وحدت نیوز(کراچی) مجلس وحدت مسلمین کے زیر اہتمام کراچی،اسلام آباد، لاہور، کوئٹہ، پشاور، ملتان، آزادکشمیر اور گلگت بلتستان سمیت ملک کے مختلف شہروں میںیوم القدس کے موقع پر ریلیاں نکالی گئیں اور مظاہرے کیئے گئے۔ جن کا مقصد کشمیر، فلسطین اور یمن سمیت دنیا بھر کے مظلوموں کی حمایت اور طاغوتی طاقتوں سے نفرت و بیزاری کا اظہار کرنا تھا۔ریلیوں کی قیادت ایم ڈبلیو ایم کے مرکزی و صوبائی قائدین نے کی۔کراچی میں مرکزی احتجاجی مظاہرہ جامع مسجد نورایمان کے باہر بعد نماز جمعہ منعقد کیا گیا ۔ مظاہرے میں ایس او پیز پر پوری طرح عمل کرتے ہوئے شرکاء نے ضروری فاصلہ برقرار رکھا۔

مظاہرےکے شرکاء نے بینرز اور پلے کارڈ اٹھا رکھے تھے جن پر اسرائیل، امریکہ اور بھارت کے خلاف نعرے درج تھے۔شرکاء نے استکباری قوتوں کے خلاف  فلک شگاف نعرے بھی لگائے۔اس موقعہ پر امریکی ، اسرائیلی اور بھارتی پرچم بھی نذر آتش کیے گئے۔مظاہرین سے خطاب کرتے ہوئے ایم ڈبلیوایم کے رہنما علامہ باقرعباس زیدی، علامہ باقرعباس زیدی ،علامہ صادق جعفری، علامہ مبشر حسن،میر تقی ظفر، علامہ علی انور جعفری،علامہ غلام عباس کمیلی، علامہ ملک غلام عباس ودیگر رہنماؤں نے کہاکہ القدس مسلمان حکمرانوں کی ہمدردیاں جانچنے کا بہترین پیمانہ ہے۔جن مسلم حکمرانوں کے دل میں اسلام کا درد ہے وہ قدس پر بے چین و بے قرار ہیں اور جو مسلمان قبلہ اول پر طاغوتی قبضے سے لاتعلقی ظاہر کر رہے ہیں انہوں نے محض اسلام کا لبادہ اوڑھ رکھا ہے۔ان کے دل یہود ونصاریٰ کے لیے دھڑکتے ہیں۔

انہوں نے کہا کہ فلسطین، کشمیر اور یمن سمیت دنیا بھر کے مظلومین کے لیے آواز بلند کرنا ہم سب کی شرعی اوراخلاقی ذمہ داری ہے۔قدس سے ہماری روح ہماری سانس کا رشتہ ہے۔القدس پر مسلمانوں کا حق ایک اٹل حقیقت ہے جسے کوئی بھی باشعور انسان جھٹلا نہیں سکتا۔مسئلہ فلسطین پر خاموشی صیہونیت کو تقویت دینے کے مترادف ہے۔امسلمانوں کے قبلہ اول پر صیہونیوں کے قبضے کے خلاف آج پوری دنیا میں آواز بکند ہو رہی ہے۔ کشمیر و فلسطین کا تنازع محض کسی زمین کے ٹکڑے کے حصول کے لیے نہیں بلکہ ایک تاریخی حقیقت کو جھٹلانے اور نہتے مسلمانوں پر یہود و ہنود کی ظالمانہ کارروائیوں کی راہ میں رکاوٹ بننےکے لیے ہے۔عالم اسلام کو دنیا بھر کے مظلومین کی حمایت میں دو ٹوک موقف اختیار کرنا ہو گا۔

انہوں نے کہا یہ امر انتہائی افسوس ناک ہے کہ آج کشمیر،فلسطین،یمن اور بحرین سمیت ہر طرف صرف مسلمانوں کا لہو بہہ رہا ہے۔مسلمانوں نے اپنی عملی زندگی میں اللہ تعالیٰ کی اطاعت کی بجائے دنیاوی خداؤں کی پیروی شروع کر رکھی ہے ۔عالم اسلام کی بربادی کی اصل وجہ یہی ہے۔انہوں نے کہا حق وباطل کے جدا جدا ہونے کا اب وقت آگیا ہے۔عالم اسلام کو اب ایک دوسرے کا بازو بننا ہو گا۔ امت مسلمہ کی مشکلات پر خاموش تماشائی کا کردار ادا کرنے والے مسلمان حکمرانوں کو تاریخ کبھی معاف نہیں کرے گی۔انہوں نے کہ قبلہ اول پوری مسلمہ امہ کا مشترکہ مسئلہ ہے اس ہر عالم اسلام کو یک زبان ہونا ہو گا۔

وحدت نیوز (کراچی) مجلس وحدت مسلمین ضلع جنوبی کراچی کے جنرل سیکریٹری حسن رضا نے اپنے ایک بیان میں کہا کہ مسلمانوں پر آج تک جتنی جنگیں مسلط کی گئیں اس کا بنیادی مقصد اسرائیل کو محفوظ کرنا تھا ۔ امریکہ اور اس کے حواری ممالک نے نیابتی جنگوں کو چھیڑ کر مسلمانوں کو غاصب اسرائیل کے اصل مسئلہ سے دور کرنے کی دانستہ سازش کی ہے ۔ تاہم امام خمینی کی بابصیرت قیادت کے باعث ہر سال مظلومین جہاں یوم القدس کے دن اسرائیل کو بے نقاب کرتے ہیں ۔

 انہوں نے کہا کہ ظالم امریکہ اور اس کے حواری ممالک نے جہاں اسرائیل کی پشت پناہی کررکھی ہے وہی عرب ممالک کے حکمران بھی اسرائیلی کاسہ لیسی میں مسلسل مصروف ہیں ۔ اسرائیل کی خواہش ہے کہ اسلامی دنیا اسے تسلیم کرلے اور پاکستان سمیت دنیا کے اہم اسلامی ممالک کے ساتھ اس کے سفارتی تعلقات بحال ہوجائے مگر عالم اسلام کی غیور عوام فلسطینیوں کی حامی ہیں اور ظالم اسرائیل کے وجود کو کبھی تسلیم نہیں کرے گی ۔

انہوں نے کہا کہ کرونا وائرس کی وباء کے دوران روایتی انداز سے یوم القدس اگرچہ نہیں منایا جارہا ہے تاہم پھر بھی پاکستان کی عوام کا اسرائیل کے خلاف سوشل میڈیا پر اظہار نفرت کا سلسلہ مسلسل جاری ہے اور ہر سال کی طرح اس مرتبہ بھی رہبر معظم سید علی خامنہ ای کی قیادت میں مسلم امہ فلسطینیوں سے اظہار یکجہتی کا عالمی پیغام امن دشمن طاقتوں کو دینے میں کامیاب رہے گی ۔

 انہوں نے کہا کہ مقتدر عالمی قوتیں اسرائیل کی حفاظت اور کرونا وائرس کی حالیہ فضاء کے دوران نیو ورلڈ آرڈر دنیا پر مسلط کرنا چاہتی ہے ۔ انہوں نے کہا کہ شہید قاسم سلیمانی کے خون کے باعث عالم اسلام بیدار ہورہا ہے ۔ اب وہ دن دور نہیں جب رہبر معظم جہاں کی پیش گوئی یقینی ہوگی اوراسرائیل نیست و نابود ہوگا ۔

وحدت نیوز(ملتان) علامہ اقتدار حسین نقوی کی ایس ایس پی انوسٹی گیشن سے ملاقات، القدس ریلی کے انتظامات فائنل ۔علامہ اقتدار حسین نقوی کا کہنا تھا کہ ہم اس ملک اور اس کے قانون کے محافظ ہیں ، ہم قانون شکن نہیں ہیں ، یوم القدس کی منظم ریلی فلسطینی اور کشمیری مسلمانوں کے ساتھ اظہار یکجہتی ہوگا۔ ریلی نماز جمعہ کے بعد امام بارگاہ شاہ یوسف گردیز سے شروع ہوگی اور گھنٹہ گھر چوک پر اختتام پذیر ہوگی۔ اسلام ٹائمز۔ مجلس وحدت مسلمین کے وفد کی صوبائی سیکرٹری جنرل علامہ اقتدار حسین نقوی کی قیادت میں یوم القدس کے سلسے میں ایس ایس پی انوسٹی گیشن ملتان ربنواز تلہ سے ملاقات۔

ملاقات کے دوران ملتان میں ہونے والی القدس ریلی کے انتظامات کو حتمی شکل دی گئی۔ اس موقع پر مجلس وحدت مسلمین کے سیکرٹری سیاسیات مہر سخاوت علی اور صوبائی ترجمان ثقلین نقوی کے علاوہ آئی ایس او ملتان کے صدر شہریار حیدر، عاطف حسین ، شعیب جعفری اور شیعہ علما کونسل کے رہنما باقر علی اور علی سجاد نقوی بھی موجود تھے۔ ملاقات کے دوران طے پایا  کہ ریلی میں بچے، بزرگ اور خواتین شریک نہیں ہوں گی۔ ملتان کی مرکزی ریلی حسب سابق تحریک آزادی القدس کے پلیٹ فارم سے امام بارگاہ شاہ یوسف گردیز سے گھنٹہ گھر تک نکالی جائے گی۔

انتطامیہ نے تعاون کی یقین دہانی کراتے ہوئے کہا کہ حالات کو مدنظر رکھتے ہوئے حکومتی ایس او پیز پر عملدرآمد کیاجائے، اس موقع پر علامہ اقتدار حسین نقوی کا کہنا تھا کہ ہم اس ملک اور اس کے قانون کے محافظ ہیں ، ہم قانون شکن نہیں ہیں ، یوم القدس کی منظم ریلی فلسطینی اور کشمیری مسلمانوں کے ساتھ اظہار یکجہتی ہوگا۔ ریلی نماز جمعہ کے بعد امام بارگاہ شاہ یوسف گردیز سے شروع ہوگی اور گھنٹہ گھر چوک پر اختتام پذیر ہوگی۔

وحدت نیوز(کراچی)مجلس وحدت مسلمین سندھ سیکریٹریٹ سولجر بازار میں شب 27رمضان المبارک کی مناسبت سے ایس او پیز کو مدنظر رکھتے ہوئے مختصر پیمانے پراعمال منعقد کئے گئے ۔ اس موقع پر درس سے خطاب کرتے ہوئے شہید قائد علامہ عارف حسین الحسینی کے ساتھی اور مجلس وحدت مسلمین کے مرکزی رہنما ء علامہ مرز ا یوسف حسین نے ’قرآن کی اہمیت ‘ پر گفتگو کرتے ہوئے کہا کہ قرآن مجید کی تلاوت کا اجر ماہ رمضان میں بہت زیادہ ہے ۔ تاہم قرآن مجید کو سمجھ کر پڑھناچاہیئے ۔ مسلمانوں کی نجات قرآن سے وابستگی میں ہے ۔

انہوں نے بتایا کہ شہید قائد علامہ عارف حسین الحسینی نے 22 تا 27 رمضان المبارک کو ہفتہ قرآ ن کے عنوان سے متعارف کروایا اور شیعہ اور سنی مکتب فکر کو اس کے ذریعے قرآن فہمی پر اکٹھا کیا ۔ تاہم شہید قائد کے دیگر اقدامات کی طرح اس عمل کو بھی پس پشت ڈال دیا گیا ہے ۔ انہوں نے کہا کہ شہید قائد علامہ عارف حسینی عظیم رہنماء تھے ۔ ان کے بعد اب تک ایسا لیڈر ہ میں میسر نہیں ہوا ۔ علامہ مرزا یوسف حسین نے کہا کہ قیادت دنیا کے لئے نہیں بلکہ صرف اللہ کے لئے ہونی چاہیئے ۔ انہوں نے کہا کہ شیعہ قوم کا امتیاز یہ ہے کہ وہ اچھے کو اچھا اور برے کو برا کہتی ہے ۔

 علاوہ ازیں انہوں نے یوم القد س کے حوالے سے گفتگو کرتے ہوئے کہا کہ مقبوضہا بیت المقدس میں اسرائیل کے سالوں کے ظلم و ستم کے باوجود تحریک آزادی القدس روز بروز ترقی کررہی ہے ۔ تاہم اسلامی دنیا بالخصوص عرب ممالک کے حکمرانوں کے غاصب اسرئیل سے خیانت پر مبنی تعلقات فلسطین کاز کے لئے نقصان کا باعث ہیں ۔ ایسے وقت میں مسلم عوام کی ذمہ داری ہے کہ قدس کی آزادی کے لئے سال بھر بالعموم اور جمعتہ الوداع کے روز اسرائیل سے بیزاری اور فلسطینی عوام سے اظہار یکجہتی کو فرض سمجھ کر انجام دیں ۔

 دریں اثنا ء قرآن کے اعمال اور دعائے جوشن کبیر کی تلاوت برادر شبیر حسینی نے کی ۔ اس موقع پر سحری کا اہتمام کیا گیا ۔ پروگرام میں   سابق رکن سندھ اسمبلی ریٹائرڈ میجر قمر عباس رضوی ،ایم ڈبلیو ایم ضلع سینٹرل کے ڈپٹی جنرل سیکریٹری مولانا ملک غلام عباس  اور ایم ڈبلیو ایم کے ذمہ داران اور کارکنان نے شرکت کی۔ پروگرام کے اختتام میں برادر احمر کے بھائی اور علامہ امین شہیدی کے بھائی اور تمام مرحومین کے لیے فاتحہ خوانی گئی۔