وحدت نیوز(کواردو) کواردو چمنگ کے غیور عوام ,سرکردگان علماء اور جوانوں نے سیکریٹری جنرل مجلس وحدت مسلمین گلگت بلتستان مجاھد ملت آغا علی رضوی اور اور آپ کے دست راست سینئر رہنما مجلس وحدت مسلمین گلگت بلتستان امیدوار حلقہ دو سکردو کاظم میثم کے حمایت میں شاندار تقریب کا اہتمام کیا-

سرکردگان اور نوجوانان چمنگ کی خصوصی دعوت پر آغا علی رضوی کا کارواں جب کواردو کے حدود میں داخل ہوا تو جوانوں نے بائیک ریلی کی صورت میں شاندار استقبال کیا- بائیک ریلی القدس چوک پہنچا تو سرکردگان و بزرگان محلہ چمنگ نے مجاہد ملت آغا علی رضوی اور کاظم میثم کا خیر مقدم کیا اور ریلی کی شکل میں امام بارگاہ تک لے گئے۔

سرکردگان چمنگ کی نمائندگی کرتے ہوئے سرکردہ حاجی حسن صاحب نے کہا کہ ہم پہلے بھی آغا کے ساتھ تھے اب بھی انشاء اللہ آغا جو حکم کریں ہماری سر آنکھوں پہ ہے- نوجوان قیادت کاظم میثم نے اپنی خطاب میں کہا کہ کواردو کی روڈ اور انفراسٹکچر کی حالت دیکھ کر دل خون کی آنسو روتا ہے- انشاء اللہ الیکشن جیت کر سید علی طوسی کے سرزمین کا سر فخر سے بلند کرینگے-

مجاہد ملت آغا علی رضوی نے اپنی خطاب میں کہا کہ مجھ سمیت میرے آباء و اجداد پر علاقہ کواردو کے احسانات ہے- کواردو کے عوام پر مجھے فخر ہے کہ ہر تحریک میں یہاں کے باغیرت باسیوں کا بنیادی کردار ہے- پروگرام کے بعد سرکردگان کی طرف سے آغا کے اعزاز میں دعوت دی آخر میں سرکردہ چمنگ جناب حاجی حسن نے اپنے گھر میں آغا کومدعو کرکے الیکشن کے حوالے سے تفصیلی گفتگو کی اور حکمت عملی طے کیا-

وحدت نیوز(کراچی) مجلس وحدت مسلمین سولجر بازار یونٹ ضلع جنوبی کراچی کے تحت دختر امام حسینؑ بی بی سکینہؑ کے یوم شہادت کی مناسبت سے مجلس عزاکا انعقاد مسجد و عزاخانہ ابو طالبؑ سولجر بازار میں کیا گیا ۔ جس سے مجلس وحدت مسلمین صوبہ سندھ کے سیکریٹری جنرل علامہ سیدباقر عباس زیدی نے خطاب کرتے ہوئے کہا کہ خدا کی ذات بے نیاز ہے اور باقی تمام مخلوقات نیاز مند اور محتاج ہے ۔ خدا کی ذات لامحدود ہے ۔ نہج البلاغہ کے مطابق دین کی ابتداء’ معرفت خدا ‘ ہے ۔ خدا کا وجود خالص ہے ۔ اس میں کوئی نقص نہیں ہے ۔ خدا کی ذات اور صفات ایک دوسرے سے جدا نہیں ہے ۔ خدا واجب الوجود اور دیگر تمام مخلوقات ممکن الوجود ہے ۔ خدا نے رسول خداؐ کو اپنی صفات کا مظہر بنایا ۔

انہوں نے کہاکہ خدا نے حضرت عیسی' ؑ کو خلق کرنے کا اختیار دیا ،مگر وہ خدا نہیں ہیں ۔ یوں یہ کہا جائے کہ ’حضرت عیسیؑ  عطائے الہیٰ سے خالق ہیں ‘ ، شرک نہیں ہے ۔ مگر حضرت عیسی' ؑ  کو خدا کے برابر واجب الوجود سمجھتے ہوئے خالق سمجھنا شرک ہے ۔ خدا کی صفات کے برابر حضرت عیسی کی صفات کو سمجھنا شرک ہوگا ۔ لفظ ’خالق‘خدا کی ذات کے لئے لامحدود ہے جبکہ حضرت عیسیؑ کی ذات کے لئے یہ لفظ ’محدودیت ‘کے معنی میں لیا جائے گا ۔ ممکن ہمیشہ خدا کی ذات سے ہی خصوصیات لے گا۔ کائنات میں شرک نہیں ہے بلکہ شرک انسان کی سوچ میں پیدا ہوتا ہے ۔ انسان اپنی فکر میں مشرک بنتا ہے ۔ عالم حقیقت میں ایک ہی خدا ہے ۔ غالی حقیقی یہ ہے کہ کسی غیر خدا کو خدا کی صفات کے برابر شمار کرلیا جائے ۔ خدا نے پانچ اسم اعظم مختلف انبیاءؑ  کو عطا کئے جبکہ 72اسم اعظم آئمہ اطہارؑ کے پاس ہیں ۔

 علامہ باقر عباس زیدی نے کہا کہ ہمیں اپنے اعتقادات کو سمجھنا ہے اور اس کے تحت زندگی گزارنی ہے ۔ عقائد بیلنس نہ ہوئے تو توحید کو سمجھا نہیں جاسکتا اور توحید جانے بغیر توحید میں شرک کیسے داخل ہوتا ہے اسے بھی نہیں سمجھا جاسکتا ۔ یوں نہ جاننے کے باعث جو شرک نہیں ہے اسے شرک کہنے لگیں گے اور جو شرک نہیں ہے اسے شرک نہیں سمجھیں گے ۔ حقیقی شرک اور حقیقی توحید کو سمجھنا ضروری ہے ۔ علامہ باقر عباس زیدی نے کہا کہ مکتب تشیعوں کا اعزاز ہے کہ اس نے توحید کے اس نظریہ کو پیش کیا ہے ۔ انبیاء اور اولیاء توحید کے عاشق تھے ۔ انبیاء کی قربانیاں اسی توحید کے لئے تھی ۔ امام حسین کی قربانی خدا کی توحید کے لئے تھی ۔ عشق الہی کی لذت جسے مل جائے اس کے لئے خدا کے راستے میں ٹکڑے ٹکڑے ہونا آسان ہوجاتا ہے ۔ مجلس کے اختتام پرشہید ناموس رسالتؐ علی رضا تقوی اورشہید علامہ دیدار علی جلبانی کے ایصال ثواب کے لئے فاتحہ خوانی کی گئی ۔ قبل ازیں برادر سید شہریار مہدی نے سلام پیش کیا ۔

وحدت نیوز(آرٹیکل) عالمی حالات ,ملکی سلامتی , اتحاد بین المسلمین , اتحاد بین المومنین , تکفیریوں سے مقابلہ اور گلگت بلتستان کے آئینی حقوق اور صوبے کی حصول کے لئےتاریخی فیصلہ کرکے تاریخ میں پہلی بار ملت کو پاکستان کی وفاقی سیاست میں سٹریم لائن کیا جو شہید حسینی کی آرزو تھی جس کا اظہار آپ نے مینار پاکستان کے جلسے میں کیا تھا کہ ہم پاکستان قومی امور اور مرکزی سیاست میں دخیل ہے اس ریاست کی خارجہ اور داخلہ پالیسی ہماری مشاورت کے بغیر طے نہیں ہونی چاہئے-

میرے خیال میں اس حوالے سے مجلس وحدت المسلمین کی سب سے پہلی کامیابی اس دن ہوئی تھی جب ن لیگ کی تکفیر نواز حکومت یمن میں فوج بھیجنے کا فیصلہ کرچکا تھا لیکن قائد وحدت ناصر ملت نے پی ٹی ئی کو ساتھ ملاکر ن لیگ اور تکفیریوں کے عزائم کو خاک میں ملادیا- یوں تاریخ میں پہلی بار عالمی سطح پر کسی شیعہ جماعت کے کہنے پر ریاست نے اپنا فیصلہ تبدیل کیا-

آج گلگت بلتستان کے آئینی حقوق اور صوبے کے قیام کے شرط پر پی ٹی آئی سے جزوی اتحاد اور سیٹ ایڈجسمنٹ کا فیصلہ بھی علامہ راجہ ناصر کی عالمی اور ملکی حالات پہ مضبوط گرفت اور بر وقت فیصلے کی واضح دلیل ہے- آپ نے تھوڑی قوت کے ساتھ متعدد حوالے سے گیم کا کایا اپنی طرف پلٹادیا یہی ایک بہترین قائد اور بابصیرت لیڈر کی علامت ہے-

پہلی بات تو یہ کہ گلگت بلتستان کے عوام عرصہ دراز سے ن لیگ اور پیپلز پارٹی کے ہاتھوں مسلسل دھوکے کا شکار ہوکر آئینی حقوق سے محروم تھے ان دونوں پارٹیوں نے کئی بار باری لینے کے باوجود لیت و لعل اور چلاکی سے کام لیتے ہوئے عالمی اور تکفیری طاقتوں کی خوشنودی کے لئے گلگت بلتستان کو صوبہ بنانے سے گریز کیا اور آج بھی یہی دونوں جماعتیں گلگت بلتستان کو آئینی حقوق دینے کی بھرپور مخالفت کر رہے ہیں

علامہ راجہ ناصر کا پہلا کمال یہ ہے کہ ان دونوں جماعتوں اور ان کے مزموم عزائم کو کھڈے لائن کرکے وفاقی حکومت کے ساتھ اس شرط پر اتحاد کیا ہے کہ وہ پہلی فرصت گلگت بلتستان کو صوبہ بنائے- اس حوالے سے سارے اقدامات پی ٹی آئی سے پہلے ہی کرواچکے ہیں-

دوسرا کمال یہ ہے کہ وہ عالمی حالات پہ مضبوط گرفت رکھنے والی شخصیت ہے جس کا اقرار ملک کے کئی نامور دانشور کرچکے ہیں- اس کے علاوہ عالمی تحریکوں اور ان کی قیادت کے ساتھ آپ کے مضبوط روابط ہیں لہٰذا آپ کی بابصیرت نگاہیں دیکھ رہی تھی کہ اس وقت امریک اور اسرائیل تکفیری قوتوں سے مل کر مسلم ممالک میں سیاسی عدم استحکام اور بحران پیدا کرکے اسلامی ریاستوں کو غیر مستحکم کرنا چاہتے ہیں تاکہ مقاومتی بلاک کے ہاتھوں امریکہ ,اسرائل اور تکفیری قوتوں کی زوال میں وہ اپنا کردار ادا نہ کرسکے-

اس وقت پاکستان تکفیری اور مغربی بلاک سے نکل کر ایک مضبوط مغربی بلاک تشکیل دینے کی کوششوں میں مصروف ہے-جس بلاک میں پاکستان عزت و وقار کے لحاظ سے لیڈنگ پوائنٹ پہ ہوگا- لہٰذا ان حالات میں پاکستان کی وفاقی حکومت کا مضبوط ہونا ضروری تھا تاکہ امریکہ , اسرائیل اور پاکستان میں موجود ان کے آلہ کاروں یعنی تکفیری طاقتوں کے خلاف ڈٹ کر کھڑا رہے- یوں اس حساس مر حلے پر علامہ راجہ ناصر نے وفاقی حکومت کے ساتھ اتحاد کرکے سچے محبت وطن اور ایک بابصیرت شہری ہونے کا ثبوت دیا ہے-

علامہ راجہ ناصر کا تیسرا کمال یہ ہے کہ جس وقت ہمارا دشمن ہمیں کمزور کرنے اور بانی پاکستان قائد اعظم محمد علی جناح کے فرزندوں کو ریاستی سطح پر کافر قرار دینے کے لئے ایڑی چوٹی کا زور لگا رہے تھے آپ نے اسی موقع پر ریاست کی مرکزی حکومت میں ایک مستحکم قوت کے طور پر تشیع کو پیش کرکے اپنا سیاسی قوت تسلیم کروا کر تکفیریوں کو یہ اچھا اور بروقت پیغام دیا کہ پاکستان بنایا تھا , پاکستان بچائنگے اور پاکستان کو چلا کر بھی دکھائیں گے-

قائد وحدت کا چوتھا کمال یہ ہے کہ آپ نے اس نازک مرحلے پر جب ملت کو اندرونی اتحاد کی اشد ضرورت تھی - ملت کو ایک پیج پہ جمع کرنے کے لئے علامہ عارف وحیدی , شہنشاہ نقوی اور اسلامی تحریک کے قائدین کے ساتھ بار بار ملاقات کرکے موجودہ ملکی حالات اور گلگت بلتستان الیکشن کے حوالے سے ملت کو یکجا کرنے کی بھر پور کوشش کی اور یہ سہ فریقی اتحاد وجود میں لے آیا اسے پہلے نگر کی ضمنی انتخابات میں آپ نے اسلامی تحریک کی حمایت کرکے دوستی اور اتحاد کا مظاہری کیا تھا-

اب انشاء اللہ یہ سہ فریقی اتحاد تکفیریوں کی تابوت میں آخری کیل ثابت ہوگی بشرطیکہ اسلامی تحریک بھی اپنا کردار ادا کریں-
چلو یہ عظیم مقاصد تو حاصل ہو گیا لیکن آپ کی چابک دستی اور مہارت کا اندازہ اس چیز سے لگائے کہ ہم ثواب و ہم خرما کی مثال جہاں آپ نے قلیل قوت کے ساتھ اتنے بڑے مقاصد حاصل کئے وہاں بیٹھے بیٹھے چار سیٹ مجلس وحدت اور چار سیٹ اسلامی تحریک کے زریعے آٹھ محازوں پہ جنگ سے پہلے ہی ملت کی فتح کا ڈنگا بجا لیا- پھر وزیر اعلٰی کی معاون خصوصی کی سیٹ اور ایک وزارت اس کے علاوہ ہے- آگے مزے کی بات یہ ہے کہ کچھ حلقوں میں منتخب اور کچھ حلقوں میں آزاد امیداروں کی صورت میں کرپٹ عناصر کے خلاف پھر بھی طبل جنگ بجا دینگے-

ممکن ہے ان معرکوں سے بھی کوئی سیٹ نکل آئے باقی جن غداروں اور پارٹی چھوڑنے والے بے ضمیروں کو نہ گھر کا نہ گھاٹ کا بنا کر چھوڑ دیا ہے وہ تو ایسے ہی راستے میں کچل گئے ورنہ علامہ راجہ ناصرعباس جعفری جیسے عالمی وژن رکھنے والے سیاست دان اور مجاہد ملت جیسی مخلص عوامی لیڈر کو ان سے انتقام لینے کی فرصت اور ضرورت ہی نہیں- ان کی انتقام کے لئے آج یہی کافی ہے کہ تکفیریوں کے ساتھ ان کی چیخین بھی آسمان کو چھو رہے ہیں-

وحدت نیوز(کراچی) مجلس وحدت مسلمین صوبہ سندھ کی جانب سے صوبائی سیکریٹریٹ میں مذہبی،سیاسی جماعتوں،وکلاء،پولیس حکام، دانشوروں،الیکٹرونک،پرنٹ میڈیا،صحافی حضرات،تاجر برداری،مساجد وامام بارگاہ کے ٹرسٹیز، اسکاؤٹ تنظیموں،ماتمی انجمنوں کے لئے بیاد شہدائے کربلا نیاز حلیم کا اہتمامِ کیا گیا۔ جس میں ایم ڈبلیو ایم کے صوبائی رہنما علامہ باقرعباس زیدی،، صوبائی رہنما علامہ مبشر حسن،مولانا نشان حیدر،ناصر الحسینی،کراچی ڈویژن کے سیکریٹری جنرل مولانا صادق جعفری، پیپلز پارٹی کے رہنما ذوالفقار قائم خانی،سفیر چکوالی،فرید انصاری،متحدہ قومی موومنٹ کے رہنما قمر عباس رضوی،جماعت اسلامی کے رہنما اسد اللہ بھٹو،پاکستان تحریک انصاف کے رہنما اسد علی شاہ،شیعہ علما کونسل کے رہنما کامران حیدر عابدی،مسلم لیگ ن کے رہنما خواجہ طارق نذیر،طارق محمود،قادر خان، مولانا منظور الحق تھانوی،پاکستان فلاح پارٹی کے رہنما جنید احمد منشی،محمد شاکر راٹھور،عبدالغفار خانانی،پاکستان عوامی تحریک کے رہنمارظفر اقبال،زاکرین فاونڈیشن کے علامہ سجاد شبیررضوی،آل پاکستان سنی تحریک کے رہنما مطلوب اعوان قادری،کراچی بار کونسل کے منیر حیدر ایڈوکیٹ،جاوید ایڈوکیٹ،تقی ایڈوکیٹ،صحافی برادری سے سمیر قریشی،ندیم صدیقی،الطاف مجاہد،شکیل زکی،منیر حسین کھوکھر مہاجر اتحاد تحریک سے ڈاکٹر سلیم حیدر،پیس ایمبسڈرویلفیئرآرگنائزیشن کے صدر اور نگزیب سلطان،ہم عوام پاکستان پارٹی کے رہنما امداد حسین نقوی،ساجد ظفر،کرنل ر ڈاکٹر علی،پاکستان بشب کونسل کے بشپ خادم بھٹو،ناتھا فاونڈیشن کے رمضان ناتھا،معروف نعت خواں حکیم فیض سلطان سمیت دیگر جماعتوں کے رہنماؤں نے شرکت کی۔

نیاز حلیم کے موقع پر خطاب کرتے ہوئے ایم ڈبلیو ایم کے رہنما علامہ باقرزیدی نے کہا کہ کربلا کے شہیدوں کی یاد منانا اس دور میں افضل ترین عمل ہے، کیونکہ ظالم سے نفرت اور مظلوم کی حمایت کو جو درس امام حسین علیہ السلام اور ان کے جانثار ساتھیوں نے اپنے شہادت کے ذریعے پیش کیا ہے وہ تاقیامت زندہ رہے گا۔ ان کا کہنا تھا کہ ہم تمام محب وطن جماعتوں سمیت تمام حلقوں کو دعوت دیتے ہیں کہ پاکستان کی سالمیت کی خاطر ہم آواز ہوکر وطن عزیز کو تکفیریت اور دہشت گردی سے پاک کرنے کیلئے اپنی کوششیں کو مزید تیز کریں۔انہوں نے کہا کہ اندرونی اور بیرونی چیلنجز سے نمٹنے کیلئے پاکستان کی تمام محب وطن قوتوں کو اکھٹا ہوناہوگاراہ اہل بیت ؑ کو زندہ رکھ کر ہی پاکستان کی سالمیت کو یقینی بنایا جاسکتا ہے۔