The Latest
وحدت نیوز (سکھر) مجلس وحدت مسلمین پاکستان کے مرکزی سیکریٹری امور سیاسیات سید ناصرعباس شیرازی نے سکھر میں پریس کانفرنس کرتے ہوئے کہاکہ ملٹری کورٹس کی مخالف سیاسی جماعتیں ہی پاکستان میں قانون کی بالا دستی میں سب سے بڑی رکاوٹ ہیں ، سول عدالتیں سفاک دہشت گردو ں کو تختہ دار تک پہنچاتیں تو ملٹری کورٹس کے قیام کا فیصلہ نہ کیاجاتا،نازک حالات اہم فیصلوں کا تقاضہ ک رہے ہیں ، شیعہ پاکستان کی ایک تاریخی اور نا قابل فراموش حقیقت ہیں، پاکستان میں موجود پانچ کروڑ شیعہ سیاسی اور اجتماعی حقوق رکھتے ہیں ، طالبان سے مذاکرات کے حامی نہ فقط شیعہ بلکہ اہل سنت بھائیوں کے قاتلوں کے بھی حامی ہیں ، شیعہ سنی وحدت نے تکفیریت کے پیروں تلے زمین کھنچ لی ہے، ،اب ہم ان کو بتائیں گے سیاسیات کیا ہوتی ،سمیع الحق، فضل الرحمن، مولوی عبد العزیز، منورحسن اینڈکمپنی سب بیت اللہ محصود کو شہید کہتے ہیں، سانحہ پشاور پر بھی ان طالبان نواز ملاؤں نے بے گناہ شہیدوں کے مقابل سفاک طالبان کی حمایت کی،پاکستان میں داعش کی کمان بھی انہی طالبان کے حامیوں کے ہاتھ میں ہے،پاکستان شیعہ قائد اعظم محمد علی جناح اور سنی علامہ محمد اقبال اورانکی اولادوں نے بنایا تھا اور بچا رہے ہیں، جن کے اجداد نے کانگریسیوں کی گود میں بیٹھ کر پاکستان کے قیام کی مخالفت اور قائد اعظم کو کافر اعظم جیسے نا زیبا الفاظ سے پکارا آج وہ دفاع پاکستان کے ٹھیکیدار بنے پھر رہے ہیں ،سید ناصر عباس شیرازی نے گلگت بلتستان کے حوالے بات کرتے ہوئے کہاوہاں پر ایم ڈبلیو ایم مضبوط پارٹی ہے اور شیعہ ،سنی ،اسماعیلی اور نوربخشی ایم ڈبلیو ایم کے ٹکٹ سے الیکشن لڑیں گئے یہ ایک بڑی کامیابی ہے،اب تمام سیاسی جماعتوں پر پریشر ہے اوریہ پریشر برقرار رہے گا۔
ایم ڈبلیو ایم کے مرکزی سیکرٹری سیاسیات سید ناصر عباس شیرازی نے سکھر میں دو دن کا دورہ مکمل کرنے کے بعد ضلعی کابینہ کے ہمراہ پریس کانفرنس کی جسمیں میڈیا کے علاوہ وکلاء اور سول سوسائٹی کے لوگ بھی شامل تھے۔اُنہوں نے اپنے دو روزہ دورے کے دوران آئی ایس او پاکستان کے مرکزی کیمپ کوٹ ڈی جی میں خطاب کیا، جامعہ امام علی ؑ میں ایم ڈ بلیوایم کے کارکن سے ملکی حالات پر بات چیت کی،ضلع خیر پور میں شہید علامہ شفقت عباس کی رہائش گاہ پر فاتحہ خوانی کی، شہید عباس علی کی رہائش گاہ پر بھی اُن کی فاتحہ خوانی کی، رانی پور میں دینیات سنٹر کا وزٹ کیا اور ایم ڈبلیو ایم کے کارکنان سے خطاب کیا اور مدرسہ ولی العصر سکھرمیں بھی گے ان دورہ جات میں علامہ غلام شبیربخاری اورضلع خیرپور کے سیکرٹری جنرل آغا منور جعفری بھی ہمراہ تھے ۔
وحدت نیوز(کراچی) 2014ء کے سال کے اختتام پر ملک بھر میں شیعہ نسل کشی کے واقعات میں 311افراد شہید ہوگئے۔ تفصیلات کے مطابق دہشت گردی کے دیگر واقعات نے جہاں بے گناہ معصوم افراد کی جانیں لی وہیں شیعہ نسل کشی کے واقعات میں بھی ملک بھر میں 311افراد منصب شہادت پر فائز ہوئے۔ سب سے زیادہ ٹارگٹ کلنگ کے واقعات کراچی میں پیش آئے جہاں مختلف واقعات میں 141افراد دہشت گردوں کی فائرنگ کا نشانہ بنے، کوئٹہ میں51افراد کو نشانہ بنایا گیا، پشاور میں 24افراد دہشت گردی کا شکار ہوئے، تفتان بارڈر پر 23، پاراچنار میں 11، کوہاٹ میں 14، ڈیرہ اسماعیل خان میں 9، ہنگو میں 9، خیرپور، اورکزئی ایجنسی اور رحیم یار خان میں 3 , 3 افراد ، ایبٹ آباد، فیصل آباد، حیدرآباد اور مستونگ میں 2 , 2 افراد جبکہ اٹک، گجرات، ہالا ناکہ، حسن ابدال، اسلام آباد، خانیوال، لاہور، ملتان ، پنج گڑھ، راجن پور، شکار پور اور ٹانک میں 1 , 1فرد نے جام شہادت نوش کیا۔ دہشت گردوں کی بربریت کا نشانہ بننے والوں میں 138طلباء، 63بزنس مین، 7 علمائے کرام، 7ڈاکٹرز، 4پروفیسرز، 5وکیل، 7انجینئرز، 3بینکر اور 77مختلف شعبہ ہائے زندگی سے تعلق رکھنے والے افراد شامل ہیں۔ ٹارگٹ کلنگ کے ماہانہ واقعات پر اگر نظر دوڑائی جائے تو ملک بھر میں جنور ی کے مہینے میں 52 افراد شہید ہوئے، فروری میں 34، مارچ میں 21، اپریل میں 25، مئی میں 24، جون میں 34، جولائی میں 20، اگست میں 13، ستمبر میں 17، اکتوبر میں 37، نومبر میں 22اور دسمبر کے مہینے میں 12افراد شیعہ ٹارگٹ کلنگ کے واقعات کا نشانہ بنے۔
مجلس وحدت مسلمین کے مرکزی سیکریٹری اطلاعات سید محمدمہدی ے ملک میں بڑھتی ہوئی شیعہ ٹارگٹ کلنگ پر تشویش کا اظہار کرتے ہوئے کہا ہے کہ نواز حکومت نے دہشت گردوں کی حمایت کی تمام تر سرحدیں پار کردی ہیں، ملک میں بڑھتی ہوئی شیعہ ٹارگٹ کلنگ اس بات کا ثبوت ہے کہ تکفیری دہشت گرد دندناتے پھر رہے ہیں جن کو لگام دینے والا کوئی نہیں، ایسے میں ضرورت اس امر کی ہے کہ آپریشن ضرب عضب کا دائرہ کار پورے ملک میں پھیلایا جائے اور ان کالعدم جماعتوں ، مدارس اور سیاسی عناصر کے خلاف بھی آپریشن کیا جائے کہ جو ملک میں بے گناہ افراد کے قتل عام یا پھر تکفیر کے فتوے دینے میں ملوث ہیں تاکہ وطن عزیز کو امن کا گہوارہ بناکر قائداعظم کے خواب کو شرمندہ تعبیر کیا جاسکے۔
وحدت نیوز(کو ئٹہ) مجلس وحدت مسلمین کوئٹہ ڈویثرن سے جا ری کر دہ بیان میں ڈویژنل سیکریٹری جنرل سید عباس علی موسوی نے عدا لت کی جا نب سے کونسلر کربلائی رجب علی کے حق میں دےئے جا نے والے فیصلے کا خیر مقدم کر تے ہوئے کہا ہے کہ ایم ڈبلیوایم علاقے میں بلا امتیا ز عوا م کی خد مت پر یقین رکھتی ہے اور اس سلسلے میں عوامی مسا ئل کے حل کیلئے ہر ممکن کو شش کی جا ئے گی ہما ری کو شش ہے کہ علاقے کے عوام کے درمیان محبت اور بھائی چارے کی فضاء کو قا ئم رکھتے ہوئے عوام کے درمیان کسی بھی طرح دوریاں پیدا کرنے کی اجا زت نہیں دی جا ئیں گی پا رٹی محبت اور بھائی چارے کے فلسفے پر قا ئم ہے جسکا کئی مو اقع پر عملی مظا ہر ہ بھی کیا ہے اجتما عی شا دیوں کے پر وگر ام میں جسمیں شیعہ ،سُنی جو ڑوں کی شرکت نے علاقے میں امن بھائی چارے اور دوستی کی ایک نئی مثا ل قا ئم کی ہے جس کو بر قرار رکھنے کیلئے مزید کو ششوں کی ضرورت ہیں مجلس وحدت مسلمین پورے پاکستان میں اتحاد بین المسلمین کیلئے مسلسل جد و جہد کر رہی ہیں ا س حوالے سے 12 تا 17 ربیع اول کو ہفتہ وحدت کے عنوان سے منا یا جا تا ہے ۔انہوں نے مذیدکہ جس طرح عوامی رائے کو تبدیل کرنے کی کو شش کی گئی اُس سے علاقے کے عوام کے درمیان بے چینی پائی جا تی تھی لیکن عدا لت کی جانب سے بر وقت فیصلے کی وجہ سے علاقہ عوام میں خو شی کی لہر چل پڑی ہے۔
وحدت نیوز (اسلام آباد) مجلس وحدت مسلمین پاکستان کے سربراہ علامہ راجہ ناصر عباس جعفری اور سنی اتحاد کونسل پاکستان کے چئیرمین صاحبزادہ حامد رضا نے مجلس وحدت مسلمین پاکستان کے مرکزی سیکرٹریٹ میں مشترکہ پریس کانفرنس سے خطاب کیا پریس کانفرنس سے خطا ب میں علامہ راجہ ناسر عباس جعفری کا کہنا تھا کہ دہشتگردی کا عفریت نے پوری قوم کو جکڑ کر رکھا ہوا ہے، سانحہ پشاور نے ہر ذی الشعور کا دل گھائل کردیا ہے، دہشتگردی کی اس جنگ میں ہم نے 70ہزار سے زائد قربانیاں دی ہیں لیکن دہشتگرد اب بھی دندناتے پھر رہے ہیں جب کہ شہدا کے ورثاء اپنے عزیزوں کے ناحق خون کا قصاص لینے کا مطالبہ دہرا رہے ہیں ۔انہوں نے کہا کہ قومی سیاسی قیادت تاحال اس کا مقابلہ کرنے کیلئے سنجیدہ دکھائی نہیں دے رہی، ملٹری کورٹس کے قیام کا فیصلہ خوش آئند ہے لیکن کچھ سیاسی جماعتیں چوبیس دسمبر کو کیے جانے والے فیصلے سے باغی دکھائی دے رہی ہیں ۔ ہم سمجھتے ہیں اس باغی پن کی وجوہات یہی ہیں کہ دہشگرد انہیں سیاسی جماعتوں کی بغل میں بیٹھے ہیں اور یہ جماعتیں انہیں ٹول کے طور پر استعمال کرتی ہیں، سپریم کورٹ کا کراچی بدامنی سے متعلق فیصلہ سب کے سامنے ہے جس میں سپریم کورٹ نے واضح طور پر کہا ہے کہ سیاسی جماعتوں نے مسلح ونگ قائم کیے ہوئے ہیں جو ٹارگٹ کلنگ میں ملوث ہیں، ہم سمجھتے ہیں جو جماعتیں ملٹری کورٹس کی مخالفت کررہی ہیں انہیں نظر آرہا ہے کہ ان کے یہ ونگ ختم ہونے والے ہیں علامہ راجہ ناصر کا کہنا تھا کہ ہم ملٹری کورٹس کے قیام کے فیصلے کو ناصرف ویلکم کرتے ہیں بلکہ مطالبہ کرتے ہیں فی الفوری ان کورٹس کا قیام کیا جائے کہ تاکہ طالبان اور دیگر دہشتگرد گروہوں کو ختم کیا جائے سکے اور سزا کا قانون لاگو ہوسکے۔ ہم اس بات پر بھی تشویش کا اظہار کرتے ہیں کہ پھانسی کی سزاوں پر عمل پھر سے سست ہوگیا ہے اور یہ تاثر بڑھتا جارہا ہے کہ افواج پاکستان پر حملے کرنے والوں کو تو لٹکایا جارہا ہے لیکن عوام کے قاتلوں پر سستی برتی جارہی ہے۔اس ایشوپر مجلس وحدت مسلمین اور سنی اتحاد کو نسل کا ایک ہی موقف ہے۔
پریس کانفرنس سے خطاب میں سنی اتحاد کونسل پاکستان کے چئیر مین صاحبزادہ حامد رضا نے کہا کہ ماہ ربیع الاول شروع ہوچکا ہے تو ہم اعلان کرتے ہیں کہ شیعہ سنی ملکر کر پورے ملک میں بارہ تا سترہ ربیع الاول ہفتہ وحدت منائینگے ، اس پورے ہفتے میں مشترکہ اجتماعات کرینگے ، ریلیوں میں شرکت کرینگے اور عظیم وحدت کا پیغام دینگے، ہم تمام مکاتب فکر کو دعوت دیتے ہیں کہ وہ ان اجتماعات میں شرکت کرکے عملی وحدت کا مظاہرہ کریں اور دشمن کی سازش کو ناکام بنا دیں۔ ملک بھر میں شیعہ سنی متحد ہیں، کوئی فرقہ واریت نہیں ہے، چند مٹھی بھرتکفیری سوچ کے حاملے افراد ملک کے امن کو غارت کرنا چاہتے ہیں جنہیں ہم اپنے اتحاد سے ناکام بنا دیں گے انہوں نے کہا کہ ہم حکومت وقت سے مطالبہ کرتے ہیں فوری طور پر نام تبدیل کرکے کام کرنے والی کالعدم جماعتوں پر پابندی عائد کی جائے اور ان کے سرگرمیوں کوختم کرایا جائے۔ الیکشن کمیشن سے بھی مطالبہ کرتے ہیں کہ ایسی جماعتوں کی رجسٹریشن ختم کی جائے۔وہ مدارس جو دہشتگردی میں ملوث ہیں انہیں فوری طور پر بند کیا جائے، بیرونی فنڈنگ کو روکا جائے، عالمی سامراج کیلئے کام کرنے والی این جی اوز کو بھی بند کیا جائے۔
وحدت نیوز (اسلام آباد) لاہور اور کراچی میں پےدرپے آتشزدگی کے خوفناک سانحات پر اپنے درعمل کا اظہار کرتےہوئے مجلس وحدت مسلمین پاکستان کے سربراہ علامہ ناصرعباس جعفری نے کہا ہے کہ کراچی ٹمبر مارکیٹ اور لاہور انارکلی مارکیٹ میں ہولناک آتشزدگی کے واقعات ریاستی اداروں کی غفلت اور لاپرواہی کا منہ بولتا ثبوت ہیں ، انارکلی لاہور میں 13قیمتی انسانی جانیں فقط حکومتی نااہلی کی بدولت ضائع ہوگئیں ،ریسکیوادارے سیاسی لٹیروں کے ہاتھوں تباہی کے دہانے پر پہنچ چکے ہیں ، فائر بریگیڈ اور ریسکیو1122کے پاس جدید آلات اور آگ بجھانے کی مشینری مو جود نہیں ، سانحات پر سانحات پر سانحات رونماہو رہے ہیں ، حکومتی ادارے فقط کمیٹیاں بنا کراور ایک دو لاکھ کی امداد کا اعلان کر کے اپنا دامن بچالیتے ہیں، لیکن ریسکیواداروں کی ازسر نو تربیت اورجدید مشینری کی فراہمی کی جانب نہ تو مرکزی حکومت توجہ دیتی ہے نہ ہی صوبائی حکومتیں ، کراچی کے بلدیہ ٹاون میں دو برس قبل گارمنٹ فیکٹری میں ہولناک آتشزدگی اور 250سے زائد قیمتی انسانی جانوں کے ضیاع پر بھی محض کمیٹیاں تشکیل ہوئیں ، امداد کا اعلان ہوا، تحقیقات کے وعدے ہوئےلیکن نتیجہ پوری قوم کے سامنے ہے ، کراچی ٹمبر مارکیٹ اور لاہور انارکلی مارکیٹ کے سنگین سانحات کے بعد بھی حکومت اور ذمہ دار اداروں کی جانب سے کسی خاطر خواہ اقدام کی کوئی امید نہیں ہے، خدا کی بارگاہ میں دعا ہے کہ ان اندہوناک سانحات میں جاں بحق افراد کو جوار رحمت میں جگہ اورپسماندگان کو صبر جمیل عنایت فرمائے، جبکہ دکانوں اور گھروں سے محروم ہونے والے شہریوں کو مشکل کی اس گھڑی میں حوصلہ اور ہمت عطا فرمائے۔
وحدت نیوز (ڈیرہ مراد جمالی) وحدت اسکاوٹس اوپن گروپ بلوچستان کے زیر اہتمام ڈیرہ مراد جمالی میں صوبائی پیغام امن اسکاوٹس کیمپ کا اہتمام کیا گیا۔اس موقع پر وحدت اسکاوٹس کے جوانوں سے خطاب کرتے ہوئے مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے کہا ہے کہ نوجوان معاشرے میں انقلابی کردار ادا کرتے ہوئے ظلم و فساد نفرت اور دھشت گردی کے خلاف قیام کریں۔وحدت اسکاوٹس کا پیغام امن و اتحاد ہمارے معاشرے کی بنیادی ضرورت ہے۔نفرتوں کے علمبردار اغیار کے ایجنڈے پر چلنے کے بجائے امن و اخوت اور اسلامی بھائی چارے کا پیغام عام کریں،علامہ مقصود علی ڈومکی نے کہا کہ دھشت گردی کے خلاف پوری قوم متحد ہوچکی ہے۔اب ریاستی ادارے یک سو ہو کر دھشت گردوں کا قلع قمع کریں ۔
انہوں نے کہا کہ ربیع الاول کا مبارک مہینہ ہمیں عشق رسول ﷺ کے نور سے لبریز ہوکر سیرت مصطفی ﷺ اپنانے کا درس دیتا ہے۔ ۱۲ ربیع الاول کے مبارک دن میں تمام مسلمان اتحاد و وحدت کا مظاہرہ کرتے ہوئے میلاد کے جلسوں اور جلوسوں میں بھر پور شرکت کریں، کیوں کہ حضور کریم ﷺکی ذات گرامی امت مسلمہ کے درمیان نقطہء اتحاد و وحدت ہے۔اس موقع پر اسکاوٹس کیمپ سے ایم ڈبلیو ایم بلوچستان کے صوبائی رہنما سید ظفر عباس شمسی، مولانا ذوالفقار علی سعیدی،مولانا برکت علی مطھری،ثناء اللہ جمالی،عبدالوھاب لغاری و دیگر نے خطاب کیا۔
وحدت نیوز (ڈیرہ اسماعیل خان) مجلس وحدت مسلمین خیبر پختونخوا کے سیکرٹری جنرل علامہ سید محمد سبطین حسینی اور صوبائی آفس مسئول ارشاد حسین بنگش نے ڈیرہ اسماعیل خان کا دورہ کیا، جہاں ایم ڈبلیو ایم کے شعبہ فلاح و بہبود خیر العمل فاونڈیشن کی جانب سے تعمیر کی جانے والی رہائشی کالونی ’’علامہ اقبال‘‘ کے گھروں کی الاٹمنٹ کیلئے قرعہ اندازی کی گئی، اور لوگوں میں گھروں کے کاغذات تقسیم کئے گئے۔ اس موقع پر صوبائی سیکرٹری فلاح و بہبود سید تہور عباس، سیکرٹری سیاسیات تنور مہدی، صوبائی سیکرٹری یوتھ ونگ صفدر عباس، ضلعی سیکرٹری جنرل علامہ زاہد حسین جعفری اور دیگر ضلعی عہدیدار بھی موجود تھے۔ قرعہ اندازی میں کامیاب ہونے والے افراد کو گھروں کے کاغذات دیئے گئے۔ اس موقع پر علامہ سید محمد سبطین الحسینی نے کہا کہ ہمیں خوشی ہے کہ آج ان لوگوں کو گھر مل گئے ہیں جن کے پاس اپنے گھر نہیں تھے، جس پر آپ کو خدا کا شکر ادا کرنا چاہئے، انہوں نے کہا کہ مجلس وحدت مسلمین انسانیت کی خدمت پر یقین رکھتی ہے، اور انشاء اللہ ہم ایسے کاموں کے لئے کوشان ہیں، علامہ سبطین الحسینی نے وفد کے ہمراہ علامہ اقبال کالونی کا دورہ بھی کیا، انہوں نے کہا کہ خیر العمل فاونڈیشن کی جانب سے علامہ اقبال کالونی کے عالی شان پراجیکٹ سے علاقہ مکین کو فائدہ پہنچے گا۔
وحدت نیوز (مظفرآباد) مجلس وحدت مسلمین آزاد جموں و کشمیر کا 12سے 17ربیع الاول ہفتہ وحدت منانے کا اعلان، اس سال بھی مرکزی میلاد کانفرنس دربار عالیہ سخی سائیں سہیلی سر کار ؒ پر منعقد کرنے کا فیصلہ،سنٹرل پریس کلب کے نومنتخب عہدیداران کو مبارکباد، جلوسوں و ریلیوں اہل سنت برادران کے ساتھ بھرپور تعاون کا عزم، ریاست بھر میں تقریبات منعقد کرنے کا اعلان، آج کی ہر مشکل کا حل پرچم نبی صلی اللہ علیہ وآلہ وسلم کے پرچم تلے جمع ہونے میں ہے، طاغوت و استعمار کا مقابلہ صرف و صرف امت مسلمہ کے اتحاد و اتفاق سے ممکن ہے۔
مجلس وحدت مسلمین آزاد جموں و کشمیر کی ریاستی کابینہ کے اجلاس کے بعد وحدت ہاؤس مظفرآباد سے جاری پریس ریلیز میں سیکرٹری جنرل مجلس وحدت مسلمین آزاد جموں و کشمیر علامہ سید تصور حسین نقوی الجوادی نے کہا کہ مجلس وحدت مسلمین امام خمینیؓ کے فرمان کے مطابق اس سال بھی 12سے 17ربیع الاول ہفتہ وحدت منائے گی ، ہفتہ وحدت منانے کا مقصد پیغام اتحاد و اتفاق بین المسلمین کو عام کرنا ہے، اس سلسلہ میں ریاست بھر میں تقریبات کا انعقاد کیا جائے گا ، دہشت گردی و انتہاپسندی کا واحد حل ذات رسولؐ کی اتباع میں ہے، درود و سلام کی محفلوں میں سیرت بنی ؐ کو اجاگرکرنا عین عبادت ہے، اس سلسلہ میں کسی بھی رکاوٹ کو برداشت نہیں کیا جائے گا، اہل سنت برادران کے ساتھ مکمل تعاون کیا جائے گا، جلوس و ریلیوں کے راستوں میں سبیلوں کا اہتمام کیا جائے گا، ریلیوں کے راستوں میں استقبالیہ کیمپ قائم کیئے جائیں گے، عاشقان مصطفی صلی علیہ وآلہ وسلم پر پھولوں کی پتیاں نچھاور کیں جائیں گی، 11ربیع الاول کو مرکزی سیرت کمیٹی ضلع ہٹیاں بالا کے زیر اہتمام ریلی میں بھرپور شرکت کی جائے گی ، جبکہ 12ربیع الاول کو وحدت ہاؤس دومیل سے ریلی نکالی جائے گی جو بعد ازاں مرکزی جلوس میں شامل ہو گی، اسی طرح میرپور سے لیکر نیلم تک جلوسوں و ریلیوں میں بھرپور شرکت کو یقینی بنایا جائے گا ۔
علامہ سید تصور جوادی نے کہا کہ سال گزشتہ کی طرح اس سال بھی مرکزی میلاد کانفرنس کا انعقاد کیا جائے گا، میلاد کانفرنس میں مجلس وحدت مسلمین پاکستان کی مرکزی قیادت و آزاد کشمیر بھر سے شیعہ سنی تنظیمات کی قیادت شرکت کرے گی، جبکہ سیاسی جماعتوں کے قائدین ، صدر و وزیراعظم آزاد کشمیر کو بھی شرکت کی دعوت دی جائے گی، ریاستی اخبارات نے گزشتہ سال بھرپور تعاون کیا ، اس سال بھی تعاون کی اپیل کرتے ہیں ، انہوں نے کہا کہ مجلس وحدت مسلمین آزاد جموں و کشمیر سینٹرل پریس کلب کے نومنتخب عہدیداران کو دل کی اتھاہ گہرایوں سے مبارکباد پیش کرتی ہے، صدر سینڑل پریس کلب سہیل مغل اور انکی کابینہ کی انتھک محنت و مخلصانہ کاوشوں کی بدولت صحافی برادری نے ان پر دوبارہ اعتماد کا اظہار کیا ، ہم یہ امید کرتے ہیں وہ اپنی ان کامیابیوں کے تسلسل میں آزادی صحافت و صحافی برادری کے حقوق کے لیئے اپنی جدوجہد جاری رکھیں گے۔
تفصیلات کے مطابق مجلس وحدت مسلمین آزاد جموں و کشمیر کی ریاستی کابینہ کا اجلاس زیر صدارت ریاستی سیکرٹری جنرل علامہ سید تصور حسین نقوی الجوادی منعقد ہوا، اجلاس میں سیکرٹری سیاسیات سید تصورعباس موسوی، سیکرٹری تنظیم سازی ڈاکٹرعابد قریشی ، سیکرٹری مالیات سید سجاد حسین ، سیکرٹری تعلیم سید عمران حیدر، سیکرٹری روابط مولانا سید حمید حسین نقوی، سیکرٹری فلاح وبہبود سید عنایت حسین بخاری ایڈووکیٹ، سیکرٹری نشرواشاعت سید پیر حسن نقوی و دیگر نے شرکت کی، اجلاس میں ماہ ربیع الاول کو شایان شان منانے کے حوالے سے اہم فیصلہ جات کیئے گئے ، اجلاس میں 11ربیع الاول کی ریلی کے سید عمران حیدر کو کوآرڈیٹیٹر جبکہ 12ربیع الاول کی ریلی کے انتظامات کا ٹاسک مجلس وحدت مسلمین ضلع مظفرآباد کو دیا گیا، ربیع الاول کے تمام پروگرامات کے لیئے رابطہ کمیٹی کا قیام عمل میں لایا گیا جس کی سربراہی سیکرٹری سیاسیات سید تصور عباس موسوی کریں گے ۔
وحدت نیوز (قم المقدسہ) مجلس وحدت مسلمین پاکستان کے ڈپٹی سیکرٹری جنرل اور خارجہ امور کے سیکریٹری علامہ ڈاکٹر شفقت حسین شیرازی نے کہا ہے کہ گذشتہ چار سال سے زیادہ عرصہ گذر چکا ہے لیکن بحرین پر مسلط ظالم آل خلیفہ نہیں سمجھے کہ گرفتاریاں، شکنجے اور قتل و غارت کبھی عوامی ارادوں کو شکست نہیں دے سکتے اور عوام کی مرضی کے خلاف حکومت نہیں چل سکتی، ملک بھر کے عوام اپنے آئینی حقوق کا مطالبہ کر رہے ہیں اور بحرینی حکومت کبھی مذہبی فتنوں کا سہارا لینے کی کوشش کرتی ہے اور کبھی کرائے کے قاتلوں سے اپنے عوام پر ظلم کرواتی ہے۔ ان خیالات کا اظہار ایم ڈبلیوایم کے مرکزی رہنما نے اپنے ایک جاری بیان میں کیا ہے۔ علامہ ڈاکٹر شفقت شیرازی کا مزید کہنا تھا کہ بحرینی حکومت نے ابھی چند روز پہلے ایک اور حماقت کی ہے اور وزارت داخلہ نے بحرینی عوام کے ہردلعزیز لیڈر علامہ شیخ علی سلمان کو گرفتار کر لیا ہے، مجلس وحدت مسلمین پاکستان اس وحشیانہ اور ظالمانہ عمل کی پرزور مذمت کرتی ہے اور ہم مطالبہ کرتے ہیں کہ جمعیۃ الوفاق کے قائد علامہ مجاہد شیخ علی سلمان کو فی الفور رہا کیا جائے اور برادر بحرینی عوام پر ہونے والا ظلم و تشدد بند کیا جائے، مسائل کو مذاکرات اور عوامی امنگوں کے مطابق حل کیا جائے۔
وحدت نیوز (حیدرآباد) مجلس وحدت مسلمین صوبہ سندھ کے ڈپٹی سیکریٹری جنرل عالم کربلائی نے نمائندہ وحدت نیوز سے گفتگو کرتے ہوئے کہا کہ مجلس وحدت مسلمین صوبہ سندھ کا سہہ ماہی صوبائی شوریٰ کا اجلاس 2دسمبر کو حیدر آباد میں منعقد ہوگا، مسجد و امام بارگاہ علیؑ گلشن سجاد میں منعقدہ اس اجلاس میں ایم ڈبلیوایم کے سربراہ علامہ ناصرعباس جعفری خصوصی شرکت اور خطاب کریں گےجبکہ صوبہ بھر سے تمام اضلاع کے سیکریٹری وڈپٹی سیکریٹری جنرل صاحبان اپنے اپنے اضلاع کی سہہ ماہی کارکردگی رپورٹ اجلاس میں پیش کریں گے، صوبائی سیکریٹری جنرل علامہ مختار امامی کی زیر صدارت منعقدہ اجلاس کے آخر میں سال 2015کے لیئے سالانہ پروگرامات کی منظوری لی جائے گی۔
