The Latest

وحدت نیوز(لاہور) مجلس وحدت مسلمین کے زیر اہتمام لاہور میں دوسری عزاداری کانفرنس کا انعقاد بانیان جلوس عزاء ، امام بارگاہوں کے متولی اور ماتمی سنگتوں کے سالاروں کی بھرپور شرکت ۔ جناب شیخ عمران علی صوبائی سیکرٹری فلاح وبہبود مجلس وحدت مسلمین پنجاب فوکل پرسن برای امور عزاداری مجلس وحدت مسلمین پنجاب و جناب سید فخر حسنین رضوی ڈویژنل صدر عزاداری ونگ لاہور ڈویژن اور ضلع لاہور کے صدر ،سنیئر نائب صدر کی خصوصی مشترکہ کاوشوں سے لاہور میں ایک کامیاب عظیم الشان عزاداری کانفرنس کا انعقاد ہوا ۔ جس میں لاہور شہر بانیان جلوس عاشورہ محرم الحرام و جلوس عزاء ، بانیان جلوس 21 رمضان المبارک ، قدیمی و مرکزی امام بارگاہوں کے متولیوں کے علاؤہ لاہور کی سماجی ، سیاسی ،اور دیگر شعبہ ہائے زندگی سے تعلق رکھنے والی  شخصیات نے شرکت کی ۔ کانفرنس کا آغاز تلاوت کلام پاک سے ہوا۔

مقررین میں  جناب ملک اقرار حسین علوی مرکزی صدر عزاداری ونگ پاکستان ، ڈاکٹر افتخار نقوی صدر عزاداری ونگ پنجاب ، مرکزی سیکرٹری سیاسیات جناب سید اسد عباس نقوی ,صوبائی جنرل سیکرٹری مجلس وحدت مسلمین پنجاب جناب سید حسن رضا کاظمی ،صوبائی سیکرٹری سیاسیات پنجاب جناب ۔سید حسین زیدی ، صوبائی سیکرٹری مالیات پنجاب فصاحت علی بخاری ، لاہور کے مذہبی رہنما جناب خواجہ میثم اجمل حیدر عباس ،لاہور کی معروف سماجی ،سیاسی  شخصیت حاجی امیر عباس مرزا ، ضلعی صدر مجلس وحدت مسلمین ضلع لاہور جناب نجم عباس خان ، سنیئر نائب صدر ،ضلعی سیکرٹری سیاسیات جناب حیدر عباس حیدری ۔ تمام ٹاؤن صدور ، سیٹھ عدنان ، خرم نقوی کے علاؤہ کئی دیگر مذہبی رہنما بھی شریک ہوئے ۔

وحدت نیوز(کوئٹہ) ایم ڈبلیو ایم شعبہ خواتین علمدار روڈ کوئٹہ کے زیر اہتمام جشن عید غدیر و مباہلہ کو انعقاد کیا گیا جس میں مرکزی صدر ایم ڈبلیو ایم وومن ونگ سیدہ معصومہ نقوی اور رکن نگران کونسل ایم ڈبلیو ایم شعبہ خواتین مولانا حسن مہدی کاظمی صاحب نے خصوصی شرکت کی اور خطاب کیا جشن میں ایم ڈبلیو ایم وومن ونگ ہزارہ ٹاون یونٹس نے بھی شرکت کی اس موقع پر مقررین نے خطاب کرتے ہوئے غدیر اور مباہلہ کے پیغامات پر روشنی ڈالی۔ قول امیر المومنین علیہ السلام کے مطابق ہر ظالم کے دشمن اور مظلوم کے مددگار بننے کی تلقین کرتے ہوئے کہا کہ ایام عزا کے دن نزدیک ہیں مجالسِ سید الشھدا علیہ السلام کے تبرکات کو اسرائیلی مصنوعات سے پاک رکھیں بانیان تبرک کے انتخاب پر خصوصی توجہ دیں اور حتی الامکان اسرائیلی مصنوعات کا بائیکاٹ کریں ۔

وحدت نیوز(لندن) لندن میں شھید آیت اللہ ابراہیم رئیسی اور ان کے ہمراہ شھدائے خدمت کو اتوار کے دن بھرپور خراج تحسین پیش کیا گیا۔ برطانیہ کی کئی جماعتوں کے ہمراہ ایم ڈبلیو ایم برطانیہ نے لندن میں ایران ایمبسی کے سامنے اسلامی جمہوری ایران کے سابق صدر شھید سید  ابراھیم رئیسی اور انکے ساتھیوں کےچہلم کا انعقاد کیا۔

اس موقع پر مجلس وحدت مسلمین برطانیہ کے صدر حجت الاسلام مولانا ابرار حسینی نے خطاب میں فرمایا کہ شھید ابراہیم رئیسی اھلبیت ع کی راہ پر چل کر انسانی حقوق کے ساتھ مظلوموں کا دفاع کرتے ہوئے شھادت کے اعلی رتبے پر فائز ہوئے۔  شھید خدمت اتحاد بین المسلمین و اتحاد اقوام عالم کے داعی تھے جنہوں نے کئی ملکوں کو  محبت و اخوت اتحاد کا پیغام دیا۔ چہلم میں ایم ڈبلیو ایم کے سابق سربراہ حجت الاسلام مولانا مشرف حسینی نے بھی اپنے خطاب میں فرمایا آج دنیا میں ظالم اور مظلوموں کی صفیں بن رہی ہیں  ہم راہ اہلبیت پر چلتے ہوئے بلاخوف مظلوموں کیساتھ کھڑے ہیں۔ چہلم کے اجتماع میں مختلف جماعتوں کے سربراہان نے بھی خطابات فرمائے۔ اجتماع میں کٹیر تعداد میں خواتین نے بھی شرکت کی اور اپنے انداز میں شھدائے خدمت کو خراج تحسین پیش کیا گیا۔

وحدت نیوز(لاہور)امامیہ کالونی (فیروزوالہ) میں صوبائی جنرل سیکرٹری مجلس وحدت مسلمین پاکستان صوبہ پنجاب جناب سید حسن رضا کاظمی کی رہائشگاہ پر محرم الحرام کے حوالے سے بانیان مجالس ،ماتمی سنگتوں کے سالار اور امام بارگاہوں کے متولیوں سے گرینڈ میٹنگ ۔ لاہور صوبائی جنرل سیکرٹری مجلس وحدت مسلمین پاکستان صوبہ پنجاب جناب سید حسن رضا کاظمی کی رہائشگاہ پر محرم الحرام کے حوالے سے گرینڈ میٹنگ منعقد ہوئی ۔ جس میں امامیہ کالونی کے بانیان مجالس ،ماتمی سنگتوں کے سالار ،نوحہ خوان ،مختلف امام بارگاہوں کے متولیوں کے علاؤہ علاقے کے عزادار بھی شریک ہوئے ۔ میٹنگ میں آنے والے محرم الحرام کے متعلق تفصیلی گفتگو کی گئی ۔ سید حسن رضا کاظمی نے کہا کہ مجلس وحدت مسلمین ہمیشہ کی طرح امسال بھی عزاداری ونگ کے باہمی اشتراک سے کنٹرول روم قائم کرے گی ۔

صوبائی جنرل سیکرٹری نے کہا کہ میری آپ سب سے گزارش ہے کہ یہ محرم الحرام بہت اہم ہے پوری کوشش کی جائے کہ کوئی شخص ہمارے درمیان تفرقہ پیدا نہ کرے ۔ فرقہ واریت سے مکمل اجتناب کیا جائے ۔انتظامیہ کے ساتھ معاملات الجھانے کی بجائے سلجھائے جائیں ۔اور اگر کہیں پر انتظامیہ ہٹ دھرمی دیکھائے تو فوری طور پر رابطہ کیا جائے ۔ انتظامیہ کے ساتھ کیے کے معاہدوں کے مطابق وقت کا خیال رکھا جائے ۔ ہم آپ کے لئے ہمہ وقت آمادہ رہیں گے ۔ان شاءاللہ بانیان مجالس ،امام بارگاہوں کے متولیوں اور ماتمی سنگتوں کے سالاروں نے صوبائی جنرل سیکرٹری جناب سید حسن رضا کاظمی کا بروقت محرم الحرام کے حوالے سے میٹنگ منعقد کرنے اور حوصلہ دینے کا شکریہ ادا کیا ۔اور سب نے ملکر اپنے تعاون کا مکمل یقین دلایا ۔اخر میں مجلس وحدت مسلمین پاکستان کے سربراہ سنیٹر علامہ راجہ ناصر عباس جعفری صاحب کے لئے نیک تمناؤں کا اظہار کیا گیا ۔

وحدت نیوز(اسلام آباد)مجلس وحدت مسلمین شعبہ خواتین اسلام آباد کی جانب سے مری میں تین روزہ تربیتی ورکشاپ کا انعقاد ایم ڈبلیو ایم وومن ونگ اسلام آباد کی جانب سے جامعہ آمنہ بنت الھدی بھمروٹ سیداں مری میں تین روزہ تربیتی ورکشاپ کا انعقاد ہوا  ، ورکشاپ میں تجوید القرآن ، احکام دین، عقائد ، تفسیر سورۃ الحجرات ، اخلاق اور حالات حاضرہ کے موضوع پر دروس دیے گئے معرفت ولایت و امامت تربیتی ورکشاپ میں مولانا حسن جعفری ، مولانا ضیغم عباس ،مولانا شیخ کاظم ، مولانا سید صفدر حسین نقوی ، مولانا سید وقار حسین نقوی  اور برادر ناصر شیرازی مرکزی جنرل سیکریٹری ایم ڈبلیو ایم نے تدریس کے فرائض انجام دیے ورکشاپ کے تیسرے روز امتحان لیا گیا اور پوزیشن لینے والی بچیوں میں انعامات تقسیم کیے گئے ۔

وحدت نیوز(لاہور) استقبال محرم الحرام کا مرکزی پروگرام قدیمی امام بارگاہ حسینیہ واشنگ لائن میں  ضلعی صدر مجلس وحدت مسلمین ضلع لاہور جناب نجم عباس خان کی زیر سرپرستی منعقد ہوا ہر سال کی طرح امسال بھی محرم الحرام کا مرکزی پروگرام استقبال محرم الحرام واشنگ لائن امام بارگاہ حسینیہ میں منعقد ہوا ۔ صوبائی صدر مجلس وحدت مسلمین پنجاب جناب علامہ سید علی اکبر کاظمی اور خطباء ذاکرین ونگ کے صدر جناب علامہ سید رضا ہمدانی نے استقبال ماہ محرم الحرام کی مرکزی مجلس عزاء سے خطاب کیا ۔ ذاکرین عظام نے آل محمد علیہم السلام کی شان اپنے مخصوص انداز سے  ثناء خوانی کی جبکہ مولانا شمس  الحسن نقوی نے حدیث کساء کی تلاوت کا شرف حاصل کیا ۔ پروگرام کے نظامت کے فرائض جناب آفتاب علی ہاشمی نے خوب صورت انداز سے ادا کیے  ۔مجلس عزاء کا آغاز تلاوت قرآن کریم سے کیا گیا ۔نعت رسول مقبول صلی اللہ علیہ و آلہ و سلم کے بعد مجلس عزاء منعقد ہوئی جس میں عوام کی کثیر تعداد نے شرکت کی ۔مجلس عزاء کے بعد ماتم داری کی گئی لاہور کی مقامی سنگتوں نے پرسہ داری کی اور رات گئے دیر تک ماتم داری ہوتی رہی ۔ آخری اور اختتامی  دعا علامہ سید علی اکبر کاظمی نے کرائی ۔ استقبال ماہ محرم الحرام کے اس عظیم الشان باعظمت پروگرام میں صوبائی اور ضلعی رہنماؤں نے شرکت کی ۔

وحدت نیوز(شورکوٹ) اسسٹنٹ کمشنر شورکوٹ محترم جناب اسفندیار صاحب کی میزبانی میں ضلعی وتحصیل امن کمیٹی کا محرم الحرام کے حوالے سے اہم اجلاس کاانعقاد کیا گیاجس میں مولانا سید روح اللّٰہ کاظمی صاحب پرنسپل جامعہ شمس العلوم الجعفریہ قائم بھروانہ و ضلعی صدر مجلس وحدت مسلمین ضلع جھنگ کی خصوصی شرکت اور مختلف معاملات میں اپنی آراء پیش کیں

وحدت نیوز(اسلام آباد) مجلس وحدت مسلمین پاکستان خواتین ونگ کی مرکزی نگران کونسل کا اجلاس چیئرمین مجلس وحدت مسلمین پاکستان جناب سنیٹر علامہ راجہ ناصر عباس جعفری کی زیر صدارت اسلام آباد میں منعقد ہوا جس میں نگران کونسل کے تمام معزز اراکین نے شرکت ۔ اجلاس میں مجلس وحدت مسلمین پاکستان خواتین ونگ کی فعالیت پر اطمینان کا اظہار کیا گیااور خواتین کی جانب سے کیے گئے اقدامات کو سراہا گیا۔ البتہ کچھ پالیسی امور کی طرف توجہ مبذول کرائی گئی اور خواتین کی کارکردگی کے حوالے سے مزید بہتر اقدامات کرنے کی ضرورت پر زور دیا گیا اور اس سلسلے میں  ضروری ہدایات بھی جاری کی گئیں ۔ مجموعی طور پر نگراں کونسل نے خواتین ونگ کی فعالیت اور اقدامات کی تعریف کی ۔ خواتین ونگ کی نگران کونسل کا اجلاس ہر تین ماہ بعد منعقد ہوتا ۔

ان شاءاللہ اگلا اجلاس ستمبر کے آخر میں منعقد ہو گا ۔ اجلاس میں کئی اہم فیصلے کئے گئے اور کئی اہم امور پر سیر حاصل بحث بھی ہوئی ۔ اجلاس میں مرکزی وائس چیئرمین مجلس وحدت مسلمین پاکستان جناب علامہ سید احمد اقبال رضوی ،سابقہ ایم پی اے و مرکزی صدر خواتین ونگ محترمہ سیدہ زہراء نقوی ، مرکزی جنرل سیکرٹری جناب سید ناصر عباس شیرازی ،مرکزی سیکرٹری سیاسیات جناب سید اسد عباس تقوی ،مرکزی صدر مجلس وحدت مسلمین خواتین ونگ و ممبر قرآن بورڈ پنجاب جناب سیدہ معصومہ نقوی ، پرنسپل جامعہ بعثت جناب سید مھدی حسن کاظمی ، مرکزی مسئول امور خوتین ونگ ظہیر الحسن کربلائی نے شرکت کی ۔ اجلاس صبح سات بجے سے دن ساڑھے گیارہ بجے تک جاری رہا ۔

وحدت نیوز(لاہور) مرکزی سیکرٹری سیاسیات جناب سید اسد عباس نقوی کا صوبائی صدر جناب حجت الاسلام و المسلمین علامہ سید علی اکبر کاظمی کے ہمراہ نجف کالونی اقبال ٹاؤن کے صدر کی والدہ کے انتقال اور علی عمران سماجی رہنما کے والد کے انتقال پر ان کی  رہائشگاہ آمد ۔مرکزی سیکرٹری سیاسیات جناب سید اسد عباس نقوی کا یونٹ صدر نجف کالونی ملک شاہد کی والدہ اور علی عمران کے والد کے انتقال پر تعزیت کے لئے نجف کالونی اقبال ٹاؤن لاہور پہنچے ۔

صوبائی صدر مجلس وحدت مسلمین پنجاب جناب سید علامہ علی اکبر کاظمی اور صو بائی آفس سیکرٹری جناب مولانا ظہیر کربلائی بھی ان کے ہمراہ تھے ۔ سید اسد عباس نقوی اور علی اکبر کاظمی نے مجلس وحدت مسلمین کے دونوں مخلص کارکنان سے تعزیت کی اوران  مرحومین کی بلندی درجات کے لئے دعائے مغفرت کی ۔

مرکزی اور صوبائی مسئولین کچھ دیر ملک شاہد اور علی عمران کے ہمراہ رہے ۔ جہان ملک شاہد اور علی عمران کے دوست بھی موجود تھے ۔ اس دوران مختلف موضوعات سے متعلق آپس میں تبادلہ خیال کیا گیا ۔آخر میں ملک شاہد اور علی عمران مرکزی اور صوبائی مسئولین کا شکریہ ادا کیا ۔ جنہوں ان مرحومین کے لئے وقت نکال کر تشریف لائے اور فاتحہ خوانی کی ۔

وحدت نیوز(سجاول)ڈپٹی کمشنر سجاول زاھد حسین رند صاحب کی جانب محرم الحرام کے سلسلے میں بین المذاھب اور انتظامی امور پر اھم میٹنگ کی گئی جس میں ضلع سجاول کی انتظامیا سمیت مجلس وحدت مسلمین ضلع سجاول کی قیادت مختیار احمد دایو، فیاض حسین شیخ حاجی مظفر علی لغاری علی حسن حسینی غلام قادر لوھار سید غلام حسین شاھ اور تمام یونٹس کے زمیداران نے شرکت کی عزاداری کے سلسلے میں تمام اھم اشوز پے کل کر بات کی اور تمام اشوز کو مکمل حل کرنے پر زور دیا وقعے پے ڈپٹی کمشنر صاحب نے احکامات جاری کۓ اور مکلمل حل کروانے کی یقین دھانی کرائی۔

Page 4 of 1482

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree