The Latest
ایم ڈبلیوایم سندھ کے رہنما علی حسین نقوی کا سینیئر صحافی مظہر عباس کی اہلیہ کے انتقال پر اظہار تعزیت
وحدت نیوز(کراچی)مجلس وحدت مسلمین صوبہ سندھ کے سیکریٹری امور سیاسیات سید علی حسین نقوی نے ملک کے مایہ ناز صحافی PFUJ کے سابق سیکریٹری جنرل اور کراچی پریس کلب کے سابق سیکریٹری مظہر عباس کی اہلیہ ارم عباس کے انتقال پر دلی افسوس اور رنج وغم کا اظہار کیاہے ۔
میڈیا سیل سے جاری اپنے بیان میں انہوں نے کہاکہ مرحومہ ارم عباس کی وفات پر مظہر عباس اور انکے خانوادہ کو اظہار تعزیت پیش کرتے ہیں۔اللہ مرحومہ کو اپنی جوار رحمت میں جگہ عطاء فرمائے اور پسماندگان کو صبر جمیل عطاء فرمائے۔
وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے بانی پاکستان قائد اعظم محمد علی جناح کے 144 ویں یوم پیدائش کے موقع پر قوم کو مبارکباد دیتے ہوئے کہا ہے کہ قائد اعظم کے اصولوںپر قائم رہنے کے لیے تجدید عہد کی جتنی ضرورت آج ہے پہلے کبھی نہیں تھی۔بانی پاکستان نے قیام پاکستان کے لیے جن بنیادوں پر جدوجہد کی انہیں فراموش کیا جا رہا ہے۔محمد علی جناح نے اصولوں پر سمجھوتہ نہ کر کے اپنی قوم کو باوقار زندگی بسر کرنے کا عظیم درس دیا ہے۔جس آزادی کے حصول کے لیے برصغیر کے لاکھوں مسلمانوں نے اپنی جان و مال اورعزت کی قربانی دی ہے آج اسے بیرونی دباؤ اور داخلی وخارجی معاملات میں مداخلت کر کے سلب کرنے کی کوشش کی جارہی ہے۔ ایک آزاد و خودمختار ریاست کے فیصلہ بھی آزاد رہ کر کیے جانے چاہیئے۔
انہوں نے کہا کہ ارض پاک کا استحکام قائد کے فرمودات پر عمل کے بغیر ممکن نہیں۔ جب تک بانی پاکستان کے زریں اور رہنما اصولوں کو اپنے اوپر لاگو نہیں کیا جاتا تب تک کامیابی حاصل نہیں ہو گی۔ استعماری و طاغوتی قوتیں صورتیں بدل بدل کر ملک وقوم کی سلامتی و امن کو نقصان پہنچانا چاہتی ہیں۔تاریخ شاہد ہے کہ مقتدر قوتوں کے غیر دانشمندانہ فیصلے ملک و قوم کی سالمیت و بقاکو داؤ پر لگا دیتے ہیں۔عالمی تعلقات کے حوالے سے بانی پاکستان کا دوٹوک موقف ناقابل تردید حقیقت ہے۔اسرائیل کو تسلیم کرنے کے حوالے سے قائداعظم کا فرمان ہر پاکستانی کے دل و دماغ پر نقش ہے۔
انہوں نے کہا کہ جو مسلم ممالک یہود ونصاری سے دوستی کو اہم سمجھتے ہیں ان کے پیش نظر تجارتی مقاصد اور غیر معمولی مفادات کا حصول ہے ۔لیکن ہمارے نزدیک اللہ تعالی کے حکم اور قائد اعظم کے فرمان کی اہمیت سب سے بڑھ کر ہے۔ہم نے پاکستان اور قائد کے اصولوں کا ہر پلیٹ فارم پر دفاع کرنا ہے۔انہوں نے کرسمس کے موقع پر مسیحی برادری کو بھی مبارکباد پیش کی ہے۔
وحدت نیوز(مظفرآباد) ایل او سی پر UN آبزرور کی گاڑی پر حملہ انتہائی تشویشناک ہے،امن برقرار رکھنے والوں پر فائرنگ بہت بڑا جرم ہے، بھارت مسلسل سیز فائر لائن کی خلاف ورزی کر رہا ہے۔ اس کی تحقیقات ہونی چاہئیے۔ پاکستان کی خواہش ہے کہ امن برقرار رہے اور خطے کی صورتحال میں مزید بگاڑ پیدا نہ ہو، ان خیالات کا اظہار سیدفدا حسین نقوی سیکرٹری تنظیم سازی مجلس وحدت مسلمین آزادکشمیر نے وحدت ہاؤس سے جاری ایک بیان میں کیا۔
انہوں نے کہا کہ بھارت ایسی حرکتیں کر رہا ہے جس سے خطے کا امن تباہ ہو بھارت پاکستان کو نقصان پہنچانا چاہتا ہے بھارت بہانہ بنا کر کوئی سرجیکل اسٹرائیک کرسکتا ہے بھارت نے کوئی غیر ذمہ دارانہ حرکت کی تو اسے پاک فوج کی طرف سے بروقت اور مناسب جواب ملے گا۔ انھوں نے کہا کہ ہم اپنےہمسایہ ممالک سے معاشی تعلقات کا فروغ چاہتے ہیں۔
بھارت کے اندر اس وقت جو احتجاج کی تحریکیں جاری ہیں جن میں کسان تحریک، خالصتان تحریک یا دیگر تحریکیں چل رہی ہیں بھارت ان اندرونی مسائل سے توجہ ہٹانے کیلئے آئے روز مقبوضہ وادی کے اندر کشمیریوں کا عرصہ حیات تنگ کیا ہوئے ہے اور سیز فائر لائن کی مسلسل خلاف ورزی کر رہا ہے جس کے نتیجے میں کئی نہتے شہری اس کا نشانہ بن چکے ہیں اسی طرح اقوام متحدہ کے مبصرین کی گاڑی پر حملہ کیایہ بات بھارت کی بھوکھلاہٹ کا منہ بولتا ثبوت ہے ۔ بھارت خطے میں بگاڑ پیدا کرنے کی کوشش کر رہا ہے، بھارت نے کوئی حرکت کی تو اسے پاک فوج کا سامنا کرنا پڑے گا۔
وحدت نیوز(خیرپور)مجلس وحدت مسلمین شعبہ خواتین سکھر ڈویژن کی سیکرٹری جنرل محترمہ مسرت صفدر نے ضلع خیر پور میرس کا دورہ کیا اور تنظیمی سیٹ اپ تشکیل دیا اس موقع پر محترمہ بلقیس اسدی کو مجلس وحدت مسلمین شعبہ خواتین ضلع خیرپور میرس کا سیکرٹری جنرل منتخب کیا گیا ۔
خواتین سے خطاب کرتے ہوۓ محترمہ مسرت صفدر نے خواتین کے اجتماعی اور معاشرے کی اصلاح میں ان کے کردار کی اہمیت کو بیان کیا اور ایک الہی جماعت کے پلیٹ فارم سے خواتین کی سیاسی اور فکری تربیت کیسے کی جائے اس موضوع روشنی ڈالی۔
وحدت نیوز (لاہور) مجلس وحدت مسلمین شعبہ خواتین لاہور کی سیکرٹری جنرل محترمہ حنا تقوی کی سربراہی میں شالیمار ٹاون کے دو یونٹس کی تنظیم نو کی گئی جس میں مومن پورہ یونٹ کی سیکرٹری جنرل انجم عرفان جبکہ داروغہ والا یونٹ کی سیکرٹری جنرل محترمہ ضرغام نامزد ہوئیں اس موقع پر محترمہ حنا تقوی نے دونوں مسئولین سے حلف لیا تنظیم نو کے اجلاس میں شالیمار کے دیگر سات یونٹس کی عہدیداران نے بھی شرکت کی علاوہ ازیں ضلعی کابینہ کی ممبران محترمہ عندلیب سیدہ اور محترمہ رضوانہ بتول بھی اس موقع پر موجود تھیں اجلاس میں علاقے اور ضلعی سطح پر فلاحی امور کو جاری رکھنے اور غریب خاندانوں کی بچیوں کی اجتماعی شادی کے انعقاد کے سلسلے میں مشاورت کی گئی۔
وحدت نیوز(مظفرآباد) مجلس وحدت مسلمین آزاد کشمیر کے سیکرٹری جنرل علامہ سید تصور حسین نقوی الجوادی سے ان کی رہائش گاہ پر خواجہ عقیل احمد لون مرکزی صدر تحریک بحالی بلدیاتی انتخابات آزاد کشمیر نے ملاقات کی۔ ملاقات میں باہم سماجی و سیاسی معاملات زیر بحث آئے۔ خواجہ عقیل احمد لون نے بات چیت کرتے ہوئے کہا کہ آزاد کشمیر میں جنرل الیکشن سے پہلے بلدیاتی انتخابات کروائے جائیں تاکہ جو لوکل گورنمنٹ کے فنڈ ضائع ہو رہے ہیں وہ اپنے مقام پر لگ سکیں۔
علامہ سید تصور حسین نقوی الجوادی نے اُن کے مؤقف کی حمایت کی اور کہا کہ ہم یہ سمجھتے ہیں کہ بلدیاتی انتخابات کا جمہوریت میں کوئی نعم البدل نہیں ہے، بلدیاتی انتخابات سے اختیارات نیچے منتقل ہوتے ہیں اور وارڈ، کلسٹر و یونین کونسل لیول تک کام ہوتا ہے۔ نیز اس طرح جو لوکل گورنمنٹ کے فنڈ ہیں وہ ضائع ہونے کا اندیشہ کم ہوجاتا ہے۔ چونکہ فنڈ لوکل پارٹیز کے نمائندگان کے ہاتھوں میں ہوتے ہیں وہ اسے اپنے اپنے وارڈ اور یونین کونسل کی سطح پر درست استعمال کرتے ہیں لہذا ہمارا مؤقف یہ ہے کہ جنرل الیکشن سے پہلے بلدیاتی انتخابات کا انعقاد کیا جائے اور اس کے لیے لائحہ عمل وضع کیا جائے۔
انہوں نے مزید کہا کہ بلدیاتی انتخابات کے انعقاد سے بلدیاتی ادارے بحال ہو سکیں گے اور لوگوں کو انکے حقوق انکی دہلیز تک میسر ہو سکیں گے۔ حکمران اپنی خیانت کاریوں کو چھپانے اور فنڈز ہڑپ کرنے کی خاطر بلدیاتی انتحابات کروانے میں پس و پیش کر رہے ہیں، اس سلسلے میں تحریک بحالی بلدیاتی انتخابات ایک کل جماعتی کانفرنس بلائے اس کے زریعے حکومت پر دباؤ ڈالا جائے کہ وہ بلدیاتی انتخابات کروائے تاکہ بلدیاتی انتخابات کے زریعے ادارے وجود میں آ سکیں اور اس کے بعد جنرل الیکشن کروائے جائیں۔
خواجہ عقیل لون نے کہا کہ اگر بلدیاتی انتخابات نہیں کروائے جاتے تو آزاد کشمیر کے جوان مایوس ہو جائیں گے، پھر اپنے حلقوں میں ہم آزاد امیدوار کھڑے کریں گے، جس کے لیے محتلف جماعتوں سے ہمیں تعاون و تائید کی ضرورت ہوگی تاکہ ہم اپنا امیدوار اسمبلی میں پہنچا سکیں اور وہ اسمبلی میں پہنچ کر عوام کے حقوق و بحالی کی بات کریں۔ آج تک تو سیاسی جماعتیں باریاں لے رہی ہیں۔ اس موقع پر عقیل احمد لون کے ہمراہ ارسلان میررہنماء تحریک بحالی بلدیاتی انتخابات بھی موجود تھے۔
وحدت نیوز(ڈیرہ مرادجمالی) مجلس وحدت مسلمین پاکستان کے مرکزی ترجمان مقصود علی ڈومکی نے ڈیرہ مراد جمالی میں میں کربلا امام بارگاہ کا دورہ کیا اور امام بارگاہ کے متولی اور مومنین سے ملاقات کی۔ انہوں نے انجمن تاجران ڈیرہ مراد جمالی کی دعوت پر معززین اور مختلف سیاسی و سماجی رہنماؤں سے ملاقات کی۔ اس موقع پر گفتگو کرتے ہوئے علامہ مقصود علی ڈومکی نے کہا کہ وفاقی حکومت اور بلوچستان حکومت کو چاہیے کہ وہ بلوچستان کی پسماندگی کے خاتمے کے لئے سنجیدہ اقدامات کرے۔
انہوں نے کہا کہ بلوچستان میں کچھی کینال سے ہزاروں ایکڑ بنجر زمین آباد ہو گی جس سے زرعی انقلاب بپا ہوگا اور علاقے میں خوشحالی آئے گی۔ مگر افسوس یہ اہم منصوبہ حکومت کی عدم توجہ کے باعث گذشتہ کئی سالوں سے نامکمل ہے۔ وفاقی حکومت کچھی کینال کی تعمیر کا کام جلد مکمل کرے اور پٹ فیڈر کینال کی توسیع پر بھی توجہ دے۔
انہوں نے کہا کہ اچ پاور پراجیکٹ سے ڈیرہ مراد جمالی کو بجلی فراہم کی جائے اور ان منصوبوں میں مقامی لوگوں کو ملازمتیں دی جائیں۔ در ایں اثناء علامہ مقصود علی ڈومکی نے ڈیرہ اللہ یار میں ایم ڈبلیو ایم بلوچستان کے صوبائی سیکرٹری جنرل علامہ برکت علی مطہری سے ملاقات کی اور اس موقع پر میڈیا سے گفتگو کرتے ہوئے کہا کہ اسرائیل ایک غاصب اور ظالم ریاست ہے پاکستان کے اسے تسلیم کرنے کی ہر سازش کو ناکام بنائیں گے۔
وحدت نیوز (کراچی) مجلس وحدت مسلمین پاکستان سندھ کے سیکرٹری جنرل علامہ باقر زیدی نے کراچی کے علاقہ منگھو پیر میں ہونے والی ٹارگٹ کلنگ کی شدید الفاظ میں مذمت کرتے ہوئے کہا ہے کہ شہر میں اس طرح کی دہشت گردانہ کاروائی نے سندھ پولیس اور قانون نافذ کرنے والے اداروں کے دعوؤں کی قلعی کھول کر رکھ دی ہے۔
انہوں نے کہا کہ دہشت گرد آزاد گھوم رہے ہین جبکہ سندھ پولیس اور سی ٹی ڈی کی جانب سے ایک ہی کیس میں ہر چند ماہ بعد شیعہ نوجوانوں کو نامزد کر دیا جاتا ہے۔ انہوں نے گذشتہ دنوں سی ٹی ڈی پولیس کی جانب سے شیعہ نوجوانوں پر لگائے گئے بے بنیاد الزامات کو سندھ پولیس کا تعصبانہ رویہ قرار دیتے ہوئے شدید مذمت کی اور وزیر اعلی سندھ سے مطالبہ کیا ہے کہ وہ سندھ پولیس میں موجود اعلیٰ عہدوں پر متعصب افسران کو فی الفور برطرف کریں۔
ان کا کہنا تھا کہ ملت جعفریہ میں سندھ پولیس کے تعصبانہ رویہ پر شدید غم و غصہ کی لہر پائی جاتی ہے ۔ علامہ باقر زیدی نے مطالبہ کیا ہے کہ منگھو پیر میں ٹارگٹ کلنگ کرنے والے ملک دشمن اور اسلام دشمن دہشتگردوں کو فی الفور گرفتار کیا جائے اور بے گناہ شیعہ نوجوانوں کو فی الفور رہا کیا جائے ۔
انہوں نے گذشتہ کئی سال سے لا پتہ کئے جانے والے بے گناہ شیعہ نوجوانوں کی فوری بازیابی کا بھی مطالبہ کرتے ہوئے آرمی چیف جنرل قمر باجوہ اور کراچی کے نئے کور کمانڈر جنرل ندیم سے مطالبہ کیا کہ وہ بے گناہ شیعہ گمشدگان کی بازیابی کے لئے کوشش کریں اور گمشدگان کو ان کے اہل خانہ تک پہنچانے میں اپنا مثبت کردار ادا کریں۔
وحدت نیوز(سکردو) آغا علی رضوی کو سہولت کاری کی نہ پہلے ضرورت تھی نا آئندہ رہے گی۔ عوام کو کرپٹ جماعتوں اور موروثی سیاسی مافیا کے چنگل سے نکالنے کیلئے سیٹ ایڈجسٹمنٹ کا اصولی فیصلہ کیا گیا جس سے پیپلز پارٹی کے صوبائی رہنما کی چیخیں نکلنا انہونی بات ہرگز نہیں۔ ان خیالات کا اظہار سکریٹری نشرو اشاعت ایم ڈبلیو ایم وزیر غلام محمد کلیم نے اپنے بیان میں کیا۔
انکا کہنا تھا کہ علمائے کرام کو سہولت کار قرار دیکر اپنی شکست اور مسترد ہونے کا اعلان کرنا جہاں امجد ایڈووکیٹ کی بوکھلاہٹ اور شکست خوردہ ہونے کا اعلان ہے وہیں وہ عوام کو اس حقیقت کیطرف متوجہ کرنا چاہتے ہیں کہ پیپلز پارٹی اپنی کرپٹ سیاست کیلئے انکے ساتھ دینے والے علماء کو زیر بحث لانا چاہتے ہیں۔ ایسا ہونے کی صورت میں عوام کو یاددہانی ہوگی کہ ماضی اور حالیہ الیکشن میں پیپلز پارٹی کو جتوانے کیلئے کون کون سے طبقے اور امام جمعہ و جماعت سرگرم عمل رہے۔
سیکریٹری نشر و اشاعت کا مزید کہنا تھا کہ آغا علی رضوی نے ہمیشہ عوام کے امنگوں کی ترجمانی کی اور اسوقت مقبول ترین اور متحرک ترین عوامی شخصیت انکے علاؤہ کوئی بھی نہیں۔ آغا علی اور مجلس وحدت مسلمین کی بہترین حکمت عملی نے باریاں لیکر حکمرانی کرنے والی جماعتوں کو دو درجن کے قریب حلقوں میں عبرتناک شکست سے دو چار کرایا۔ آئندہ بھی انکی کرپشن زدہ سیاست کی تابوت میں آخری کیل ثابت ہونے کے خوف، عوامی امنگوں کی ترجمانی کرنے والے علماء خصوصا آغا علی رضوی کی مقبولیت سے خائف گروہ ہر صورت اپنی شکست اور خفت کو مٹانے کیلئے بے سروپا بیانات داغ رہے ہیں۔
انہوں نے مزید کہاکہ عوام انکی اصلیت سے بخوبی واقف ہیں۔ پی ٹی آئی تو کیا خود مجلس وحدت کی حکومت ہوتی اور عوام اور علاقہ دشمن کوئی قدم اٹھاتا تو بھی آغا علی رضوی اسکے خلاف سب سے موثر آواز بلند کرتے۔ اسوقت مجلس وحدت مسلمین حکومت کی اتحادی جماعت ہے اور ہر صورت عدل و انصاف کے نظام کے قیام، مسائل و جائز مطالبات کے فوری حل کیلئے اقدامات اور گلگت بلتستان کے حقوق کے حصول کیلئے ہر ممکن کوشش کرنے کا عزم رکھتی ہے۔ لھٰذا مسترد شدہ جماعت کے رہنما کی بوکھلاہٹ کسی بھی فورم پر آشکار ہو عوام انکو بہت اچھی طرح سمجھتے ہیں۔
وحدت نیوز(علی پور)شعبہ خواتین کی مرکزی سیکرٹری فلاح و بہبود محترمہ فرحانہ گلزیب اور مرکزی سیکرٹری تعلیم محترمہ گلشن زیدی نے جنوبی پنجاب کا تنظیمی دورہ کیا ۔ تین روزہ دورے میں ضلع علی پور ، بہاولپور اور ضلع لیہ میں مجلس وحدت مسلمین شعبہ خواتین کی آرگنائزنگ کمیٹیاں تشکیل دیں محترمہ در نجف ضلع علی پور ، محترمہ خالدہ فاطمہ ضلع بہاولپور اور محترمہ طاہرہ اسدی ضلع لیہ کی آرگنائزر منتخب ہوئیں اپنے دورہ میں مرکزی اراکین نے تفصیلاً تنظیمی تعارف ، اغراض و مقاصد اور تنظیمی ذمہ داریوں سے نو منتخب ضلعی مسئولین کو آگاہ کیا۔
