وحدت نیوز(پشاور) مجلس وحدت مسلمین پاکستان کے مرکزی سیکریٹری امور تنظیم سازی علامہ مقصود علی ڈومکی نے مدرسہ شہید علامہ سید عارف حسین الحسینـیـؒ پشاور میں منعقدہ ایم ڈبلیوایم خیبر پختونخواہ کے صوبائی راہیان کربلا کنونشن سے خطاب کرتے ہوئے کہاکہ مجلس وحدت مسلمین پاکستان قائد شہید علامہ عارف حسین الحسینی رحمۃ اللہ علیہ کے افکار و اھداف کی روشنی میں جدوجہد کر رہی ہے ،ہم شہید قائد کے چھوڑے ہوئے مشن کی تکمیل چاہتے ہیں۔

انہوں نے مزید کہا کہ ہم قائد شہید کی مقتل گاہ پر یہ عہد کرتے ہیں کہ ملک و ملت سے کبھی خیانت نہیں کریں گے بلکہ اس خلوص اور جرئت سے جہد مسلسل کریں گے کہ قائد شہید کی پاکیزہ روح ہم سے راضی ہو جائے۔انہوں نے کہا کہ قائد شہید کی برسی کے موقع پر اسلام آباد میں حضرت امام زمانہ علیہ السلام سے تجدید بیعت کے لئے ملک گیر مہدی برحق کانفرنس منعقد ہوگی۔

وحدت نیوز(اسلام آباد) مجلس وحدت مسلمین پاکستان کے چیئرمین علامہ راجہ ناصر عباس جعفری نے سینئر صحافی و کالم نگار ایاز امیر پر حملے کی شدید الفاظ میں مذمت کرتے ہوئے ذمہ داران کے خلاف فوری کارروائی کا مطالبہ کیا ہے۔علامہ راجہ ناصرعباس کا ایازامیر کو ٹیلیفون ان کی خیریت دریافت کی اور اظہار یکجہتی بھی کیا۔

انہوں نے کہا کہ ایاز امیر کو سچ بولنے کی سزا دی گئی ہے۔حق کی آواز دبانے کے لیے بالادست قوتوں کا ہمیشہ سے یہی چلن رہا ہے۔ اس ظلم کے خلاف آواز بلند کرنے کی ذمہ داری صرف صحافی برادری کی نہیں۔ ہر باضمیر و حق پرست کو واقعہ میں ملوث عناصر اور ان کے سرپرستوں کے خلاف بھرپور احتجاج کرنا چاہئیے۔اس طرح کی غنڈہ گردی اور بھونڈی کوششوں سے حقائق کو دبایا نہیں جا سکتا۔چور دروازے سے داخل ہونے والے صاحبان اقتدار حق پرستوں سے ہمیشہ خائف رہے ہیں ۔واقعہ کربلا سے لے کر آج تک تاریخ اس بات کی گواہ ہے کہ ظالموں کو ملنے والی عنایات عارضی اور ان کے لیے لعنت کا طوق دائمی ہے۔

انہوں نے کہا کہ ایاز امیر پر حملے سے اس تاثرکو تقویت ملی ہے کہ پاکستان میں کسی بھی شریف شخص کی جان و مال محفوظ نہیں۔اگر حکومت آئین و قانون کی بالادستی چاہتی ہے تو مجرموں کو انصاف کے کٹہرے میں لا کر سخت سزا دی جائے۔

علاوہ ازیں علامہ راجہ ناصرعباس نے ایاز امیر سے ٹیلیفونک رابطہ کرکے ان کی خیریت دریافت کی اور ان کے ساتھ رونما ہونے والے واقعے کی مذمت کرتے ہوئےان کے ساتھ مکمل ہمدردی اور یکجہتی کو اظہار بھی کیا۔

وحدت نیوز(اسلام آباد) مجلس وحدت مسلمین پاکستان کی نصاب کمیٹی کے کنوینئر علامہ مقصود علی ڈومکی نے کہا ہے کہ اسلامی نظریاتی کونسل نے درود شریف کے معاملے پر متنازع فیصلہ دے کر پاکستان کے کروڑوں مسلمانوں کی توہین کی ہے۔ اسلامی نظریاتی کونسل کو مسلکی اور فرقہ وارانہ کونسل میں تبدیل کرنا انتہائی افسوسناک ہے۔اسلامی نظریاتی کونسل کے چیئرمین اور اراکین سے یہ توقع کی جا رہی تھی کہ وہ پاکستان کے اندر فرقہ وارانہ ہم آہنگی اور وسعت نظری کا مظاہرہ کریں گے مگر افسوس کے ساتھ کہنا پڑتا ہے کہ متعصبانہ فرقہ وارانہ سوچ کے حامل چیئرمین اور اراکین نے اس ادارے کو اسلامی نظریاتی کونسل سے فرقہ وارانہ تنگ نظر مسلکی نظریاتی کونسل میں تبدیل کر دیا ہے۔

انہوں نے کہا کہ کونسل کے فیصلے پر ملت جعفریہ کو شدید تحفظات ہیں۔ اسلامی نظریاتی کونسل اپنے رویے اور اپنے فیصلوں پر تجدید نظر کرے ورنہ پاکستان کے کروڑوں اہل تشیع اور اہل سنت محبان اہلبیت اسلامی نظریاتی کونسل سے لاتعلقی کا اظہار کریں گے۔انہوں نے کہا کہ حکومت نے انتہائی نالائقی کا مظاہرہ کرتے ہوئے کروڑوں اہل تشیع کے لئے فقط ایک نمائندہ مقرر کیا ہے۔ آئینی اداروں میں اھل تشیع کو متناسب اور مناسب نمائندگی سے محروم کیا گیا ہے جس کے باعث یہ ادارہ اب مکمل طور پر متنازعہ ادارہ میں تبدیل ہو چکا ہے۔ اگر اکثریت رائے سے فیصلے کرکے پاکستان کی دوسری بڑی اکثریت یعنی اھل تشیع کے نقطہء نظر کو نظر انداز کیا گیا تو اسلامی نظریاتی کونسل اپنی حیثیت کھو دے گا۔

وحدت نیوز(اسلام آباد)مجلس وحدت مسلمین پاکستان کی نصاب کمیٹی کے کنوینئر علامہ مقصود علی ڈومکی نے کہا ہے کہ اسلامی نظریاتی کونسل نے درود شریف کے معاملے پر متنازع فیصلہ دے کر پاکستان کے کروڑوں مسلمانوں کی توہین کی ہے۔ اسلامی نظریاتی کونسل کو مسلکی اور فرقہ وارانہ کونسل میں تبدیل کرنا انتہائی افسوسناک ہے۔اسلامی نظریاتی کونسل کے چیئرمین اور اراکین سے یہ توقع کی جا رہی تھی کہ وہ پاکستان کے اندر فرقہ وارانہ ہم آہنگی اور وسعت نظری کا مظاہرہ کریں گے مگر افسوس کے ساتھ کہنا پڑتا ہے کہ متعصبانہ فرقہ وارانہ سوچ کے حامل چیئرمین اور اراکین نے اس ادارے کو اسلامی نظریاتی کونسل سے فرقہ وارانہ تنگ نظر مسلکی نظریاتی کونسل میں تبدیل کر دیا ہے۔

انہوں نے کہا کہ کونسل کے فیصلے پر ملت جعفریہ کو شدید تحفظات ہیں۔ اسلامی نظریاتی کونسل اپنے رویے اور اپنے فیصلوں پر تجدید نظر کرے ورنہ پاکستان کے کروڑوں اہل تشیع اور اہل سنت محبان اہلبیت اسلامی نظریاتی کونسل سے لاتعلقی کا اظہار کریں گے۔انہوں نے کہا کہ حکومت نے انتہائی نالائقی کا مظاہرہ کرتے ہوئے کروڑوں اہل تشیع کے لئے فقط ایک نمائندہ مقرر کیا ہے۔ آئینی اداروں میں اھل تشیع کو متناسب اور مناسب نمائندگی سے محروم کیا گیا ہے جس کے باعث یہ ادارہ اب مکمل طور پر متنازعہ ادارہ میں تبدیل ہو چکا ہے۔ اگر اکثریت رائے سے فیصلے کرکے پاکستان کی دوسری بڑی اکثریت یعنی اھل تشیع کے نقطہء نظر کو نظر انداز کیا گیا تو اسلامی نظریاتی کونسل اپنی حیثیت کھو دے گا۔

وحدت نیوز(اسلام آباد)مجلس وحدت مسلمین پاکستان کی مرکزی عزاداری کونسل کے کنوینئرعلامہ مقصود علی ڈومکی نے کہا ہے کہ نواسہ رسول حضرت امام حسین علیہ السلام نے میدان کربلا میں دین اسلام کی بقاء و سربلندی کے لئے جو بے مثال قربانی دی وہ آج بھی اھل حق کے لیے مشعل راہ ہے۔ کربلا ہر دور کے انسان کی ضرورت ہے اور کربلائی ہر دور میں باطل طاغوت کے خلاف سربکف ہو کر نکلتا ہے۔ عشق حسین و ذکر حسین علیہ السلام بقائے دین کی ضمانت ہے۔

انہوں نے کہا کہ مجلس وحدت مسلمین پاکستان نے ملت کی نمائندہ جماعت کی حیثیت سے ملک بھر میں عزاداری کونسل تشکیل دی ہیں جو عزاداری سید الشہداء علیہ السلام کو مقصد کربلا سے ھماھنگ کرنے کے ساتھ ساتھ عزاداری کی راہ میں حائل رکاوٹیں دور کریں گے۔ حکومت اور انتظامیہ کی ذمہ داری بنتی ہے کہ وہ محرم الحرام کی میٹنگز کو خانہ پوری کی بجائے موثر انداز میں منعقد کریں۔ ملت کی نمائندہ جماعتوں اور نمائندہ شخصیات کی شرکت کے بغیر انتظامیہ کی میٹنگز بے نتیجہ رہتی ہیں۔

انہوں نے کہا کہ مجلس وحدت مسلمین یوتھ ونگ اور رضا کار ملک میں امن و امان کی صورتحال کے پیش نظر قیام امن کے سلسلے میں پولیس اور انتظامیہ کے ساتھ مل کر عزاداروں کے تحفظ کے لئے اپنی خدمات انجام دیں۔انہوں نے کہا کہ عزاداری عبادت ہے اور یہ ہمارا آئینی حق ہے عزاداری میں رکاوٹیں اور پابندیاں ناقابل قبول ہیں پنجاب میں عزاداروں کے خلاف ایف آئی آرز کا سلسلہ اب بند ہونا چاہئے یہ ملت عزاداری پر قدغن برداشت نہیں کرے گی۔ مجلس وحدت مسلمین ملک بھر میں علماء خطباء ذاکرین اور بانیان مجالس پر مشتمل عزاداری کانفرنسز منعقد کر رہی ہے۔ علماء خطباء و ذاکرین قوم کو مقصد کربلا سے آگاہ کرنے کے ساتھ ساتھ عصر حاضر کی یزیدیت کو بے نقاب کریں۔د

ر ایں اثناء علامہ مقصود علی ڈومکی نے مرکزی عزاداری کونسل کے لئے برادر عارف حسین الجانی، علامہ برکت علی مطہری ،برادر ملک اقرار حسین ،برادر ارشاد بنگش، آصف رضا ایڈووکیٹ، سید علی اکبر شاہ کو نامزد کیا جبکہ مرکزی عزاداری کونسل میں ہر صوبے سے مزید دو نمائندے لئے جائیں گے۔ مرکزی عزاداری کونسل کی جانب سے ملک بھر کے صوبائی سیکرٹری داخلہ آئی جی پولیس اور وفاقی وزیر داخلہ کو خط لکھ کر عزاداری میں درپیش مسائل کی نشاندھی کی گئی ہے۔

وحدت نیوز(اسلام آباد) مجلس علمائے اہلبیتؑ پاراچنار کے نائب صدر مولانا احمد علی روحانی نے مجلس وحدت مسلمین پاکستان کے چیئرمین علامہ راجہ ناصر عباس جعفری سے اسلام آباد میں ملاقات کی۔ اس موقع پر پاراچنار کی علاقائی صورت حال پر تفصیلی گفتگو ہوئی۔ علامہ راجہ ناصر عباس نے علاقے میں امن و امان کے قیام کو سب کی اولین ذمہ داری قرار دیا۔

ان کا کہنا تھا کہ اتحاد امت پاکستان خصوصاً ضلع کرم کے امن امان کی ضامن ہے، ضلع کرم میں حالیہ رونما ہونے والے واقعات پر گہرے دکھ کا اظہار  کرتے ہوئے انہوں نے کہا کہ کچھ بیرونی اور اندرونی قوتوں کو کرم کے اتفاق و اتحاد اور تعمیر و ترقی ہضم نہیں ہورہی۔ لہذا آپ اپنی صفوں میں اتحاد و اعتماد کی فضا کسی بھی صورت پر خراب نہ ہونے دیں۔