وحدت نیوز(کوئٹہ)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے صوبائی نائب صدر علامہ شیخ ولایت حسین جعفری علامہ سہیل اکبر شیرازی کے ہمراہ کوئٹہ میں ٹارگٹ کلنگ میں شہید ہونے والے پولیس اہلکار شہید سید مہدی اور شہید محمد جواد کے اہل خانہ سے تعزیت کی۔اس موقع پر گفتگو کرتے ہوئے علامہ مقصود علی ڈومکی نے کہا کہ کوئٹہ میں ٹارگٹ کلنگ کے حالیہ واقعات لمحہ فکریہ ہیں جو دھشت گردوں کے نیٹ ورک کی نشاندھی کرتے ہیں۔ ریاستی اداروں کی بنیادی ذمہ داری عوام کو تحفظ دینا ہے۔انہوں نے کہا کہ کوئٹہ میں گذشتہ کئی سالوں سے جاری ہزارہ شیعہ نسل کشی میں سینکڑوں خاندان اجڑ چکے ہیں لہٰذا ریاستی ادارے شیعہ نسل کشی کو روکیں۔انہوں نے مطالبہ کیا کہ حالیہ واقعات میں ملوث مجرموں کو بے نقاب کرتے ہوئے قاتل دھشتگردوں کو نشان عبرت بنایا جائے۔

وحدت نیوز(جیکب آباد)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے کہا ہے کہ پاکستان محبان اہلِ بیت کی سرزمین ہے۔ جو نواسہ رسول حضرت امام حسین علیہ السلام سے عشق و عقیدت رکھتے ہیں۔ یہ بات انہوں نے سٹی آف نالج پبلک اسکول جیکب آباد میں 14 اگست کے موقع پر یوم آزادی کی تقریب سے خطاب کرتے ہوئے کہی۔ انہوں نے کہا کہ ہمارے آباء و اجداد نے انگریز کی غلامی سے آزادی کے لئے قربانیاں دیں۔ ہم تحریک آزادی کے مجاہدوں اور شہدائے پاک وطن کو سلام پیش کرتے ہیں۔ انہوں نے کہا کہ طلباء و طالبات کو حصول تعلیم اور اپنی خود سازی و کردار سازی پر توجہ دینی چاہئے۔

کسی بھی قوم کی تعمیر و ترقی حصول علم و تعمیر کردار پر منحصر ہے۔ ان کا کہنا تھا کہ بابائے قوم قائداعظم محمد علی جناح اور حکیم الامت حضرت علامہ محمد اقبال رحمۃ اللہ علیہ نے برصغیر کے مسلمانوں کو غلامی سے آزادی کا راستہ دکھایا۔ ان کے افکار و تعلیمات ہمارے لئے آج بھی مشعل راہ ہیں۔ ایم ڈبلیو ایم کے رہنماء نے کہا کہ پاکستان محبان اہلِ بیت کی سرزمین ہے۔ جو نواسہ رسول حضرت امام حسین علیہ السلام سے عشق و عقیدت رکھتے ہیں۔ امام حسین علیہ السلام کا پیغام حریت و آزادی اور اغیار کی غلامی سے نجات کا پیغام ہے۔ اس موقع پر اسکول کے طلباء و طالبات نے یوم آزادی کی مناسبت سے قومی ترانا پڑھا اور ملی نغمے پڑھ کر وطن عزیز پاکستان سے اپنی محبت کا اظہار کیا۔

وحدت نیوز(اصفہان)مجلس وحدت مسلمین شعبہ اصفہان کے زیراہتمام شہید قائد علامہ عارف حسین الحسینی ؒ کی پینتیسویں برسی بعنوان افکار شہید حسینی منعقد کی گئی۔ نظامت کے فرائض حافظ ملک وسیم سجاد نے انجام دیئے جبکہ سید مقبول حسین نے تلاوت کلام مجید کی اور حافظ سلیم شیخ نے ترانہ "شہید قائد سلام تجھ پر" پیش کیا۔ اس موقع پر شہید قائد کے افکار و نظریات کو اجاگر کرنے کے لئے ذوالفقار علی سمیت مختلف تنظیمی برادران نے گفتگو کی۔ اس موقع پر سربراہ مجلس علماء شیعہ پاکستان و سیکرٹری امور خارجہ مجلس وحدت مسلمین پاکستان علامہ ڈاکٹر شفقت حسین شیرازی نے اپنے خطاب میں شہید قائد علامہ عارف حسین الحسینی کی زندگی کے مختلف پہلووں پر روشنی ڈالی۔ انہوں نے کہا کہ شہید قائد کی زندگی کا مطالعہ انسان میں انقلاب برپا کر دیتا ہے۔ شہید قائد نہ صرف پاکستان بلکہ پوری دنیا میں ایک شناخت اور مقام رکھتے تھے اور آپ کی شہادت سے پورا عالمِ اسلام متاثر ہوا ہے۔

پاکستان کے معروضی حالات پر گفتگو کرتے ہوئے ان کا کہنا تھا کہ پاکستان میں ایک شرپسند اقلیتی گروہ، جو قیامِ پاکستان کے ہی خلاف تھا، وہ آج پاکستان کا مالک بن چکا ہے۔ قائد شہید علامہ عاف حسینی ؒ نے بھی اس گروہ کا ڈٹ کر مقابلہ کیا تھا اور آج ہم سب قائد شہید کے نقش قدم پر چلتے ہوئے متحد ہیں اور ساری ملت تشیع متحد ہے، ہم دشمن کی کوئی سازش کامیاب نہیں ہونے دیں گے۔ ہم ملت تشیع کے تمام علماء و زعماء سب ایک ساتھ ہیں، اس بے بنیاد بل کو یکسر مسترد کرتے ہیں اور 16 اگست کو اسلام آباد میں منعقدہ علماء و ذاکرین کانفرنس کی بھرپور حمایت کرتے ہیں۔ انہوں نے اس کانفرنس میں تمام علماء سے بھرپور شرکت کی اپیل کی۔

وحدت نیوز(اسلام آباد)ترجمان مجلس وحدت مسلمین پاکستان نے اپنے بیان میں کہا ہے کہ متنازعہ ترمیمی ایکٹ 2021ء کی پارلیمنٹ سے منظوری کے خلاف علمائے شیعہ پاکستان کی جانب سے سولہ اگست بروز بدھ بلائی گئی ملک گیر علماء و ذاکرین کانفرنس کے انتظامات کو حتمی شکل دے دی گئی ہے، مختلف امور کی انجام دہی کے لیے تشکیل پانے والی انتظامی کمیٹیوں نے اپنی ذمہ داریاں سنبھال لیں، عظیم الشان کانفرنس میں شرکت کے لیے ملک کے چاروں صوبوں سمیت گلگت بلتستان اور آزاد جموں و کشمیر سے علماء و ذاکرین کے قافلے روانہ ہو چکے ہیں۔

انہوں نے کہا کہ ملت جعفریہ پاکستان کے تمام بزرگ علمائے کرام و اکابرین عظام کے حکم پر بلائی گئی کانفرنس میں ملک بھر سے علماء و ذاکرین کی بڑی تعداد شریک ہو گی، اس عظیم الشان کانفرنس کے توسط سے حکومت وقت اور تمام اسٹیک ہولڈرز کو یہ واضح پیغام دیا جائے گا کہ اس فرقہ وارانہ بل کو فی الفور ختم کیا جائے، یہ متنازعہ ایکٹ قرآن وسنت کے سراسر منافی اور آئین وقانون سے متصادم ہے، پاکستان بنانے میں بنیادی کردار ادا کرنے والے مسلک کے خلاف غیر منصفانہ قانون سازی ناقابل قبول ہے، پی ڈی ایم اور ان کے سرپرستوں کی جانب سے ملت جعفریہ پاکستان کے خلاف اٹھائے گئے متعصبانہ اقدامات کی شدید مذمت کرتے ہیں، چھ کروڑ عوام کے ساتھ یہ امتیازی سلوک ہرگز برداشت نہیں کیا جائے گا، یہ بل انسانی حقوق کی کھلم کھلا خلاف ورزی ہے، جسے ہم یکسر مسترد کرتے ہیں، اس حوالے سے اسلام آباد کی جانب ملک گیر عوامی مارچ کی کال کے لیے ملت جعفریہ پاکستان کے تمام بزرگ علماء و ذاکرین کرام اور ملی تنظیموں کے سربراہان کی مشاورت جاری ہے، بزرگ علماء کرام کا جو بھی حکم ہو گا اس پر پوری قوم لبیک کہے گی، شیعیان حیدر کرار کو دیوار سے لگانے کی مذموم کوششوں کو ناکام بنایا جائے گا، جس کے لیے تمام تر قانونی راستے اپنائے جائیں گے۔

وحدت نیوز(کراچی)مجلس وحدت مسلمین کے چیئرمین علامہ راجہ ناصر عباس جعفری کا شیعہ جماعتوں کے ہمراہ کراچی بھوجانی ہال میں مشترکہ پریس کانفرنس کرتے ہوئے کہنا تھا کہ ایسے کسی متنازعہ بل کو نہیں مانتے جس سے ملک میں فرقہ واریت پھیلے وطن عزیز کسی ایک مسلک کا نہیں بل وطن عزیز پاکستان میں فرقہ وارانہ نفرتیں پھیلائے گا۔مذہبی رواداری و ہم آہنگی کے خلاف متنازعہ فرقہ وارانہ بل کو منظور کروانے کی سازش کے خلاف ملک گیر احتجاج کیا جائے گا۔اسلام آباد میں منعقدہ قومی علماءوذاکرین کانفرنس میں آئندہ کے لائحہ عمل کا اعلان کیا جائے گا ،اس اجتماع میں ملک بھر سے ہزاروں علماءوذاکرین شریک ہوں گے۔

کانفرنس سے خطاب میں علامہ ناظر عباس تقوی کا کہنا تھا کہ متنازعہ بل پیش کرنے کا انداز ہی اس بل کو مشکوک بنا رہا ہے عبدالاکبر چترالی کا پیش کردہ بل خود بانی جماعت اسلامی مولانا مودودی کی فکر ، فلسفے اور تعلیمات سے متصادم ہے۔ہمارا نعرہ پاکستان کو قرفہ واریت سے بچاو ہونا چاہئے۔

ہیت آئمہ مساجد و علمائے امامیہ کے رہنما علامہ اصغر شہیدی کا کہنا تھا کہ ملت جعفریہ ہر سطح پر س بل کا راستہ روکے گی متنازعہ بل سے اہل سنت علمائے کرام کو آگاہ کریں گے۔اجلاس سے زاکرین امامیہ کے صدر علامہ نثار قلندری کا کہنا تھا کہ متنازعہ بل میں قانونی تقاضوں پورا نہیں کیا گیا اس بل کے خلاف احتجاج کے ساتھ چارہ جوئی بھی کی جائے گی۔

تنظیم عزاداری کے صدر ایس ایم نقی کا کہنا تھا کہ فرقہ وارانہ تصادم کے خلاف پوری قوم و ملت کو یکجا ہونا ہوگا متنازعہ بل کو مسترد کرتے ییں۔

جعفریہ الائنس کے رہنما شبر رضا کا کہنا تھا کہ متنازعہ بل  چور دروازے سے منظور ہوا ہے ملت جعفریہ کو دیوار سے لگانے کی سازش کی جارہی ہے  ۔ہم اس بل اور ایسے کے پس پردہ قوتوں کی مزمت کرتے ہیں ۔

کانفرنس سے خطاب میں آئی ایس او پاکستان کے سیکرٹری جنرل سروش عباس. کا کہنا تھا کہ متنازعہ بل ملکی عوام کو دستو گریباں کرنے کی سازش ہے ملکی مخدوش حالات میں یہ بل چور دروازے سے منظور کرانا سازش ہے جیسے کامیاب نہیں ہونے دیں گے۔

کانفرنس میں علامہ کامران حیدر عابدی،عباس حیدر، ثروت رضا، شمس الحسن شمسی، اختیار امام رضوی،،مولانا صادق تقوی، غیور عباس،عسکری دیو جانی،مولانا عبد اللہ مطہری، محمد اسحاق قرآتی،مولاناعقیل موسی،علامہ حیدر عباس عابدی،مولانا شیخ سلیم، ڈاکٹر شبیر فصیہی، مولانا بشیر انصاری، مولانا محسن علی محسنی، مولانا یعقوب، مولانا کاظم روحانی ،مولانا نجف علی، مولانا عقیل حسین، مولا ابراییم صابری، مولانا موسی علی، مولانا حمید الحسینی، مولانا عباس کمیلی، مولانا اشرف کاشفی، مولانا بشیر رجائی، مولانا عامر زیدی، مولانا بحرام، مولانا تکبیر بخاری، مولانا نذیر جنتی، مولا علی طاہری، مولانا ایوب صابری، مولانا ظہیر، مولانا رضا جعفری، مولانا بلاول فائزی، مولانا موسیٰ علی، مولانا علی افضال رضوی، مولانا سید انصار حسین، مولانا محمد علی، مولانا خادم حسین، مولانا محمد عباس جبکہ مجلس وحدت مسلمین کے مرکزی رہنما علامہ احمد اقبال رضوی، علامہ باقر عباس زیدی، علامہ مختار امامی، مولانا شیخ صادق، مولانا ملک غلام عباس، مولانا حیات عباس نجفی، مولانا نشان حیدر ،علامہ مبشر حسن، مولانا مدد علی ،مولانا ظہیر حسین، مولانا عالم جان ،ذوالفقار علی بھٹو، زین رضا، احسن عباس، کلیم زیدی، سبط اصغر، امتیاز عباس، حسن رضا ، قیصر رضا جعفری، فیض اقبال سمیت دیگر شخصیات ماتمی انجمنیوں، مساجد امام بارگاہوں کے ٹرسٹیز حضرات و شخصیات موجود تھیں۔

وحدت نیوز(کراچی)لمجلس ویلفیئر آرگنائزیشن شعبہ فلاح وبہبود مجلس وحدت مسلمین ضلع ملیر اور خدیجتہ الکبریٰ فاؤنڈیشن پاکستان کے باہمی اشتراک سے ایک روزہ فری میڈیکل کیمپ الزہرؑ ا  میڈیکل سینٹر غازی ٹاؤن ملیر میںلگایا گیا جس میں مختلف امراض کے ماہر لیڈیز اور جینٹس ڈاکٹرز نے 700 کے قریب مریضوں کا بلاتفریق مذہب ومسلک، رنگ ونسل مفت طبی معائنہ کیا اور انہیں ادویات بھی فراہم کیں جبکہ وژن لیب کی جانب سے سینکڑوں مریضوں کے شوگر اور کولسٹرول کے مفت ٹیسٹ بھی کیئے گئے۔ مریضوں کی جانب سے مہنگائی کے اس بدترین دور میں ایک مرتبہ پھرضرورت مندوں کیلئے اس فری میڈیکل کیمپ کے انعقاد پر منتظمین کیلئے خصوصی دعائیں کی گئیں، اس موقع پر مختلف نجی نیوز چینلز کے صحافی اور کیمرہ مین حضرات نے بھی کیمپ کادورہ کیا اور خصوصی کوریج کی۔