وحدت نیوز (اسلام آباد) مرکزی سیکریٹریٹ سے جاری مشترکہ بیان میں مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری، سندھ کے سیکریٹری جنرل علامہ مقصودڈومکی،پنجاب کے سیکرٹری جنرل علامہ مبارک علی موسوی،گلگت بلتستان کے سیکریٹری جنرل علامہ سید علی رضوی، بلوچستان کے سیکریٹری جنرل علامہ برکت مطہری اور  خیبر پختونخوا کے سیکریٹری جنرل علامہ اقبال بہشتی نے سہیون شریف میں حضرت لعل شہباز قلندرؒ کی مزار پر خودکش دھماکے کی شدید الفاظ میں مذمت کرتے ہوئے کہا ہے کہ دہشتگردوں نے پاکستانی عوام پر جنگ مسلط کرنے کا اعلان کر دیا ہے، انہوں نے سانحہ سہون کے خلاف کل ملک گیر یوم سوگ اور سندھ بھر میں پرامن ہڑتال کا اعلان کیا ہے۔

اپنے مذمتی بیان میں ایم ڈبلیو ایم کے مرکزی رہنماو ں نے کہا کہ صوفیوں اور اولیااللہ کی سرزمین کو خاک و خون میں نہلانے والے صفاک دہشتگرد کسی رعایت کے مستحق نہیں۔انہوں نے کہا کہ حکمران دہشتگردوں کے سیاسی و مذہبی سرپرستوں کے دباو کو مسترد کرتے ہوئے اس ناسور کیخلاف بے رحمانہ آپریشن کا اعلان کرے، نیشنل ایکشن پلان پر حقیقی معنوں میں عملدرآمد کو یقینی بنایا جائے۔

 انہوں نے کہا کہ حکمرانوں کو جاگنے کے لئے مزید کتنے معصوم پاکستانیوں کے خون درکار ہیں، حکمران،افواج پاکستان اور عوام مل کر ان درندہ صفت تکفیری دہشتگردوں کا مقابلہ کرے، ان دہشتگردوں کی سرپرستی سی پیک کے دشمن ممالک کر رہے ہیں، ہمیں اپنی ماضی کی پالیسیوں پر نظرثانی کرتے ہوئے،پاکستان کے مستقبل کا سوچنا ہو گا۔انہوں نے کہا کہ دہشت گردوں کی کاروائیاں ملکی سلامتی و استحکام کے لیے خطرناک صورت اختیار کر چکی ہیں، ان تکفیری دہشتگرد گروہوں کا خاتمہ ملکی سلامتی و امن کے لیے انتہائی ضروری ہے، دہشت گردی کا خاتمہ حکومت کے محض بلند و بانگ دعووں سے نہیں ہو گا اس کے لیے سیاسی مصلحتوں سے بالاتر ہو کر فیصلہ کن اقدامات کرنے ہوں گے۔

انہوں نے کہا کہ کالعدم مذہبی جماعتوں اور سہولت کاروں کے لیے حکمران جماعت کا نرم گوشہ ملک میں دہشت گردی کا ایک واضح سبب ہے۔ انہوں نے کہا کہ دہشت گردی کی حالیہ کارروائی کو اگر عالمی تناظر میں دیکھا جائے تو یہ پاک چائنا اقتصادی راہدری منصوبے کے خلاف بھی سازش ہے، امریکہ ،بھارت اور کچھ خلیجی ریاستیں پاکستان کو مستحکم نہیں دیکھنا چاہتیں اور سی پیک کے خلاف سازشوں میں مصروف ہیں، پاکستان کے امن کو خراب کر کے پاکستان کو ایک غیر محفوظ ریاست ثابت کرنے کی مذموم کوشش کی جا رہی ہے، اس کوشش کو ناکام بنانے کا واحد حل دہشت گرد عناصر اور سہولت کاروں کے خلاف بھرپور کارروائی ہے۔

انہوں نے مطالبہ کیا کہ ملک بھر میں کالعدم مذہبی جماعتوں کے خلاف فوری آپریشن کیا جائے، رکاوٹ بننے والے عناصر کے خلاف بھی کاروائی کی جائے۔ مرکزی ترجمان علامہ مختار امامی نے تین روزہ ملک گیر یوم سوگ اور کل سندھ بھر میں پرامن ہڑتال کا اعلان کیا ہے، جمعیت علمائے پاکستان، آل پاکستان سنی تحریک، پاکستان عوامی تحریک و دیگر سیاسی و مذہبی جماعتوں نے ایم ڈبلیو ایم کی پرامن ہڑتال کی حمایت کا اعلان کر دیا ہے۔

وحدت نیوز (مظفرآباد) مجلس وحدت مسلمین پاکستان کے سربراہ علامہ راجہ ناصرعباس جعفری سیکرٹری جنرل ایم ڈبلیو ایم آزاد کشمیر علامہ تصور جوادی اور ان کی اہلیہ کی عیادت کے لئے آزاد کشمیر سی ایم ایچ پہنچے ان کے ہمراہ مرکزی سیکرٹری سیاسیات سید اسد عباس نقوی و دیگر رہنما بھی موجود تھے،انہوں نے سی ایم ایچ میں علامہ تصور جوادی اور ان کی اہلیہ کی عیادت کے بعد برہان وانی شہید چوک پر جاری احتجاجی دھرنے سے خطاب کرتے ہوئے کہا کہ علامہ تصور جوادی پر حملہ ریاست آزاد جموں و کشمیر پر حملہ ہے ،بھارت کے پے رول پر کام کرنے والے کالعدم دہشتگردوں کیخلاف حکمرانوں کی خاموشی لمحہ فکریہ ہے،کل بروز جمعہ ملک بھر میں علامہ تصور جوادی پر قاتلانہ حملہ لاہور کوئٹہ اورپشاور میں دہشتگردی کیخلاف احتجاجی مظاہرے ہونگے،آزاد کشمیر میں علامہ تصور جوادی اتحاد امت کے داعی اور تحریک آزادی کشمیر کے مخلص رہنما ہیں،حکومت اس المناک واقعے کا سنجیدگی سے نوٹس لیں اور ان ملک دشمن تکفیری دہشتگردوں کیخلاف کاروائی کریں،پاکستانی مظلوم عوام ہمارے نااہل حکمرانوں اور ریاستی اداروں کے گذشتہ ادوار کے غلط پالیسیوں کا خمیازہ بھگت رہی ہیں،ملکی سلامتی و بقا کو مستحکم بنانے کے لئے ہمیں ماضی کے غلط فیصلوں پر نظر ثانی کرنا ہوگا۔ہم جناح اور اقبال کے پر امن پاکستان کو مٹھی بھر تکفیری شرپسندوں کے ہاتھوں یرغمال نہیں بننے دینگے۔دہشتگردی کیخلاف جنگ کو منطقی انجام تک پہنچانے اور نیشنل ایکشن پلان پر عملدرآمد کو یقینی بنانے میں حکمران دہشتگردوں کے سیاسیاسی سرپرستوں کے دباو میں ہے۔دھرنے سے سرینگرمقبوضہ ریاست جموں و کشمیرسے حریت رہنما جناب سلیم گیلانی نے بھی ٹیلی فونک خطاب کیا ۔

انہوں نے علامہ تصور جوادی سیکرٹری جنرل ایم ڈبلیوایم پر قاتلانہ حملے کی شدید الفاظ میں مذمت کرتے ہوئے کہا کہ علامہ تصوری جوادی اور مجلس وحدت مسلمین نے ہمیشہ اتحاد امت اور پاکستان میں مظلومین کا ساتھ دیا،آزادی کشمیر میں مظلوم کشمیریوں کی حق میں علامہ جوادی ہمیشہ آواز بلند کرتے رہے،ہم مقبوضہ کشمیر سری نگر کے عوام کا مطالبہ ہے کہ علامہ جوادی اور انکی اہلیہ پر حملہ کرنے والے دہشتگردوں کو کیفر کردارتک پہنچایا جائے۔علامہ تصور جوادی کووزیر اعظم آزاد کشمیر کی ہدایت پر گزشتہ روز ہیلی کاپٹر کے ذریعے مظفرآباد سے سی ایم ایچ راولپنڈ ی میں منتقل کیا گیا ہے جہاں وہ انتہائی نگہداشت وارڈ میں زیر علاج ہیں۔

وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری بیان میں علامہ تصور جوادی مجلس وحدت مسلمین آزاد کشمیر کے سیکریٹری جنرل پر قاتلانہ حملے کی شدید الفاظ میں مذمت کی گئی ہے، مجلس وحدت مسلمین کے رکن بلوچستان اسمبلی آغا رضانے اپنے بیان میں کہا ہے کہ پاراچنار،پنجاب،سندھ اور آزاد کشمیر کی پرامن وادی میں دہشتگردی کی حالیہ لہر کا سبب ریاستی اداروں کی جانب سے تکفیری دہشتگردوں کیخلاف نرم رویہ کا روا رکھنا ہے،را کے ایجنٹس ملک میں بدامنی پھیلا کر دنیا میں پاکستان کو جنگ زدہ ریاست کے طور پر متعارف کرانے کی سازش کر رہے ہیں،نیشنل ایکشن پلان کو متنازعہ بنانے میں دہشتگردوں کے سیاسی سرپرست کامیاب ہو چکے ہیں،علامہ تصور جواد ی آزاد کشمیر میں اتحاد امت کے داعی اور ملک دشمنوں کیخلاف متحرک رہنما تھے،ان پر حملہ آزادی کشمیر کے جدو جہد پر حملہ ہے،اور اس حملے میں وہی کالعدم دہشتگرد ملوث ہیں جن کو را کی سرپرستی حاصل ہے۔

انہوں نے کہا کہ فوجی عدالتوں سے سزا یافتہ دہشتگردوں کی سزاوں پر عملدر آمد روک کر نا اہل حکمرانوں نے دہشتگردوں کی حوصلہ افزائی کی ہے،دہشتگردی کیخلاف جنگ کو سیاسی قیادتوں نے مصلحت پسندی کی نذر کرکے ملک و قوم کیساتھ سنگین خیانت کی ہے،ملک بھر میں دہشگردوں کی نرسری کالعدم جماعت کے لوگ ان کے سہولت کار اور سیاسی سرپرست آزاد ہیں،نیشنل ایکشن پلان کے نام پر دہشتگرد مخالف قوتوں کو ملک کے طول وعرض میں نشانہ بنایا جا رہا ہے،پاک چائنہ اقتصادی راہ داری کو اسلام کیخلاف سازش قرار دینے والے ملاؤں کیخلاف حکومتی و ریاستی اداروں کی خاموشی اس بات کی غمازی ہے کہ دہشتگردوں کے سیاسی سرپرستوں کے سامنے تمام ادارے بے بس ہیں،عوام کی جان ومال کے تحفظ میں حکمران ناکام ہو چکے ہیں،حکمران اور ریاستی ادارے ہوش کے ناخن لیں اور غیرریاستی عناصر کیخلاف فوری بے رحمانہ آپریشن کا اعلان کرے بصورت دیگر یہ دہشتگردی کا ناسور سب کچھ ختم کر کے رکھ دے گا،بیان میں  مزید کہا گیاکہ علامہ تصور جوادی اور انکی اہلیہ پر قاتلانہ، لاہور مال روڈ خودکش حملہ، ساہیوال میں ڈاکٹرقاسم علی تنویر کی شہادت، حیات آباد پشاور میں ہونے والی بربریت،کراچی  و کوئٹہ میں آئے روز شیعہ ٹارگٹ کلنگ اورملک میں سیکیورٹی اداروں کی واضح ناکامی کے خلاف بعداز نماز جمعہ یوم احتجاج کا اعلان کرتے ہیں۔

وحدت نیوز (کراچی) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری کی اپیل پر سانحہ مال روڈ لاہور کے خلاف ملک بھر میں تین روزہ سوگ منایا جا رہا ہے، اسی سلسلے میں ایم ڈبلیو ایم کراچی ڈویژن کے تحت لاہور خودکش دھماکے کے متاثرین، لائن آف کنٹرول پر بھارتی جارحیت کا نشانہ بنے والے شہداء اور دہشت گردی کا شکار ہونیوالے سماء نیوز کے اسسٹنٹ کیمرہ مین تیمور خان کو خراج عقیدت پیش کرنے کیلئے نمائش چورنگی مزار قائد کے سامنے چراغاں اور دعائیہ اجتماع کا انعقاد کیا گیا۔ اس موقع پر ایم کیو ایم پاکستان کے رکن سندھ اسمبلی فیصل قریشی، ضلع ایسٹ کے چیئرمین معید انور، پاکستان پیپلز پارٹی کے رہنما سہیل انصاری، پاکستان عوامی تحریک کے رہنما قیصر اقبال، مجلس وحدت مسلمین کے رہنما علی حسین نقوی، علامہ مبشر حسن، میر تقی ظفر، علامہ اظہر نقوی اور علامہ علی انور جعفری بھی موجود تھے۔ شرکاء سے خطاب کرتے ہوئے مقررین نے کہا کہ وزیراعظم کے دہشت گردی کے خلاف جنگ جیتنے اور دہشت گردوں کی کمر توڑنے کے دعوے کے چند گھنٹوں بعد ہی مال روڈ لاہور میں ہونے والے خودکش دھماکے نے شریف برادران اور نواز لیگ کی کارکردگی کی قلعی کھول کر رکھ دی ہے، نواز حکومت اگر نیشنل ایکشن پلان اور فوجی عدالتوں کے احکامات پر عمل درآمد کرتی تو سانحہ لاہور، سانحہ پاراچنار سمیت دہشت گردی کے بڑے بڑے واقعات رونما نہ ہوتے، نواز حکومت نیشنل ایکشن پلان کو اپنے مخالفین کیخلاف استعمال کرنے کے بجائے داعش کی فرانچائز لشکر جھنگوی، جماعت الاحرار، تحریک طالبان، جند اللہ و دیگر کالعدم دہشت گرد تنظیموں اور ان کے سیاسی و مذہبی سہولت کاروں کے خلاف استعمال کرتی تو دہشت گردی کے بحران پر قابو پایا جا چکا ہوتا، لیکن حکومتی شخصیات اور وزراء کی مکمل سرپرستی و آشیرباد اور دوستانہ تعلقات کے باعث جنوبی پنجاب سمیت پورا صوبہ کالعدم مذہبی تنظیموں کا محفوظ گڑھ بن چکا ہے۔

مقررین کا کہنا تھا کہ پنجاب بھر میں کالعدم تنظیموں کی نرسریاں موجود ہیں جن میں نام نہاد مدارس بھی شامل ہیں، سیکیورٹی فورسز اور عوام پر حملہ آور کالعدم دہشت گرد تنظیموں کے خلاف کارروائی کے بجائے کالعدم تنظیموں کو ایوانوں میں پہنچا کر اقتدار میں لانے کی سازشوں کے تانے بانے بن کر ملکی بقاء اور سالمیت پر کاری ضرب لگائی جا رہی ہے، نیشنل ایکشن پلان پر اس کی روح کے مطابق مکمل عملدرآمد سے گریز اور دہشت گردی کے خاتمے کے حوالے سے حکومت اور ریاستی اداروں کی غفلت ملکی سالمیت و بقاء کیلئے انتہائی خطرناک اور تشوشناک ہے۔ انہوں نے کہا کہ پاکستان کو دہشت گردی کے ذریعے عدم استحکام سے دوچار کرنے کیلئے امریکا اسرائیل کے ساتھ ساتھ بھارت کا کردار کسی سے ڈھکا چھپا نہیں، ملک میں کالعدم دہشت گرد تنظیموں کے بھارتی خفیہ ایجنسی کے ساتھ گڑھ جوڑ کے کئی انکشافات ملکی و عالمی ذرائع ابلاغ کر چکے ہیں، نواز حکومت اپنے ذاتی و مالی مفادات کے تحفظ کے خاطر ملک و قوم کی سلامتی کو بھینٹ چڑھانے سے اجتناب کرے، کیونکہ پاکستان کی ازلی دشمن بھارت کی ایجنٹ کالعدم مذہبی تنظیموں کو تحفظ فراہم کرکے ان کے خلاف کارروائی نہ کرنا ملک و قوم سے غداری ہے۔ انہوں نے کہا کہ شہر کراچی میں شیعہ سنی عوام کی بڑھتی ہوئی ٹارگٹ کلنگ خصوصاً سماء نیوز کی وین پر حملے اور کیمرہ مین تیمور خان کو نشانہ بنا کر دہشت گرد عناصر نے کراچی آپریشن پر سوالیہ نشان لگا دیا ہے، دہشت گردوں کی جانب سے جب جہاں چاہے عوام کو نشانہ بنانا واضح کرتا ہے کہ حکومت اور ریاستی ادارے ان کے سامنے بے بس ہیں، ورنہ کالعدم تنظیموں کے دہشت گرد کراچی بھر میں دندناتے نہیں پھر رہے ہوتے۔

مقررین نے مزید کہا کہ کالعدم تنظیموں کی کھلے عام جلسے جلوس ریلیاں اور اجتماعات اس بات کا واضح ثبوت ہیں کہ حکومتی و ریاستی اداروں کی صفوں میں ان کے سیاسی و مذہبی سہولت کار موجود ہیں، جو کالعدم تنظیموں کے خلاف فیصلہ کن کارروائی میں رکاوٹ بنے ہوئے ہیں، لہٰذا ضروری ہے کہ ملکی و عالمی حساس صورتحال کے پیش نظر مجلس وحدت مسلمین وزیراعظم، صدر مملکت، آرمی چیف سے قوم مطالبہ کرتی ہے کہ نیشنل ایکشن پلان پر اس کی روح کے مطابق مکمل عملدرآمد کرتے ہوئے داعش کی فرنچائز کالعدم مذہبی تنظیموں اور ان کے سیاسی و مذہبی سہولت کاروں کو جڑ سے اکھاڑ پھینکنے کیلئے پنجاب سمیت ملک بھر میں فی الفور فیصلہ کن آپریشن کا آغاز کریں، کالعدم دہشت گرد جماعتوں کو سیاسی دھارے میں لاکر اقتدار کے ایوانوں میں پہنچانے کی سازشوں کا نوٹس لیتے ہوئے اس کا تدارک کریں، کراچی آپریشن کی کامیابیوں کو ضائع ہونے سے بچانے کیلئے بڑھتی ہوئی ٹارگٹ کلنگ کی روک تھام کی جائے اور سماء نیوز کے تیمور خان کے قتل میں ملوث دہشت گرد عناصر کو گرفتار کیا جائے۔

وحدت نیوز (لاہور) مجلس وحدت مسلمین صوبہ پنجاب کے سیکریٹری جنرل علامہ سید مبارک علی موسوی نے سانحہ چیئرنگ کراس پر اپنے مزمتی بیان میں کہا کہ دہشت گردی کا یہ واقعہ  نیشنل ایکشن پلان پر درست عملدرآمد نہ کرنے کی وجہ سے ہوا اگر نیشنل ایکشن پلان پر صحیح معنوں میں عمل ہوتا تو آج یہ سانحہ نہ ہوتا ہمارے پیارے ہم سے نہ چھینے جاتے ہم لاہور سانحے کی شدید مزمت کرتے ہیں، اس سانحے میں وہی لوگ ملوث ہیں جنہوں نے نیشنل ایکشن پلان اور ملٹری کورٹس کے اقدمات کو ناکام بناکر دہشت گردوں کے حوصلوں کو بلند کیا ہے ،ضرورت اس امرکی ہے کہ نیشنل ایکشن پلان پراسکی اصل روح کیساتھ عمل دارمد کو یقینی بنا جائے اور دہشت گردوں کیساتھ ان کے سہولت کاروں آہنی ہاتھوں سے نمٹا جاسکے، اگرملٹری کورٹس کے فیصلوں پر عمل نہ کیاگیا تو اس طرح کے دہشت گردی کے مزید واقعات رونما ہوسکتے ہیں اور دہشت گردوں کے حوصلے بڑھتے چلے جائیں گے وقت آگیا ہے دہشت گردی کے ناسور کو اس ملک سے اکھاڑ کر پھینکا جائے۔

پنجاب حکومت نے اپنے سیاسی مخالفین کو تو انتقام کا نشانہ بناتے رہی لیکن ملک دشمن دہشت گردوں سے نبٹنے میں ناکام نظر آتی ہے، پنجاب حکومت اپنے ان اتحادیوں کے بار میں فوری ایکشن لیں ان واقعات میں وہی دہشت گرد قوتیں ملوث ہیں جن کے ساتھ پنجاب حکومت کے کچھ وزراء کو اکثر دیکھاگیا ہے کاش نیشنل ایکشن پلان کے نام پراپنے سیاسی مخالفین کو نشانہ بنانے کی بجاے تکفیری دھشت گردوں سہولت کاروں اور دھشت گردی میں ملوث مدارس کے خلاف اقدامات کرتے تو آج اتنا بڑا سانحہ رونما نہ ہوتا ستم بالاے ستم یہاں دہشت گردوں اور تکفیریوں کے سرپرستوں کو سوچی سمجھی سازش کے تحت اسمبلی کاممبر بناجاتاہے،ملک کا سب سے بڑا دہشتگرد گروہ ہے جس کے باپ کے نام پر دہشت گردی میں اعلانیہ ملوث ہو اسی کا بیٹا ملک کی سب سے بڑی صوبائی اسمبلی کا رکن ہے وہاں دھشت گردی کو ختم کرنے والے نعرے کھوکھلے نظر آتے ہیں ۔پورے پنجاب میں آپریشن کرکے دھشت گردوں اورسہولت کاروں کو قرار واقعی سزاد دیے بغیر دہشت گردوی کے عفریت کو ختم کرنا ناممکن ہے ۔

وحدت نیوز (لاہور) مجلس وحدت مسلمین لاہور کے سیکرٹری جنرل علامہ حسن ہمدانی نے وفد کے ہمراہ سر گنگا رام ہسپتال میں چئیرنگ کراس دھماکہ میں زخمی ہونے والے پولیس کے نوجوانوں کی عیادت کی،وفد میں صوبائی رہنما سید حسین زیدی،زاہد مہدوی،ضلع لاہور کی رہنما سید سجاد نقوی اسد علی ،رانا کاظم علی،شامل تھے،علامہ حسن ہمدانی نے زخمی پولیس نوجوانوں کی بہادری اور ہمت کو خراج تحسین کی اور زخمیوں کی جلد صحت یابی کے لئے دعا کی،گنگارام ہسپتال کے باہر میڈیا سے گفتگو کرتے ہوئے انہوں نے کہا کہ نیشنل ایکشن پلان پر پنجاب میں عملدرآمد نہ ہونے کے برابر ہیں،پنجاب میں نیشنل ایکشن پلان کے نام پرفقط  سیاسی مخالفین کیخلاف انتقامی کاروائیاں جاری ہے،مسلم لیگ ن کالعدم دہشتگردوں کیخلاف کاروائی میں سب سے بڑی رکاوٹ ہے،پنجاب میں رینجرز اور فوج کے نگرانی میں آپریشن ناگزیر ہوچکاہے،فوجی عدالتوں سے سزا یافتہ دہشتگردوں کے سزاوں پرعملدرآمد میں رکاوٹ خود حکمران وقت ہیں،دہشتگردی کیخلاف جنگ کو مصلحت پسندی کے نذر کیا جارہا ہے،حکمرانوں کی نااہلی اور دہشتگردوں کے ساتھ نرم گوشہ رکھنے کا خمیازہ عوام اور سکیورٹی اداروں کے اہلکار بھگت رہے ہیں،پنجاب کے ضلع ساہیوال میں ہم گذشتہ دوماہ سے اپنے پیاروں کے جنازے اُٹھا رہے ہیں،لیکن بے حس پنجاب کے حکومت ٹس سے مس نہیں ہو رہی،ہم شہداء لاہور کے لواحقین کے غم میں برابر کے شریک ہیں،انشااللہ ہم اپنے شہیدوں کے پاکیزہ لہو سے کسی کو غداری نہیں کرنے دینگے،انہوں نے 14 فروری شام 5بجے چئیرنگ کراس شہداء کے جائے شہادت پر شہیدوں کو خراج عقیدت پیش کرنے کے لئے دعائیہ تقریب کا بھی اعلان کیا۔