وحدت نیوز(سکردو) مرکزی کردار سازی کونسل مجلس وحدت مسلمین کے زیر اہتمام ملک کے مختلف اضلاع اور یونٹس میں جاری اسٹڈی سرکل کے سلسلے میں ایم ڈبلیو ایم بلتستان سیکرٹریٹ میں آج شہید باقرالصدرؒ کی تالیف کردہ بے مثال کتاب آزمائش کے اسٹڈی سرکل کا انعقاد ہوا۔

صوبائی صدر ایم ڈبلیوایم گلگت بلتستان علامہ آغا علی رضوی کی نگرانی میں ایم ڈبلیو ایم سیکریٹریٹ سکردو میں سٹیڈی سرکل اور ہفتہ وار تربیتی نشست میں ایم ڈبلیو ایم سکردو کے صدر مولانا ذیشان اور صوبائی وزیر زراعت کاظم میثم سمیت دیگر عہدیداروں اور کارکنان نے شرکت کی۔

وحدت نیوز(لاہور) مجلس وحدت مسلمین شعبہ خواتین کی جانب سے قومی مرکز شاہ جمال میں مجلس عزا  کا انعقاد ہوا جس سے مرکزی صدر ایم ڈبلیو ایم وومن ونگ سیدہ معصومہ نقوی نے خطاب کیا ۔

مجلس عزا میں لاہور کے تنظیمی یونٹس اور مختلف علاقوں  سے مومنات نے بھرپور شرکت کی ۔ مجلس کے اختتام پر  ایم ڈبلیوایم شعبہ خواتین لاہور کی نو منتخب عہدیداروں کے ناموں کا اعلان کیا گیا جسکے بعد مرکزی صدر نے تمام ذمہ داران سے حلف لیا ۔

تفصیلات کے مطابق سابقہ ڈپٹی جنرل سیکریٹری اتفاق ٹاون محترمہ صدف نقوی لاہور کے علاقے ٹھوکر نیاز بیگ ،منصورہ ، کینال ویو ،ملتان روڈ ، اقبال ٹاون ، سبزہ زار اور جعفریہ کالونی کی صدر  جبکہ محترمہ مہر انساء  نائب صدر منتخب ہوئیں۔

سابقہ سیکرٹری جنرل نشتر کالونی محترمہ رقیہ بانو نشتر کالونی ، فیروز پور روڈ ، پاک عرب سوسائٹی اور اچھرہ کی صدر جبکہ محترمہ شبانہ بی بی نائب صدر منتخب ہوئیں اندرون شہر کے علاقوں گلشن راوی ، سمن آباد ، موچی ، بھاٹی ، شاہ عالمی ، کرشن نگر ، ساندہ ،بندہ روڈ ، بلال گنج کی صدر محترمہ ام رباب اور ان کی نائب محترمہ حمیرا رضوی کو نامزد کیا گیا ۔

علاوہ ازیں محترمہ سیدہ فاطمہ کو  ٹاون شپ ، گرین ٹاون ، ویلینشاہ اور واھگہ منڈی کے علاقوں کی ذمہ داری سونپی گئ اس موقع پر مرکزی صدر محترمہ معصومہ نقوی نے نیک تمناوں کے ساتھ تمام نومنتخب صدور کی حوصلہ افزائ کی اور ایک ماہ کی مدت میں اپنی کابینہ کی تشکیل اور اس کے بعد یونٹ سازی کے عمل میں بھرپور فعالیت انجام دینے کی ھدایات کیں ، آنے والے دنوں لاہور کے مزید علاقوں کی مسئولین کا اعلان کیا جاے گا۔

وحدت نیوز(کراچی)مجلس وحدت مسلمین سندھ کے صدر علامہ باقر عباس زیدی نے سانحہ پشاور کے 8 سال مکمل ہونے پر اپنے ایک پیغام میں کہا ہے کہ 16 دسمبر پاکستان کی تاریخ کا ایک سیاہ دن ہے۔وحدت ہاؤس کراچی سے جاری اپنے بیان میں انہوں نے کہا کہ آرمی پبلک اسکول پشاور 100 سے زیادہ معصوم بچوں کو دہشت گردی کا نشانہ بنا کردہشت گردوں نے بین الاقوامی سطح پر پاکستان کا چہرہ مسخ کرنے کی ناکام کوشش کی۔عالمی میڈیا نے پاکستان کو ایک ایسی غیر محفوظ ریاست جہاں دہشت گردوں کی محفوظ پناہ گاہیں ہیں ثابت کرنے کے لیے ایڑی چوٹی کا زور لگایا۔

انہوں نے کہا سانحہ پشاور آرمی پبلک اسکول دہشتگردی کے بعد آپریش ضرب عضب اور نیشنل ایکشن پلان کی بدولت کافی حد تک ملک میں جاری دہشت گردی کے خلاف جنگ کے نتائج موثر ثابت ہوئے۔لیکن ملکی مفاد سے متصادم مسلح جتھوں کو محض واصل جہنم کرنے سے کبھی بھی مقاصد نہیں حاصل ہوں گے۔اس طرح دہشت گردی کے واقعات میں کمی تو آسکتی ہے لیکن دہشت گردوں کا مکمل خاتمہ نہیں ہو سکتا۔ دہشت گردی کے خاتمے کے لیے ان اداروں و درس گاہوں کے خلاف بھی بھر پور ایکشن لیے جانا از حد ضروری ہے جہاں ان عناصر کی فکری تربیت کی جارہی ہے۔

انہوں نے کہا سانحہ پشاور تاریخ کی بدترین دہشتگردی ہے یہ ملک خداد پاکستان کے قلب پر وہ داغ ہے جو کبھی نہیں مٹ سکتا ۔آج ملک و اسلام دشمن عناصر کی ہار کا دن ہے پوری قوم دہشتگردی کے خلاف متحد ہے ننھے پھولوں کی قربانی رائے گاہ نہیں جائے گی آج کے دن ہم ان دلیر ماؤں کو سلام پیش کرتے ہیں جنہوں نے اس ملک کی بقاء و سلامتی کی خاطر اپنے بچوں کو قربان کر دیا انشا اللہ وہ دن بہت جلد ضرور آئے گا جس دن اس ملک سے دہشتگردی انتہاء پسندی کا مکمل خاتمہ ہوگا ۔

وحدت نیوز(سکردو)صوبائی وزیر زراعت و پارلیمانی لیڈر مجلس وحدت مسلمین گلگت بلتستان محمد کاظم میثم نے وفد کے ہمراہ کچورا پاور ہاوس فیز فور کا دورہ کیا اور گزشتہ دنوں ڈمیج ہونے والے چینل کی مرمت کے لیے جاری کام کا جائزہ لیا۔ ایس ڈی اور دیگر افسران نے بریفنگ دی۔ اس موقع پر شدید سردی میں دن رات محنت کرکے ہفتوں کے کام کو دنوں میں مکمل کرنے پر تمام ذمہ داران کی کاوشوں کو سراہا۔

 واضح رہے کہ چینل بہہ جانے کے سبب فیز فور کئی روز سے تعطل کا شکار تھا جس کے باعث شہر میں شدید بجلی بحران تھا۔ آج آزمائشی طور پر محدود سپلائی ڈی جائے اور کل سے بجلی کی شدید بحران میں کمی آئے گی۔ان کے ہمراہ مجلس وحدت مسلمین کے سینئر رہنما علی نوری، پی آر او سلیم یاسر، امجد عزادار اور کاظم کچورا موجود تھے۔

وحدت نیوز(سکردو)صوبائی وزیر زراعت و پارلیمانی لیڈر مجلس وحدت مسلمین گلگت بلتستان محمد کاظم میثم نے گرلز ہائی سکول کواردو سالانہ تقریب تقسیم انعامات میں شرکت کی۔ اس موقع پر اعلی' کارکردگی کا مظاہرہ کرنے والی طالبات کو خراج تحسین پیش کیا۔ معیار تعلیم کو بہتر بنانے کے لیے جاری جدوجہد پر اساتذہ والدین اور ایس ایم سی کی کاوشوں کو سراہا۔

 انہوں نے طالبات کو توجہ اور لگن کے ساتھ تعلیم کو جاری رکھنے کی تلقین کی۔ وزیر زراعت نے کہا کہ پورے کواردو میں طالبات کو درپیش مسائل اور سہولت نہ ہونے بلخصوض ہائیر ایجوکیشن کے حصول کے لیے گرلز مڈل سکول کی اپ گریڈیشن پر جلد کام کا آغاز ہوگا۔ انہوں نے کہا کہ معیار تعلیم کو بہتر کرنے کے لیے صوبائی حکومت ہر ممکن اقدامات اٹھائے گی۔

وحدت نیوز(احادیث) قال الامام الصادق علیه السلام:إذا قامَ القائِمُ عليه ‏السلام حَكَمَ بِالعَدلِ وَارتَفَعَ في أيّامِهِ الجَورُ، وأمِنَت بِهِ السُّبُلُ، وأخرَجَتِ الأَرضُ بَرَكاتِها و رَدَّ كُلَّ حَقٍّ إلى أهلِهِ

حضرت امام جعفر صادق علیہ السلام نے فرمایا:

جب حضرت قائم (عجل) ظہور کریں گے تو عدل و انصاف سے فیصلے کریں گے، آپ کے زمانے میں ظلم و ستم ختم ہو جائے گا، راستے پرامن ہوں گے، زمین اپنی برکات (خزانے) باہر نکال دے گی اور ہر حقدار کو اس کا حق پلٹایا جائے گا۔

?كشف الغمة: ج ۳، ص ۲۵۵

مرکزی کردار سازی کونسل مجلس وحدت مسلمین پاکستان۔