The Latest
وحدت نیوز(کوئٹہ) مجلس وحدت مسلمین شعبہ خواتین علمدار روڈ کوئٹہ کی صدر باجی کنیز صاحبہ کے گھر کابینہ ممبرز کے عہدوں اور ذمہ داریوں اور دیگر ادائیگی فرائض کے متعلق ایک اہم میٹنگ منعقد ہوا ۔ جس میں محترم آغا ہادی شاہ نے کابینہ کی اراکین کو مجلس وحدت مسلمین کے منشور اور اصل اہداف و مقاصد کو از روئے حدیث اور روایات آئمہ طاہرین علیہیم السلام اور دین حق کے علمبرداروں کی حیات و ممات کو مد نظر رکھتے ہوئے اجاگر کیا ۔
نیز تمام کابینہ ممبرز کو ہر قسم کے شیطانی وسوسوں اور فتنہ آخر زمان سے متعلق اپنے ایمان کی حفاظت اور امور کی مخلصانہ انجام دہی کی نصیحت کی گئی۔ الحمداللہ میٹنگ کے اختتام پرضلعی صدر کے کابینہ کے افراد کا انتخاب ہوا، جنکو اگلی میٹنگ میں انکی صلاحیت کیمطابق زمہ داری سونپی جائیگی۔ انشاء اللہ
وحدت نیوز(اسلام آباد)امامبارگاہ امام جعفر صادق علیہ السلام اسلام آباد میں منعقدہ مجلس ترحیم بیاد شہدائے خدمت کے موقع پر ایم ڈبلیو ایم وومن ونگ کی جانب سے شہدائے خدمت کو خراج عقیدت پیش کرنے کے لیے مصوری مقابلہ اور قرآن خوانی کا اہتمام کیا گیا ، شہید ہم سے یہ کہ رہے ہیں لہو ہمارا بھلا نہ دینا اور شہادت تا ظہور مہدی عج کے عنوان پر بچوں نے مصوری مقابلے میں حصہ لیا جس میں پہلی تین بہترین تصاویر بنانے والے بچوں کو مرکزی صدر ایم ڈبلیو ایم وومن ونگ سیدہ معصومہ نقوی نے انعامات دیے اس موقع پر مجلس ترحیم میں آنے والے شرکاء نے شہداء کی بلندی درجات کے لیے ایک صفحہ قرآن تلاوت کرکے ھدیہ کیا۔
علاوہ ازیں خواتین نے ایک جملہ برائے شہداء کی سرگرمی میں بھرپور حصہ لیا اور اپنے الفاظ میں شہداء کو خراج تحسین پیش کیا۔ محترمہ معصومہ نقوی نے ضلع راولپنڈی اور اسلام آباد کی مسئولین کا تہہ دل سے شکریہ ادا کیا جنہوں نے مرکز کی جانب سے منعقدہ ان پروگرامز میں اپنی بھرپور خدمات پیش کیں۔
وحدت نیوز(لاہور)مجلس وحدت مسلمین شعبہ خواتین کی مرکزی صدر سیدہ معصومہ نقوی کی خصوصی ہدایت پر ایم ڈبلیو ایم شعبہ خواتین کے مختلف اضلاع اور یونٹس میں شہدائے خدمت صدر ایران شہید ابراہیم رئیسی اور ان کے رفقاء کی یاد میں قرآن خوانی اور مجالس ترحیم کا انعقاد کیا گیا اس سلسلے میں سکھر، جہلم رحیم یار خان ، چینیوٹ ، کوئٹہ ، اٹک، راولپنڈی ، آزاد کشمیر ، چشتیاں ، فیصل آباد اور گلگت کے یونٹس میں شہداء کی یاد کو زندہ کیا گیا مقررین نے شہید ابراہیم رئیسی اور ان کے رفقاء کو خراج تحسین پیش کیا اور رہبر انقلاب سید علی خامنہ ای کی قیادت میں شہداء کے راستے اور اھداف کو زندہ رکھنے کی تلقین کی ۔
وحدت نیوز(لاہور) مرکزی صدر مجلس وحدت مسلمین شعبہ خواتین محترمہ معصومہ نقوی کی سربراہی میں لاہور کی تمام تحصیل صدور کے ہمراہ اہم اجلاس صوبائی دفتر ایم ڈبلیو ایم لاہور میں منعقد ہوا جس میں بڑے پیمانے پر سنڈے سکول کے قیام کے لیے ضروری اقدامات کی جانچ پڑتال کی گئی سنڈے سکول کے لیے معلمات اور قاریات کی تدریس کے حوالے سے گفتگو ہوئی۔
محترمہ معصومہ نقوی نے سنڈے سکول کا کورس مسئولین کو مہیا کیا ان شاء اللہ بچوں کی بہتر علمی تربیت کے لیے جلد تربیتی کیمپس اور سنڈے سکول کے قیام کے لیے اقدامات کیے جائیں گے ۔
وحدت نیوز(راولپنڈی)مجلس وحدت مسلمین ضلع راولپنڈی اسلام آباد شعبہ خواتین کے وفد نے ضلعی صدر محترمہ صدیقہ کائنات کی سربراہی میں خانہ فرہنگ راولپنڈی میں ڈائریکٹر جناب ڈاکٹر مہدی طاہری کے ساتھ ملاقات کی اور شہید ابراہیم رئیسی و رفقاء کی المناک شہادت پر اپنی تعزیت و تسلیت پیش کی اس موقع پر مجلس وحدت مسلمین شعبہ خواتین ضلع راولپنڈی اسلام اباد کی صدر جناب خواہر صدیقہ کائنات کے ہمراہ مرکزی آفس سیکرٹری بینہ شاہ ڈپٹی سیکرٹری خواہر نادیہ ظفر میڈیا سیکرٹری نغمہ فاطمہ زیدی اور دیگر کارکنان موجود تھیں۔
وفد نے خانہ فرہنگ ایران راولپنڈی میں منعقدہ تصویر نمائش کا دورہ کیا اورآقا ابراہیم رئیسی شہید کی دورانیہ خدمت کی یادوں کو تازہ کیا اس موقع پر خانہ فرہنگ کے ڈائریکٹر ڈاکٹر مہدی طاہری نے گفتگو کرتے ہوئے کہا کہ آپ کا ہمارے غم میں شریک ہونا ہمارے لیے نہایت تسلی کا باعث ہے اس لحاظ سے کہ پاکستان اور ایران دو برادر ملک ہیں اور ان کے درمیان گہرے تعلقات موجود ہیں۔
محترمہ صدیقہ کائنات نے اس موقع پر کہا کہ شہید صدر ابراہیم رئیسی اور ان کے رفقاء کی شہادت نے پورے عالم اسلام کو غمزدہ کر دیا ہے شہید ابراہیم رئیسی ایک نڈر ، جرات مند اور عظیم لیڈر کے طور پر سامنے آئے انہوں نے نہ فقط ملت ایران بلکہ تمام امت مسلمہ کی نمائندگی کرتے ہوئے دشمنان دین و قرآن کو رسوا کیا مظلومین جہاں بالخصوص فلسطین کی حمایت و نصرت کا دلیرانہ موقف لیے پوری دنیا میں امریکہ و اسرائیل کا مکروہ چہرہ بے نقاب کیا۔
وحدت نیوز(لاہور)مجلس وحدت مسلمین شعبہ خواتین کی مرکزی صدر سیدہ معصومہ نقوی نے ایرانی صدر سید ابراہیم رئیسی اور ان کے رفقاء کی المناک شہادت پر اظہار تعزیت پیش کرتے ہوئے کہا کہ آقائے ابراہیم رئیسی اور ان کے ساتھیوں کی المناک شہادت نے پورے عالم اسلام کو غمزدہ کر دیا آج سے تین سال پہلے آقائے ابراہیم رئیسی امام ہشتم امام علی رضا علیہ سلام کی ولادت کے دن ایران کے آٹھویں صدر منتخب ہوئے اور تین سال بعد امام ہشتم علیہ سلام کی شب ولادت خداوند سبحان نے آپ کو شہادت کے درجے پر فائز کیا آپ خود خانوادہ سادات سے تعلق رکھنے والے ہیں اور اس عظیم ذمہ داری کو ادا کرتے ہوئے شہادت کے راستے پر آپ نے قدم رکھا ان شاء اللہ آپ آج امام رضا علیہ سلام کے مہمان ہیں اور امام ہشتم آپ کو اپنی پناہ میں لیں آپ کی زحمات قبول درگاہِ حق ہوں ۔
ان کا کہنا تھا کہ آقائے ابراہیم رئیسی کا پاکستان کا دورہ کرنا یہ سب ہمارے لیے پیغام ہے کہ ایران و پاکستان دو ایسے اسلامی ممالک ہیں جو اسلام اور اسلامی اھداف کو آگے بڑھانے میں ہمیشہ پیش پیش رہیں گے میں تمام عالم اسلام بالخصوص رہبر عزیز من سید علی خامنہ ای حفظ اللہ اور بہادر ملتِ ایران کو اس عظیم مصیبت پر تعزیت و تسلیت پیش کرتی ہوں ۔
وحدت نیوز(اسلام آباد)مجلس وحدت مسلمین شعبہ خواتین اسلام آباد وراولپنڈی کی صدر محترمہ صدیقہ کائنات ، مرکزی آفس سیکرٹری محترمہ بینا شاہ ، ضلعی جنرل سیکرٹری خواہر نادیہ اور میڈیا سیکرٹری محترمہ نغمہ زیدی نےکلچرل قونصلیٹ جمہوری اسلامی ایران اسلام آباد کے زیر اہتمام منعقدہ فلسطین کانفرنس میں خصوصی دعوت پر شرکت کی کانفرنس سے خطاب کرتے ہوئے محترمہ صدیقہ کائنات نے فلسطین کے بچوں اور خواتین پر جنگ کے اثرات اور ہماری ذمہ داری کے عنوان پر روشنی ڈالی۔
وحدت نیوز(لاہور)مجلس وحدت مسلمین پنجاب سیکرٹریٹ میں وحدت ویلفیئر کی میٹنگ میں سیکرٹری ویلفیئر آغا باقر علی نے سید علی رضا کاظمی کو اپنا ڈپٹی سیکرٹری نامزد کردیا ہے ، میٹنگ میں ضلع لاہور کے نائب صدر رانا کاظم علی اور فصل عباس نقوی بھی شریک تھے سید علی رضا کاظمی کو ڈپٹی سیکرٹری بننے پر دل کی اتھاہ گہرائیوں سے مبارکباد پیش کرتے ہیں ۔
وحدت نیوز (لاہور) علاقے کے نوجوانوں سے مشاورت کے بعد وحدت یوتھ عزیز بھٹی ٹاؤن کے صدر خامس ہاشمی صاحب اور جنرل سیکرٹری یزدان ہاشمی صاحب کو نامزد کردیا گیا ہے۔ بمقام امام بارگاہ حضرت ابوطالب علیہ السلام پیپسی روڈ لاہور میں تقریب حلف برداری کی تقریب رکھی گئی جس میں مجلس وحدت مسلمین ضلع لاہور کے نائب صدر رانا کاظم علی اور وحدت یوتھ لاہور ڈویژن کے صدر برادر نقی حیدر، جنرل سیکرٹری ذیشان حیدر اور دیگر مجلس وحدت مسلمین کے عہدیداروں نے خصوصی شرکت کی اور علاقے کے جوانوں سے بعد از حدیث کساء مختصر خطاب بھی کیا گیا اس کے بعد صدر اور جنرل سیکرٹری عزیز بھٹی ٹاؤن سے حلف لیا گیا ۔
وحدت نیوز(لاہور)صوبائی سیکرٹریٹ مجلس وحدت وحدت مسلمین پاکستان صوبہ پنجاب لاہور سیکریٹریٹ میں جشن ولادت باسعادت حضرت ابو طالب علیہ السلام کا کیک کاٹا گیا ۔مجلس وحدت مسلمین وحدت یوتھ ونگ کے زیر اہتمام ولادت باسعادت حضرت ابو طالب علیہ السلام مطابق 29 شوال المکرم کے پرمسرت دن کی مناسبت سے جشن ابو طالب علیہ السلام کا کیک کاٹا گیا ۔خوشی کے اس بابرکت موقعہ پر جناب برادر نقی حیدر ڈویژنل صدر یوتھ ونگ لاہور ڈویژن ، جناب رانا کاظم علی نائب صدر مجلس وحدت مسلمین ضلع لاہور اور وحدت یوتھ کے دیگر معزز اراکین بھی موجود تھے ۔صدر وحدت یوتھ لاہور ڈویژن برادر نقی حیدر کے آفس میں لاہور یوتھ ونگ کے دوستوں کی آمد اور حضرت ابوطالب علیہ السلام کی ولادت کی خوشی میں کیک کاٹا گیا۔
