وحدت نیوز(کراچی)مجلس وحدت مسلمین پاکستان کے سیکرٹری جنرل علامہ راجہ ناصر عباس جعفری نے امام بارگاہ شہدائے کربلا میں نیوز کانفرنس سے خطاب کرتے ہوئے کہا ہے کہ وطن عزیز نازک ترین دور سے گزر رہا ہے۔جن قوتیں نے اسلامی ممالک کو تباہ وبرباد کیا آج وہ پاکستان کے گرد منڈلا رہی ہیں۔ملک میں سیاسی عدم استحکام پیدا کر کے دشمن اپنے ایجنڈے کی راہ ہموار کرنا چاہتا ہے۔ دشمن کی سازشوں کو ناکام بنانے کے لیے ملک کی سیاسی جماعتوں کو تدبر و حکمت کا مظاہرہ کرنا ہو گا۔متنازع امور کو پارلیمنٹ کے فورم پر حل کیا جانے چاہئے۔مذاکرات کے ذریعے معاملات کا حل ہی ملک و قوم کے مفاد میں ہے۔ اپوزیشن کے جلسوں کا سازشی عناصر فائدہ اٹھا سکتے ہیں۔ سیاستدانوں کو چاہیے کہ اپنے کارکنوں کی سیاسی تربیت کریں۔اپوزیشن عوامی ایشوز پر فوکس کرنے کی بجائے غیر آئینی انداز سے حکومت کا خاتمہ چاہتی ہے جو کسی بھی اعتبار سے درست نہیں۔

انہوں نے کہا کہ ملک سے مہنگائی، بے روزگاری اور غربت کا خاتمہ حکومت کی اولین ترجیح ہونی چاہیئے۔عدلیہ کے نظام میں اصلاحات کی ضرورت ہے۔ہزاروں بے گناہ افراد جیلوں میں قید کی اذیت جھیل رہے ہیں۔ماڈل ٹاؤن میں دن دیہاڑے بہیمانہ انداز سے قتل ہونے والے چودہ مقتولین کے اہل خانہ تاحال انصاف کے منتظر ہیں۔مہذب ممالک میں آئین کی حکمرانی ہوتی ہے۔دستوری خامیوں یا کمیوں کو ترامیم کے ذریعے دور کیا جاتا ہے۔وقت کے تقاضوں اور ضرورت کے مطابق آئین میں ردوبدل انتہائی ضروری ہے۔پاکستان مسلسل عدم استحکام کا شکار ہے جس کی بنیاد وجہ ماضی میں ایسی پالیسیوں کا اجراء تھا جو قومی سلامتی اور ملکی مفادات سے مطابقت نہیں رکھتیں۔افغان جہاد اور تکفیری جماعتوں کے ساتھ لچک آمیز رویہ انہی پالیسیوں کی مثالیں ہیں۔تکفیری گروہوں کو ملنے والی چھوٹ کا سب سے زیادہ نقصان ملت تشیع نے اٹھایا۔ہمارے باصلاحیت نوجوانوں، اور ہنرمندوں کو چن چن کر قتل کیا گیا۔آج پاکستان بدل رہا ہے۔ ہم ترقی کی جانب گامزن ہیں۔

انہوں نے مزید کہاکہ پاکستان کا محل وقوع تجارتی و سرحدی اعتبار سے انتہائی اہم ہے۔مغرب سے مشرق کی طرف اسے گیٹ وے کی حیثیت حاصل ہے۔پاکستان کا استحکام ایشیا کی تقدہر بدل سکتا ہے اور یہی بات مغرب کے اضطراب کا باعث ہے۔گریٹر اسرائیل کے منصوبے کی تکمیل اور امریکی سالمیت کے لیے پاکستان پر پنجے گاڑنا ضروری ہے۔ یہی وجہ ہے کہ ملک میں مذہبی و سیاسی بحران کھڑے کرنے کی غیر معمولی کوشش کی جا رہی ہے۔مولانا کی سربراہی میں چلنے والی تحریک پاکستان کے قومی مفاد کے خلاف ہیں یہ دشمن کے بیانیے کو تقویت دے رہے ہیں۔پاکستان کو امریکہ کی بجائے رشین بلاک سوٹ کرتا ہے۔اب وقت آ گیا ہے کہ امریکہ سے اپنا دامن ہمیشہ کے لیے چھڑا لیاجائے۔پریس کانفرنس میں مولانا باقر عباس زیدی، مولانا شیخ سلیم، مولانا مرزا یوسف حسین، علامہ نثار قلندری، مولانا صادق جعفری، علامہ مبشر حسن،مولانا علی انور جعفری، مولانا غلام عباس، مولانا آل حسن، مولانا اظہر نقوی، سید علی حسین نقوی، میر تقی ظفر اور زین رضوی سمیت دیگر بھی موجودتھے۔

وحدت نیوز(اسلام آباد)مجلس وحدت مسلمین پاکستان کے مرکزی آفس میں فقیہ عصر، فلسفی دوراں ،عمار ولایت فقیہ، آیت اللہ علامہ تقی مصباح یزدیؒ کی رحلت پر مجلس ترحیم کا انعقاد کیا گیا۔ جس میں مرکزی آفس کے تمام اسٹاف کے علاوہ مقامی شخصیات نے بھی شرکت کی۔مجلس ترحیم سے مولانا علی شیر انصاری اور مولانا ظہیر کربلائی نے خطاب کیا۔

مرکزی رہنما مولانا ظہیر کربلائی نے کہا مصباح یزدی کوئی ممعولی مجتھد نہیں تھے بلکہ انکی لکھی  ہوئے کتابیں قم اور نجف میں سلبیس کے طور پر پڑھائی جاتی ہیں۔ وہ جوانی میں عاشق امام خمینیؒ تھے۔

 انہوں نے انقلاب کے دفاع کے لئے بہترین جوان تربیت کئے جو سیاست اور قومی اداروں کے اصل محافظ بنے ہیں۔ شہید قاسم سلیمانی انکے تربیت یافتہ جوانوں میں سے ایک تھے۔ مصباح یزدی  فلسفےاور عرفان  کے عظیم استاد تھے جس کا کوئی ثانی نہیں مصباح یزدی کا یوں جدا ہونا پورے عالم اسلام کو ناتلافی نقصان ہوا۔اللہ ان کو جوار اہلبیت علیہم السلام  میں جگہ عنایت فرمائے۔

وحدت نیوز(اسلام آباد)مجلس وحدت مسلمین کے زیر اہتمام شہید سردار قاسم سلیمانی کی پہلی برسی کی مناسبت سے ایک عظیم الشان محفل مشاعرہ کا انعقاد کیا گیا۔جس میں ملک کے نامور شعراء اختر عثمان، منظر نقوی، علی اکبر ناطق، اشفاق عامر، ثاقب اکبر اور مجتبی شیرازی سمیت دیگر نے شہید سردار کو خراج عقیدت پیش کیا۔مشاعرے میں علماء کرام،  دانشور،  اہل قلم اور دیگر شرکاء کثیر تعداد میں موجود تھے۔

تقریب سے مجلس وحدت مسلمین کے مرکزی سیکرٹری جنرل علامہ راجہ ناصر جعفری نے بھی خطاب کیا۔انہوں نے کہا کہ شہید سلیمانی دنیائے اسلام کے ایک عظیم مجاہد اور مقامات مقدسہ کے نڈر مدافع تھے۔ استکباری و صیہونی قوتیں انہیں ایک تیز دھار ننگی تلوار سے زیادہ خطرناک سمجھتی تھیں۔ان کی زندگی کاواحد مقصد اسلام کی سربلندی اور دشمنان اسلام کی نابودی تھا۔وہ زندگی میں کبھی کسی دنیاوی خدا سے مرعوب نہیں ہوئے۔ارض پاک کے لیے ان کے جذبات دیدنی تھے۔وہ اکثر کہا کرتے تھے کہ اگر کسی ملک نے پاکستان کی طرف پیش قدمی کا سوچا تو اسے پہلے ہماری لاشوں سے گزرنا ہو گا۔ان کی شہادت کے بعد اسرائیل سمیت دیگر اسلام دشمنوں کے حوصلے بلند ہوئے اور انہوں نے اپنی سرگرمیاں تیز کر دیں۔

انہوں نے کہا یمن، شام اور عراق میں ذلت آمیز شکست کے بعد امریکہ کی طاقت دم توڑ رہی ہے۔ اپنی اکھڑی ہوئی سانسوں کو بحال کرنے کی ناکام کوشش میں مصروف عالمی دہشت گرد امریکہ کا اصل چہرہ ساری دنیا کے سامنے آشکار ہو چکا ہے۔طاقت کے توازن کی مغرب سے مشرق کی طرف منتقلی کے عمل کو روکنے کے لیے استکباری بلاک مذموم سازشوں میں مصروف ہے۔اس کے مقدر میں اب سوائے ناکامی کے اور کچھ نہیں۔انہوں نے کہا کہ سردار قاسم سلیمانی سمیت دیگر شہداء کے خون کا بدلہ قدرت اپنی طاقت سے لے گی۔شہیدوں کا خون کبھی رائیگاں نہیں جاتا۔انہوں نے مشاعرے کے حاضرین اور شعراء حضرات کا شکریہ ادا کیا۔

وحدت نیوز(ساہیوال) مجلس وحدت مسلمین پاکستان کے مرکزی ڈپٹی سیکرٹری جنرل سید ناصر شیرازی نے ساہیوال کے دیہی علاقے سنگوراکہ میں اہل تشیع کی اس مسجد کا دورہ کیا جسے شرپسندوں نے گزشتہ دنوں شہید کر دیا تھا اور متولی کو شدید نتائج کی دھمکیاں دی تھیں۔انہوں نے مذکورہ واقعہ پر شدید غم وغصے کا اظہار کرتے ہوئے اسے علاقے کے امن کو تباہ کرنے کی سازش قرار دیا۔

دریں اثنا مرکزی رہنما نے ایم ڈبلیو ایم پنجاب کے صوبائی سیکرٹری جنرل عبد الخالق اسدی اور ضلعی سیکرٹری جنرل مولانا ملازم حسین کے ہمراہ ساہیوال میں شیعہ عمائدین اور کارکنوں کی کثیر تعداد سے خطاب بھی کیا۔انہوں نے کہاکہ ذمہ دار عناصر کو قانون کے مطابق سزا ملنے تک خاموش نہیں بیٹھیں گے یہ ہمارے قومی وقار کا مسئلہ ہے۔وڈیو ریکارڈنگ میں مسجد پر حملہ کرنے والے افراد کو واضح طور پر دیکھا جا سکتا ہے۔متشدد فکر کے حامل افراد کے ساتھ لچک کے نتائج انتہا پسندی کی صورت میں گزشتہ تین دہائیوں سےپوری قوم بھگت رہی ہے۔دوسروں کی عبادت گاہوں کو نشانہ بنانے والے کسی معافی کے مستحق نہیں۔مسجد کو شہید کرنے پر اکسانے والے مولوی اور دیگر کے خلاف اندراج مقدمے میں دہشت گردی کی دفعات شامل کی جائیں تاکہ آئندہ اس طرح کے واقعات کا سدباب ہو سکے۔ علاقے کے شیعہ اکابرین نے ایم ڈبلیو ایم کی مرکزی قیادت کا شکریہ ادا کرتے ہوئے مسجد کی بلا تاخیر تعمیر نو کے عزم کا اظہار کیا۔

انہوں نے کہا پولیس انتظامیہ کے متعصبانہ طرز عمل کو کسی صورت قبول نہیں کیا جائے گا۔ذمہ داروں کو کیفر کردار تک پہنچانے کے لیے پُرامن احتجاج سے عدالتی چارہ جوئی تک تمام آپشنز کو استعمال کیا جائے گا۔وڈیو کے ذریعے شناخت شدہ مجرمان کی پولیس حراست سے آزادی  علاقے میں اشتعال پیدا کرنے کی سازش ہے۔اختیارات کا ناجائز استعمال کرنے والوں کا بھی احتساب ضروری ہے۔