وحدت نیوز(اسلام آباد) مجلس وحدت مسلمین پاکستان کے مرکزی ترجمان علامہ مختار امامی نے پٹرولیم مصنوعات کی قیمتوں میں مسلسل اضافے پرشدید تشویش کا اظہار کرتے ہوئے کہا ہے کہ حکمرانوں نے اپنی شاہ خرچیوں کا سارا بوجھ عوام پر ڈال رکھا ہے۔ریاست کے انتظامی امور موجودہ حکومت کی دسترس میں نہیں رہے۔حکومتی نا اہلی کی بنا پر ریاستی ادارے دن بدن تباہی کی طرف جا رہے ہیں۔عوام پہلے ہی مہنگائی کے بوجھ تلے دبائی ہوئی ہے اسے مزید اذیت کا شکار نہ کیا جائے۔انہوں نے کہا کہ موجودہ حکومت کے سارے وزرا اور انتظامی مشنری ایک نا اہل شخص کے دفاع میں ایڑی چوٹی کا زور لگا رہے ہیں۔کسی کو عوامی مشکلات سے کوئی سروکار نہیں۔

انہوں نے کہا کہ موجودہ حکومت نے مخصوص انتخابی حلقوں میں سفری سہولیات پر سبسڈی دے رکھی ہے جس کا بوجھ پوری قوم پر ڈلا جا رہا ہے۔پٹرولیم مصنوعات کی قیمتیں بڑھنے سے روز مرہ استعمال کی تما م اشیاء کی قیمتوں میں اضافہ ہو جاتا ہے۔ مہنگائی کے بوجھ تلے دبے عوام مزید کسی بوجھ کے قطعی متحمل نہیں ہیں۔پٹرولیم مصنوعات کی قیمتوں میں اضافے کی کسی بھی تجویز پر غور نہ کیا جائے اور پٹرول کی قیمت کم کر کے عوام کو سستے داموں فراہم کیا جائے۔انہوں نے کہا کہ حکومت کی جانب سے اس طرح کے فیصلے انہیں عوام سے مزید دور کر دیں گے۔

وحدت نیوز (لاہور) مجلس وحدت مسلمین کے صوبائی سیکرٹری جنرل پنجاب علامہ مبارک علی موسوی کا کہنا تھا کہ پنجاب حکومت نیب کے شکنجے سے بچنے کے لیے اوچھے ہتھکنڈے اپنانے پر تلی ہوئی ہے ۔ نیب کیخلاف پنجاب اسمبلی میں حکومت کی جانب سے مذمتی قرارداد پیش کرنے سے حکومتی بوکھلاہٹ عوام کے سامنے ہے ۔ ن لیگ اداروں کو کمزرور کرنے کی سازش میں مصروف ہے ۔ یہ کبھی عدلیہ پر حملہ کرتے ہیں اور کبھی فوج پر ، اس بار ن لیگ کا ہدف نیب نظر آ رہا ہے ۔ اسمبلی میں نیب کیخلاف قرارداد لانا نیب جیسے ادارے پر حملہ تصور کیا جائے گا اور قوم 2018 کے الیکشن میں اس کرپٹ ٹولے کو معاف نہیں کرے گی ۔

ان کا کہنا تھا کہ شہباز شریف کو اپوزیشن اور عدالتوں کا شکریہ ادا کرنا چاہیے جن کی وجہ سے آج ان پارٹی صدارت کا خواب شرمندی تعبیر ہوا ہے ۔ پاکستان میں عوام کے دیرینہ مسائل بیروزگاری، مہنگائی اور دہشت گردی ہیں جن کے خاتمے کے لیےپنجاب حکومت سنجیدہ نظر نہیں آتی ہے، علامہ مبارک علی موسوی کا مزید کہنا تھا کہ اسمبلیوں میں عوامی مفادات کے قوانین پاس کرنے کی بجائے اداروں کیخلاف سازشیں کی جا رہی ہیں جو نہایت شرمناک عمل ہے۔

وحدت نیوز(کراچی) مجلسِ وحدت مسلمین شعبہ خواتین  ضلع ملیر کے زیر نگرانی فلاحی پروجیکٹ بیتِ زہرہ س  کی جانب سے مجلسِ ایصالِ ثواب کا انعقاد کیا گیا۔جس سے محترمہ ام البنین ڈپٹی سیکرٹری جنرل مجلسِ وحدت مسلمین شعبہ خواتین پاکستان نے خطاب کیااور شہزادیِ کونین حضرت بی بی فاطمہ سلام اللہ علیہ کے کردارو افکار پر روشنی ڈالی۔انہوں نے کہاکہ سیدۃ النساء العالمین س بہترین بیٹی،بہترین شریکِ حیات اور بہترین ماں ہو نے کیساتھ ساتھ میدان عمل میں دیکھیں تو اول ترین مدافع ولایت ہیں۔یہ زمانہ فاطمی س ہے اور ہر زمانہ کے مدافعانِ دین و ولایت کے لئے شہزادیِ کونین کا اسوہ ہی بہترین راستہ ہے،بعد ختم مجلس ملک وملتِ جعفریہ کی سلامتی،بے گناہ اسیروں کی جلد از جلد رہائی اور شہداء ملت کے بلندی درجات کی اجتماعی دعا کرائی گئی۔

وحدت نیوز(شکارپور) مجلس وحدت مسلمین کے جنرل سیکریٹری علام مقصود ڈومکی نے پریس کلب شکارپور میں پریس کانفرنس کرتے ہوئے کہاہے کہ  ضلع شکارپور دہشتگردوں کے نشانے پر ہے دہشتگردی کے مسلسل واقعات میں اب تک 72 افراد شہید ہوچکے ہیں ، ضلع شکارپور کے اندر مذہبی مقامات اور سیاسی شخصیات پر دہشتگردوں نے حملے کیے ہیں ، ضلع شکارپور کے عوام اور متاثر ہ خاندان ان واقعات پر گہری نظر رکھے ہوئے ہیں ، مجلس وحدت مسلمین نے ان واقعات کے خلاف بھرپور جدوجہد کی ہے شکارپور میں ہونے والے کل کے واقعہ پر افسوس کا اظہار کرتے ہیں اور انتظامیہ سے مطالبہ کرتے ہیں کہ کل کے ہونے والے واقعہ کی تفصیلات سامنے لائیں جائیں ، یاد رہے کہ کل ہونے والے دھماکہ میں ڈیٹو نیٹر اور دھماکہ خیزمواد ملنا قابل تشویش ہے۔

 ان کا مزید کہنا تھاکہ ضلع شکارپور میں اب بھی دہشتگردوں کے ٹریننگ کیمپس ہیں اور ان کے سہولت کار اب بھی موجود ہیں ، ضلع شکارپور میں مسلسل آپریشن کی سخت ضرورت ہے ۔ہم مطالبہ کرتے ہیں کہ کل کے ہونے والے واقعہ کی ایف آئی آر ابھی تک درج نہیں ہوئی ہے جس پر کافی تشویش ہے اور انتظامیہ کی جانب سے اس واقعہ کے حوالے سے کوئی مثبت جواب ابھی تک نہیں مل سکا لگتا ایسے ہے کہ حقیقت پر پردہ ڈالنے کی کوشش کی جارہی ہے ۔مجلس وحدت مسلمین دہشتگردی اور کرپشن سے پاک معاشرے کی حمایت کرتی ہے۔

وحدت نیوز(گلگت) حکومت صحت مند سرگرمیوں میں بڑھ چڑھ کر حصہ لے رہی ہے۔کھیلوں کے فروغ کیلئے کسی قسم کی کوتاہی نہیں کرینگے۔وحدت یوتھ کی جانب سے فرست وحدت فٹسال پریمیئر لیگ کا انعقاد خوش آئند ہے،نوجوانوں کی مثبت سرگرمیوں سے ہمیں بڑا حوصلہ ملا ہے۔

اسسٹنٹ کمشنر گلگت حسین احمد رضا چوہدری اور اسسٹنٹ کمشنر سب ڈویژن جگلوٹ حافظ کریم داد نے وحدت فرسٹ فٹسال پریمیئر لیگ کے اختتامی میچ مہمانان خصوصی کی حیثیت سے شرکت کی اور پہلی ،دوسری اور تیسری پوزیشن حاصل کرنے والی ٹیموں کو انعامات تقسیم کئے۔ اس موقع پر سیکرٹری سیاسیات ایم ڈبلیو ایم غلام عباس اور ڈپٹی سیکرٹری جنرل عارف قنبری نے مہمانان کا استقبال کیا اور انہیں علاقائی ٹوپی تحفے میں پیش کی۔پریمیئر لیگ کا فائنل درویش کلب برمس اور وحدت کلب گلگت کے مابین کھیلا گیا جس میں درویش کلب برمس نے فائنل میچ 2-0 سے جیت کر ٹائٹل اپنے نام کرلیا۔

اس موقع پر عمائدین اور علاقہ اور شائقین فٹبال کی کثیر تعداد میچ دیکھنے کیلئے موجود تھی۔تقسیم انعامات کے دوران معزز مہمانان نے اپنے خطاب میں یوتھ کی سرگرمیوں کو سراہتے ہوئے نوجوانوں کو قوم کا سرمایہ قرار دیا۔انہوں نے اپنے خطاب میں کہا کہ گلگت بلتستان کے نوجوانوں میں ٹیلنٹ کی کوئی کمی نہیں اور اس ٹیلنٹ کو انشاء اللہ اوپر تک لیجائنگے۔انہوں نے کہا کہ حکومت اس سلسلے میں نوجوانوں کی مثبت سرگرمیوں کیلئے مختلف مقامات پر گراؤنڈ تعمیر کررہی ہے اور عنقریب نوجوانوں کو اپنی مثبت صلاحیتوں کو فروغ دینے کا موقع میسر آئیگا

وحدت نیوز (اسلام آباد) مجلس وحدت مسلمین پاکستان کے مرکزی سیکریٹری امور روابط ملک اقرار حسین نے اپنے ایک  بیان میں کہاہے کہ مجلس وحدت مسلمین   پاکستان کے پاکیزہ، بابصیرت اور شجاع افراد کا عظیم الشان قافلہ ہے، یہ کاروان شہدائے ملت جعفریہ بالخصوص شہید قائد کے افکار کی ترویج اور تشیع کے استحکام کے لئے اپنی منازل طے کرتا رہے گا،شوریٰ مرکزی کے اجلاس میں ملک بھر سے آئے ہوئے مرکزی و صوبائی قائدین نے اس عزم کا اعادہ کیا کہ انشاءاللہ وقتی چیلنجز کو اپنے حق میں تبدیل کر دیں گے،شعبہ روابط  ملک بھر میں ڈویژنل سطح پر" بیداری شعور رابطہ مہم " کا آغاز کرے گا۔