وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ایم ڈبلیو ایم سندھ کے صوبائی سیکرٹری اطلاعات سید علی احمر زیدی کے بھائی کے انتقال پر دلی رنج وغم کا اظہار کرتے ہوئے اسے غمزدہ خاندان کے لیے ناقابل تلافی نقصان قرار دیا ہے۔ انہوں نے کہا کہ اظہر زیدی کی اچانک رحلت کا صدمہ ناقابل برداشت ہے۔مجلس وحدت مسلمین کے قائدین و اراکین سوگوار خاندان کے غم میں برابر کے شریک ہیں۔ انہوں نے مرحوم کی بلندی درجات اور پسماندگان کے لیے صبر جمیل کی دعا کی ہے۔

وحدت نیوز (مظفرآباد) سیکرٹری جنرل مجلس وحدت مسلمین آزادجموں وکشمیر علامہ سید تصور حسین نقوی الجوادی سے سیکرٹری جنرل مجلس وحدت مسلمین ضلع جہلم ویلی ہٹیاں بالا سید عاطف حسین ہمدانی کی وفد کے ہمراہ ملاقات۔ ملاقات میں ریاستی سیکرٹری جنرل کو ہٹیاں بالا کے اسیر مومنین کے کیس کی صورتحال سے آگاہ کیا گیا جس پر ریاستی سیکرٹری جنرل نے کہا کہ ملت کے جو لوگ اعلی عہدوں پر فائز ہیں انہیں علی بن یقطین کا کردار ادا کرتے ہوۓ ملت کے مجبور و نادار اور اسیر افراد کی خدمت کرنی چاہیے۔اس موقع پر علامہ جوادی نےنہایت تشویش کا اظہار کرتے ہوئے کہا کہ آخر کیا وجہ ہے کہ قانون نافذ کرنے والے ادارے توہین اہلبیت خصوصاً توہین امام زمانہ عج کے مرتکب افراد کے خلاف درجFIRکے ملزمان کو گرفتار کرنے میں ابھی تک ناکام ہیں۔

انہوں نے کہا کہ یہ عمل بھی باعث تشویش ہے کے واضح تاریخی شواہد ہونے کے باوجود عدلیہ نے نوجوانوں کی ضمانتیں مستردکردی۔انہوں نے مزید کہا کہ ملت تشیع چودہ سو سال سے پابندسلاسل بھی رہی قتل بھی ہوئی گولیاں بھی کھائیں شمشیر و سنا کا نشانہ بھی بنی لیکن نہ اس قوم کو دبایا جاسکا ہے نہ اس سے کبھی باطل کی اطاعت کروائی جاسکتی ہے۔

 علامہ سید تصور حسین نقوی الجوادی نے مزید کہا کہ ہم نے سرزمین کوئٹہ میں سو سے زیادہ لاشیں اٹھائیں لیکن ایک پتا تک نہیں توڑا اسی طرح سانحہ بابوسر ٹاپ ,سانحہ چلاس اور دیگر مختلف سانحات میں ملت نے باوقار احتجاج کیا لیکن نہ قومی املاک کو نقصان پہنچایا نہ ہی اورکسی کا نقصان کیا۔انہوں نے کہا کہ جو حملہ فروری 2017 میں ان پر کیا گیا تھا اس کا منصوبہ یہ تھا کہ یہاں خطے کے امن کو سبوتاژ کیا جائے یہاں کی شیعہ سنی عوام کو باہم دست و گریبان کردیا جائے لیکن میں سلام پیش کرتاہوں کشمیری ملت کو دونوں طرف کے علماء اور زمہ داران کو جنھوں نے حالات کو کنٹرول میں رکھااورکسی بھی شخص کوقانون ہاتھ میں لینے کی اجازت نہیں دی لیکن اب جو موجودہ صورتحال پیدا ہوچکی ہے یہ ہمیں شدت پسندی کی طرف مائل کر رہی ہے کہیں ایسا نہ ہو کہ ابھی تک تو ہم صبر سے کام لے رہے ہیں لیکن دلیل و برہان سے کام نہ چلا تو عملی میدان میں بھی آنے کے لیے ہم تیار ہیں۔ ہمہاری امن پسندی کو ہماری کمزوری نہ سمجھا جائے۔ وفد میں سید عاطف ہمدانی کے ہمراہ سید شجاعت علی ہمدانی, سید ابرار حسین ہمدانی, سید تنویر حسین اور سید اسد ہمدانی شامل تھے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹریٹ کے انچارج ارشاد حسین بنگش نے مجلس وحدت مسلمین میڈیا سیل کے رُکن سید وسیم حسین کے ماموں کے انتقال پر افسوس کا اظہار کیا ہے۔انہوں نے کہا کہ مرکزی سیکرٹریٹ کے تمام کارکن سوگوار خاندان کے غم میں برابر کے شریک ہیں۔

انہوں نے مرحوم کی بلندی درجات اور پسماندگان کے لیے صبر جمیل کی دعا کی ہے۔دریں اثنا مجلس وحدت مسلمین کے مرکزی قائدین اور میڈیا سیل کے کارکنوں نے بھی وسیم عباس سے تعزیت کا اظہار کیا ہے۔سید وسیم عباس کے ماموں اتوار کے روز کورونا وائرس کے باعث انتقال کر گئے تھے۔ ان کی تدفین ان کے آبائی علاقے پشاور میں کر دی جائی گی۔

وحدت نیوز (اسلام آباد) مجلس وحدت مسلمین پاکستان کے مرکزی ترجمان مقصود علی ڈومکی نے کہا ہے کہ 23 تا 27 رمضان المبارک ھفتہ نزول قرآن کریم منانے کا مقصد اس کتاب الہیٰ سے اپنے تعلق کو مزید مضبوط بنانا ہے۔ قرآن کریم اللہ کی کتاب اور ہدایت انسانی کا جامع دستور ہے۔ جس پر عمل پیرا ہو کر انسان دنیا اور آخرت کی سعادت اور کامیابی حاصل کرسکتا ہے۔

 ماہ مبارک رمضان نزول قرآن کریم اور بہار قرآن کا مہینہ ہے اس لیے ہمیں اس مبارک مہینے کے آخری عشرے میں تلاوت قرآن کریم اور قرآن فہمی پر بھرپور توجہ دینی چاہیے۔ انتہائی افسوس کی بات ہے کہ آج بھی مسلمان معاشرے میں قرآن کریم پر درست توجہ نہیں دی گئی ہے۔ انسانی سعادت عروج اور سربلندی قرآن کریم سے تمسک اور قرآن کریم پر عمل کرنے میں ہے۔

انہوں نے کہا کہ قائد شہید علامہ سید عارف حسین الحسینی نے 23 تا 27 رمضان المبارک کو ہفتہ نزول قرآن کا اعلان کیا تھا قائد شہید کے فرمان کے پیش نظر پوری ملت ھفتہ نزول قرآن کے موقع پر تلاوت قرآن کریم کے ساتھ ساتھ  قرآن فہمی کے حوالے سے خصوصی تقریبات کا اہتمام کرے۔