وحدت نیوز(اسلام آباد)مجلس وحدت مسلمین کے سنٹرل سیکریٹریٹ اسلام آباد میں شب جمعہ مجلس وحدت مسلمین پاکستان سے وابستہ افراد کے مرحومین کے ایصال ثواب کے لئے بالخصوص برادرسید ظہیر نقوی کے چچا مرحوم اور برادر ظہیر کربلائی کی ہمشیرہ مرحومہ ودیگران کی مجلس ترحیم منعقد ہوئی۔

 مجلس عزا سے علامہ سید علی اکبر کاظمی نے خطاب کیا اور ایک تنظیمی برادر نے اہلبیت علیہم السلام کی شان میں مدح سرائی کی ،مجلس عزاء سے قبل دعائے توسل کی تلاوت کی گئی ۔ راولپنڈی اسلام آباد کے تنظیمی دوستوں نے اس روحانی ومعنوی محفل میں بھر پور شرکت ۔ تمام شرکاء کے نذرونیاز اور طعام اہتمام کیا گیا تھا ۔

وحدت نیوز (جیکب آباد) مجلس وحدت مسلمین پاکستان کے مرکزی ترجمان مقصود علی ڈومکی نے کہا ہے کہ نائیجیریا کے مجاہد عالم دین علامہ ابراہیم زکزاکی کی قید کو طویل عرصہ گزر جانے کے باوجود نائیجیرین حکومت انہیں انصاف دینے کے لیے تیار نہیں ہے انہیں جیل میں علاج معالجے کی سہولت نہیں دی جا رہی لہذا ان کی زندگی اور صحت سے متعلق ہمیں شدید تشویش ہے۔

 انہوں نے کہا کہ ابراہیم زکزاکی دنیا کے کروڑوں انسانوں کے محبوب رہنما ہیں ان کی رہائی کے لئے عالمی سطح پر احتجاج ہورہا ہے۔ ابراہیم زکزاکی اپنی بے مثال بہادری ایثار اور استقامت کے سبب اقوام عالم میں ایک عظیم انقلابی رہنما کے طور پر جانے جاتے ہیں۔ راہ خدا میں چھ جوان بیٹوں کی شہادت اور پھر طویل قید و بلند کی صعوبتیں صبر و استقامت کے اس پہاڑ کو متزلل نہ کرسکیں۔ زکزکی پر انسانيت کو ناز کرنا چاہئے۔

انہوں نے کہا کہ حقوق انسانی کے عالمی اداروں اور دنیا بھر کے لوگوں کو چاہیے کہ وہ ابراہیم زکزاکی کی بلاجواز گرفتاری کے خلاف صدائے احتجاج بلند کریں۔

وحدت نیوز(کندھ کوٹ) مجلس وحدت مسلمین پاکستان ضلع کشمور ایٹ کندھ کوٹ کی جانب سےاجلاس ضلعی شوریٰ کامدرسہ ارشاد الثقلین و امام بارگاہ کربلا کندھ کوٹ میں انعقاد کیا گیا۔اجلاس میں ضلعی کابینہ اور یونٹس کے سیکریٹری جنرلز و ڈپٹی سیکریٹری جنرلز نے بھرپور شرکت کی۔

ضلعی سیکریٹری جنرل میر فائق علی جکھرانی نے ابتدائی کلمات اور کارکردگی رپورٹ پیش کی۔اجلاس ضلعی شوریٰ سے صوبائی سیکریٹری تنظیم سازی علامہ علی انور جعفری، صوبائی ڈپٹی سیکریٹری جنرل چودھری اظہر حسن، صوبائی رہنما برادر ناصر حسینی، مولانا ادب حسین نجفی، مولانا سید باقر شمسی اور مولانا ممتاز علی منتظری نے خطاب کیا۔

وحدت نیوز(سکردو)مجلس وحدت مسلمین کے نومنتخب رکن گلگت بلتستان اسمبلی حلقہ 2 سکردو محمد کاظم میثم کو اہم وزارت دینے کیلئےغور وخوض شروع کردیا گیا ہے ، پاکستان تحریک انصاف کی ایک اہم شخصیت نے کاظم میثم کو وزارت تعلیم، وزارت تعمیرات عامہ یا وزارت ترقیات ومنصوبہ لینے کی پیش کش کردی ہے ۔

ذرائع کے مطابق پی ٹی آئی کی ایک ایم شخصیت نے کاظم میثم کو فون کرکے بتایا کہ اللہ تعالیٰ نے آپ کو بےشمار صلاحیتوں سے نوازہے اس کے علاوہ آپ ہماری  اتحادی جماعت کے ممبر اسمبلی ہیں ،وزیر اعظم عمران خان کی خصوصی ہدایت ہے کہ آپ کو اہم وزارت دی جائے آپ کا خصوصی خیال رکھا جائے اور آپ کو اہلیت کی بنیاد پر صوبائی کابینہ میں اہم وزارت دی جائے گی۔

اس بات میں کوئی دورائے نہیں کہ آپ بہت لائق ممبر اسمبلی بن کر سامنے آئے ہیں، ہمارا فرض بنتا ہے کہ آپ جیسے قابل لوگوں کو کوبینہ میں اہم وزارت دی جائے ۔ بتائیں کہ آپ کون سے وزارت پسند کریں گے ، کاظم میثم نے پی ٹی آئی کی اہم شخصیت کو جواب دیا کہ وہ رفقائے کار سے مشورہ کرکے جواب دیں گے ۔مشاورت کے بغیر جواب نہیں دے سکتا۔

ذرائع کا کہنا ہے کہ پی ٹی آئی کی قیادت کیلئے ملک بھرمیں ایم ڈبلیوایم کی حمایت بہت ضروری ہے اس لیئے وہ گلگت بلتستان میں ایم ڈبلیوایم کی ہر ڈیمانڈ پوری کرنے کو تیار ہیں۔