وحدت نیوز (ملتان) مجلس وحدت مسلمین پنجاب کے ڈپٹی سیکرٹری جنرل علامہ سید اقتدار حسین نقوی نے کہا ہے کہ سیدالانبیاء کی شخصیت مسلمانوں کے لیے نقطہ اشتراک ہیں، پاکستان سمیت دنیا بھر میں مسلمانوں کے زوال کا سبب سیرت رسول (ص) سے دوری اور انحراف ہے۔ ان خیالات کا اظہار اُنہوں نے ملتان میں ''میلاد مصطفٰی'' موٹرسائیکل ریلی سے خطاب کرتے ہوئے کیا۔ علامہ اقتدار نقوی نے مزید کہا کہ الحمدللہ مجلس وحدت مسلمین نے پاکستان میں مسلمانون کے درمیان اتحاد اور وحدت کا عملی نمونہ پیش کیا ہے، قائد وحدت علامہ راجہ ناصر عباس جعفری پاکستان میں شیعہ سنی وحدت کی عظیم مثال قائم کرنا چاہتے ہیں۔ پاکستان شیعہ سنی علماء اور اکابرین نے مل کر بنایا تھا اور انشااللہ یہی مل کر پاکستان کو بچائیں گے، ملک کو چند اشرافیہ خاندانوں نے یرغمال بنایا ہوا ہے ملک میں سیاسی قیادت کی غیرسنجیدگی کی وجہ سے ہزاروں شہداء کی قربانی کے باوجود بھی دہشت گردی میں کوئی کمی نہیں آئی۔ پاکستان میں کراچی، سیالکوٹ اور اب لاہور سے داعش کی نرسریاں موجود ہیں لیکن وفاقی حکومت ٹس سے مس نہیں ہو رہی۔

وحدت نیوز (قم) ایم ڈبلیو ایم کےسربراہ علامہ ناصرعباس جعفری کی قیادت میں پاکستانی طلّاب کے وفد نے ایران میں مقیم نائیجیرین  طالب علموں سےشہرگ مہدیہ میں ملاقات کی۔اس موقع پر گفتگو کرتے ہوئے علامہ ناصر عباس جعفری نے کہا کہ مجلس وحدت مسلمین ملت پاکستان کی طرف سے نائجیریا کے مظلوم مسلمانوں کے غم میں برابر کی شریک ہے اور ہم نائیجیرین حکومت سے مطالبہ کرتے ہیں کہ وہ نائجیریا کے مسلمانوں کے عظیم رہنما شیخ زکزاکی کو فورا رہاکرے۔آیت اللہ ابراہیم زکزاکی کے ایران میں نمائندے  نمائندے شیخ عبداللہ احمد زنغواور ان کے ساتھیوں نے اپنے معزز مہمانوں کا شکریہ اداکرتے ہوئے کہا کہ ہمیں ملت پاکستان پر فخر ہے کہ وہ پوری امت کا درد محسوس کرتے ہیں۔

وحدت نیوز (اسلام آباد) مجلس وحدت مسلمین پاکستان کے مرکزی جنرل سیکرٹری علامہ راجہ ناصر عباس جعفری نے انسداد دہشت گردی ڈیپارٹمنٹ کراچی کی طرف سے ملک میں داعش کے منظم نیٹ ورک کی موجودگی کے انکشاف پر شدید ردعمل کا اظہار کرتے ہوئے کہا ہے کہ ملک میں دہشت گردوں کی بیغ کنی ملکی سلامتی کے اداروں کے لیے چیلنج بنتی جا رہی ہے۔حکومتی ذمہ داران کا پاکستان میں داعش کی موجودگی سے انکار سیاسی مصلحت اور بیرونی دباو کا نتیجہ دکھائی دیتا ہے۔دہشت گردی کا پرچار کرنے والے مدارس کے منتظمین کے خلاف کسی بھی قسم کی کاروئی سے معذوری ظاہر کرنا حکومتی رٹ کی کمزوری ظاہر کرتی ہے۔انہوں نے کہا کہ پاکستان میں ایک لاکھ سے زائد افراد دہشت گردی کی بھینٹ چڑھ چکے ہیں۔ حکومت کی طرف سے دہشت گردوں کی گرفتاری میں پس و پیش شہدا کے خاندانوں کے زخموں پر نمک پاشی کے مترادف ہے۔وفاقی وزیر داخلہ ان تمام مدارس کے کوائف منظر عام پر لائیں جوبیرونی امداد کے بل بوتے پراپنی سرگرمیوں میں مصروف ہیں۔ملک میں موجود کالعدم مذہبی جماعتوں کے مضبوط نیٹ ورک ابھی تک فعال ہیں۔ضرب عضب اور نیشنل ایکشن پلان کے دائرہ کار کو جب تک وسعت نہیں جاتی تب تک یہ آنکھ مچولی کا سلسلہ ختم ہوتا نہیں دکھائی دیتا۔وفاقی دارالحکومت اسلام آباد اور کراچی جیسے بڑے شہر میں ان مذموم عناصر کی موجودگی ہمارے تشخص پر بدنما اثرات مرتب کررہی ہے۔بین الاقوامی سطح پر پاکستان کے امیج کو بحال کرنے کے لیے دہشت گردی کے عفریت سے جلد از جلد چھٹکارا حاصل کرنا ہو گا اس کے لیے ریاست کے خلاف متحرک مسلح گروہوں کا خاتمہ ہی کافی نہیں بلکہ ان سہولت کاروں کے خلاف بھی گھیرا تنگ کرنی بھی ضروری ہے جو ان عناصر کو فکری و مالی سپورٹ کرتے ہیں۔

وحدت نیوز (کوٹلی) محافل و مجالس ہماری عبادت ، کسی قسم کی رکاوٹ برداشت نہیں ، درود کی خوشبو سے بارود ختم ہو جائے گا،پیغام حسین ؑ و محافل میلاد مصطفی ؐ کا انعقاد عین عبادت ہے، یہ عبادت جاری و ساری رکھیں گے، ان خیالات کا اظہار ریاستی سیکرٹری جنرل مجلس وحدت مسلمین پاکستان آزاد جموں و کشمیر علامہ سید تصور حسین نقوی الجوادی نے منڈیاری سیداں میں ایک عوامی اجتماع سے خطاب کے دوران کیا ، انہوں نے کہا کہ ہم عزاداری سیدا لشہداء ؑ و میلاد خاتم الانبیاء ؐ کے ذریعے پیغام امن عام کرتے ہیں ، ہم بتاتے ہیں کہ ظالم کے خلاف ڈٹ جانا اسوہ حسینی ہے اور نعمات خداوندی کا شکر ادا کرنا کار مصطفوی ہے، تمام مشکلات کا حل امت واحدہ کی صورت میں اکٹھے ہونے میں ہے، اتحاد و اتفاق سے دشمن دین و وطن کو نابود کر دیں گے ، درود و سلام ، لبیک یا رسول ؐ اللہ و لبیک یا حسین ؑ ہمارے شعار ، بلند کرتے ہوئے دشمن کو بھگا دیں گے، علامہ تصور جوادی نے کہا کہ مجلس وحدت مسلمین اتحاد امت کے لیئے کوشاں ، ہر صورت بر سر پیکار رہے گی، مظلوم کی آواز بن کر ابھرنے والی جماعت ہر مظلوم کی آواز بنے گی ، ظالم کے مقابلے میں مظلوم کی حمایت ہی ہمارا شیوہ ہے۔ تفصیلات کے مطابق ریاستی سیکرٹری جنرل علامہ سید تصور حسین نقوی الجوادی دو روزہ دورے پر کوٹلی پہنچے جہاں ضلعی سیکرٹری جنرل مجلس وحدت مسلمین کوٹلی بردر طاہر بخاری نے اپنی کابینہ کے ہمراہ ان کا خیر مقدم کیا ، ریاستی سیکرٹری جنرل کے ہمراہ ریاستی سیکرٹری اطلاعات مولانا سید حمید نقوی ، ریاستی سیکرٹری تنظیم سازی ڈاکٹر عابد علی قریشی اور ریاستی سیکرٹری وحدت اسکاؤٹس برادر سید انصر عباس نقوی تھے، ریاستی سیکرٹری جنرل نے تنظیمی اجلاس میں خصوصی شرکت کے ساتھ ساتھ مجلس عزاو عوامی اجتماع سے خطاب کے علاوہ مختلف شخصیات سے ملاقاتیں بھی کیں ۔

وحدت نیوز (لاہور) سانحہ پشاور اور دیگر سانحات میں شہید ہونیوالے بچوں کے قاتل اور ان کے ہمدرد کسی بھی رعایت کے مستحق نہیں، دہشتگردوں کیخلاف کارروائی اور اس جنگ کو منطقی انجام تک پہنچانے کیلئے ان کے سہولت کاروں، سیاسی سرپرستوں پر ہاتھ ڈالنا ہوگا، شہداء پاکستان کے باہمت اور شجاع لواحقین خراج تحسین کے قابل ہیں، جنہوں نے اپنے عزم و ہمت سے دشمن کو رسوا کیا۔ ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے سانحہ پشاور کے شہداء کی برسی کی مناسبت سے صوبائی سیکرٹریٹ لاہور میں منعقدہ تقریب سے خطاب کرتے ہوئے کیا۔ انہوں نے کہا ہم واحد لوگ تھے کہ جو ان دہشتگردوں کیخلاف آپریشن کا روز اول سے مطالبہ کرتے رہے، لیکن ناعاقبت اندیش حکمران اور سیاسی جماعتوں کی صفوں میں چھپے دہشتگردوں کے ہمدرد قوم کو مذاکرات کے نام پر گمراہ کرتے رہے، اور دہشتگردوں کو اپنی وحشیانہ اور بزدلانہ کارروائیوں کا جواز فراہم کرتے رہے، نتیجہ یہ ملا کہ سینکڑوں معصوم پھولوں اور دیگر پاکستانیوں کے جنازوں کو کندھا دینا پڑا، اے پی ایس میں ان سفاک درندوں نے بربریت کی انتہا کر دی، آج ہمیں بحثیت قوم یہ فیصلہ کرنا ہوگا کہ اس تکفیری ازم کو وطن عزیز میں سے جڑ سے ختم کر دیں، لیکن بدقسمتی سے ہماری سیاسی جماعتیں آج بھی ان شرپسندوں کو اپنے اقتدار اور مفاد کیلئے تحفظ فراہم کرنے میں پیش پیش ہیں، آج بھی اس پرآشوب دور میں ہم ملکی مفادات کا سودا کرتے رہے تو اس کا خمیازہ ہماری آنے والی نسلیں بھگتیں گی۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے سعودیہ کی قیادت میں 34 ممالک کے فوجی اتحاد پر تبصرہ کرتے ہوئے کہا ہے کہ یہ اتحاد دہشت گردی کے خاتمے کے لیے نہیں بنا بلکہ امت مسلمہ کے خلاف امریکی مقاصد کی تکمیل کے لیے تشکیل دیا گیا ہے۔اس کے پس پردہ وہ قوتیں ہیں جنہوں نے گزشتہ تین دہائیوں کے دوران نہ صرف لاکھوں مسلمانوں آگ بارود کی بھٹی میں جھونک دیا بلکہ امت مسلمہ کو اقتصادی و معاشی طور پر مفلوج کر کے رکھ دیا ہے۔تاریخ شاید ہے کہ دہشت گرد چاہے طالبان کے روپ میں ہوں یا داعش کی شکل میں ان کی فکری رہنمائی اور مالی معاونت میں سعودیہ اور امریکہ کا کردار کلیدی رہا ہے۔ہم خیال ریاستوں کا یہ فوجی اتحاد ان مسلم ممالک کے داخلی و خارجی مفادات کے لیے سخت نقصان دہ ثابت ہو گا جو طاغوتی طاقتوں کے زیر اثر نہیں ہیں۔امریکی وزیر دفاع ایش کارٹن کا یہ بیان کہ یہ الائنس امریکی حکمت عملی کے عین مطابق ہے ہماری آنکھیں کھولنے کے لیے کافی ہے۔انسداد دہشت گردی اتحاد میں ان مسلم ممالک کو دانستہ طور پر شامل نہیں کیا گیا جو امریکی ڈکٹیشن کو خاطر میں نہیں لاتے،انسداددہشت گردی اتحاد دراصل ترویج دہشت گردی اتحاد ہے،اس لئے داعش مخالف ایران، عراق وشام اس اتحاد کا حصہ نہیں ،پاکستان کے دفتر خارجہ کی طرف سے اس اتحاد کا حصہ بننے پر لاعلمی کا اظہار اس حقیقت کا ثبوت ہے کہ سعودی حکومت پاکستان کو اپنی کالونی سمجھتے ہوئے جو فیصلہ چاہتی ہے بلا اجازت سنا دیتی ہے۔یمن کے معاملے میں پاک فوج کے حوالے سے بھی سعودی عرب نے پاکستان کے حوالے سے خودساختہ بیان میڈیا کو جاری کر دیا تھا ۔دفتر خارجہ کی طر ف سے سعودی سفیر کو تنبیہ کی جانی چاہیے۔ پاکستان کے داخلی معاملات کا تعلق اس کی اپنی حکومت سے ہے نہ کہ سعودی بادشاہت سے۔ سعودیہ کو یہ حق نہیں پہنچتا کہ وہ پاکستان کے بارے میں فیصلہ سازی کرے۔