وحدت نیوز (اسلام آباد)  مرکزی صدر عزاداری ونگ مجلس وحدت مسلمین پاکستان ملک اقرار حسین علوی نے سنٹرل پنجاب اور جنوبی پنجاب میں خصوصی کوآرڈینیٹر برائے خطبا و ذاکرین معروف عالم دین و ممبر متحدہ علماء بورڈ پنجاب علامہ حسن رضا ہمدانی کو مقرر کردیا ہے، علامہ سید حسن رضا ہمدانی کو مرکزی کابینہ کی مشاورت کیساتھ عزاداری ونگ میں سپیشل کوآرڈینیٹر برائے امور خطبا و ذاکرین نامزد کیا گیا ہے۔

علامہ حسن رضا ہمدانی اس سے قبل سنٹرل پنجاب میں مختلف ذمہ داریوں پر فرائض انجام دے چکے ہیں، اس حوالے سے مجلس وحدت مسلمین کے قائدین کی جانب سے مبارکباد کا سلسلہ جاری ہے۔

ملتان سے جاری بیان میں صوبائی صدر عزاداری ونگ انجنیئر سخاوت علی سیال نے کہا ہے کہ علامہ حسن رضا ہمدانی علماء و خطباء میں معروف ہیں اور اُن کی تنظیم کے لیے خدمات کسی سے ڈھکی چھپی نہیں ہیں۔ ممبر متحدہ علماء بورڈ پنجاب، صوبائی صدر مجلس علمائے مکتب اہلیبیت و پرنسپل جامعہ شہید مطہری علامہ قاضی نادر حسین علوی نے بھی علامہ حسن رضا ہمدانی کو مبارکباد دی ہے۔

وحدت نیوز(اسلام آباد) مجلس وحدت مسلمین کے وائس چئیرمین علامہ احمد اقبال رضوی نے کہا ہے کہ دنیا بھر کے مظلومین اور مستعفین کیلئے یہ ایام اللہ اور ایام سعید ہیں۔

مسجد الاقصیٰ کی بارہا توہین اور اسرائیلی مظالم کے خلاف فلسطینی مجاہدین کی ہمہ گیر جنگ نے اسرائیل کو پسپا کردیا ہے۔

فلسطین کاز اور شہدائے فلسطین کی پیٹھ پیچھے چھرا گھونپنے والے خائن اسلامی ممالک کیلئے شرمندگی اور ذلت کا لمحہ ہے۔

اسرائیل ایک ناسور ہے اور اس کا واحد حل خاتمہ ہے۔

ان شاء اللہ وہ وقت دور نہیں جب اسرائیل صفحہ ہستی سے مٹ جائے گا۔۔ان شاء اللہ کھلی فتح صرف فسلطینیوں کی ہوگی۔

وحدت نیوز(اسلام آباد)  مجلس وحدت مسلمین پاکستان کی جانب سے ملک بھر کی طرح ایم ڈبلیو ایم ضلع اسلام آباد کے زیر اہتمام حمایت فلسطین ریلی کا انعقاد کیا گیا، ریلی کے شرکاء نے اسرائیلی جارحیت کے خلاف شدید نعرے بازی کی اور ہاتھوں میں امریکہ و اسرائیل مخالف نعروں پر مبنی بینرز اور پلے کارڈز اٹھا رکھے تھے۔شرکاء ریلی سے مرکزی خطاب کرتے ہوئے مجلس وحدت مسلمین پاکستان کے مرکزی جنرل سیکرٹری جنرل سید ناصر عباس شیرازی نے کہا کہ اسرائیلی مظالم پر مجرمانہ خاموشی اختیار کرنے والی عالمی برادری آج فلسطینی مزاحمت پر بوکھلاہٹ کا شکار ہے، شجاع فلسطینی عوام نے اسرائیل کے ناقابل شکست ہونے کے دعویٰ کو پاش پاش کر دیا ہے، تمام تر صورت حال کا ذمہ دار غاصب اسرائیل ہے جس کا غرور نہتے فلسطینیوں نے خاک میں ملا دیا ہے، غزہ کے مظلوموں کو سلام، فلسطینی مزاحمت کاروں کو ہمارا سلام، ہم پاکستان کے نظریہ سے غداری نہیں کرنے دیں گے، ظلم اور اسرائیل مٹنے کے لیے ہے، اسرائیل کی تمام تر سیاسی و ملٹری طاقت کو توڑنے پر تمام شرکاء کو مبارکباد پیش کرتے ہیں، آپ سب کا احتجاج میں شریک ہونا ظالم کی مخالفت اور مظلوموں کی حمایت میں ہے، آپ سب نے خدا کی رضا خریدی ہے۔

مرکزی رہنما علامہ مقصود علی ڈومکی نے کہا کہ پاکستان کے حکمران ہوش کے ناخن لیں اور فلسطین کی حمایت کے اصولی موقف کی کھل کر حمایت کریں، نگران حکومت کا دو ریاستی حل پر زور دینا دراصل اسرائیل کے غاصبانہ وجود کو تسلیم کرنے کے مترادف ہے، وزیراعظم کس حیثیت سے قائد اعظم محمد علی جناح کے اصولی موقف سے روگردانی کر رہے ہیں، پاکستانی دفتر خارجہ اسرائیلی حملوں کی مذمت اور فلسطین کی مکمل حمایت کے عوامی امنگوں پر مبنی مؤقف کا اظہار کرے۔عارف حسین علیجانی نے اپنے خطاب میں کہا کہ آج عالم اسلام اور عالم کفر کا مقابلہ ہے، یہ وقت ہے کہ ساری اسلامی دنیا مظلوم فلسطینیوں کی حمایت میں نکل آئے اور اسرائیلی جنایت کی کھل کر مذمت کرے، اسرائیل کے وحشیانہ اقدامات آج مزاحمتی تحریک نے خاک میں ملا دیئے ہیں۔ریلی سے مجلس وحدت مسلمین ضلع اسلام آباد کے صدر اسد اللہ چیمہ، آغا جان علی حیدری، محمد رضا و دیگر مقررین نے بھی خطاب کیا۔

وحدت نیوز(لاہور) مجلس وحدت مسلمین شعبہ خواتین کی مرکزی صدر سیدہ معصومہ نقوی نے فلسطینی عوام اور مجاہدین کی اسرائیل کے خلاف عظیم کامیابی پر اپنے ایک بیان میں کہا کہ بے شک خداوند عالم کی نصرت قریب ہے ۔ الحمدللہ ھمارے فلسطینی بہن بھائیوں نے فخر سے تمام مسلمانان عالم کا سر بلند کر دیا ، حماس کی تنظیم نے پچھلی صدی سے لے کر اب تک بھترین خبر مسلمانوں کو دی ، اور یہ خبر اسرائیل پر حملہ اور اسرائیلی افواج کو بڑے پیمانے پر تارومار کرنا ہے ، تمام مسلمانان عالم کے دل فلسطینی بہن بھائیوں کے ھمراہ ہیں ۔

رھبر معظم انقلاب آیۃ اللہ العظمیٰ خامنہ ای اس خوشخبری کی پیشنگوئی بھت سال پھلے کرچکے ھیں ، امام خمینی رحمۃ اللہ علیہ نے بھت برس پہلے اسرائیل کو سرطانی جرثومہ قرار دیا تھا اور آپ کی تاکید یہی تھی کہ جلد سے جلد اس جرثومے کو ملت مسلمہ نکال باہر کرے ، تاکے مسلمانان عالم سکھ کا سانس لے سکیں ۔ آج الحمدللہ خداوند متعال نے یہ توفیق حماس تنظیم کے بھائیوں کو عنایت فرمائی کہ وہ دھلڑے سے بے خوف و خطر ضرب حیدری بن کر آل یہود کے سر پر وار کرتےہوھے نظر آرہے ہیں ، ھم سب دعا گو ھیں پروردگار عالم بحق پنجتن علیہم السلام ھمارے فلسطینی بہن بھائیوں کو کامیابی و کامرانی عنایت فرمائے ۔ انشاء اللہ فتح اسلام کی ھوگی اور انشاء اللہ دشمن خوار و ذلیل ھونے والا ہے ۔ نصر من اللہ و فتح قریب ۔

وحدت نیوز(لاہور) لاہور میں فلسطینی مجاہدین سے اظہار یکجہتی کیلئے جشن کا اہتمام کیا گیا۔ شرکاء نے امریکہ و اسرائیل کیخلاف اور فلسطین کے غیور مجاہدین کے حق میں نعرے بازی کی جبکہ اس موقع پر مٹھائی بھی تقسیم کی گئی۔

 تفصیلات کے مطابق طوفان الاقصی آپریشن کی کامیابی کی خوشی میں فلسطینی بھائیوں سے اظہار یکجہتی اور اسرائیل سے نفرت اور برائت کیلئے امامیہ اسٹوڈنٹس آرگنائزیشن پاکستان لاہور ڈویژن اور مجلس وحدت مسلمین پاکستان صوبہ پنجاب کے باہمی اشتراک سے مسلم ٹاون موڑ وحدت روڈ پر بھرپور مظاہرہ کیا گیا۔

 شہریوں کی بڑی تعداد اس مظاہرے میں شریک ہوئی۔ جوانوں نے پلے کارڈز اُٹھا رکھے تھے، جن پر اسرائیل  و امریکہ کیخلاف نعرے درج تھے۔ اس موقع پر اسرائیل کے پرچم کو بھی نذرآتش کیا گیا۔ احتجاج کے آخر میں فلسطینیوں کی کامیابی کی خوشی میں کیک کاٹا گیا اور آتش بازی کا مظاہرہ کیا گیا۔

علامہ ڈاکٹر گلزار احمد جعفری سیکریٹری تربیت مجلس وحدت مسلمین پاکستان صوبہ پنجاب اور علامہ ظہیر الحسن کربلائی صوبائی آفس سیکرٹری مجلس وحدت مسلمین پاکستان صوبہ پنجاب اور برادر رانا کاظم ضلعی نائب صدر مجلس وحدت مسلمین ضلع لاہور برادر ظفر عباس تحصیل صدر جڑانوالہ اور برادر انصر رابطہ سیکریٹری تحصیل جڑانوالہ  نے بھی شرکت کی ۔

وحدت نیوز(ملتان) مجلس وحدت مسلمین جنوبی پنجاب کی جانب سے غاصب صہیونی ریاست اسرائیل کے خلاف اور فلسطین سے اظہار یکجہتی کے لئے پریس کلب ملتان میں مظاہرہ کیا گیا، مظاہرے میں علامہ اقتدار حسین نقوی نے خطاب کرتے ہوئے کہا کہ یکجہتی فلسطین مظاہرے کا مقصد جہاں اپنے مظلوم مگر شجاع فلسطینیوں عوام کے ساتھ اظہار یکجہتی و ہمدردی کی جائے وہاں اپنی حکومت سے بھی مطالبہ کرتے ہیں کہ وہ بھی اپنے اصولی موقف پر ڈٹ کر کھڑی ہو اور اسرائیل کے نہتے عوام پر حملوں کی مذمت کرنے میں پس وپیش سے کام نہ لے، پاکستان کو چاہیے کہ فوری اور واضح ردعمل دے اور فلسطینیوں کی کھل کر حمایت کا اعلان کرے۔

مجلس علمائے مکتب اہل بیت جنوبی پنجاب کے صدر علامہ قاضی نادر حسین علوی نے خطاب کرتے ہوئے کہا کہ آج صرف اسرائیل کو شکست نہیں ہوئی بلکہ امریکہ اور یورپ نے جتنی انویسٹمنٹ کر رکھی تھی اس کا خاتمہ ہو چکا ہے، خطے میں امریکہ کو شرمندگی اٹھانی پڑ رہی ہے، یہ طوفان اقصی پورے خطے تک پھیل سکتا ہے لہذا پاکستان بھی اپنی خارجہ پالیسی پر نظرثانی کرے اور وہ حکمت عملی اختیار کرے جو پاکستانی قوم کی امنگوں کی ترجمان ہو، وہ دن دور نہیں کہ جب تمام مسلمان توفیق خداوند متعال قبلہ اول کی آزادی کا جشن منائیں گے۔

مظاہرے میں مولانا ہادی حسین، مولانا فرمان روحانی، مولانا امیر حسین ساقی، مجلس وحدت مسلمین عزاداری ونگ کے صدر انجینئر سخاوت علی سیال، وحدت یوتھ ملتان کے ڈویژںل صدر دلشیر علی خان، آئی ایس او کے نائب صدر برادر احتشام، یافث نوید ہاشمی، دلاور زیدی، وسیم زیدی، علی رضا بخاری، ثقلین نقوی، عاطف سرانی، فہیم جعفر، تیمورحسن، ارتضی نقوی ودیگر شریک تھے۔