وحدت نیوز(میرپور)ملی یکجہتی کونسل آزاد کشمیر کا اہم اجلاس زیر صدارت جماعت اسلامی کے مرکزی جنرل سیکرٹری لیاقت بلوچ منعقد ہوا جس میں مجلس وحدت مسلمین پاکستان کے مرکزی جنرل سیکرٹری سید ناصرعباس شیرازی، سید ثاقب اکبر اور دیگر مذہبی جماعتوں کے راہنما شریک تھے اس موقع پر تنظیم نو کے ذریعے ملی یکجہتی کونسل آزاد کشمیر کے صدر، جنرل سیکرٹری اور کابینہ کا انتخاب عمل میں لایا گیا۔تنظیم نو کے بعد کانفرنس کا انعقاد ہوا جس سے مرکزی راہنماؤں نے مختلف مکاتب فکر کے درمیان اتحاد و وحدت کی اہمیت پر روشنی ڈالتے ہوئے ملی یکجہتی کونسل کے کردار کو سراہا۔

کانفرنس سے مجلس وحدت مسلمین پاکستان کی جانب سے سید ناصر عباس شیرازی نے خطاب کرتے ہوئے کہا کہ اس کانفرنس کا سب سے بڑا مقصد تمام مکاتب فکر کے درمیان اتحاد و یگانگت کو فروغ دینا ہے جس میں ملی یکجہتی کونسل پاکستان کا سفر کامیابی کے ساتھ جاری ہے مرکزی سطح پر تمام مذہبی جماعتوں کے قائدین اور عمائدین کا مل بیٹھنا نچلی سطح پر عام عوام میں مثبت اثرات کا باعث بنتا ہے۔انہوں نے کہا کہ وطن عزیز کے لیے ملک دشمن عناصر جو بھی منفی ایجنڈا رکھتے ہیں ان میں ناکام ہوئے ہیں اور اس کامیابی کا سہرا ملی یکجہتی کونسل کے قائدین و کارکنان کے سر جاتا ہے، ملکی استحکام کے خلاف تمام تر حربوں کے خلاف یہ کانفرنس ایک دفاعی کامیابی ہے اور جن لوگوں نے اس میں اپنا کردار ادا کیا ہے وہ لوگ قابل قدر اور لائق تحسین ہیںاس موقع پر تمام راہنماؤں نے نو منتخب صدر اعجاز افضل، سیکرٹری تنظیم خان افضل کو مبارکباد دی اور اپنے تعاون کا مکمل یقین دلایا ہے۔

وحدت نیوز(احادیث) امام جعفر صادق عليه السلام:إذا أرادَ أَحَدُكُمْ أَنْ يُسْتَجابَ لَهُ فَلْيُطَيِّبْ كَسْبَهُ وَلْيَخْرُجْ مِنْ مَظالِمِ النّاسِ، وَ إِنَّ اللّهَ لا يَرْفَعُ إِلَيْهِ دُعاء عَبْدٍ وَ فى بَطْنِهِ حَرامٌ أَوْ عِنْدَهُ مَظْلَمَةٌ لأِحَدٍ مِنْ خَلْقِهِ۔

? جو چاہتا ہے کہ اس کی دعا قبول ہو اسے چاہیئے اپنی روزی حلال کرے اور لوگوں کے حقوق ادا کرے، جس شخص کے پیٹ میں مال حرام اور اس کی گردن پر کسی کا حق ہو تو اس کی دعا بارگاہ الہی میں اوپر نہیں جاتی ہے۔

? بحارالانوار، ج 93، ص 321، ح 31
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرکزی کردار سازی کونسل مجلس وحدت مسلمین پاکستان

وحدت نیوز(لاہور)مجلس وحدت مسلمین عزاداری سیل کے رکن حاجی امیر عباس مرزا کربلائی بیت المال پنجاب کے ممبر نامزدہوگئے ہیں۔ ان کی نامزدگی کا باقائدہ نوٹیفکیشن پنجاب حکومت کی جانب سے جاری کردیا گیا ہے ۔

تفصیلات کے مطابق سابق مشیر وزیر اعظم پاکستان الحاج حیدرعلی مرزا کے فرزند اور ایم ڈبلیوایم عزاداری کونسل پنجاب کے رکن حاجی امیر عباس مرزاکربلائی کو بیت المال پنجاب کا ممبر نامزد کردیا گیا ہے ۔

حاجی امیر عباس مرزاکربلائی کی ممبر  بیت المال پنجاب نامزدگی کا باقائدہ نوٹیفکیشن پنجاب حکومت کی جانب سے جاری کردیا گیا، ایم ڈبلیوایم مرکزی وصوبائی قائدین نے حاجی امیر عباس مرزاکربلائی کی نامزدگی پر نیک خواہشات کااظہار کیا ہے ۔

وحدت نیوز(اسلام آباد)ایم ڈبلیو ایم علی پورضلع اسلام آباد کی آرگنائزر کمیٹی کی تشکیل۔ کمیٹی میں محمد رضا،حمید مغل، شاہ جی جعفری،امجد حسین،ساجد طوری،ملک ناصراور سید ذیشان سندھی شامل۔دیگر 12 برادران انکی سپورٹ کرینگے۔مرکزی رہنما شیخ محمدجان حیدری کمیٹی کی نگرانی کرینگے۔کمیٹی کا بنیادی مقصد۔ترلائی،چک شہزاد،چھٹہ بختاور۔ترامڑی۔علی پورڈپٹیاں،ہمدانی ٹاؤنارسلان ٹاون ،نئی آبادی،سیاچن کالونی،پٹالہ،فراش ٹاون،پنجگراں،الھدی ٹاون،ٹھنڈا پانی،تمیر،چراہ،موہڑی سیداں تک ورک کرکے مستقل آرگنائزر کمیٹی تشکیل دے گی اوریونٹ سازی کرئے گی۔علی پور اسلام آباد میں مومنین کی کثیر آبادی اور کام کے حوالے سے فرصتوں کو سامنے رکھتے ہوئے کام کرنے کی ضرورت ہے تاکہ مشترکہ اھداف کا حصول ممکن ہو۔کمیٹی علی پور کی تمام مساجد کمیٹیز،ماتمی دستے،اور سٹیک ہولڈرز سے ملاقات کرئے گی۔

وحدت نیوز (مظفرآباد) صدر مجلس وحدت مسلمین آزاد کشمیر کی امامیہ اسٹوڈنٹس آرگنائزیشن شعبہ طالبات کے کنونشن میں شرکت اور خطاب ۔علامہ سید یاسر عباس سبزواری نے خطاب کرتے ہوئے کہا کہ امامیہ اسٹوڈنٹس آرگنائزیشن شعبہ طالبات کی زمہ داریاں بھت اھم ہیں آپ خواہران کا کردار معاشرے کو بدل سکتا ھے، معاشرے اور خاندان کی تربیت میں خاتون کا کردار اہمیت کا حامل ھے اس لیے کے ہر خاتون اپنی زندگی میں تین مراحل سے گزرتی ھے، ایک مرحلہ بیٹی ہونے کے اعتبار سے ھے دوسرا مرحلہ بیوی ہونے کے اعتبار سے ھے اور تیسرا مرحلہ ماں ہونے کے اعتبار سے ھے ان تینوں مراحل میں خاتون کا کردار اہمیت کا حامل ھے۔

انہوں نے کہا کہ اگر چاہتے ہیں کہ تینوں مراحل میں بہترین کردار ادا کریں تو آپ کے لیے جناب فاطمہ زہرا سلام اللہ علیہا کی سیرت طیبہ بہترین نمونہ ھے ایام فاطمیہ شروع ہو رہے ہیں آپ خواھران سے گزارش ھے ان ایام میں جناب سیدہ سلام اللہ علیہا کی سیرت طیبہ کو پڑھیں کوشش کریں جناب سیدہ سلام اللہ علیہا کی زندگی کے مختلف موضوعات پر سمینار رکھیں مختلف علاقوں میں فکری اور علمی مجالس کا اھتمام کریں تاکہ جنناب سیدہ سلام اللہ علیہا کی زندگی ہمارے لیے روشن اور واضح ہو جائے۔

وحدت نیوز(کراچی) مجلس وحدت مسلمین پاکستان کراچی ڈویژن کے صدر علامہ شیخ محمد صادق جعفری نے کہا ہے کہ اسلام حضرت فاطمہ زہرا (س) کی بے لوث قربانیوں اور مجاہدتوں کا مقروض ہے، حضرت فاطمہ زہرا (س) کا کردار رہتی دنیا تک تمام مرد و زن کیلئے قابل تقلید ہے، مسلمانان عالم کو آپ کی سیرت و کردار پر عمل کرتے ہوئے آج بھی اسلام کے زریں اصولوں اور نظام کے دفاع کیلئے میدان عمل میں آنا ہوگا تاکہ کاروان حیات کو آگے بڑھانے کیلئے جناب سیدہ (س) جو نقوش قدم چھوڑے ہیں اُن کی تاسی ہو اور اسلام  صرف بھلایا ہوا سبق نہ ہو بلکہ معاشروں کی رہبری کرنے والا متحرک دین کی شکل اختیار کرے۔ ایم ڈبلیو ایم انچولی یونٹ کی جانب سے منعقدہ ایام فاطمیہ (س) کی مجالس عزا سے خطاب کرتے ہوئے ان کا کہنا تھا کہ جناب سیدہ (س) کے کردار سے یہ درس بھی ملتا ہے کہ چاہے حالات کتنے ہی نا سازگار کیوں نہ ہوں فریضے کی ادائیگی میں کوئی کوتاہی نہیں ہونا چاہیئے۔

علامہ صادق جعفری کا کہنا تھا کہ حضرت زہرا (س) نے اپنے تاریخی احتجاج کے ذریعے بتا دیا کہ حق کی حمایت و نصرت قرآن سنت اور عقل کی واضح ہدایات کی روشنی میں انحرافات کا مقابلہ بے جگری سے کیا جانا چاہیئے اور اس سلسلہ میں بھی کسی قسم کی سستی مکتب عشق کے پیر وکاروں کے ساتھ سازگار نہیں، بی بی فاطمہ زہرا (س) نے اپنے معرکتہ الآرا خطبے میں اسلام کے عقائد اور اعمال کا فلسفہ جس طرح بیان کیا، اسلام کے پیروکاروں کو چاہیئے کہ وہ اسلام کو اُس کے اصلی اہداف کے تشخیص کے ذریعہ سے پہچانیں تاکہ اس پر عمل کرتے وقت زمانے کے کسے بھی قسم کے حالات اس کے پیروکاروں کے پائے عمل کو متزلزل نہ کر سکیں، یہ اُس وقت ممکن ہے جب انسان واقعی طور پر اسلام کے اسرار و رموز سے کماحقہ ہو واقف ہو۔

علامہ صادق جعفری نے مزید کہا کہ آج دنیا بھر میں جو اسلامی تحریکیں چل رہی ہیں ان کو ایک بار پھر مادر حسنینؑ کی سیرت کی پیروی کرتے ہوئے پہلے سے زیادہ آگاہی، گہرے شعور اور الٰہی منصوبہ بندیوں کے سائے تلے اسلام کے دفاع کیلئے میدان عمل میں اترنا ہوگا، دنیا بھر میں مسلمانوں کے ابتر حالات کی ذمہ داری کم تعلیم یافتہ، فہم ناقص اور نفس کے اسیر فرقہ واریت کے کفن میں لپٹے اسلام کے ٹھیکے داروں کی غلط پالیسویں کا نتیجہ ہے، عرب حکمرانوں کو اپنا انجام اچھا نظر نہیں آرہا ہے، عرب ممالک دور جاہلیت سے اب تک باہر نہیں نکلے، اپنی بادشاہت اور کنگز کلب کے خاتمے پر اب پاکستان کو مشرق وسطیٰ کی جنگ میں دھکیلا جا رہا ہے، افغانستان سے شروع ہونے والا طالبان شو اب پاکستان میں کشت و خون کے نظارے پیش کر رہا ہے، پاکستانی حکمران کٹ پتلی بنے ہوئے ہیں۔