پریس کا نفرنس کے ذریعے سے میں حکومت بلوچستان اور بلوچستان کی انتظامیہ کوگزارش کرتا ہوں کہ عزاداری کے تمام پروگرام میں رکاوٹ نا ڈالی جائے بلکہ عزاداروں کے ساتھ تعاون کیا جائے تا کہ وہ مجالس جلوس عزاداری آزادی سے منعقد کر سکیں دہشتگر دی بلوچستان میں ناسور بن چکی ہے بلوچستان میں امن وامان قائم رکھنے کے پیش نظر ان ایام عزا میں فول پروف سیکیورٹی دی جائے ۔

انہوں نے مزید کہا کہ خواتین کے پروگرام میں خواتین کانسٹیبل رضا کارخواتین بھیجی جائیں مجالس اور جلوس کے دوران واپڈ اوالوں کو پابند کیا جائے تا کہ وہ لوڈ شیڈ نگ نا کر یں محرم الحرام میں ٹائمنگ کا بھی خاص خیال رکھا جائے تا کہ عزاداری مکمل کی جاسکے بوچستان میں اکثر جلوس روایتی ہیں ان جلوس میں رکاوٹ نہ ڈالی جائے بلکہ تعاون کیا جائے 14 اگست اس سال ماہ حرم میں آ رہا ہے امام حسین علیہ السلام اور شہدائے کربلا کے احترام کوملحوظ خاطر رکھتے ہوئے سادگی سے منایا جائے، انہوں نے کہا کہ طاہر کوٹ میں 20سالوں سے یوم عاشوری کا جلوس نکلتا ہے نصیر آباد انتظامیہ کو چائیے کہ انہیں تمام سیکورٹی فراہم کی جائے۔

وحدت نیوز(ملتان) اتحاد بین المسلمین کمیٹی پنجاب کے کنوینر، چیئرمین رویت ہلال کمیٹی و خطیب بادشاہی مسجد لاہور مولانا عبدالخبیر آزاد کی سربراہی میں محرم الحرام کے دوران امن و امان کی صورتحال کے حوالے سے رضا ہال ملتان میں خصوصی اجلاس منعقد ہوا۔ اجلاس میں ضلعی اور ڈویژنل انتظامیہ کے افسران شریک ہوئے، اجلاس میں مجلس وحدت مسلمین ملتان کے سیکرٹری عزاداری و ممبر ڈویژنل امن کمیٹی انجینئر مہر سخاوت علی سیال نے بھی شرکت کی اور جماعت کی نمائندگی کی۔

 اس موقع پر گفتگو کرتے ہوئے انجینئر سخاوت علی سیال نے کہا کہ محرم الحرام میں امن و امان، محبت اور ملی رواداری کے فروغ کیلئے کام کیا جانا چاہیے۔ مختلف مکتبہ فکر کے علماء کرام ملک میں اتحاد و وحدت کے لیے بالخصوص محرم الحرام کے مہینے کے دوران بین المذاہب اور بین الفرقہ ہم آہنگی کو فروغ دیں۔ انہوں نے کہا کہ اسلام امن اور بھائی چارگی کا مذہب ہے اور دین اسلام ہمیں برداشت و بلاتفریق ہر ایک کی عزت و احترام کرنے کا درس دیتا ہے ۔ ہم سب نے مل کر ملک میں کامیابی کے ساتھ امن بحال کرنے کے لئے کوشش کرنی ہے۔

وحدت نیوز(نصیر آباد) ملی یکجہتی کونسل ضلع نصیرآباد بلوچستان کااہم اجلاس زیرصدارت ملی یکجہتی کونسل ضلع نصیرآباد کے صدر مولوی رستم نورانی منعقد ہوا  جسمیں مجلس وحدت مسلمین بلوچستان کے صوبائی صدر علامہ سید ظفرعباس شمسی، صوبائی سیکرٹری میڈیاسیل سیدعبدالقادرشاہ ،سیکرٹری عزاداری سیل نواز علی گولہ ،صوبائی سیکرٹری تنظیم سازی سید حسن ظفرشمسی ،جماعت اسلامی کے مولاناعبدالواحد زہری ،جمعیت علماء پاکستان کے مولاناداود نقشبندی ،پرنسپل مدرسہ امام صادق علیہ السلام کےمولانا مشتاق علی عمرانی  نے شرکت کی ۔

مقررین نے خطاب کرتے ہوئے کہاہے پاکستان میں اس وقت اتحاد اتفاق کی ضرورت ہے تاکہ استکباری قوتیں مذموم مقاصد میں کامیاب نہ ہوسکیں ۔ ہمیں چاہیے کہ ہم اپنی صفوں میں اتحاد پیدا کریں اور منبر محراب سے ہمارا پیغام امن کاجاناچاہیے بھائی چارے کو فروغ دیناچاہیے اورتمام مذاہب میں ہم آہنگی لازم و ملزوم ہے ہم اپیل کرتے ہیں حکومت وقت سے بلخصوص بلوچستان میں شدید بارشوں کی وجہ سے بہت نقصان ہوا ہے سیلاب متاثرین سے بھرپور تعاون کیا جائے محرم الحرام کے مقدس مہینے میں امن کادرس دیناہے اور یہ مہینہ ہمیں صبر کی تلقین کرتاہے اس مقدس مہینہ کا احترام کرناہر مسلمان پر فرض ہے۔

وحدت نیوز(کوہاٹ)جامعہ شہید علامہ عارف حسین الحسینی کے زیراہتمام 34ویں برسی شہید قائد اور محرم الحرام کی آمد کے حوالے سے ’’استقبال محرم الحرم کانفرنس‘‘ کا انعقاد قومی مرکز کچہ پکہ کوہاٹ میں کیا گیا۔ جس میں مجلس وحدت مسلمین پاکستان کے سربراہ علامہ راجہ ناصر عباس جعفری نے خصوصی شرکت کی۔ پروگرام کو دو نشستوں میں تقسیم کیا گیا تھا۔

 کانفرنس سے جامعہ العسکریہ ہنگو کے مہتمم علامہ خورشید انور جوادی، علامہ سید قانون حسین، علامہ سید شجاع حسین الحسینی، ایم ڈبلیو ایم کے صوبائی رہنماء علامہ سید وحید عباس کاظمی، آغا سید اعوان علی شاہ، علامہ نذیر حسین مطہری، علامہ عابد حسین شاکری اور دیگر علمائے کرام نے خطاب کیا۔ کانفرنس میں بڑی تعداد میں لوگوں نے شرکت کی، کانفرنس سے مرکزی خطاب مجلس وحدت مسلمین پاکستان کے چئیرمین علامہ راجہ ناصر عباس جعفری نے کیا۔

انہوں نے کہا کہ شہید قائد علامہ عارف حسین الحسینی ؒ پاکستان کی سرزمین پر مظلوموں اور محرموں کے مسیحا تھے۔انہوں نے کراچی سےخیبر تک شیعیان حیدر کرارؑ کو منظم کیا، قوم کو اپنے حقوق کے تحفظ کیلئے آمادہ وتیار کیا، پاکستان کی عملی سیاست میں ملت تشیع کے اہم اور نناقابل فراموش نقش و رول کو واضح کیا، ہم شہید قائد ؒ کی آرزؤوں اور ارمانوں کی تکمیل کیلئے کوشاںہیں۔

انہوں نے کہا کہ ریاست شفیق ماں کا کردار ادا کرے، ایک مخصوص ٹولے کو نوازنے اور عزادارانِ سید الشہداءؑ کو دیوار سے لگانے کا سلسلہ اب بند ہونا چاہئے۔ عزاداری سید الشہداءؑ کی راہ میں کسی بھی قسم کی ریاستی یا ادارہ جاتی رکاوٹ کو تسلیم نہیں کیا جائے گا۔ حکمران اب تک عزاداروں پر کاٹی گئی تمام ایف آئی آرز فوری واپس لینے کا اعلان کریں۔ انہوں نے مزید کہا کہ ملک بھر میں ہونے والے عزاداری کے اجتماعات کا تحفظ ریاستی اداروں کی ذمہ داری ہے ۔ انتظامیہ عزاداروں کے ساتھ مکمل تعاون کو یقینی بنائے۔

وحدت نیوز(اسلام آباد) مجلس علمائے شیعہ پاکستان صوبہ خیبر پختونخوا کی صوبائی مجلس عاملہ کا پہلا اجلاس مدرسہ جامعہ الرضا بھارہ کہو اسلام آباد میں منعقد ہوا۔ جس میں صوبے کے پانچ اضلاع سے نمائندگان نے شرکت کی۔ اجلاس کا آغاز تلاوت قرآن کریم سے کیا گیا اور مجلس علمائے شیعہ پاکستان کے مرکزی صدر علامہ سید حسنین عباس گردیزی نے اجلاس کے غرض و مقاصد سے آگاہ کیا۔

اس کے بعد صوبائی صدر مجلس علمائے شیعہ کا انتخاب عمل میں لایا گیا۔ اس موقع پر اکثریت رائے سے مولانا احمد علی روحانی کو صوبائی صدر منتخب کیا گیا اور علامہ سید عبدالحسین الحسینی کو سپریم کونسل کا کے پی کے سے رکن منتخب کیا گیا۔ بعدازاں دعائے خیر سے اجلاس کا اختتام ہوا۔