وحدت نیوز(منڈی بہاؤالدین) مٹھی بھرتکفیری گروہ ملک میں انتشار چاہتا ہے،فرقہ واریت کے نام پر مزید قتل و غارتگری قبول نہیں ،اگلے دس دنوں میں سانحہ ہیلاں کے شہیدملک علمدار حسین جعفری کے قاتل اور وقوعہ کے سہولت کار گرفتار نہ ہوے تو کفن پوش احتجاج ہو گا،ان خیالات کا اظہار علامہ عبدالخالق اسدی صوبائی سیکرٹری جنرل پنجاب مجلس وحدت مسلمین نے ہیلاں میں بسلسلہ چہلم شہید علمدار حسین جعفری ایک بڑے اجتماع سے خطاب کرتے ہوئے کیا ۔

 انہوں نےکہا کہ ملک دشمن عناصر ایک گھناؤنی سازش کے تحت یہاں وطن عزیز میں فرقہ واریت کو ہوا دےرہے ہیں لیکن ہم نے ہر انتشار کے جواب میں وطن عزیز کا پرچم بلند رکھاکیونکہ وطن عزیز کی بقاء ہمیں سب سے بڑھ کر عزیز ہے لیکن اسے ہماری کمزوری نہ سمجھا جائے ،حکومت اور حکومت کی ذمہ دار ایجنسیاں اور ادارے جانتے ہیں کہ جب ہم احتجاج پر اتر آئیں تو ریاست کوسانحہ کوئٹہ پر ہمارے تاریخ ساز احتجاج پر بلوچستان حکومت کی چھٹی کرانا پڑ گئی تھی۔

انکا کہنا تھاکہ یہاں کی مقامی انتظامیہ شہیدعلمدار حسین جعفری شہید کے قاتلوں کی گرفتاری میں لیت و لعل سے کام لے رہی ہے لیکن آج کا یہ نمائندہ اجتماع  انتظامیہ کو وارننگ دے رہا ہے کہ سانحہ ہیلاں کے ذمہ داروں اور سہولت کاروں کو پکڑے مزید تاخیری حربے برداشت نہیں کیے جائیں گے پہلے انتظامیہ نے ہم سے 10 دن کا وقت مانگااب ہم انتظامیہ کو 10 دن کا وقت دیتے ہیں اور اگر اگلے دس دنوں میں قانون نافذ کرنے والے ادارے قاتلوں کو گرفتار کرنے میں ناکام رہے تو ہمارا اگلا احتجاج کفن پوش ہو گاموجودہ صورتحال میں تمام شیعہ تنظیمیں ایک پیج پر ہیں اور موجودہ ملکی اور مقامی صورت حال ہماری سب تنظیموں کا مشترکہ اعلامیہ ہو گا ۔

شہید علمدار حسین جعفری کے اس چہلم کے بڑے  اجتماع سے مولانا مظہر عباس، مولانا اظہر حسین سابق ضلعی صدر شیعہ علماء کونسل، ملک قمر عباس ضلعی سیکرٹری جنرل ایم ڈبلیو ایم، مولانا صفدر حسین صفدری، سید عمران حیدر گڈو شاہ ڈویژنل صدر شیعہ علماء کونسل، چوہدری غلام رضا گوندل، سید شبیر حسین شیرازی، وقار حیدر گوندل ایڈووکیٹ، مولانا غلام عباس، علامہ قاری اسد وقاص رہنما سنی اتحاد کونسل، قاری ریاض اصغر رہنما سنی اتحاد کونسل، ذاکر کلیم عباس،اور مولانا مظہر حسین پرنسپل باقر العلوم مکھنانوالی نے بھی خطاب کیا اور اپنے خطابات میں سانحہ ہیلاں کے مقتول ملک علمدار حسین جعفری شہید کے قاتلوں کی فوری گرفتاری اور انہیں قانون کی گرفت میں لا کر کیفر کردار تک پہنچانے کا مطالبہ کیا ۔

وحدت نیوز(جیکب آباد) مجلس وحدت مسلمین پاکستان کے مرکزی ترجمان مقصود علی ڈومکی نے عظمت مصطفی کانفرنس سے خطاب کرتے ہوئے کہا ہے کہ حضرت سید الانبیاء محمد مصطفی صلی اللہ علیہ وآلہ وسلم کی حیات طیبہ عالم بشریت کے لئے اسوہ حسنہ ہے۔ آپ کی ذات گرامی دنیائے اسلام کے لئے نقطہ اتحاد و وحدت ہے ہم حضور اکرم کے نقش قدم پر چل کر دنیا اور آخرت میں سرخرو ہو سکتے ہیں۔انہوں نے کہا کہ سید الانبیاء کی ذات گرامی عالم انسانیت کے لیے لئے رہبر اور رہنما ہے آج کی پریشان انسانيت سیر ت مصطفی اپنا کر تمام مشکلات سے نجات پا سکتی ہے۔

انہوں نے کہا کہ ربیع الاول کا مہینہ اتحاد بین المسلمین اور عشق مصطفی کا مہینہ ہے۔ عید میلاد النبی کے جلوسوں میں شیعہ سنی مسلمان متحد ہوکر آقائے دو جہاں حضرت سید الانبیاء سے اپنے عشق اور محبت کا اظہار کرتے ہیں۔انہوں نے کہا کہ عالمی کفر چاروں طرف سے دین مصطفی پر حملہ آور ہے لہذا اسلام دشمن شیطانی قوتوں کا مقابلہ کرنے کے لیے لئے امت مسلمہ کے درمیان اتحاد وقت ضرورت ہے وطن عزیز پاکستان میں ایک سازش کے تحت اختلاف اور انتشار کو ہوا دی جا رہی ہے۔ انسان دشمن عالمی سامراجی قوتیں لڑاو اور حکومت کرو جیسے شیطانی منصوبے کے تحت فرقہ وارانہ منافرت کو ہوا دے کر برادر کشی کرانا چاہتی ہیں۔ سرکار مصطفی کے غلام اتحاد اور اخوت کی قوت سے دشمن کے تمام عزائم خاک میں ملا دیں گے۔

وحدت نیوز(رانی پور)مجلس وحدت مسلمین پاکستان کے مرکزی ترجمان علامہ مقصود علی ڈومکی نے رانی پور پہنچ کر ایم ڈبلیو ایم کے رہنما مولانا نشان حیدر ساجدی سے ان کے بھائی کی وفات پر تعزیت کی۔ اس موقع پر مرحوم کے ایصال ثواب کی مجلس عزا سے خطاب کرتے ہوئے مقصود علی ڈومکی نے کہا کہ اللہ تبارک و تعالی نے دنیا کو آزمائش کا مکان قرار دیا ہے۔اللہ تعالی نے انسانوں کے لٸے پانچ مراحل امتحان قرار دیئے ہیں اور جو صاحبان ایمان ہیں وہ ان مراحل امتحان میں سرخرو اور کامیاب نظر آتے ہیں جن میں پہلا امتحان خوف کا دوسرا بھوک کا تیسرا ملکیت میں کمی چوتھا جان میں کمی اور پانچواں اولاد کی کمی ہے۔اس ذریعے اہل ایمان کا امتحان لیا جاتا ہے۔

 انہوں نے کہا کہ عاشقان خدا نے ہر زمانے میں عشق خدا میں یہ تمام مراحل امتحان صبر و رضا کے ساتھ برداشت کیے کربلا عالم انسانیت کی عظیم درسگاہ کا نام ہے جہاں عاشقان خدا نے اللہ کے دین کی بقا کی خاطر اور رضائے الہی کیلئے مراحل امتحان کامیابی سے طے کیے اسی لیے ہم کربلا والوں کو انصار اللہ اور اور اللہ کے دین کے مددگار کہتے ہیں انہوں نے کہا کہ عصر حاضر میں میں اہل ایمان کی ذمہ داری بنتی ہے کہ وہ خدا کے دین کی سربلندی کے لئے مصائب و آلام کو برداشت کریں اور باطل کے سامنے جھکنے کی بجائے  ڈٹ کر میدان میں کھڑے ہو جائیں۔

 انہوں نے کہا کہ وطن عزیز پاکستان میں چہلم شہدائے کربلا کے موقع پر جو مقدمات قائم کیے گئے آج عاشقان اھل بیت راہ خدا میں مشکل حالات کا سامنا کر رہے ہیں۔ ہمیں چاہیے کہ اس امتحان میں ثابت قدم رہیں۔