وحدت نیوز(قم) مجلس وحدت مسلمین پاکستان کے مرکزی سیکریٹری امور خارجہ حجتہ الاسلام والمسلمین ڈاکٹر سید شفقت حسین شیرازی نے کہا ہےکہ طوفان الاقصٰی کئی صیہونی منصوبوں کو جڑ سے اکھاڑ پھینکے گا۔جیسا کہ غاصب اسرائیل کا وجود، انہیں بھی جنہوں نے اسرائیل کو تسلیم کیا اور ان خائن حکمرانوں کو بھی نشان عبرت بنا دے گا جنہوں نے فلسطینی کاز کے ساتھ خیانت کی۔

تفصیلات کے مطابق قم المقدس میں موسسہ باقر العلوم کے زیر اہتمام جاری ورکشاپ میں سیکرٹری امور خارجہ ایم ڈبلیو ایم نے شرکاء سے حالیہ فلسطین اسرائیل جنگ کے عنوان سے گفتگو کرتے ہوئے کہا کہ جبہتہ المقاومت نے مشرق وسطی میں طاقت کا توازن تبدیل کر کے رکھ دیا ہے انہوں نے کہا کہ بقول سید مقاومت اب مار کر بھاگنے کا وقت چلا گیا بلکہ اب صہیونیوں کا مار کھانے کا وقت آگیا ہے۔ اور حالیہ طوفان اقصیٰ آپریشن میں حماس و دیگر فلسطینی گروہوں کی کامیابی اس بات کا مظہر ہے۔

علاوہ ازیں سربراہ امور خارجہ نے کہا کہ اس آپریشن نے بہت سارے صیہونی منصوبوں کو خاک میں ملا دیا ہے خاص طور پر صدی کی ڈیل، اسرائیل کو تسلیم کرنے کا منصوبہ، انڈیا خلیج ریاض سے حیفا تک کے تجارتی روڈ کا منصوبہ، انہیں بھی جنہوں نے اسرائیل کو تسلیم کیا اور ان تمام خائن حکمرانوں کو بھی نشان عبرت بنا دے گا جنہوںہے۔ فلسطینی کاز کے ساتھ خیانت کی اور مقاومتی گروہوں کو کمزور کرنے کی کوشش کی۔

یاد رہے کہ حوزہ علمیہ قم المقدسہ میں سال تحصیلی کے آغاز کے ساتھ موسسہ باقر العلوم میں بھی قلیل المدتی تربیتی اور فکری کورسز کا آغاز ہوچکا ہے۔ فی الحال 2 دورے دین فطری اور بدترین آرزو کیلئے نام نویسی عمل میں لائی گئی ہے۔ جس میں طلاب کرام کی کثیر تعداد شریک ہے۔

وحدت نیوز(کراچی) امیرجماعت اسلامی پاکستان سراج الحق کی صدر مجلس وحدت مسلمین صوبہ سندھ علامہ سید باقر عباس زیدی،صدرمجلس وحدت مسلمین کراچی ڈویژن علامہ شیخ محمد صادق جعفری سے گلستان سوسائٹی اسکیم 33میں ملاقات، سراج الحق نے ایم ڈبلیوایم کے قائدین کوجماعت اسلامی کے تحت 15اکتوبر کو شاہراہ فیصل پر فلسطینی مسلمانوں اور مجاہدین سے اظہار یکجہتی کے لیے ہونے والے”الاقصیٰ فلسطین مارچ“ سمیت 16اکتوبر کو اسلام آباد میں جماعت اسلامی کے تحت ”قومی مشاورتی اجلاس“ میں شرکت و رہنمائی کی دعوت دی۔ اس موقع پرامیر جماعت اسلامی صوبہ سندھ محمد حسین محنتی،امیرجماعت اسلامی کراچی حافظ نعیم الرحمن،ناظم اعلیٰ جمعیت اتحاد العلماء کراچی مولانا عبدالوحید، پولیٹیکل سیکریٹری ایم ڈبلیوایم کراچی علامہ مبشرحسن، صدر عزاداری ونگ کراچی سید رضی حیدر رضوی، سابق سیکریٹری جنرل کراچی ڈویژن ذکی ہاشمی و دیگر بھی اس موقع پر موجود تھے۔

اس موقع پر گفتگو کرتے ہوئے امیر جماعت اسلامی سراج الحق نے کہا کہ حماس کی مزاحمت کانتیجہ فلسطین کی آزادی اور اسرائیل کی نابودی ہے،حکیم الامت امام خمینی نے غاصب اسرائیل کے خلاف سب سے پہلے آواز بلند کی۔حضرت امام خمینی کے بابصیرت اور دانشمندانہ اعلان کے باعث آج دنیا بھر میں صہیونی مظالم کے خلاف آواز بلند ہونا شروع ہو گئی ہے۔غاصب اسرائیل کے خلاف امام خمینی کا کردار مزاحمت کا سب سے بڑا استعارہ ہے۔اسرائیل و امریکہ اس دور کے بدترین فاسق اور اسلام دشمن ہیں۔

صدر ایم ڈبلیوایم صوبہ سندھ علامہ سید باقرعباس زیدی نے کہا کہ فلسطین میں ظالموں اور غاصبوں کے خلاف حماس کی مزاحمت کاروں کی ہم مکمل حمایت کرتے ہیں۔حماس کا اسرائیل کے خلاف میدان میں نکلنا کار حسینی انجام دینے کا ثبوت ہے،غاصب اسرائیل کے خلاف حماس ،حزب اللہ اور جہاد اسلامی کا کردار لائق تحسین ہے۔

وحدت نیوز(کراچی) مجلس وحدت مسلمین کے وفد کی صوبائی صدر سندھ علامہ سید باقرعباس زیدی کی سربراہی میں سپرہائی وے پر مسلح دہشت گردوں کی فائرنگ سے شہید ہونے والے سندھ پولیس کے انسپیکٹر عامر علی کے اہل خانہ سے ان کے گھر پر ملاقات ، اظہار تعزیت اور فاتحہ خوانی، اس موقع پر صدر ایم ڈبلیوایم کراچی ڈویژن علامہ صادق جعفری، پولیٹیکل سیکریٹری علامہ مبشرحسن، سید رضی حیدر رضوی ودیگر بھی وفد میں شامل تھے۔

وحدت نیوز(اوستہ محمد )مظلوم فلسطینی عوام سے اظہار یکجہتی کیلئے و اسرائیلی غاصب صیہونی ریاست کے خلاف آج قائد وحدت و چیرمین MWM پاکستان علامہ راجہ ناصر عباس جعفری صاحب کے حکم پرمجلس وحدت مسلمین ضلع اوستہ محمد بلوچستان کے ضلعی آرگنائزر منظور احمد مھر جنرل سیکرٹری سالار عبدالفتاح مستوئی تحصیل صدر سید عاطف حسین شاہ سٹی صدر محمد شریف رند و رابطہ سیکرٹری مظفر مولائی سٹی نائب صدر زوار نعیم احمد سموں و سٹی جنرل سیکرٹری وقار حسین شیخ و دیگر عہدیداران کی جانب سے قصر زینب سے ایک ریلی نکالی گئی اس ریلی سے مقررین نے خطاب کرتے ہوئے کہا کہ اپنے فلسطینی بھائیوں کے ساتھ ہیں اور اسرائیل اور امریکہ کی جارحیت کے خلاف مجلس وحدت المسلمین پاکستان شدید احتجاج کررہی ہے اور ہم اپنے فلسطینی بھائیوں کی بھرپور حمایت کریں گے ریلی کے شرکاء نے ہاتھوں میں اسرائیل امریکہ مخالف کے نعروں کے پلے کارڈ اٹھا رکھے تھے اور اسرائیل امریکہ مردہ باد کے نعرے لگائے اور فلسطین مسلمانوں کے حق میں نعرے لگائے

وحدت نیوز(جھل مگسی)قبلہ اوّل پر قابض غاصب اسرائیل کےخلاف فلسطینی مجاہدین کے کامیاب حملوں کی حمایت اور مظلوم فلسطینی عوام سے اظہار یکجہتی کیلئے و اسرائیلی غاصب صیہونی ریاست کے خلاف آج قائد وحدت و چیرمین MWM پاکستان علامہ راجہ ناصر عباس جعفری صاحب کے حکم مجلسِ وحدت مسلمین ضلع جھل مگسی کے زیر اہتمام مسجد اقصیٰ کے باہر ریلی نکالی گئی ۔

ریلی سے مجلس علماء اہلیبت کے ضلعی صدر مولانا علی نواز عرفانی، معرفت فاؤنڈیشن کے صدر مولانا ندیم احمد جوادی ،معرفت فاؤنڈیشن کے جنرل سیکرٹری مولانا سعید احمد سعیدی نے خطاب کر تے ہوئے کہا کہ آج کی یہ عظیم الشان ریلی قائد وحدت و چیئرمین MWM علامہ راجہ ناصر عباس جعفری صاحب کے حکم پر نکالی گئی ہے سر زمین فلسطین ہمارے لیے مقدس مقام ہے سرزمین فلسطین پر وہاں کی عوام کا حق ہے ہم بحیثیت مسلمان فلسطینی عوام کی اسرائیلی مظالم کے خلاف مزاحمت پر بھرپور حمایت کرتے ہیں، فلسطینیوں کو اپنے وطن اور اپنی عوام کا مکمل دفاع کرنے کا حق حاصل ہے آج غیور مسلمانوں کو چاہیے کی وہ مظلوم فلسطینی بھائیوں کی حمایت کے لیے آواز بلند کریں۔

اس موقع پر مجلس وحدت مسلمین ضلع جھل مگسی کے نائب صدر حبیب اللہ دھکڑ حسین زندہ باد ٹرسٹ کے شمن علی دھکڑ ضلعی کابینہ یونٹس امومنین نے کثیر تعداد میں شرکت کی۔

وحدت نیوز(اسلام آباد)مجلس وحدت مسلمین پاکستان کے مرکزی سیکرٹریٹ میں اعلیٰ اختیاراتی ادارے شوریٰ عالی کا اجلاس منعقد ہوا،اجلاس میں مظلوم فلسطینیوں کی اسرائیلی جنایت کے خلاف جاری مزاحمت کی بھرپور حمایت کا اعلان کیا گیا، غزہ کے نہتے عوام پر اسرائیل کی وحشیانہ بمباری اور نسل کشی کی شدید مذمت کی گئی، حکومت پاکستان تمام تر مصلحتوں کو بالائے طاق رکھ کر فلسطین کے مظلوم عوام کی کھل کر حمایت کرنے کا مطالبہ، دفتر خارجہ اسرائیلی سفاکیت اور درندگی کی دو ٹوک الفاظ میں مذمت کرے اور اسرائیل کی غزہ میں جاری غیر انسانی سلوک کو روکنے میں عالمی سطح پر اپنا بھرپور کردار ادا کرے، نگران وزیراعظم کا دو ریاستی فارمولے پر مبنی بیان دراصل اسرائیل کے غاصب وجود کو تسلیم کرنے کے مترادف ہے، نگران حکومت کی جانب سے غیر ذمہ دارانہ بیان بانی پاکستان قائد اعظم محمد علی جناح کے فلسطین کے حوالے سے اصولی موقف کی سراسر نفی ہے، جس کی شدید مذمت کرتے ہیں اور پاکستانی عوام اپنے فلسطینی بھائیوں کے شانہ بشانہ کھڑی ہے اور انکے ہر عمل کی بھرپور حمایت کرتے ہیں، ملک میں روز بروز بڑھتی ہوئی مہنگائی کو کنٹرول کر کے غریب عوام کو ریلیف فراہم کیا جائے، بجلی کی قیمتوں میں بے تحاشہ اضافے کو فوری واپس لے کر عوامی مسائل کو کم کیا جائے۔

اجلاس میں چیف جسٹس آف پاکستان سے مطالبہ کیا گیا کہ وہ ملک میں جاری آئین کی پامالی کا نوٹس لے، ملک میں نوے روز کے اندر الیکشن کا انعقاد، جو کہ آئینی تقاضا ہے اس پر عمل کروانے میں اپنا کردار ادا کرے، الیکشن کمیشن آف پاکستان بھی اپنی آئینی ذمہ داری کو نبھاتے ہوئے نوے دن میں الیکشن کے انعقاد کو یقینی بنائے، گلگت بلتستان میں حضرت امام مہدی علیہ السلام کی شان میں گستاخی کی شدید مذمت کرتے ہیں، اس گھناؤنے جرم کے مرتکب افراد کو گرفتار کر کے قرار واقعی سزا دی جائے، بیرونی اشاروں پر ناچنے والی کٹھ پتلیوں کو گلگت بلتستان کی پر امن فضاء کو سبوثاز کرنے کی ہرگز اجازت نہیں دی جائے گی، ہم ایسے کسی بھی متنازعہ بل کو تسلیم نہیں کریں گے جو قرآن و سنت سے متصادم اور آئین وقانون کے خلاف ہو، اگر متنازعہ ترمیمی ایکٹ 2021ء کو دوبارہ لانچ کرنے کی کوشش کی گئی تو عوام کی بھر پور حمایت اور قانونی و جمہوری طریقے سے اس کا راستہ روکیں گے، ضلع کرم تری منگل سکول کے شہید اساتذہ کے قاتلوں کی عدم گرفتاری پر شدید تشویش کا اظہار کرتے ہوئے کہا گیا کہ ہم کرم کی عوام اور متاثرہ خاندانوں کے ساتھ کھڑے ہیں، امریکی سفیر کی ملک کے اہم اور حساس ترین علاقوں میں جاری پراسرار سرگرمیوں کی بھی مذمت کرتے ہوئے اس کے خلاف ایکشن لینے کا مطالبہ کیا گیا۔