وحدت نیوز(ماتلی) فخر ملت جعفریہ سندھ ، مجاہد ومبارز رہنما مجلس وحدت مسلمین یعقوب حسینی ابن خیر محمد کی نماز جنازہ ہائی سکول گراونڈنمبر1 ماتلی میں ادا کردی گئی ۔

پہلی نماز جنازہ اہل سنت عالم دین مولانا نور محمد جبکہ دوسری نمازجنازہ ایم ڈبلیوایم صوبہ سندھ کے سیکریٹری جنرل علامہ سید باقرعباس زیدی کی زیر اقتداء ادا کردی گئی۔

 نماز جنازہ میں پسماندگان سمیت مختلف شہروں سے تشریف لانے والے شیعہ سنی علمائے کرام، اکابرین و دانشورحضرات ، ایم ڈبلیوایم کے رہنماؤں، سیاسی وسماجی شخصیات اور مختلف شعبہ ہائے زندگی سے تعلق رکھنےوالے عوام نے بڑی تعداد میں شرکت کی۔

بعد ازاں مرحوم یعقوب حسینی کے جسد خاکی کو ایک بڑےجلوس کی شکل میں ان کی آخری آرمگاہ تک لیجایا گیا جہاں آہوں اور سسکیوں میں انہیں سپرد لحد کیا گیا، مرحوم کا سوئم 10 فروری بروز جمعرات بعد نمازظہرین مرکزی امام بارگاہ معصومینؑ کاپڑ شیدی محلہ (ماتلی)میں منعقد ہوگا مجلس سوئم سے سربراہ ایم ڈبلیوایم قائد وحدت ناصرملت علامہ راجہ ناصرعباس جعفری حفظہ اللہ خطاب فرمائیں گے۔

وحدت نیوز (کراچی) شہید مظفر کرمانی اور شہید نظیر عباس کی 21ویں برسی کے موقع پر مجلس وحدت مسلمین کراچی ڈویژن کے سیکریٹری جنرل علامہ شیخ محمد صادق جعفری نے شہید کے رفقاء کے ہمراہ ان کے مرقد پر حاضری دی اور ان کی بلندی درجات کے لئے فاتحہ خوانی کی۔ اس موقع پر علامہ صادق جعفری نے شہید کی شخصیت پر روشنی ڈالتے ہوئے کہا کہ شہید مظفر کرمانی نے پاکستان میں اللہ کی آواز کو بلند کیا، وہ پاکستان میں مظلومین جہاں کے مدافع تھے، شہید نے عزاداری کے فروغ کے لئے بے پناہ خدمات انجام دیں۔

علامہ صادق جعفری نے مزید کہا کہ شہید مظفر کرمانی قدس کی آزادی کیلئے کراچی میں آواز بلند کرنے والے اولین افراد میں سے تھے۔ ان کا کہنا تھا کہ خدا شہداء کے نام کو ہمیشہ زندہ رکھتا ہے، خدا کے ہاں شہید کا مرتبہ اس قدر بلند ہوتا ہے کہ وہ آرزو کرتا ہے کہ مجھے پھر سے دنیا میں بھیجا جائے اور میں پھر سے شہید ہوجاؤں۔ اس موقع پر منقبت خواں بیرسٹر مرتضیٰ اور اعجاز علی لاڑک نے نوحہ خوانی کی۔ اس موقع پر شہید مظفر کرمانی کے بیٹے محمد تصدق اور شہید نظیر عباس کے بھائی بھی موجود تھے۔

وحدت نیوز(دبئی) دبئی میں جڑی بوٹیوں اور ہربل میڈیسن کے سب سے بڑے ایکسپورٹر اور امپورٹر مصطفیٰ ہیمانی سے وزیر زراعت گلگت بلتستان و صوبائی رہنما ایم ڈبلیو ایم محمد کاظم میثم نے سیکرٹری ایگریکلچر جی بی خادم حسین سلیم سمیت وفد کے ہمراہ ملاقات کی۔ ملاقات میں ہیمانی ہربل کمپنی کے آنر نے اپنی تمام مصنوعات کے بارے میں بریفنگ دی۔

 انہوں نے کہا کہ 80 سے زیادہ ممالک میں ہیمانی کی مصنوعات برآمد کی جاتی ہے اور مجموعی طور دوسو کے قریب ہربل میڈیسن اور آئلز کی مصنوعات بنائی جا رہی ہے جس کے لیے دنیا بھر سے مختلف جڑی بوٹیاں درآمد کی جاتی ہیں۔

انہوں نے کہا کہ گلگت بلتستان میں موجود دنیا کی نایاب اور طبی اہمیت کے حامل بے تحاشا ہربل پلانٹس کے بارے میں آگاہی دینے اور جی بی کی حکومت ان جڑی بوٹیوں کو عالمی مارکیٹ تک پہنچانے کی کاوشوں کو سراہتے ہیں اور اس سلسلے میں ہیمانی گروپ آف انڈسٹریز ہر ممکن تعاون کے لیے تیار ہے۔

انہوں نے گلگت بلتستان کے پہاڑوں میں وافر مقدار میں جڑی بیوٹیوں اور دیگر طبی اہمیت کے حامل فروٹس کی تفصیلات سے آگاہی حاصل کی اور اس بات پر یقین دہائی کرائی کہ جی بی میں موجود میڈسنل پلانٹس کی فوری سروے کے بعد اسکی عرب امارات میں درآمد کے لیے ٹھوس اقدامات اٹھائے جائیں گے۔

وحدت نیوز(پشاور ) مجلس وحدت مسلمین کے مرکزی ڈپٹی سیکرٹری جنرل علامہ سید احمد اقبال رضوی نے مرکزی سیکرٹری سیاسیات سید اسد عباس نقوی، مرکزی معاون سیکرٹری تنظیم سازی عارف الجانی اور مرکزی آفس انچارچ ارشاد بنگش کے ہمراہ عدیل عباس زیدی اور راحیل عباس زیدی سے ان کی رہائش گاہ پر ملاقات کی اور ان کے والد بزرگوارکے انتقال پر تعزیت کا اظہار کیا۔

انہوں نے مرحوم کی بلندی درجات اور سوگواران کے لیے صبر کی دعا بھی کی۔مرکزی رہنماؤں نے بزرگ عالم دین و رکن شوری عالی علامہ جواد ہادی سے ملاقات کی اور ملک کی مجموعی صورت حال اور بلدیاتی انتخابات کے حوالے سے اہم امور پر بھی تبادلہ خیال کیا۔