وحدت نیوز(قم) سربراہ مجلس علماء امامیہ و سیکرٹری خارجہ ایم ڈبلیوایم، حجتہ الاسلام و المسلمین ڈاکٹر سید شفقت حسین شیرازی نے غاصب صہیونی ریاست کیخلاف طوفان الاقصیٰ آپریشن کے کامیاب آغاز پر گفتگو کرتے ہوئے کہا ہے کہ جو حق طاقت کے استعمال سے چھینا جاتا ہے اس کی واپسی بھی طاقت کے استعمال کے بغیر ممکن نہیں، جن غیرتمند فلسطینیوں نے غاصب صہیونی دشمن سے مذاکرات کی بجائے مقاومت کا راستہ اختیار کیا، آج پوری دنیا کے غیرتمند اور آزاد منش لوگ انکی پشت پناھی اور انہیں سلام کرتے ہیں اور فلسطینی مقاومت نے آج دشمن کی بنائی ہوئی فقط مصنوعی دیوار اور رکاوٹوں کو ہی نہیں توڑا بلکہ اسرائیل طاقت کے خوف کے بت کو پاش پاش کر دیا ہے۔

انہوں نے کہا کہ بھاگتے بزدل صہیونیوں کو دیکھ کر واضح نظر آ رہا ہے کہ عنقریب اسرائیل کی بساط لپٹ جائے گی اور انشاءاللہ پوری سرزمین انبیاء پر فلسطین کا پرچم لہرائے گا، واصح نظر آ رہا ہے کہ اسرائیل اندر سے کتنا کمزوراور کھوکھلا ہے اور یہ واقعی مکڑی کے جال سے بھی کمزور نکلا، ہم بہادر و مقاوم فلسطینی قوم سے اظہار یکجہتی وجمایت کا اعلان کرتے ہیں، ہم کل بھی اسرائیل کے غاصبانہ قبضہ کے مخالف اور بیت المقدس و فلسطین کی آزادی کی آزادی حمایت کرتے تھے اور آج بھی اسی موقف پر قائم ہیں۔

وحدت نیوز(ملتان) مجلس وحدت مسلمین عزاداری ونگ جنوبی پنجاب کے صدر وممبر ڈویژنل امن کمیٹی ملتان انجینئر سخاوت علی سیال نے کہا ہے کہ اسرائیل کل بھی ایک ناجائز ریاست تھی اور وہ آج بھی ناجائز ہے، پوری دنیا کے غاصب اسرائیل کے حامی ہیں، ہم سلام پیش کرتے ہیں غیور فلسطینیوں پر جو میدان عمل میں ڈٹے ہوئے ہیں اور اپنے آپ کو سپر پاور کہنے والوں کو دن میں تارے دکھا دیے ہیں، امریکہ و اسرائیل اقوام عالم میں فلسطین کو تنہا کرنے کی سازشیں کر رہے ہیں، اسرائیل کے خلاف فلسطینی مزاحمتی تنظیموں کی جوابی کاروائیاں فلسطینی عوام کا حوصلہ بلند کریں گی، غزہ سمیت کئی فلسطینی علاقے مسلسل اسرائیلی جارحیت کا شکار ہیں، چند عرب ممالک اسرائیل کو تسلیم کرکے مسلم امہ کو دھوکا دے رہے ہیں، ملک خداداد پاکستان کی عوام اپنے فلسطینی بھائیوں کے شانہ بشانہ کھڑے ہیں، پاکستان کی عوام اسرائیل کو تسلیم کرنے کی ہرسازش کو ناکام بنا دیں گے۔ پاکستانی قوم کل بھی غیور فلسطینیوں کے ساتھ تھی اور آج بھی ان کے ساتھ کھڑی ہے، وہ عرب ممالک جو چند ٹکوں کی خاطر اسرائیل کی حمایت کررہے ہیں اب اُنہیں مزید بے نقاب کرنے کا وقت ہے۔

وحدت نیوز(اسلام آباد) بسم اللہ الرحمن الرحیم
علامہ سید حسنین عباس گردیزی صاحب، صدر مجلس علماء مکتب اہلبیت پاکستان کا ہم سب کے نام ایک اہم پیغام
سلام علیکم ورحمت اللہ وبرکاتہ!
عن جابر بن عبد الله الأنصاري أنه قال: سمعت حبيبي رسول الله يقول: من أحب قوما حشر معهم، ومن أحب عمل قوم أشرك في عملهمـ "حضرت جابر بن عبداللہ انصاری ؓنے بیان کیا ہے کہ میں نے اپنے حبیب رسول اللہ صلی اللہ علیہ وآلہ وسلم سے سنا ہے کہ آپ نے فرمایا, جو شخص کسی قوم یا گروہ سے محبت کرئے گا، اللہ تعالیٰ اسے اسی گروہ میں محشور فرمائے گا اور جو کسی قوم یا گروہ کے عمل کو پسند کرئے گا، وہ ان کے عمل میں شریک ہوگا۔" (بحار الانوار ج 65، ص131)

تمام علماء کرام اور دیگر برادران سے گزارش ہے کہ اپنے اپنے سوشل میڈیا کے تمام اکاؤنٹس (ٹیوٹر،فیسبک، واٹس ایپ، انسٹا گرام۔۔۔) سے فلسطینی مجاہدین کے ساتھ بھرپور اظہار یکجہتی کریں، اپنے سوشل میڈیا اکاونٹس سے ان کی حمایت کریں اور ان کے ساتھ اظہارِ یکجہتی کیلئے بھرپور بیانات دیں۔ آپ سب کا شکریہ۔ اللہ تعالی ہم سب کو مظلوموں کے مددگاروں اور ظالموں کے مخالفین میں شامل فرمائے، آمین۔

وحدت نیوز(کراچی)قبلہ اوّل مسجد اقصیٰ پر قابض غاصب اسرائیل کے مظالم کے مقابل مجاہدین فلسطین کی دندان شکن حملوں اور شاندار کامیابی پر مجلس وحدت مسلمین ضلع ملیر کراچی اور اہلیان جعفرطیارسوسائٹی کی جانب سے عظیم الشان جشن فتح مقاومت اسلامی ریلی کا انعقاد سینکڑوں کی تعداد میں مرد وخواتین اور بچوں کی بھرپور شرکت ،ریلی مرکزی مسجدجعفرطیارسوسائٹی سے نادعلیؑ اسکوائر تک نکالی گئی، جس میں شیعہ سنی مکتب فکر کے جید علماءکرام و مشائخ عظام بشمول رہنما مجلس وحدت مسلمین کراچی ڈویژن علامہ نشان حیدرساجدی، علامہ مبشرحسن، علامہ حیات عباس نجفی، صدر ایم ڈبلیوایم ضلع ملیر سید احسن عباس رضوی،علامہ گلزارحسین شاہدی اہل سنت عالم دین پیر معاذعلی چشتی نظامی ، رہنما جماعت اسلامی و چیئرمین یونین کونسل 4کریم بخش، شیعہ علماء کونسل کے رہنما محسن عباس واسطی ، مولاناانصاف حیدری، قیصرعباس زیدی، ثمر سعید رضوی، کاظم نقوی اور دیگر نے خطاب کیا، معروف شاعر کلیم اختر کلیم نے منظوم نذرانہ عقیدت پیش کیا.

اس موقع پرمختلف سیاسی، مذہبی وسماجی شخصیات ، اراکین شیعہ علماء کونسل، آئی ایس او اور بیت فاطمہ اسلامک انسٹیٹیوٹ کے طلباءو طالبات بھی شریک تھیں، شرکاء نے ہاتھوں میں بینرز پلے کارڈ اور فلسطینی و پاکستانی پرچم اٹھا رکھے تھے ، بینرز اور پلے کارڈز پرقائدینِ اسلامی کی تصاویراور امریکہ اسرائیل کے خلاف اور فلسطینی عوام ومجاہدین کی حمایت میں نعرے درج تھے،فضاء مسلسل امریکا و اسرائیل مردہ باد کے نعروں سے گونجتی رہی، آخر میں امریکا واسرائیل کے پرچم نذرآتش کیئے گئے اور فلسطینی عوام ومجاہدین کی تاریخی کامیابی کی خوشی میں شاندار آتش بازی کا مظاہرہ بھی کیا گیا۔

وحدت نیوز(سکھر)مجلس وحدت مسلمین پاکستان ضلع سکھر کے صدر محسن سجاد اتراء ایڈووکیٹ نے کہا ہے کہ غاصب اسرائیل کے خلاف فلسطینی مزاحمت کی حمایت کرتے ہیں، اسرائیل کے خلاف فلسطینی مزاحمتی تنظیموں کی جوابی کاروائیاں فلسطینی عوام کا حوصلہ بلند کریں گی۔ ہمارے نمائندے سے گفتگو کے دوران جاری اپنے بیان میں ایم ڈبلیو ایم رہنما نے کہا کہ اسرائیل ایک ناجائز ریاست ہے، صہیونیوں کی دہشتگردانہ کاروائیوں میں لاکھوں بے گناہ فلسطینی شہید ہوئے، امریکہ و اسرائیل اقوام عالم میں فلسطین کو تنہا کرنے کی سازشیں کر رہے ہیں۔

محسن سجاد اتراء ایڈووکیٹ نے مزید کہا کہ اسرائیل کے خلاف فلسطینی مزاحمتی تنظیموں کی جوابی کاروائیاں فلسطینی عوام کا حوصلہ بلند کریں گی، غزہ سمیت کئی فلسطینی علاقے مسلسل اسرائیلی جارحیت کا شکار ہیں، پاکستانی عوام سرزمین فلسطین کے مجاہدین اور مقاومت کے غیرت مند بیٹوں کو سلام پیش کرتے ہیں جن  کے اسرائیل پر حملے نے صیہونیوں کے رعب و دبدبے اور ارادوں  کو مٹی میں ملا دیا۔یہ حملہ اسرائیل کے لیے  نرم گوشہ رکھنے والوں کے لیے بھی مقاومت کا پیغام ہے کہ جو ملک خود کو نہیں بچا سکتا وہ کسی دوسرے کو کیسے بچا سکتا ہے۔

 آج باضمیروں کے دل مسرور اور اسرائیل اور اس کے طرف داروں کے دل مغموم اور انٹیلیجنس اداروں کی بدترین ناکامی پر ان کے حوصلے پست ہو چکے ہیں۔ فلسطین انبیاء کی سرزمین ہے۔صیہونی استکباری طاقتوں نے ظلم وبربریت، ظلم و جبر اور قتل عام کے ذریعےفلسطینیوں کی سرزمین پر قبضہ کر رکھا ہے۔اطراف کے ممالک سے بھی زمینیں چھینی گئیں ہے۔ایسا رجیم جس کی بنیاد قتل، وحشت وبربریت، بے رحمی اور لاقانونیت پر ہو اللہ کے وعدے کے مطابق قائم نہیں رہ سکتا۔

اس زمین کے وارث صالحین ہیں جو ظلم کے خلاف ڈٹے رہتے ہیں۔پوری دنیا کے غیرت مند مسلمان مقاومت کی تائید کرتے ہیں۔چند عرب ممالک اسرائیل کو تسلیم کرکے مسلم امہ کو دھوکا دے رہے ہیں، ملک خداداد پاکستان کی عوام اپنے فلسطینی بھائیوں کے شانہ بشانہ کھڑے ہیں، پاکستان کی عوام اسرائیل کو تسلیم کرنے کی ہرسازش کو ناکام بنا دیں گے اور پاکستان مین جو حکمران اسرائیل کے ساتھ سفارتی تعلقات چاہتے ہیں وہ عوام کے ترجمان نہیں، انہوں نے ذاتی منفعت کے لالچ میں  سودے بازی کر رکھی ہے۔

وحدت نیوز(کراچی)مجلس وحدت مسلمین گلشن حدید یونٹ ضلع ملیر کراچی کی جانب سے فلسطین کے مسلمانوں کی تاریخی فتح کی حمایت میں جشن فتح مقاومت اسلامی ریلی نکالی گئی جسمیں علاقائی تنظیموں نے شرکت کی۔ ریلی کا آغاز مسجد صاحب العصر گلشن حدید فیز ٹو سے ہوا  ،ریلی کا آغاز مسجد صاحب العصر گلشن حدید فیز ٹو سے ہوا جسکا اختتام گلشن حدید فیز ون چورنگی پر ھوا۔ ریلی میں نظامت کے فرائض جناب انتظار حسین بلوچ صاحب نے انجام دیے۔ مجلس وحدت مسلمین کے سینیئررہنما مولانا محمد علی زیدی ،مجلس وحدت مسلمین ضلع ملیر کے نائب صدر مولانا بلاول فائزی، مولانا نثار جوھری ،منصور سیال اور کوثر زیدی نے خطاب کیا ،جبکہ برادر یاسر جعفری نے نعت رسول مقبول کا نذرانہ عقیدت پیش کیا ۔ ریلی گلشن حدید فیز ون چورنگی پرپہنچ کر اختتام پذیر ہوئی۔