وحدت نیوز(کھرمنگ)کھرمنگ کے دور افتادہ علاقوں کی تعمیر و ترقی اور مسائل کے حل کیلئے ہر ممکن کوشش کرنا مشن، اہالیان ترکتی کے مطالبات کو پورا کرنے کیلئے ہر ممکن کوشش کی جائے گی۔ ان خیالات کا اظہار رکن گلگت بلتستان اسمبلی و سکریٹری جنرل ایم ڈبلیو ایم کھرمنگ شیخ اکبر علی رجائی نے ترکتی کے عمائدین کی جانب سے دعوت پر ترکتی دورے کے دوران گفتگو کرتے ہوئے کیا۔

 رکن اسمبلی معروف عالم دین و سماجی شخصیت شیخ اکبر رجائی کے ترکتی آمد پر اہل علاقہ کے پرتپاک خیر مقدم کیا۔ ڈپٹی سکریٹری جنرل شیخ یعقوب محمدی ، صدر ٹیچر ایسوسی ایشن علی پناہ سمیت علاقے کے بزرگ رہنما اور نوجوان انکو خوشامدید کہنے کیلئے آئے۔ علاقے کی تعمیر و ترقی اور مسائل کے حوالے سے شیخ یعقوب محمدی اور سر علی پناہ نے رکن اسمبلی کو متوجہ کیا اور اہالیان علاقہ کیطرفسے قرارداد پیش کیا۔

 انہوں نے اہالیان ترکتی کی جانب سے شیخ اکبر رجایی کو رکن اسمبلی کیلئےنامزدگی پر مجلس وحدت مسلمین کی بابصیرت قیادت کو خراج تحسین پیش کرتے ہوئے کہا کہ علاقے کے سب سے متحرک اور ہر عوامی و علاقائی ایشو پر ہمہ وقت سرگرم عمل رہنے والے عالم دین کو عوامی نمایندگی کیلئے نامزد کرکے سیاسی بصیرت، عوام دوستی اور تدبر کا ثبوت پیش کیا۔ مقررین نے توقع ظاہر کی کہ شیخ اکبر رجائی جسطرح سخت موسم کے باوجود کھرمنگ کے مختلف موضعات کا دورہ کرتے انکی آواز بنتے مسایل کے حل کیلئے کوشاں ہیں اسی طرح آئندہ بھی تمام عوامی نمائندوں کیلئے نمونہ عمل بنتے رہیں گے۔

 اس دوران علامہ راجہ ناصر عباس جعفری اور آغا علی رضوی سمیت مجلس وحدت مسلمین کی قیادت کا اہالیان ترکتی کیجانب سے شکریہ ادا کیا گیا۔ رکن اسمبلی شیخ اکبر رجائی بعد ازاں حمزی گونڈ میں حال میں وفات پانے والے حاجی حیدر کے گھر لواحقین سے تعزیت اور مرحوم کی روح کیلئے ایصال ثواب کیلئے تشریف لے گئے جہاں پر مرحوم کیلئے فاتحہ خوانی اور مغفرت کیلئے دعا کی۔

وحدت نیوز (آرٹیکل) جو قرآن کی تلاوت نہیں کرتا ہے وہ تزکیہ اور تہذیبِ نفس نہیں کرتا ہے جو قرآن سے دور ہے وہ تقویٰ کا مالک نہیں بن سکتا ہے قرآن کی تلاوت ہماری زندگی کا حصہ بن جانا چاہیے ہماری جماعت کی شناخت ایسی ہو کہ ہم سب قرآن پڑھنے والے بن جائیں۔عبادات اور نماز کو اہمیت دینے والے بن جائیں۔

قرآن میں ارشاد ہے کہ ۔اے چادر میں لیپٹے ہوئے رات کا کچھ حصہ چھوڑ کر باقی تم قیام کیا کرو عبادت کے لئے ساری رات عبادت کیا کرو سوائے تھوڑی رات کے یعنی تھوڑی رات آرام زیادہ رات کا حصہ عبادت اور قرآن کو ٹھہر ٹھہر کر پڑھا کرو اور اطمنان کے ساتھ تلاوت کیا کرو ہم ان قریب آپ پر ایک بھاری کلام نازل کرنے والے ہیں بھاری کام سے مراد بھاری ذمہ داریاں کہا گیا ہے۔
بے شک رات کے وقت اُٹھنا ایک ایسا عمل ہے جس سے نفس اچھی طرح کچلا جاسکتا ہے اور بات بھی بہتر طریقے سے کی سکتی ہے۔

رات کو اُٹھنا بہت اہم ہے پھر خدا قرآن میں ارشاد فرماتا ہے کہ جتنا تمہیں موقع اور میسر ہے اتنا تم قرآن کی تلاوت کیا کرو

اے پیغبر ؐ تمہارا پروردگار جانتا ہے کہ تم دو تہائی رات کے قریب تم قیام کرتے ہو یعنی اُٹھتے ہو اور آدھی رات اور ایک رات کا تیسرا حصہ سوتے ہو اور لوگوں کا ایک گروہ ہے وہ بھی تیرا ساتھ ایسا ہی کرتا ہے یعنی پیغمبر ؐ کے مخلص ساتھی جو عظیم الہی ذمہ داری آخری نبوت کے فرائض انجام دینے میں نبی ؐ کا ساتھ دیتے ہیں وہ بھی عبادت میں ویسے ہی ہے اللہ کی طرف امت کو قریب لیکر جانا قُرب الہی کی طرف لے جانا اور روکاوٹوں کو عبور کرنا وہ فرعونوں ، نمرودوں ، ابوجہلوں ، شددادوں، اور یزیدوں ان طاغوتوں سے دور رہنا اور انکا مقابلہ کرنا اور اللہ کے قریب پہنچ جانا تاکہ وہ ساتھ چلیں انہوں نے اکیلے نہیں جانا ہے اجتماعی سفر کرنا ہے جماعت کے جو عہدار ہیں وہ اینجن کی حثیت رکھتے ہیں اگر ہم ساری رات اوندے پڑھے رہیں قرآن کی تلاوت نہ کریں اور فالتو فیس بُک ، موبائل ، واٹس اپ وغیرہ میں لگ کر بیٹھ جائیں قرآن کوئی بھی نہیں پڑھتا ہے اجتماعی تنظیمی اخلاقیات کے اندر خود سازی بہت اہم ہے اور خود سازی میں عبادات ہیں، نوافل ہیں ،۔

ایک شہید ہے اُس کانام محمود شہبازی ہے 23 سے 24 سال کی عمر میں جنگ میں شہید ہواتھا سپاہ کے بڑے بڑے کمانڈر کہتے تھے وہ ہمارا معلم اخلاق تھا ہمیں نہج البلاغہ اور اہل بیت ؑ کے کلمات سے ہمیں اخلاق سیکھاتا تھا ۔

اور ہم نہ صحیفہ سجادیہ سے مانوس ہیں اور نہ ہی نہج البلاغہ سے مانوس ہیں اور نہ ہی قرآن سے مانوس ہیں۔جس طرح ہم نے بہت بڑے شیطانوں سے ٹکرانے کا عظم رکھا ہے اُس کے لئے ان سب احکامات اور اخلاقیات پر پابند ہونا انتہائی ضروری ہے دیگر صورت ہم ٹوٹ پھوٹ کا شکار ہو جائینگے اور ختم ہو جائینگے۔لہذٰا خود سازی بہت ہی اہم چیز ہے یہ باقاعدہ زندگی کا حصہ ہونا چاہیے ۔لکھ لینا چاہیے کہ آج کے دن میں اس طرح کے عبادات کے پروگرام ہیں ۔

رسول پاک ؐ فرماتے ہیں کہ میرے دل پر غبار آجاتا ہے میل آجاتا ہے پھر میں ستر مرتبہ استغفار کرتا ہوں پھر وہ غبار میرے دل سے اُتر جاتا ہے۔

اس حدیث کو سمجھانے کے بہترین مثال یہ ہے کہ ایک بائیک میکینک جس کے کپڑے اتنے میلے ہوتے ہیں کہ نیا داغ لگ بھی جائے تو محسوس نہیں ہوتا اور اسی طرح اگر کوئی سفید کاٹن کے کپڑے پہنے اور چھوٹا سا داغ بھی لگ جائے تو ایک دم اور دور سے پتہ چل جاتا ہے ہماری روحیں میکنیک کے کپڑوں کی طرح ہو گئی ہیں جس پر لگنے والا داغ ہمیں محسوس ہی نہیں ہوتا ہے ۔

رسول پاک ؐ کی روح اتنی پاک اور صاف ہے کیسے لوگوں میں بیٹھتے ہیں مثال سے واضح کرونگا۔

جو مقام ِ ابرار پر فائز ہیں اُنکی نیکی جو ہے مقربین کے مقام پر جو فائز ہیں اُنکا گناہ ہے اگر وہی عمل وہ انجام دیں تویہ اُنکا گناہ ہے ۔

خود سازی بہت اہم ہے دوسرے لوگوں کو اپنے ساتھ لیکر چلنا ہے اس لئے دوسرے لوگوں کی جانب ہم نے اخلاقیات اور احکامات میں سب آگے رہنا ہے اور عمل میں بھی سب سے آگے رہنا ہے
اگر ایک جماعت کے نظم اور ضبط کی اساس اور بنیاد تقوی اور خود سازی اور باطنی طہارت نہ ہو اُس جماعت کی بنیاد دلدل کے اُوپر ہے کسی وقت ایک دم سے دلدل میں پھنس جائے گی خواہشات اور ہواہوس کی لالچ میں ایک دن دھس جائے گی اور تباہ و برباد ہو جائے گی

پیشکش: مرکزی شعبہ تربیت مجلس وحدت مسلمین پاکستان

وحدت نیوز(اسلام آباد) مجلس وحدت مسلمین پاکستان کے مرکزی ترجمان مقصود علی ڈومکی نے حضرت سیدہ فاطمہ زہرا سلام اللہ علیہا کے یوم شہادت کی مناسبت سے منعقدہ مجلس عزا سے خطاب کرتے ہوئے کہا ہے کہ آل محمد اپنے عظیم کردار کی بدولت تاریخ انسانی میں بے مثال ہیں۔ اس لیے نیزے اور تلوار اٹھانے والے بدترین دشمن بھی ان کے بے عیب کردار پر انگلی نہ اٹھا سکے۔ ہمیں آل محمد کے کردار کے نقش قدم پر چلتے ہوئے اپنے کردار کو مثالی بنانا ہے۔

انہوں نے کہا کہ سیدہ فاطمہ زہرا سلام اللہ علیہا کے ایثار کو قرآن کریم نے خصوصیت کے ساتھ بیان کیا۔ آپ کی جدوجہد میں دین خدا کا دفاع سرفہرست ہے۔ آپ نے خود ضرورت ہوتے بھی دوسروں کی مدد کی۔

انہوں نے کہا کہ امریکہ کی جانب سے المصطفی انٹرنیشنل یونیورسٹی پر پابندی کے بعد حضرت امام علی رضا علیہ السلام کے روضہ مبارک سے متصل ادارے پر پابندی شرمناک عمل ہے جو امریکہ کے اسلام دشمن اور تعلیم دشمن کردار کی عکاسی کرتا ہے۔

انہوں نے کہا کہ جوبائیڈن کے صدر مملکت بننے سے امریکہ کے اسلام دشمن کردار میں کسی تبدیلی کے آثار نہیں بلکہ امریکا کا انسان دشمن سامراجی کردار جاری رہے گا۔انہوں نے کہا کہ وقت کے فرعون ٹرمپ کی ذلت و رسوائی قابل دید ہے دنیا بھر کے مظلوم انسانوں کا خون ناحق امریکہ کے زوال کا سبب بنے گا۔

وحدت نیوز(کوئٹہ) کوئٹہ کی ایک نسل پرست فاشسٹ تنظیم HDPکی جانب سے فرزند رسول خداؐ حضرت امام مہدی ؑ کی شان اقدس میں بدترین گستاخی کے خلاف پریس کانفرنس کرتے ہوئے مجلس وحدت مسلمین کے مرکزی رہنما اور سابق وزیر قانون بلوچستان آغا سید محمد رضا نے کہاکہ امام مھدی ع کی توہین قرآن مجید اور رسول اللہ ص کے فرمودات سے انکار ہے،ریاست امام مھدی ع کی توہین کرنے والوں کو قرار واقعی سزا دے،توہین امام مھدی ع در حقیقت توہین رسالت ہے،عدالت امام مہدی ع پر ایمان عالم اسلام کے مسلمہ و متفقہ عقائد میں سے ہے،امام مھدی ع اھلبیت میں سے ہیں انکی توہین اھلبیت رسول ص کی توہین ہے۔کوئٹہ پریس کلب میں ہونے والی اس پریس کانفرنس میں ایم ڈبلیوایم کے مرکزی رہنما اور امام جمعہ علامہ سید ہاشم موسوی، علامہ ولایت جعفری، سید عباس علی ودیگر رہنما بھی موجود تھے ۔

آغا رضا نے کہاکہ حضرت بی بی عائشہ رض سے روایت ہے کہ رسول اللہ ص نے فرمایا، ” مھدی ع میری عترت میں سے ایک شخص ہیں وہ میری سنت کے لئے جنگ کرے گا بالکل ایسے ہی جیسے میں نے وحی (قرآن) کیلئے جنگ کی۔” (نیابیع المودہ و دیگر)

اسی طرح حضرت عبداللہ بن عمر رض سے روایت ہے کہ رسول اللہ ص نے فرما یا، ” اس وقت تک قیامت نہیں آئے گی جب تک کہ میرے اھل بیت ع میں سے ایک شخص مالک و حاکم نہیں بن جائے گا اس کا نام میرے نام پر ہوگا وہ زمین کو اسی طرح عدل وانصاف سے بھر دے گا جس طرح وہ ظلم و جور سے بھر چکی ہوگی۔” (کشف الغمہ ع دیگر۔)

انہوں نے کہاکہ امام مھدی ع پر ایمان عالم اسلام کے متفقہ عقائد میں سے ہے اور اس طرح کی احادیث شیعہ اور اھل سنت کی معتبر کتابوں میں تواتر کے ساتھ بیان ہوئی ہیں کہ امام مھدی ع رسول اللہ ص کی اھل بیت میں سے ہوں گے اور قرآن مجید سورہ احزاب میں اھل بیت ع کی شان میں ارشاد ہوا ہے کہ

انما یرید اللہ لیذھب عنکم الرجس اھل البیت و یطہرکم تطہیرا۔

ترجمہ۔ ” اے اھل بیت، اللہ کا تو بس یہ ارادہ ہے کہ آپ سے ہر قسم کے رجس کو دور رکھے اور تمھیں مکمل پاک و پاکیزہ قرار دے ۔”

ان کا کہنا تھاکہ امام مہدی ع کی گستاخی در حقیقت قرآن مجید کی گستاخی ہے اور انکی توہین در اصل توہین رسالت ہے۔ریاست فاشسٹ پارٹی ایچ ڈی پی اور انکے عہدیداران کے خلاف امام مھدی ع کی توہین کے جرم میں قانون کے مطابق عمل کرتے ہوئے ذمہ داروں کو قرار واقعی سزا دے۔ایچ ڈی پی ایک نسل پرست ، فاشسٹ پارٹی جس نے ایک طویل عرصے سے قوم پرستی کا لبادہ اوڑھ کر جھوٹ کا سہارا لیکر معصوم ذہنوں کو گمراہ کرنے کا بازار گرم کر رکھا ہے۔ لیکن جھوٹ کی زندگی بہت ہی مختصر ہوتی ہے۔

انہوں نے کہاکہ کوئلے کے کان میں کام کرنے والے 10 شیعہ ہزارہ کانکنوں کی حالیہ شہادت نے جہاں ان موقع پرست ٹھگوں کے گروہ کو بے نقاب کیا وہیں اس فاشسٹ مافیا کا ملک اور اسلام مخالف ایجنڈا بے نقاب کرکے رکھ دیا۔ یہ فاشسٹ گروہ جو قوم پرستی کا دعویدار ہے ، بے شرمی کے ساتھ ہمارے شہیدوں کو اپنانے سے انکار کرتا رہا کیونکہ ان کا ہدف ہی قوم کے بارے میں غلط فہمی پھیلانا ہے۔

رہنماؤں نے کہاکہ HDP والے شہداء کے لواحقین و وارثین کا ساتھ دینے کی بجائے اپنی کرسی بچانے کی فکر میں لگے رہے۔ شہداء کے لاشوں کی بھی توہین کرنے کے بعد ان بے شرموں نے شہداء کی یاد میں ایک ٹوکن محفل کا انعقاد کیا (جس میں شہداء کے لواحقین کا دور دور تک کوئی نام و نشان نہیں تھا)، لیکن اس پلیٹ فارم کو اسلام کے خلاف زہر اگلنے اور توہین مذہب کے لئے استعمال کیا۔ اس اسٹیج کو امام مہدی علیہ السلام کی توہین کرنے کے لئے استعمال کیا گیا جں سے اسلام کے تمام فرقے عقیدت رکھتے ہیں۔

ان کامزید کہنا تھا کہ ایچ ڈی پی کے سنٹرل کمیٹی کے عہدیدار زمان دہقان زادہ نے امام مہدی علیہ السلام کی توہین کی اور اسٹیج پر موجود کسی منتظم، مقرر یا پارٹی عہدیدار نے اس کے توہین آمیز خیالات سے انکار یا اس کی مذمت نہیں کی۔ اس توہین پر ان کی منظوری دکھائی گئی کیونکہ ان سب کا دعوی ہے کہ ان کے اسٹیج سے ہر بات نپے تلے انداز میں کیجاتی ہے اور یہ کہ وہ اپنے کہے ہوئے الفاظ کی ذمہ داری لیتے ہیں اور بولنے سے پہلے بیس مرتبہ سوچتے ہیں۔

یہ بات واضح ہے کہ ایک طرف ، یہ لوگ عوام کو بے وقوف بنا رہے ہیں اور دوسری طرف ، وہ اسلام دشمن ایجنڈے کو آگے بڑھا رہے ہیں اور اب وہ کھلے عام الزامات لگانے کے لئے اسقدر گر چکے ہیں کہ واشگاف الفاظ میں کھلم کھلا اھل بیت علیہم السلام کی شان میں گستاخی کا سلسلہ جاری رکھے ہوئے ہیں۔ ہم واضح کردینا چاہتے ہیں کہ ہم رسول اللہ (ص) اور ان کے اہل بیت کی شان پر سمجھوتہ نہیں کریں گے۔ ہم مطالبہ کرتے ہیں کہ حکومت اور ریاستی ادارے اس بات کو یقینی بنائیں کہ ان گستاخوں کو ان کے جرم کی قرار واقعی سزا دیکر نشان عبرت بنائی جائے تاکہ کوئی بھی اس طرح کی توہین کو دہرانے کی جرات نہ کرے۔