Ahsan Mashadi
وحدت نیوز(کوہاٹ) مجلس وحدت مسلمین پاکستان کےصوبائی آفس ضلع کوہاٹ میں تعلیمی اور تنظیمی امور کے حوالے سے میٹنگ کا انعقادھوا تھا۔جس میں ضلعی صدرمولاناصابرعلی رجائی نجفی ،سینئرنائب صدرمولانانجات حسین علوی ، سیکریٹری تنظیم سازی قاری محمدایازکمیلی،جنرل سیکرٹری مولاناشفاعت حسین رجائی اوردیگر شریک تھے۔
میٹنگ کاباقاعدہ آغازتلاوت قرآن پاک سےھوا،اجلاس کے پہلے حصے میں اسٹڈی سرکل ہوااوراس کی اہمیت کےبارےمیں بات چیت ھوئی جسمیں دوستوں کو شھید صدر کی کتاب آزمائش کی اہمیت کااحساس دلانے کیلئے آج کی بحث میں پہلے ضلعی صدر مولاناصابرعلی رجائی نجفی نے شھیدآیت اللہ سید محمد باقر الصدر نورہ اللہ المرقدہ اور ان کی مجاہدہ بہن شھیدہ آمنہ بنت الھدی کی حالات زندگی پرمختصر بحث کی اور پھر دوسرےمرحلےمیں دوستوں نےاپنےاپنےتجاویزپیش کیےاورسابقہ ضلعی صدرہنگو مولاناشیرافضل نےبھی اپنےتجاویزپیش کیےسب سےاہم تجویزدوستوں نےجوپیش کیi وہ یہ تھی کہ اس طرح سےاگرایک صوبائی یاضلعی تعلیمی کانفرنس منعقدھوجائےتوبہت بہترھوگا دوسرا اگر شہیدباقرصدر رح کی یہی کتاب ہمیں مل جائے اور یہ کتاب ہم نوجوانوں میں تقسیم کریں پھر انکا آپس میں ایک مقابلہ کریں اور اس میں انعامات تقسیم کیاجائے۔اس طرح سےیہ سٹڈی سرکل کامقصد اور ھدف بھی ہمیں مل جائےگا۔
وحدت نیوز (پاراچنار) مجلس وحدت مسلمین ضلع پاراچنار کی کابینہ کا اہم اجلاس اور اسٹڈی سرکل ضلعی آفس میں منعقد ہوا۔ جس میں شھید رابع شھید باقرالصدر کی کتاب آزمائش کا اجتماعی مطالعہ کیا گیا۔ اور اسی کے تناظر میں بحث کی گئی کہ ایک تنظیمی کارکن کسطرح اس معاشرے میں اپنا سفرطے کرے گا۔ میٹنگ میں راہیان کربلا کنونشن برائے انتخاب ضلعی صدر 30 و 31 دسمبر کو منعقد کرنے کا فیصلہ ہوا۔ اور مقدسات کی توہین کرنے والوں کیخلاف وکلاء سے طویل مشاورت ہوگئی۔ جسمیں یہ فیصلہ ہوا کہ پہلے ڈیٹا جمع کرنا ہوگا اور پھر پریس کانفرنس کے بعد FIR درج کروانے کیلئے ڈی پی او آفس جانا ہوگا۔
وحدت نیوز(لاڑکانہ) مجلس وحدت مسلمین پاکستان ضلع لاڑکانہ کا ضلعی شوریٰ اجلاس، امام بارگاہ درِ بتولؑ لاہوری محلہ لاڑکانہ میں، زیرِ صدارت صوبائی جنرل سیکریٹری محترم چودھری اظہر حسن منعقد ہوا۔ ان کے علاوہ سینیئر نائب صدر برادر طارق بدوی، سیکریٹری تنظیم سازی برادر محمود الحسن، سیکریٹری فلاح و بہبود برادر فدا عباس لاڑک نے صوبائی نمائندوں کے طور پر اجلاس میں خصوصی شرکت کی۔
آرگنائزنگ کمیٹی جس میں مولوی عمران علی چانڈیو، برادر طارق رسول انڑ، برادر مشتاق علی میمن شامل تھے، اجلاس کو احسن طریقے سے چلا کر انتخابی عمل کے لئے اجلاس کی کاروائی صوبائی نمائندگان کے سپرد کی۔ 37 یونٹس پر مشتمل ہائوس سے تین نام 1۔ مولانا عمران علی چانڈیو 2۔ برادر طارق رسول انڑ 3۔ برادر سعید علی میرانی، نامزد کے گئے۔ ہائوس کی جانب سے مولانا عمران علی چانڈیو کو واضح اکثریت کے ساتھ ضلعی صدر منتخب کیا گیا۔
وحدت نیوز (ڈیرہ اسماعیل خان) مجلس وحدت مسلمین فتح یونٹ کے زیر اہتمام اسٹڈی سرکل کا اہتمام کیا گیا جسمیں صوبائی نائب صدر اسد علی زیدی، ضلعی صدر مولانا سید غضنفر علی نقوی، ضلعی سیکرٹری نشرو اشاعت جاوید شیرازی سمیت یونٹ صدر نقی شاہ اور یونٹ ممبران میں یونٹ جنرل سیکرٹری محمد زکی سیکرٹری،سیکریٹری تبلیغات مولانا محمد بلال ،سیکرٹری روابط غلام شبیر، سیکرٹری تعلیم ڈاکٹر قیصر عباس، سیکرٹری فنانس ظفر عباس نے شرکت کی اسٹڈی سرکل کا اختتام دعا امام زمانہ ع سے کیا گیا۔
وحدت نیوز(اسلام آباد)مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی نے سرحد پار افغانستان سے افغان بارڈر فورسز کی گولہ باری کے نتیجے میں ہونے والی شہادتوںکی شدید مذمت کرتے ہوئے کہا ہے کہ اِس سے زیادہ احسان فراموشی کیا ہوگی کہ اقوام عالم میں افغانستان کا مقدمہ لڑنے والے پاکستان پر افغانستان سے ہی حملے کیے جارہے ہیں۔ تیس سال سے لاکھوں افغانی پاکستانی وسائل پر بوجھ ہیں لیکن پھر بھی ہم نے اُف تک نہیں کی لہٰذا پاکستانی سکیورٹی فورسز کو آئندہ ایسی صورتحال میں منہ توڑ جواب دینا چاہیے۔
علامہ سید احمد اقبال رضوی نے کہا کہ ہر پاکستانی کا لہو قیمتی ہے، اگر کوئی احسان فراموشی کی انتہا کو پہنچ چکا ہے تو اُس کو نیچے لانا بہت ضروری ہے۔ انہوں نے شہدا کے ورثا سے اظہار تعزیت کرتے ہوئے امید ظاہر کی ہے کہ حکومت افغانستان سے حملوں کے اِس تسلسل کو روکنے کے لیے ٹھوس لائحہ عمل مرتب کرے گی اِس کے ساتھ ساتھ افغان حکام کی غیرسنجیدگی پر بھی اپنی سوچ اور حکمت عملی میں واضح تبدیلی لائے گی۔
ایم ڈبلیوایم کردارسازی کونسل کی جانب سے ملک بھرمیں کتاب آزمائش کا دوسرا اسٹڈی سرکل 18 دسمبر کو ہوگا
وحدت نیوز(اسلام آباد)مجلس وحدت مسلمین کردارسازی کونسل کا ملک بھر میں مسولین و کارکنان کی دینی، نظریاتی، و اخلاقی تربیت کا سلسلہ الحمدللہ جاری وساری ہے ۔ہر ماہ کی پہلی اور آخری اتوار کو پورے پاکستان میں یہ نشست ہوا کرے گی۔ آپ کی خصوصی کاوشیں اس پروگرام کی کامیابی کے لیے بہت ضروری ہیں گذشتہ ہفتے کا اسٹڈی سرکل پورے پاکستان میں ایک ہی دن 4 دسمبر بروز اتوار تمام صوبوں، اضلاع اور یونٹس میں منعقد ہوا ،اسٹڈی سرکل کی اہمیت کے پیش نظر مرکزی کابینہ اور صوبائی کابینہ اپنے اپنے متعلقہ اضلاع اور یونٹس کے پروگرام میں شرکت کریں گے(جو بھی ان کو سوٹ کرتا ہو۔
اب اگلا اسٹڈ ی سرکل 18 دسمبر 2022ء بروز اتوار منعقد ہو گا۔تمام محترم صوبائی / ضلعی صدور ،آرگنائزرسے گزارش ہے کہ اپنے صوبائی اور ضلعی شوری کے اجلاس میں اسٹڈی سرکل کو باقاعدہ ایجنڈے میں شامل کیا جائے۔ اس کے علاوہ مرکزی/ صوبائی / اور ضلعی شوری کے اجلاسات میں کارکردگی کا جائزہ لیتے ہوئے یہ اسٹڈی سرکل اور دیگر تربیتی امور اہم ترین کارکردگی شمار کیئے جائیں گے۔
ابھی تک جن صوبوں اور اضلاع میں اسٹڈی سرکلز ہو ئے ان کی تفصیل درج ذیل ہے ۔
صوبہ سندھ :(کراچی ڈویژن، ضلع ملیر،جوگی موڑ یونٹ)
صوبہ پنجاب :(مرکزی سیکرٹریٹ اسلام آباد،علی پور، اسلام آباد ، لاہورصوبائی آفس ،ضلع جھنگ،ضلع خوشاب )
جنوبی پنجاب :(ملتان ،علی پور)
صوبہ ریاست آزاد جموں کشمیر:(مظفر آباد)
صوبہ بلوچستان:(ضلع جھل مگسی )
صوبہ گلگت بلتستان :(صوبائی آفس اسکردو ،روندو ، شگر میں دو جگہوں پر ،کھرمنگ میں دو جگہوں پر ،نگر میں میں مقامات پر،گلگت صوبائی آفس )
صوبہ پختونخواہ:(پاراچنار،ہری پور)
خواتین ونگ کی جانب سے :(اسلام آباد علی پور یونٹ کے تحت جس میں ضلعی صدر محترمہ صدیقہ کائنات کی سرپرستی میں اسٹڈی سرکل منعقد ہوا ۔گلگت سٹی میں صدر گلگت وومن ونگ محترمہ سلیمہ بی بی کی سرپرستی میں منعقد کیا گیا ۔)
