The Latest

وحدت نیوز(لاہور) مجلس وحدت مسلمین شعبہ خواتین لاہور کی جانب سے لاہور کے ایک فارم ہاؤس میں عظیم الشان یوم فاطمہؑ و علیؑ کانفرنس کا انعقاد کیا گیا جس میں پچپن سے زائد مہمانان گرامی نے شرکت کی جن میں معلمات ، ذاکرات ، پروفیسرز ،ڈاکٹرز ،انجینئرز، ؤومن چیمبر آف کامرس انڈسٹری کی فاونڈر پریذیڈنٹ ڈاکٹر شمائلہ جاوید ، جماعت اسلامی کی مرکزی ڈپٹی سیکرٹری جنرل ثمینہ احمد ،چرچ گیٹ آف نیشن کی سربراہی میں کافی تعداد میں مسیحی خواتین جبکہ سیاسی شخصیات میں پاکستان پیپلز پارٹی ،  پاکستان تحریک نصاف اور نون لیگ کی اراکین اسمبلی نے بھی کانفرنس میں شرکت کی۔

 اس موقع پر خصوصی شرکت مرکزی ڈپٹی سیکرٹری جنرل ایم ڈبلیو ایم پاکستان مولانا احمد اقبال رضوی ، سیکرٹری جنرل پنجاب مولانا عبد الخالق اسدی، مرکزی ڈپٹی سیکرٹری جنرل ایم ڈبلیو ایم وومن ونگ محترمہ تحسین شیرازی ، محترمہ ذکیہ نقوی ، محترمہ رباب ترمذی ، محترمہ نرگس ھادی ، اور محترمہ معصومہ بہشتی کی تھی، اس کانفرنس کے آغاز میں ایم ڈبلیو ایم شعبہ خواتین لاہور کی ڈپٹی سیکرٹری جنرل محترمہ عظمی نقوی نے کانفرنس کا ایجنڈا پیش کیا اور ضلعی میڈیا سیکرٹری محترمہ نگین زہرا رضوی اور ضلعی سیکرٹری امور مدارس محترمہ عطیہ نے دوران تقریب نظامت کے فرائض انجام دیے ۔

سیکرٹری جنرل حنا تقوی صاحبہ نے کانفرنس سے خطاب کرتے ہوے جناب سیدہ سلام اللہ علیھا کی ذات گرامی پر روشنی ڈالتے ہوے کہا کہ حضرت فاطمۃ الزہرا سلام اللہ علیھا اخلاق و کردار میں اپنی والدہ ماجدہ حضرت خدیجۃ الکبری سلام اللہ علیھا کی صفات عالیہ کا واضح نمونہ ہیں ان کا کہنا تھا آپ سلام اللہ علیھا  اعلی فکری افکار، نیکی اور دینداری میں اپنی والدہ کی وارثہ اور ملکوتی صفات و اخلاق میں اپنے والد گرامی رسول خدا صل اللہ علیہ و آلہ وسلم کی جانشین تھیں۔

 ان کا مزید کہنا تھا کہ خاتون جنت بی بی دو عالم اپنے شوہر مولا علی علیہ سلام کے لیے ایک دلسوز ، مہربان اور فداکار زوجہ تھیں بچوں کی تربیت اور گھریلو ذمہ داریوں کے ساتھ ساتھ آپ سلام اللہ علیھا کو عبادت خداوندی سے عشق تھا جب عبادت کی غرض سے مصلۂ پر کھڑی ہوتیں تو بچوں کو بھی ساتھ کھڑا کرتیں غرضیکہ کہ سیدۃ النساء العالمین س نے اپنے پاکیزہ کردار سے خواتین کے لیے زندگی کے تمام شعبوں اور پہلوؤں میں بہترین راہنمائی کی ہے ۔

مرکزی ڈپٹی سیکرٹری جنرل ایم ڈبلیو ایم پاکستان علامہ سید احمد اقبال رضوی نے کانفرنس سے خصوصی خطاب کرتے ہوئے کہا کہ دختر رسول خداؐ ، ام الآئمہؑ جناب فاطمۃ الزہرا س نہ فقط تمام عالمین کی خواتین کے لیے بلکہ مردوں کے لیے بھی اسوہ کاملہ ہیں نہ صرف ہم جیسے گناہگار مردوں کے لیے آئیڈیل ہیں بلکہ امام زمانہ عجل اللہ تعالی فرجہ شریف فرماتے ہیں کہ میری  دادی سیدہ فاطمۃ الزہرا س میرے لیے اسوہ ہیں انھوں نے کہا اگر ہم اپنے معاشرے کو جنت بنانا چاہتے ہیں تو ہمیں خط فاطمی کو اپنانا ہوگا۔

 اپنے خطاب کے اختتام پر جناب علامہ احمد اقبال رضوی صاحب نے ضلع لاہور کو اس پر شکو کانفرنس کے انعقاد پر مبارکباد پیش کی اور ان کی کاوشوں کو زبردست الفاظ میں خراج تحسین پیش کیا ،کانفرنس میں ضلع لاہور کے تمام یونٹس نے بھرپور شرکت کی کانفرنس کے اختتام پر ضلعی اور یونٹس کابینہ ممبران کی بہترین تنظیمی کارگردکی پر انہیں اعزازی اسناد، میڈلز اور انعامات سے نوازا گیا علاوہ ازیں تقریب میں شریک  مہمانان خصوصی میں مجلس وحدت مسلمین کا لٹریچر ، دینی مواد اور ایم ڈبلیو ایم کے مونو گرام سے مزین کپ تحفے کے طور پر پیش کیے گئے۔

وحدت نیوز(ٹنڈومحمد خان) مجلس وحدت مسلمین شعبہ خواتین ٹنڈو سائیں داد ضلع ٹنڈو محمد خان میں خواتین اور بچیوں کے لیے درسگاہ منتظران مہدی کا افتتاح کیا گیا جس میں پچاس  سے زائد خواہران دینی تعلیم حاصل کر سکیں گی روزانہ دو گھنٹے پر مشتمل کلاس میں ضلعی سیکرٹری جنرل ٹنڈو محمد خان محترمہ شہ پارہ اور دیگر معلمات تدریس کے فرائض سر انجام دیں گی۔

وحدت نیوز(اسلام آباد) امامیہ آرگنائزیشن پاکستان (شعبہ خواتین) کے زیر اہتمام جامعہ امام صادق جی نائن ٹو اسلام آباد میں 2 روزہ محسنہ اسلام حضرت خدیجة الکبریٰ سلام اللہ علیہا کنونشن منعقد ہوا۔ امامیہ خواتین کنونشن سے مرکزی سیکرٹری جنرل شعبہ خواتین ایم ڈبلیو ایم و ایم پی اے پنجاب اسمبلی سیدہ زہرا نقوی نے بھی خطاب کیا۔

انہوں نے اسلامی معاشرے کی تشکیل میں خواتین کے کرداراور فرائض پر روشنی ڈالی، انہوں نے کہاکہ پاکستان میں خواتین کو بااختیاراور تربیت یافتہ بنانے کیلئے وسیع میدان خالی ہے ، دینی جماعتوں کو زیادہ سے زیادہ بہترانداز میں خواتین کو معاشرتی، سیاسی واجتماعی ذمہ دارایوں سے آگاہ کرنے کی ضرورت ہے ۔

وحدت نیوز(اسلام آباد) مجلس وحدت مسلمین شعبہ خواتین کا ایک اہم اجلاس مرکزی سیکرٹری جنرل و ایم پی اے سیدہ زہرا نقوی کی زیر صدارت ہوا جس میں راولپنڈی اور اسلام آباد سے خواتین کارکنان کی کثیر تعداد نے شرکت کی۔اجلاس میں ایم ڈبلیو ایم کی سینئر رکن و سابقہ سیکرٹری جنرل راولپنڈی محترمہ قندیل کاظمی کو  مرکزی سیکرٹری یوتھ نامزد کیا گیا۔

 اجلاس میں ضلع راولپنڈی کی تنظیم نو بھی کی گئی۔شرکاء اجلاس نے حق رائے دہی استعمال کرتے ہوئے فرح بتول کو ضلعی سیکرٹری جنرل جبکہ عفت نقوی اور ثمن زہرا کو ڈپٹی سیکرٹری جنرل منتخب کیا۔اجلاس میں یونٹ علی پور اور ترلائی کی یونٹ سازی بھی ہوئی ۔نومنتخب عہدیداران سے مرکزی سیکریٹری جنرل شعبہ خواتین وایم پی اے سیدہ زہرا نقوی نے حلف لیا۔

اجلاس سے خطاب کرتے ہوئے مرکزی سیکرٹری جنرل زہرا نقوی نے کہا کہ پاکیزہ معاشرے کی تشکیل میں دیندار خواتین کا فعال کردار انتہائی اہم ہے۔خواتین پر گھریلو ذمہ داریوں کے ساتھ ساتھ معاشرتی ذمہ داریاں بھی عائد ہوتی ہیں۔ہم نے اسوہ زینبی سلام اللہ علیہا پر عمل کرتے ہوئے اپنے معاشرے کی اسلام کے سنہرے اصولوں کے مطابق رہنمائی کرنی ہے۔

انہوں نے کہا کہ ثقافتی یلغار کے ہتھیار سے مغربی طرز معاشرت کی ترویج بے راہ روی اور مدر پدر آزاد معاشرے کے فروغ کا باعث بن رہا ہے ایسی صورتحال میں ہماری ذمہ داریاں بڑھ گئی ہیں۔ہم نے اسلام کی پاکیزہ تعلیمات اور اسوہ اہلبیت اطہار علیہم السلام کو طرز زندگی بنا کر یہود و نصاری کے ناپاک ارادوں کے سامنے ڈھال کا کردار ادا کرنا ہے۔نظریہ اسلام کے نام پر معرض وجود میں آنے والے ارض پاک پر ہم طاغوتی چالوں کو کامیاب نہیں ہونے دیں گے۔

وحدت نیوز(اسلام آباد) مجلس وحدت مسلمین شعبہ خواتین کی جانب سے  ولادت جناب سیدہ سلام اللہ علیھا کے موقع پر  آن لائن خاتون جنت مضمون نویسی مقابلے کا انعقاد کیا گیا جس میں 18 سے زائد خواتین نے عصر حاضر میں پیروان جناب سیدہ فاطمۃ الزہرا س کے عنوان پر مضمون تحریر کیے۔

 ارسال شدہ مضامین میں سے پہلے تین بہترین مضامین کے انتخاب کے لیے ایم ڈبلیو ایم شعبہ خواتین کی مرکزی ڈپٹی سیکرٹری جنرل محترمہ تحسین شیرازی مرکزی سیکرٹری تنظیم سازی محترمہ معصومہ نقوی اور مرکزی سیکرٹری نشر و اشاعت محترمہ عظمی تقوی نے ججز کے فرائض انجام دیے ججز کے متفقہ فیصلے کے مطابق  پہلی تین پوزیشن کی حقدار بالترتیب لاہور سے محترمہ خدیجہ شوکت  ، آزاد کشمیر سے محترمہ فضہ ساجد اور  لاہور ہی سے محترمہ صباحت رضوی قرار پائیں ۔

خاتون جنت مضمون نویسی مقابلے  میں پوزیشنز حاصل کرنے والی خواہران کے لیے مجلس وحدت مسلمین شعبہ خواتین کی جانب سے  اسناد، کیش پرائز اور کتب ارسال کی گیئں جبکہ مقابلے میں حصہ لینے والی تمام خواہران کی بھی حوصلہ افزای کے لیے اسناد اور کتابیں ھدیہ کی گئیں


وحدت نیوز(اسلام آباد)مجلس وحدت مسلمین شعبہ خواتین کی مرکزی سیکرٹری جنرل و ایم پی اے سیدہ زہرا نقوی کی صدارت میں مرکزی آفس ایم ڈبلیو ایم اسلام آباد میں مجلس وحدت مسلمین شعبہ خواتین کا اجلاس منعقد ہوا ۔جس میں مرکزی سیکرٹری سیاسیات محترمہ نرگس سجاد، مرکزی سیکرٹری یوتھ محترمہ سائرہ ابراہیم ، سیکرٹری جنرل گلگت بلتستان و رکن جی بی اسمبلی محترمہ کنیز فاطمہ اور ڈپٹی سیکرٹری جنرل و سابقہ رکن جی بی اسمبلی محترمہ بی بی سلیمہ نے شرکت کی۔

 اجلاس میں ملک بھر کے اضلاع میں شعبہ خواتین کی کارکردگی کا جائزہ لیا گیا نیز مجموعی طور پر تنظیمی امور میں بہتری لانے اور منظم و مربوط سسٹم کے تحت فعالیت برقرار رکھنے کے حوالے سے مشاورت کی گئی۔

وحدت نیوز(سکھر)مجلس وحدت مسلمین ضلع سکھر شعبہ خواتین کے زیر اہتمام ولادت باسعادت شہزادی کونین حضرت فاطمہ زہرا س کی مناسبت سے سالانہ بضعتہ الرسول کانفرنس کا انعقاد مہران کلچرل سینٹر میں کیا گیا جس میں خصوصی شرکت اور خطاب سربراہ مجلس وحدت مسلمین پاکستان علامہ راجا ناصر عباس جعفری اور مرکزی سیکرٹری جنرل شعبہ خواتین و ایم پی اے سیدہ زہرا نقوی نے کیا ۔

کانفرنس سے خطاب میں محترمہ سیدہ زہرا نقوی کا کہنا تھا کہ خداوند عالم کا شکر ہے کہ اس نے توفیق بخشی کہ آج جناب سیدہ سلام اللہ علیھا کہ نام پر ہم سب یہاں موجود ہیں قائد وحدت علامہ راجا ناصر عباس جعفری کو خراج تحسین پیش کرتے ہوۓ ان کا کہنا تھا کہ مجلس وحدت مسلمین شعبہ خواتین کی جانب سے ملک کے مختلف اضلاع میں خاتون جنت جناب سیدہ سلام اللہ علیہاکی ولادت کے موقع پر جشن کی محافل ، سیمینار اور کانفرنسز کا انعقاد کیا گیا اور یہ تمام تر کاوشیں اور ملک بھر میں شعبہ خواتین کا فعال ہونا قائد وحدت علامہ راجا ناصر عباس جعفری حفظ اللہ کی سرپرستی کا نتیجہ ہے جنھوں نے اپنی بھرپور قائدانہ صلاحیتوں سے خواتین کو اس ملک میں میدان عمل کی راہ دکھائی۔

 ان کا کہنا تھا کہ بطور خاتون عائلی زندگی کی ذمہ داریوں کے علاوہ مختلف شعبہ ہاۓ زندگی سے تعلق رکھنے کے والی ہماری بہنیں جو اس الہی جماعت کے مقدس سفر میں ہمارے ساتھ ہیں واقعاً لائق تحسین ہیں۔ ان کا مزید کہنا تھا کہ ایک خاتون کے لیے ان گنت گھریلو اور انفرادی ذمہ داریوں کے ساتھ معاشرے میں بھی مثبت تعمیری و اجتماعی کردار ادا کرنا کسی طور آسان نہیں لیکن جناب سیدہ سلام اللہ علیھا کی پیروکار بی بی کے مشن کو زندہ رکھنے کے لیے اپنی کاوشوں کو جاری رکھے ہوئے ہیں۔

وحدت نیوز(اٹک) مجلس وحدت مسلمین شعبہ خواتین اور آئی ایس او طالبات کی جانب سے یوم حجاب کے عنوان سے اٹک میں ایک پروگرام کا انعقاد کیا گیا جس میں محترمہ فائزہ نقوی نے خطاب کرتے ہوئے ویلنٹائن جیسی بے ہودہ مغربی ثقافت کی شدید الفاظ میں مذمت کی۔

 ان کا کہنا تھا اسلامی ممالک کو ایسے غیر اسلامی تہوار کایکسر انکار کرنا چاہیے دین اسلام نے عورت کو شرف اور مقام و منزلت عطا کی ہے ایک خاتون کی چادر اس کا تحفظ اور وقار ہے ان کا کہنا تھا کہ ہمارا معاشرہ دین اسلام کے بارے میں اور عورت کی آزادی کے نام پر کیے جانے والے مغربی پراپگینڈہ کی ذد میں ہے اسلام نے عورت کو قدر و قیمت عطا کی اور حجاب اس کے لیے لازم قرار دیا ہے تاکہ وہ اپنی پاکدامنی کا تحفظ کر سکے۔

 انھوں نے مزید کہا کہ امام خمینی رح نے خواتین کے حجاب کو شہدا کے خون سے ذیادہ افضل قرار دیا ہے لھذا جناب زینب سلام اللہ علیھا کی پیروکار اپنے حجاب شرعی کے ساتھ دین کی خدمت کا جزبہ لے کر میدان میں اتریں علاوہ ازیں بچیوں نے ٹیبلو اور حجاب کے عنوان پر اصلاحی خاکہ جات بھی پیش کیے پروگرام میں مجلس وحدت مسلمین شعبہ خواتین کی ضلعی اراکین سمیت مرکزی خواہران محترمہ فرح دیبا، محترمہ قراۃ العین اور زینب بنت الھدی نے شرکت کی۔

وحدت نیوز(لاہور) مجلس وحدت مسلمین پاکستان شعبہ خواتین کی مرکزی سیکریٹری جنرل اور رکن پنجاب اسمبلی محترمہ سیدہ زہرانقوی نے عوامی مقامات پر خواتین کیلئے حجاب کی پابندی کو لازمی قرار دلوانے کی قرار داد پنجاب اسمبلی جمع کروادی ۔

رکن پنجاب اسمبلی سیدہ زہرا نقوی نے پنجاب اسمبلی میں قرارداد جمع کروائی ہے، جس میں مطالبہ کیا گیا ہے کہ تمام صوبائی اسمبلیوں، الیکٹرانک میڈیا، سرکاری و نیم سرکاری اداروں میں خواتین کے لئے دوپٹہ کے استعمال کو لازمی قرار دیا جائے۔پنجاب اسمبلی سمیت ملک بھر کے دفاتر اور دیگر کام کی جگہوں پر حجاب لازم قرار دیا جائے اور بغیر حجاب کے پنجاب اسمبلی میں خواتین کے داخلے پر پابندی عائد کی جائے۔

 سیدہ زہراء نقوی کا قرارداد میں مزید کہنا ہے کہ حفظان صحت کے ایس او پیز پر عمل ہو سکتا ہے تو دین کے ایس او پیز پر عمل درآمد کیوں نہیں ہو سکتا ،غیر اسلامی طرز عمل نئی نسل کو بے راہ روی کا فروغ دے رہا ہے،مغربی تہذیب و کلچر کو فروغ دینے پر پابندی عائد کی جائے،

انہوں نے مزید کہاکہ پاکستان اسلامی ملک ہے، جسے کلمہ طیبہ کی بنیاد پر حاصل کیا گیا ہے، پاکستان میں اسلامی قوانین کے تحت ہی قانون سازی کی جائے۔ انہوں نے کہا کہ حجاب خواتین کے وقار میں اضافے کا باعث ہے، اس کے اطلاق سے خواتین میں اعتماد پیدا ہوگا۔

وحدت نیوز(اسلام آباد)مجلس وحدت مسلمین شعبہ خواتین کے مرکزی وفد نے مرکزی سیکرٹریٹ ایم ڈبلیوایم آمد کے موقع پر ایم ڈبلیو ایم جی بی کے ممبران اسمبلی صوبائی وزیر زراعت کاظم میثم،شیخ اکبر رجائی اور کنیز فاطمہ علی سے ملاقات کی۔ وفد میں ایم ڈبلیو ایم شعبہ خواتین کی مرکزی سیکرٹری سیاسیات محترمہ نرگس سجاد ، مرکزی آفس سیکرٹری محترمہ بینا شاہ اور مرکزی سیکرٹری یوتھ و سیکرٹری جنرل گلگت محترمہ سائرہ ابراہیم شامل تھیں ۔

وفد نے اس موقع پر تینوں ممبران اسمبلی کو ذمہ داری سنبھالنے پر مبارکباد دی اور خیر مقدم کیا۔اس موقع پر گلگت بلتستان میں خواتین کو درپیش تعلیمی مسائل اور دیگر ایشوز سمیت گلگت بلتستان کے خواتین کو امپاور کرنے اور ان کے لئے روزگار کے مواقع تلاش کرنے سمیت دیگر اہم ایشو پر تبادلہ خیال ہوا۔

سیکریٹری جنرل مجلس وحدت مسلمین ضلع کھرمنگ و رکن گلگت بلتستان اسمبلی شیخ اکبر رجائی نے اظہار خیال کرتے ہوئے کہا کہ کسی بھی تحریک میں خواتین کے کردار کو فراموش نہیں کیا جا سکتا لہذا خواتین کو با اختیار بنانا اور انکے مسائل کا حل ہماری اولین ترجیحات میں شامل ہے اور خاص کر خواتین کی تعلیم کے حوالے سے موجودہ حکومت سنجیدہ ہے اور اس معاملے میں ہر ممکن تعاون کے لیے تیار ہے۔

Page 1 of 74

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree