The Latest
وحدت نیوز(لاہور)اربعین حسینی 2024ء کے حوالے سے صوبائی سیکرٹریٹ مجلس وحدت مسلمین پاکستان صوبہ پنجاب میں اہم میٹنگ کا انعقاد ۔ ہرسال کی طرح امسال بھی اربعین حسینی 2024ء کی مناسبت سے لاہور میں اربعین واک کے حوالے اہم میٹنگ منعقد ہوئی ۔ جناب آفتاب علی ہاشمی ضلعی سنیئر نائب صدر مجلس وحدت ضلع لاہور، جناب رانا کاظم ضلعی نائب صدر مجلس وحدت مسلمین ضلع لاہور ،جناب نقی مھدی ضلعی جنرل سیکرٹری مجلس وحدت مسلمین ضلع لاہور ، ،سید فخر حسنین رضوی ڈویژنل صدر عزاداری ونگ لاہور ڈویژن ، جناب آغا باقر ضلعی سیکرٹری فلاح وبہبود ضلع لاہور ، جناب مظہر عباس جعفری صوبائی سیکرٹری تنظیم سازی مجلس وحدت مسلمین صوبہ پنجاب ،ظہیر کربلائی صوبائی آفس سیکرٹری مجلس وحدت مسلمین صوبہ پنجاب کی شرکت ۔
وحدت نیوز(لاہور)مجلس وحدت مسلمین پنجاب کے صوبائی سیکرٹریٹ میں آئی ایس او ادارہ تربیت کے مسئولین کی آمد، ادارہ تربیت امامیہ اسٹوڈنٹس آرگنائزیشن پاکستان کے مسئول جناب حجت الاسلام و المسلمین علامہ سید اسد عباس نقوی اور برادر شکیل بخاری کی صوبائی سیکرٹریٹ مجلس وحدت مسلمین پنجاب آمد ظہیر کربلائی صوبائی آفس سیکرٹری مجلس وحدت مسلمین پنجاب نے معزز مہمانوں کو خوش آمدید کہا ۔ علامہ سید اسد عباس نقوی کا پیغام اربعین کی مناسبت سے بیان ریکارڈ کیا گیا ۔ بعد ازاں انہوں نے صوبائی سیکرٹریٹ میں ایک صمیمی نشست میں شرکت کی ۔ اس موقعہ پر جناب مظہر عباس جعفری صوبائی سیکرٹری تنظیم سازی اور ظہیر کربلائی صوبائی آفس سیکرٹری کےعلاوہ جناب علامہ سید حسن رضا نقوی معروف خطیب اور برادر سجیل مسئول ادارہ صدائے وحدت پاکستان بھی موجود تھے ۔
وحدت نیوز(گلگت)اپوزیشن لیڈر گلگت بلتستان اسمبلی کاظم میثم نے ایک بیان میں کہا ہے کہ سکردو شہر میں گزشتہ 52 گھنٹوں سے اندھیرے کا راج اور حکومت مکمل تماشائی بنی ہوئی ہے، بجٹ میں بھی اس حکومت نے مکمل اندھیرے میں رکھا ہوا ہے، عوام سڑکوں پر آنے سے قبل سکردو کی بجلی فوری بحال کی جائے، تکنیکی فالٹ کا جواز مل سکتا ہے لیکن کئی روز تک ٹس سے مس نہ ہونا انتہائی غفلت اور لاپرواہی ہے، پہلی دفعہ گرمیوں میں گلگت بلتستان اتنی طویل لوڈشیڈنگ دیکھی گئی، اس حکومت کے کندھے پر بیٹھ کر مافیا ہمارے معدنیات کی طرف بڑھنے کا اعلان بھی ہو چکا ہے، ایسی حکومت مسلط کی گئی جسے آون کرنے کے لیے کوئی تیار نہیں ہے۔
ان کا کہنا تھا کہ ایک طرف سیلابی تباہ کاریاں اور دوسری طرف عوام لوڈشیڈنگ کے عذاب میں مبتلا ہے، سکردو کے عوام کو محروم رکھنے کے علاوہ مخصوص ایجنڈے کے تحت دیوار سے لگانے کی کوشش ہو رہی ہے، اگست کے مہینے میں سو سے زائد افراد پر ایف آر ثابت کرتا ہے کہ کوئی کھچڑی پکائی جا رہی ہے، عوام کی وجہ سے یہ ملک ہے تو عوام کیوں آنکھوں میں کھٹکتے ہیں، عوام کو دبانے کی باتیں کرنے والے یاد رکھیں اپنا رویہ نہ بدلا تو عوام بھی آپ کو پیارے اور دلارے نہیں سمجھتے ہیں، جتنا کوئی عوام کو تنگ کرے عوام اپنا ردعمل اسی طرح دیں گے۔
انہوں نے کہا کہ ہرکہ گل گفت گل شنید مسلمہ اصول ہے، یہاں کے عوام وقار و عزت سے جینے کا ہنر جانتا ہے، گلگت بلتستان کے عوام اداروں کے رویوں سے تنگ آچکے ہیں اور نالاں ہیں، اس دور میں بھی بجلی، پانی، تعلیم اور صحت کے لیے عوام کو احتجاج کرنا پڑنا اجتماعی ناکامی ہے، اس ناکامی کو دور کرنے کے لیے عوام کے ہاتھوں فیصلے دینے ہوں گے اور تمام محکموں کو اپنی فعالیت درست کرنی ہوگی۔
وحدت نیوز(کوئٹہ)مجلس وحدت مسلمین بلوچستان کے نائب صدر و امام جمعہ علامہ علی حسنین حسینی نے کہا ہے کہ پاکستان کے عوام مظلوم فلسطینی عوام کے ساتھ کھڑے ہیں۔ مسئلہ فلسطین کے حوالے سے ہمارا موقف واضح ہے کہ فلسطین کی سرزمین فقط فلسطینی عوام کی ہے، جس پر اسرائیل نے قبضہ کیا ہے۔ عالم اسلام کو فلسطین کی مکمل حمایت کرنی چاہئے۔ اپنے جاری کردہ بیان میں علامہ علی حسنین حسینی نے کہا کہ فلسطین کے مظلوم عوام پر قابض اسرائیل کا ظلم و ستم جاری ہے۔ اسرائیل ایک عالمی دہشتگرد ہے، جس نے مظلوموں پر بے تحاشا مظالم ڈھائے ہیں۔ گزشتہ دس ماہ کے دوران عالمی اداروں کی بے بسی اور اسرائیل کا ساتھ دینے والے استکبار کی اصلیت واضح ہو گئی۔
انہوں نے کہا کہ دنیا بھر میں عوام اسرائیل اور صہیونزم کی مذمت کر رہے ہیں۔ جن ممالک میں احتجاج کی توقع نہیں تھیں وہاں بھی لوگ ہزاروں کی تعداد میں فلسطین سے اظہار یکجہتی کے لئے نکلے۔ طلباء کی جانب سے فلسطین کے حق میں مظاہرے ہوئے، حتیٰ کہ اسرائیل میں بھی نیتن یاہو کے خلاف مظاہرے کی خبریں سامنے آئیں۔ تاہم بیشتر مسلم حکمرانوں کو توفیق حاصل نہیں ہوئی کہ اسرائیل کے خلاف اپنا دو ٹھوک موقف پیش کرے اور فلسطینی عوام کی کھل کر مدد کرے۔ انہوں نے کہا کہ گزشتہ سال اکتوبر کے بعد اسرائیل نے غزہ میں مسلسل ظلم جاری رکھا۔ ہسپتالوں، اسکولوں پر بم برسائے گئے۔ پناہ گزینوں کے کیمپس پر حملے کئے۔ فلسطینی عوام پر زمین تنگ کر دی گئی۔ ان سے جینے کا حق تک چھین لیا گیا۔ جس پر پوری دنیا کے عوام کو اپنا احتجاج ریکارڈ کروانا چاہئے۔ پاکستانی عوام بھی فلسطین کی حمایت کا سلسلہ جاری رکھے۔
وحدت نیوز(کراچی) مجلس وحدت مسلمین صوبہ سندھ کے صدر علامہ سید باقرعباس زیدی نے لاڑکانہ سے تعلق رکھنے والے زائرین کی بس کےعراق جاتے ہوئے ایرانی شہر یزد میں خوفناک حادثے پردلی افسوس اور رنج کااظہار کیا ہے ۔
میڈیا سیل سے جاری اپنے تعزیتی بیان میں انہوں نے کہا کہ اس اندھوناک سانحے میں 35 زائرین کی شہادت اور ایک درجن کے قریب زائرین کے شدیدزخمی ہونا ایک ناقابل تلافی نقصان ہے ۔
انہوں نے کہا کہ زائرین کی شہادت ایک عظیم سعادت بھی ہے ، جنہیں خود امام حسینؑ نے اپنی بارگاہ میں طلب کیا ہے، دکھ کی اس گھڑی میں ایم ڈبلیوایم کے تمام اراکین غم ذدہ خاندانوں کے ساتھ کھڑے ہیں۔
علامہ باقرعباس زیدی نے بس مالکان اور ڈرائیور حضرات سے بھی گذارش کی ہے کہ بیرون ملک سفر سے پہلے اور دوران سفر بسوں کی فٹنس کا خصوصی خیال رکھا جائے، بیرون ممالک خصوصاً ایران اور عراق میں بین الاقوامی طرز کے ٹریفک قوانین سے آشنائی اور ان کی پابندی کا بھی خاص خیال رکھنا ضروری ہے تاکہ اس قسم کے افسوسناک سانحات سے بچا جا سکے۔
انہوں نے شہداءکیلئے دعائے مغفرت اور زخمیوں کی جلد صحت یابی کی دعا کی ہے اور ساتھ ہی ایرانی حکومت اور تہران میں موجود پاکستانی سفارت خانے سے مطالبہ کیا ہے کہ وہ شہداء وزخمیوں کے اہل خانہ کے ساتھ فوری مکمل تعاون کو یقینی بنائیں ، زخمیوں کی بہترین نگہداشت اور شہداء کے جسدہائے خاکی کی وطن واپسی کیلئے جلد موثر اقدامات اٹھائے جائیں۔
وحدت نیوز( رینیال کوہالہ )صوبائی صدر مجلس وحدت مسلمین پنجاب علامہ سید علی اکبر کاظمی کا رینیال کوہالہ یونٹ کا تنظیمی دورہ یونٹ کابینہ سے ملاقات ملکی موجودہ صورتحال اربعین واک اور حالات حاضرہ پر خوصورت گفتگو کی ۔ یونٹ کی فعالیت ، پیشرفت ، فعالیت اور تنظیم سازی میں درپیش مشکلات کا جائزہ لیا گیا ۔
یونٹ کابینہ کے سوالوں کے احسن انداز میں جوابات دیئے گئے ۔ جس سے کابینہ ممبران مطمئن نظر آئے ۔ صوبائی صدر مجلس وحدت مسلمین پنجاب کے ہمراہ علامہ غلام محمد عابدی صاحب ضلعی نائب صدر ایم ڈبلیو ایم ضلع راولپنڈی بھی تھے ۔ صوبائی صدر کے اس تنظیمی دورے کو علاقے کے مومنین نے بہت سراہا ۔اور شکریہ ادا کیا علاقے کے مومنین نے مجلس وحدت مسلمین پاکستان کا ہر میدان میں ساتھ دینے کے عزم کا اظہار بھی کیا ۔
وحدت نیوز(لاہور)جناب حجت الاسلام و المسلمین علامہ سید احمد اقبال رضوی وائس چیئرمین مجلس وحدت مسلمین پاکستان نےلاہور میں مرحوم محمد کاظم ابن حافظ کفایت حسین اعلی اللہ مقامہ کی رہائش گاہ پر ان کے فرزندان اور ان کے بھتیجے نقی مھدی ضلعی جنرل سیکرٹری مجلس وحدت ضلع لاہور سے محمد کاظم کے انتقال پر افسوس کا اظہار کیا اور فاتحہ خوانی ۔
علامہ سید احمد اقبال رضوی صاحب نے محمد کاظم ابن حافظ کفایت حسین اعلی اللہ مقامہ کی ان کی زندگی میں مکتب اہلبیت کے لئے خدمات کو سراہا ۔ اور مرحوم کی بلندی درجات ومغفرت کے لئے دعائے مغفرت کی ۔ اور لواحقین کے لئے صبر کی دعا کی محمد کاظم ابن حافظ کفایت حسین کے فرزندان نے علامہ سید احمد اقبال رضوی وائس چیئرمین مجلس وحدت مسلمین پاکستان کا ان کی رہائشگاہ آمد پر شکریہ ادا کیا ۔
وحدت نیوز(لاہور)جناب حجت الاسلام و المسلمین علامہ سید احمد اقبال رضوی وائس چیئرمین مجلس وحدت مسلمین پاکستان کا لاہور غازی آباد دربار حاجی شاہ پھل پیر بادشاہ امام بارگاہ موسی کاظم علیہ السلام میں سالانہ مجلس عزاء سے خطاب ۔ لاہور غازی آباد دربار حاجی شاہ پھل پیر بادشاہ امام بارگاہ امام موسیٰ کاظم علیہ السلام پر ہرسال 14 صفر المظفر مجلس عزاء منعقد ہوتی ہے ۔جس ذاکرین عظام اور علمائے کرام خطاب فرماتے ہیں ۔ دربار کے متولی اور مقامی ذاکرین عظام اس سالانہ مجلس عزاء کے بانی ہوتے ہیں۔مجلس عزاء سے ذاکرین عظام نے خطاب کیا اور اپنے مخصوص انداز میں فضائل ومصائب اہلبیت علیہم السلام بیان کیے ۔
حرف آخر اور مجلس عزاء کے مرکزی خطاب کے لئے علامہ سید احمد اقبال رضوی وائس چیئرمین مجلس وحدتِ مسلمین پاکستان کو اسٹیج پر دعوت دی گئی ۔ مجلس میں موجود مومنین و مومنات نے لبیک یا حسین علیہ السلام کی صداؤں میں علامہ صاحب کا استقبال کیا ۔ قبلہ سید احمد اقبال رضوی وائس چیئرمین مجلس وحدت مسلمین پاکستان نے عظمت اہلبیت ع اور مقام ومنزلت حضرت امام عالی مقام ع بیان کیا اور موقع کی مناسبت سے مصائب آل محمد علیہم السلام بیان کیے ۔مجلس عزاء کے آخر میں مومنین و مومنات کے لئے لنگر حسینی کا وسیع انتظام موجود تھا ۔
وحدت نیوز (اسلام آباد) مجلس وحدت مسلمین پاکستان کے سربراہ سینیٹر علامہ راجہ ناصرعباس جعفری نے سماجی رابطے کی ویب سائٹ ایکس x پر جاری اپنے تعزیتی بیان میں کہا ہے کہ اربعین حسینی پر کربلا معلی عراق جانے والے پاکستانی زائرین کی بس کو ایران کے شہر یزد میں حادثہ اور تیس سے زائد زائرین کی شہادت ایک المناک سانحہ ہے جس پر انتہائی افسوس ہے۔دکھ کی اس گھڑی میں غمزدہ خاندانوں کے ساتھ کھڑا ہوں۔ایران میں تعینات پاکستانی سفیر کو شہدا ٗ اور زخمیوں سے متعلق بلا تاخیر ضروری اقدامات کرنے ہوں گے۔
انہوں نے مزید کہا کہ لواحقین کو درپیش معلومات کے حوالے سے پاکستانی سفارت خانہ کو خصوصی ڈیسک اور دیگر سروسز کا فوری اعلان کرنا چاہئے۔ میری ایران کی حکومت سے بھی اپیل ہے کہ حادثے میں زخمی ہونے والوں کے علاج معالجے کے لیے غیر معمولی اقدامات کیے جائیں۔ زخمیوں کی صحت و سلامتی ، شہدا کے درجات کی بلندی اور سوگواران کے صبر کےلیے دعاگو ہوں۔
وحدت نیوز(کوئٹہ)مجلس وحدت مسلمین بلوچستان کے صوبائی نائب صدر و امام جمعہ علامہ علی حسنین حسینی نے کہا ہے کہ بجلی کی غیر اعلانیہ لوڈشیڈنگ اور مہنگی قیمتوں کے ذریعے حکومت عوام کے صبر کا امتحان لے رہی ہے۔ عوام الناس کو ریلیف فراہم کرنے کے ساتھ ساتھ بجلی کی لوڈشیڈنگ کا خاتمہ کیا جائے۔ اپنے جاری کردہ بیان میں علامہ علی حسنین نے کہا کہ حکومت وقت بجلی مہنگی اور بلوں پر ٹیکسز لگا کر عوام الناس کا امتحان لے رہی ہے۔ بے حسی کی انتہاء ہے کہ بجلی کا بل گھروں کے کرایوں سے بھی زیادہ آنے لگا ہے۔ غریب پاکستانی عوام پہلے ہی حکومت کی ناقص پالیسیوں اور معاشی تباہی کی سزا بھگت رہے ہیں، جس پر انہیں بجلی کی بھاری بھرکم بلوں کا تحفہ دیا جا رہا ہے۔ عوام الناس بجلی کے بل ادا کرتے کرتے اپنے گھر کا ساز و سامان بھی فروخت کرنے پر مجبور ہو رہے ہیں، جبکہ بے حس حکومت کو کوئی فرق نہیں پڑ رہا ہے۔ بلکہ حکمرانوں اور اشرافیہ کی شاہ خرچیوں میں اضافہ ہو رہا ہے۔
انہوں نے کہا کہ اعلیٰ افسران اور حکمرانوں کو حکومت کی جانب سے مراعات مل جاتے ہیں، جبکہ عوام الناس کا کوئی پرسان حال نہیں ہے۔ ہمارے جمہوری نظام میں جمہور کا خون چوسنے میں کوئی کمی نہیں چھوڑی گئی ہے۔ ہر طرف سے عوام پر ٹیکسز کے نیزے برسائے جا رہے ہیں۔ انہوں نے مزید کہا کہ بجلی کی لوڈشیڈنگ سے بھی روزمرہ کی زندگی متاثر ہو رہی ہے۔ مہنگے بل ادا کرنے کے باوجود عوام الناس کو بجلی فراہم نہیں کی جاتی ہے۔ غیر اعلانیہ لوڈشیڈنگ سے عوام الناس پریشان ہیں۔ جس پر ادارے سے کوئی سوال کرنے والا نہیں ہے۔ حکومت نے جواب دہی کو مضبوط کرنے کے لئے نظام نہیں بنایا، جبکہ عوام الناس شکایات اور احتجاجوں سے تھک چکے ہیں۔ انہوں نے مطالبہ کیا کہ صوبائی حکومت بجلی کی غیر اعلانیہ لوڈشیڈنگ کا نوٹس لے، جبکہ وفاقی حکومت بجلی کی قیمتوں میں کمی کرتے ہوئے عوام الناس کو ریلیف فراہم کرے۔
