The Latest
وحدت نیوز(لاہور)مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے ماہ مبارک رمضان کی آمد پر تمام عالم اسلام کو مبارکباد پیش کرتے ہوۓ کہا کہ یہ وہ با برکت مہینہ ہے کہ جسکے بارے میں رسول اللہ صل اللہ علیہ و آلہ وسلم خطبہ شعبانیہ میں فرماتے ہیں" اے لوگو برکت رحمت اور مغفرت کا مہینہ تمہاری طرف آرہا ہے یہ ایک ایسا مہینہ ہے جو تمام مہینوں سے افضل ہے " اس ماہ میں انجام دیے جانے والا ہر عمل خیر اور چھوٹی سے چھوٹی نیکی بھی خداوند عالم کے ہاں بے حساب اجر و ثواب کی حامل ہے۔
انہوں نے کہا اللہ تعالی کا احسان ہے کہ ایک بار پھر ہم ماہ صیام کی رحمتوں اور برکتوں سے استفادہ کرنے والے ہیں اس ماہ میں اپنے دن اور رات کا بیشتر حصہ تلاوت قرآن ،عبادات دعا و مناجات میں وقت صرف کیا جاۓ تاکہ خداوند کریم کے اس دسترخوان فیض و کرم سے اپنی بخشش و نجات کا ذیادہ سے ذیادہ سامان اکھٹا کر سکیں۔
انہوں نے کہا رمضان کریم تقوی الہی اور پرہیزگاری کے حصول کا بہترین ذریعہ ہے یہ ایام تزکیہ نفس اور خود کو خدا کے لیے خالص کردینے کے ایام ہیں اس ماہ میں ایک خاص لطف یہ بھی ہے کہ انسان گناہوں سے بچنے اور خدا کا تقرب حاصل کرنے کی سعی کرتا ہے یہ ایک ایسی مشق ہے جو ہمیں باقی مہینوں میں بھی اعمال صالح بجا لانے کی ترغیب دلاتی ہے۔
انہوں نے مزید کہا وطن عزیز اس وقت کرونا وائرس کی لپیٹ میں ہے جسکی وجہ سے غریب ونادار طبقہ بے شمار مالی مسائل کا شکار ہے ماہ عظیم میں رضاۓ پروردگار کیلیے مستحق خانوادوں کی دل کھول کر امداد کریں اپنی دعاؤں میں مسنگ پرسنز اور ان کے خانوادوں کو یاد رکھیں خداوند عالم اس ماہ مقدس کے وسیلے سے تمام انسانیت کو کرونا وائرس جیسی جان لیوا وبا سے نجات عطا فرماۓ ملک پاکستان کو اندرونی و بیرونی دشمن اور شر پسند عناصر سے محفوظ رکھے ۔آمین
وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نےمزارقائد کراچی پر جاری جوائنٹ ایکشن کمیٹی فار شیعہ مسنگ پرسنز کے دھرنے سے لائیو خطاب کرتے ہوئے مسنگ پرسنز کی بازیابی کے لیے دھرنے کے ہر اقدام کی حمایت کا اعلان کیا ہے۔
انہوں نے کہا کہ مجھے ملت تشیع پر ناز ہے جو حق کے راستے پر ہمیشہ ثابت قدم رہتی ہے۔شرکاء دھرنا نے اپنے حوصلوں کو بلند رکھنا ہے۔ہم وہ ہیں جو ہمت نہیں ہارتے اور کبھی مایوس نہیں ہوتے۔جبری گمشدہ افراد مظلومین ہیں اور مظلوم کی حمایت خدا کا حکم اور انبیاء کا شعار ہے۔کوئی کتنا بھی بڑا مجرم یا ملزم کیوں نہ ہو ایک آزاد ریاست میں اسے غائب نہیں کیا جا سکتا۔کسی کو جبری لاپتا کرنا جنگل کا قانون تو ہو سکتا ہے لیکن ایک آئینی ریاست ایسی لاقانونیت کی اجازت نہیں دے سکتی۔جو یہ ظلم کرتا ہے وہ اللہ کے احکام، ملک کے آئین اور اخلاقی قدروں کی پامالی کا مرتکب ہوتا ہے۔ہمیں اس غیر آئینی عمل کے خلاف ہر جگہ آواز بلند کرناہو گی۔پاکستان اور دنیا بھر کے باضمیر و باشعور افراد اس تحریک کا ساتھ دیں گے۔
انہوں نے کہا کہ ہفتے میں ایک دن ملک کے ہر بڑے شہر میں لاپتا افراد کی حمایت میں دھرنے دیے جائیں تاکہ بے حس حکمرانوں کو جھنجھوڑ ا جا سکے۔ہمیں نتیجے کی فکر نہیں ہوتی۔ہم فریضے کو مقدم سمجھتے ہیں۔جبری گمشدہ افراد کے لیے آواز بلند کرنا ہمارا شرعی فریضہ ہے۔ہم ثانی زہرا سلام اللہ علیہا کے ماننے والے ہیں، ہم کربلا کے پیروکار ہیں جنہیں حالات کبھی تھکا نہیں سکتے،جو حق کے راستے میں کبھی سرنگوں نہیں ہوتے۔کورونا سے صحت یابی کے بعد قائد وحدت کا یہ پہلا خطاب تھا۔گردوں کے عارضے کے باعث وہ ابھی تک علیل ہیں۔تاہم ان کا کہنا تھا کہ مسنگ پرسن کی بازیابی کی کوششیں مجھے میری صحت سے زیادہ عزیز ہیں۔
وحدت نیوز(نصیر آباد)مجلس وحدت مسلمین پاکستان کے مرکزی ترجمان علامہ مقصود علی ڈومکی نے ڈی پی او نصیر آباد عبدالحئی عامر بلوچ سے ملاقات کی۔ اور انہیں بلوچ تاریخ کے حوالے سے اپنی تحقیقی کتاب اور کلینڈر کا تحفہ پیش کیا۔اس موقع پر گفتگو کرتے ہوئے علامہ مقصود علی ڈومکی نے کہا کہ آج کے ترقی یافتہ دور میں کتاب کی اہمیت اور افادیت برقرار ہے۔کتاب اور قلم ترقی اور سربلندی کی علامت ہیں نوجوان نسل کو فیس بک اور واٹس اپ سے نکل کر کتاب کے مطالعے کو اپنی معمولات زندگی میں شامل کرنا ہوگا۔
انہوں نے کہا کہ بلوچوں کی تاریخ میں حلب سے ان کی ہجرت انتہائی اہمیت کی حامل ہے جسے دفتر شعر میں بڑے اہتمام سے بیان کیا گیا ہے یہ ہجرت ان کے حسینی کردار اور سوچ کی عکاس ہے۔اس موقع پر گفتگو کرتے ہوئے ایس ایس پی عبدالحئی عامر بلوچ نے قیمتی کتب کا تحفہ دینے پر شکریہ ادا کیا۔
انہوں نے کہا کہ کتاب انسانی شعور اور علم میں اضافے کا باعث ہے۔ اس موقع پر ضلع نصیرآباد میں سیکورٹی کے بعض امور پر بھی گفتگو کی گئی۔ملاقات میں ایم ڈبلیو ایم بلوچستان کے رہنما سید عبدالقادر شاہ اور سید شبیر علی شاہ بھی ان کے ہمراہ تھے۔
وحدت نیوز(کراچی) مزار قائد جوائنٹ ایکشن کمیٹی فار شیعہ مسنگ پرسنز کا احتجاجی دھرنا بارہویں روز بھی جاری۔شرکائے دھرنے سے اظہار یکجہتی کیلئے مختلف سیاسی و مذہبی جماعتوں کے رہنماوں کے وفد کے ہمراہ دورے جاری۔شرکاء دھرنا سے اظہار یکجہتی کے لیے مجلس وحدت مسلمین کے مرکزی رہنما اور ہزارہ برادری کے نامور عالم دین علامہ سید ہاشم علی موسوی کوئٹہ سے کراچی تشریف لائے اور شرکاء دھرنا سے خطاب کیا۔ انہوں نے کہا کہ کوئٹہ کے مومنین آپ سے اظہار یکجہتی کرتے ہوئے آپ کے شانہ بشانہ کھڑے ہیں۔
انہوں نے کہا کہ جب بھی کوئٹہ کے ہزارہ کمیونٹی پر کوئی مشکل وقت آیا تو کراچی کے عوام ان کی حمایت اور مددمیں صف اول میں نظر آئے آج لاپتہ شیعہ عزاداروں کی بازیابی کے لیے دیے جانے والے اس دھرنے کی مومنین کوئٹہ بھرپور حمایت کرتے ہیں۔حکومت سے مسنگ پرسن کی جلد از جلدبازیاب کا مطالبہ کرتے ہیں۔جوائنٹ ایکشن کمیٹی کے قائدین نے اگر مستقل دھرنوں کی کال دی تو کوئٹہ سمیت بلوچستان کی اہم شاہراؤں پر منظم احتجاج کریں گے۔
شرکاء دھرنا سے خطاب میں علامہ مبشر حسن کا کہنا تھا کہ ماہ مبارک رمضان المبارک میں بھی احتجاج جاری رہے گا، ماہ صیام کے بابرکت ماہ میں عبادات دعا و مناجات اور درس قرآن کے روزانہ پروگرامات منعقد کئے جائیں گے۔اس حوالے سے بعد از نماز مغربین مختلف علمائے کرام درس قرآن دیں گے۔16 اپریل کو جبری لاپتہ افراد سے اظہار یکجہتی کیلئے محفل مشاعرہ کرایا جائے گا جس میں عالمی شہرت یافتہ شعرائے کرام جبری لاپتہ افراد کے حوالے سے اپنے کلام پیش کریں گے۔
انہوں نے کہا کہ مزار قائد کے سامنے جبری گمشدہ افراد کے اہل خانہ سخت گرمی کے عالم میں دن و رات اپنے پیاروں کے انتظار میں اس احتجاجی دھرنے موجود ہیں۔ دھرنے میں شامل کئی سالوں سے جبری لاپتہ افراد کے چند اہل خانہ اپنے پیاروں کے انتظار میں مختلف امراض میں مبتلا ہوچکے ہیں۔انہوں نے کہا کہ شرکائے دھرنے میں سے اگر کسی مریض کی طبیعت خراب ہوئی یا کوئی ناخوشگوار واقعہ پیش آیا تو اس کی تمام تر ذمہ داری حکومت پر عائد ہوگی۔ہمارے دھرنے مظلومین کی داد رسی ہیں پرامن احتجاجی دھرنے میں ہزاروں شہری وقتاً فوقتاً روزانہ اظہار یکجہتی کیلئے شریک ہوتے ہیں گزشتہ بارہ روز میں شرکاء کی جانب سے درخت کے ایک پتے کو نقصان تک نہیں پہنچا۔ ہم شکر گزار ہیں ان تمام ملی جماعتوں کے جو روزانہ مسنگ پرسنز کے اہل خانہ سے اظہار یکجہتی کیلئے یہاں آتے ہیں اور نوجوانوں کی غیر آئینی و غیر قانونی گمشدگی کے خلاف ہم آواز ہوکر بازیابی کا مطالبہ کیا۔
وحدت نیوز(اسلام آباد)مجلس وحدت مسلمین پاکستان کے سربراہ علامہ راجہ ناصر عباس جعفری نے رمضان المبارک کے بابرکت موقعہ پر اپنے پیغام میں کہا ہے کہ رمضان المبارک صبر و رضا اور ایثار و قربانی کا درس دیتا ہے۔خالق کائنات نے امت محمدی پر روزے اس لیے فرض کیے کہ وہ متقی بن جائیں۔ہم نے ایک دن اللہ کے حضور اپنے ہر عمل کا جواب دہ ہونا ہے۔لہذا اپنی زندگیوں کو اسلام کے حقیقی اصولوں کے مطابق ڈھالا جانا چاہئے.اسلام ہمیں دوسروں کی جان و مال کے تحفظ,ظالمین سے دوری،ذخیرہ اندوزی کی مذمت اور مظلومین کی حمایت کا درس دیتا ہے۔روزہ خود کو محض بھوکا یا پیاسا رکھنے کا نام نہیں بلکہ اپنے نفس کے محاسبے اور دوسروں کے احساس کا نام ہے۔
انہوںنے کہا کہ ہمارے ملک میں ایسے بھی کئی خاندان ہیں جن کے بچے مدتوں سے لاپتا ہیں۔ان کے اہل خانہ ہر سال سحری و افطاری کے اوقات میں ان کی کمی کو شدت سے محسوس کرتے ہیں۔حکومت ان جبری گمشدہ افراد کو بازیاب کرائے۔رمضان میں کی گئی اس نیکی کا اجر کئی گنا زیادہ ہو گا۔
ان کا کہنا تھا کہ بڑھتی ہوئی مہنگائی نے عام آدمی کی زندگی کو شدید متاثر کیا ہے۔ذخیرہ اندوزی اور مصنوعی قلت پیدا کرنے والوں کے خلاف کارروائی کر کے مہنگائی پر کسی حد تک قابو پایا جا سکتا ہے۔عوام کو بنیادی سہولیات کی فراہمی حکومت کی ذمہ داری ہے۔اشیائے خوردونوش کو سستا کر کے اس ذمہ داری کو احسن طریقے سے ادا کیا جا سکتا ہے۔
انہوں نے کہا کورونا وبا کے پیش نظر رمضان المبارک کے دوران عبادات اور اجتماعات میں ایس او پیز پر عمل کرنا اخلاقی و قانونی تقاضا ہے۔اپنی اور دوسروں کی صحت کا خیال رکھنا شرعی لحاظ سے بھی ضروری ہے۔انہوں نے عوام سے اپیل کی کہ رمضان المبارک میں ایک دوسرے کا زیادہ سے زیادہ خیال رکھا جائے اور اپنی عبادات میں وطن کی ترقی و خوشحالی اور استحکام کے لیے زیادہ سے زیادہ دعا کی جائے۔
وحدت نیوز(گلگت) رہنما مجلس وحدت مسلمین اور وزیر زراعت گلگت بلتستان کاظم میثم اور وزیر اعلیٰ گلگت بلتستان کے درمیان اہم ملاقات ہوئی ہے ۔ وزیراعلیٰ خالد خورشید نے وزیر زراعت کاظم میثم کے توجہ دلانے پرحالیہ پولیس بھرتیوں میں سکردو کی پوسٹیں کم کرنے پر نوٹس لے لیا۔
وزیر اعلیٰ جی بی نے سکردو میں پولیس کی تمام خالی پوسٹوں پر میرٹ پر بھرتیوں کے لیے آئی جی پی کو احکامات جاری کردیئے۔وزیر اعلیٰ نے کہاکہ سکردو میں میڈیکل کالج کا اعلان ہماری حکومت نے کی ہے اور ہماری حکومت ہی قائم کرے گی۔سکردو میں میڈیکل کالج کا قیام پرائم منسٹر پیکج کا حصہ ہے۔سکردو میں میڈیکل کالج پی پی موڈ پر ہوگا اور رواں سال سے ہی اس پر کام شروع ہوگا۔
انہوںنے مزید کہاکہ ماضی کی طرح کسی بھی ریجن یا علاقے کےساتھ ناانصافی نہیں ہونے دیں گے۔تمام علاقوں میں وسائل کی تقسیم منصفانہ ہوگی۔تعلیم، صحت، پینے کے صاف پانی کی فراہمی اور انفراسٹریکچر ہماری ترجیحات ہیں۔گمبہ سکردو سب ڈویژن سمیت دیگر انتظامی یونٹس کی اصلاحات پر عملدرآمد ہوگا۔
وحدت نیوز(اسلام آباد) مجلس وحدت مسلمین پاکستان کے مرکزی ڈپٹی سیکریٹری جنرل سید ناصر عباس شیرازی نے رمضان المبارک کی آمد کے بابرکت موقع پر اپنے پیغام میں کہا ہے کہ ماہ صیام رحمتوں اور برکتوں کا مہینہ ہے۔اس ماہ کے دوران مخلوق خدا کی مشکلات دور کر کے رب کریم کی خوشنودی کو سمیٹا جا سکتا ہے۔ ہر شخص اپنا انفرادی کردار ادا کرتے ہوئے اپنے قرب وجوار میں بسنے والوں اور خاندان کے ضرورت مند افراد کی مالی معاونت کر کے اطاعت خداوندی کا عملی اور حقیقی ثبوت دے۔
انہوں نے کہا کہ رمضان کے دوران حکومت کی جانب سے مخصوص اشیائے خورد و نوش کی قیمتوں میں کمی کا اعلان ناکافی ہے۔چینی،گھی اوردیگر ضروریات زندگی کی امدادی نرخوں پر یوٹیلیٹی سٹور ز یا سستے بازاروں میں دستیابی عوامی ضرورت کو پورا نہیں کرتی۔کھانے پینے کی عام اشیاء پر محض وقتی سبسڈی دینے کی بجائے انہیں مستقل طور پر سستا کیا جانا چاہیے تاکہ عوام کو مہنگائی سے نجات مل سکے۔ ذخیرہ اندوزوں کے خلاف سخت کارروائی کر کے اشیائے خوردونوش کی مصنوعی قلت کا تدارک کیا جا سکتا ہے۔
انہوں نے کہا کہ ملت تشیع کے جبری لاپتا افراد کی بازیابی کے لیے اہل خانہ کی جانب سے گزشتہ گیارہ روز سے کراچی میں دھرنا جاری ہے۔عوام کی مشکلات کا ازالہ اور ان کی جان و مال کا تحفظ ریاست کی اولین ذمہ داری ہے۔ کراچی میں شدید گرمی کے دوران روزے کی حالت میں کھلے آسمان تلے احتجاج انسانی زندگی کے لیے سنگین خطرہ بن سکتا ہے۔ اپنے گمشدہ اقرباء کے لیے سسکنے والے ان نیم جان افراد کو مزید کسی آزمائش میں ڈالنا بدترین ذیادتی ہو گی۔ریاست ماں کا کردار ادا کرتے ہوئے ان کی دادرسی کرے۔مقتدر ریاستی ادارے جبری گمشدہ افراد کو منظر عام پر لائیں۔یہ کوئی غیر قانونی مطالبہ نہیں بلکہ آئینی بالادستی کا تقاضا ہے۔انہوں نے کہا کہ جبری لاپتا افراد اس ملک کے باسی ہیں۔حکومت کی جانب سے ماہ رمضان کے دوران انہیں اور ان کے اہل خانہ کو بھی ریلیف دیا جانا چاہئے۔
وحدت نیوز(لاہور) جوائنٹ ایکشن کمیٹی فار مسنگ پرسنز کی حمایت میں دسویں روزبھی ملک بھرمیں علامتی احتجاج جاریلاھور لبرٹی چوک پر سیکرٹری جنرل مجلس وحدت مسلمین شعبہ خواتین لاھور محترمہ حناتقوی اور ڈپٹی سیکرٹری جنرل محترمہ عظمیٰ نقوی کے ہمراہ تمام کابینہ ممبران نے بھرپور شرکتِ کی اس کے علاوہ مختلف شعبہ زندگی سے تعلق رکھنے والے افراد خواتین اور بچوں کی بڑی تعداد نے علامتی احتجاجی مظاہرہ کر تےہوےملک بھرمیں جاری جبری گمشدگی کی مذمت کرتے ہوئے کراچی میں جاری جوائنٹ ایکشن کمیٹی فار شیعہ مسنگ پرسنز کے دھرنے کی بھرپور حمایت کی۔
علامتی دھرنے سے خطاب کرتے ہوئے حکومتی ایوانوں کو للکارتے ہوئےسیدہ حنا تقوی نے کہاکہ جب تک ھمارے نوجوانوں کو رہا نہیں کیا جائےگا تب تک ھمارا احتجاج جاری رہے گا ۔یہ ھمارا قانونی اور آئینی مطالبہ ہے۔ انھوں نے وزیراعظم عمران خان کو مخاطب کرکے کہا کہ ھمارا مطالبہ نہ روٹی کا ہے نہ کپڑے نہ مکان اور نہ بجلی کے بل کا ہے ھمارا مطالبہ گمشدہ افراد کی بازیابی کا ہے۔
انھوں نے کہا میرا سوال اداروں وزیراعظم آرمی چیف پولیس اور یہاں سے گزرنے والے ہر شخص سے ہےکہ ھمارا قصور کیا ہے اس ملک پاکستان کو اللّٰہ اور رسول ص کے نام پر حاصل کیا گیا ہے۔ پاکستان کا مطلب کیا لا الہ الااللہ محمد رسول ص تو پھر بتائیں رسول ص کی آل پاک سے محبت کرنا جرم ہے ان کے روضوں کی حفاظت کرنا جرم ہے پولیس اور فوج ہمیں بتائیں لاپتہ افراد کہاں ھیں؟ اگر وہ کہتے ھیں ھم نہیں جانتے تو ھم نہیں مانتے سکیورٹی اداروں کو آسمان سے گرا ہوا ابی نندن تو مل جاتا ہے مگر زمین سے اٹھے افراد نہیں ملتے ۔
انہوں نے مزید کہاکہ ھمارے احتجاج کو مذاق نہ سمجھا جائے اگر آج گمشدہ افراد کو رہا نہ کیا تو پھر یہ احتجاج لبرٹی چوک تک محدود نہیں رہے گا اربعین کی طرح پاکستان کے ہر چوک گلی کوچے بازار سڑک سے لبیک یا حسین علیہ سلام لبیک یا زینب ع لبیک یا مہدی عجل اللہ تعالیٰ کی صدائیں بلند ھوں گی.احتجاجی شرکاء نے پورے لبرٹی چوک کا چکر لگایا اور چوک میں علم مولا غازی عباس ع نصب کیا گیانماز مغربین باجماعت ادا کر کےمسنگ پرسنز کی بازیابی کے لیے دعا کی اور شمع روشن کیں۔
وحدت نیوز(سکردو) مجلس وحدت مسلمین گلگت بلتستان کے صوبائی سیکریٹریٹ میں ضلع کھرمنگ کی کابینہ کے لئے ایک روزہ تربیتی ورکشاپ ماہ تربیت و تزکیہ رمضان المبارک کی آمد کے موقع پر استقبال ماہ رمضان وتربیت نسل جوان تربیتی ورکشاپ میں ضلعی کابینہ کے معزز اراکین نے شرکت کی۔
تربیتی ورکشاپ سے صوبائی سیکریٹری جنرل آغا سید علی رضوی،ڈپٹی سیکرٹری جنرل شیخ احمدعلی نوری، سیکریٹری جنرل ضلع سکردو شیخ فدا ذیشان، صوبائی سیکریٹری تنظیم سازی آغا ھادی الحسینی اور معروف سماجی فکری شخصیت جناب کاچو زاہد علی خان نے خطاب کیا۔
وحدت نیوز(جیکب آباد) جدوجہد کمیٹی جیکب آبادکے زیراہتمام عوامی مسائل پر گول میز کانفرنس کا اہتمام کیا گیا۔ کانفرنس کی صدارت کمیٹی کے چیئرمین مجلس وحدت مسلمین پاکستان کے مرکزی ترجمان علامہ مقصود علی ڈومکی نے کی۔ کانفرنس سے ممتاز سیاسی و سماجی رہنما عبدالحئی سومرو ایڈوکیٹ جیکب آباد جدوجہد کمیٹی کے جنرل سیکریٹری سید غلام شبیر نقوی جمعیت علمائے اسلام کے رہنما حماد اللہ انصاری عام انسان تحریک کے عابد سندھی انجینئر عید محمد ڈومکی علی محمد عوامی پارٹی کے چیئرمین دلمراد لاشاری سماجی رہنما استاد عبد الفتاح ڈومکی شیخ اتحاد کے صدر منصب علی شیخ جامعہ خاتم النبیین کے وائس پرنسپل حاجی سیف علی ڈومکی سماجی رہنما رحمدل ٹالانی ٹونی و دیگر نے خطاب کیا۔ کانفرنس میں جی او سی پنوعاقل کے کرنل شہزاد نے خصوصی شرکت کی اور جیکب آباد کے عوامی مسائل پر رہنماؤں سے گفتگو کی۔
اس موقع پر کانفرنس سے خطاب کرتے ہوئے علامہ مقصود علی ڈومکی نے کہا کہ اکیسویں صدی میں جیکب آباد کی عوام آج بھی بنیادی حقوق سے محروم ہے ترقیاتی اسکیمیں کرپشن کی نظر ہو چکی ہیں عوام پینے کے صاف پانی سے محروم ہیں جبکہ کروڑوں روپے کا بجٹ صرف ہونے کے باوجود عوام صحت کی سہولیات سے محروم ہیں انہوں نے کہا کہ قبائلی جھگڑے کے نام پر معصوم شہریوں کا قتل عام انتہائی شرمناک ہے۔
کانفرنس سے خطاب کرتے ہوئے سید کامران شاہ نے کہا کہ ایک طرف جیکب آباد کے اندر دہشت گردوں کا نیٹ ورک موجود ہے تو دوسری طرف ایس ایس پی کی جانب سے ضلع کی مساجد اور امام بارگاہوں کی سیکورٹی کلوز کی گئی ہے جس سے عوام غیر محفوظ ہو چکے ہیں۔
