وحدت نیوز(کراچی)پاکستان مسلم لیگ فنکشنل سندھ کے جنرل سیکریٹری،جی ڈی اے کے ترجمان اور این اے 249 کے نامزد امیدوار سردار عبدالرحیم نےمجلس وحدت مسلمین کے صوبائی دفتر پہنچ کر صوبائی رہنماء علی حسین،صوبائی ترجمان مبشر حسن،مولانا صادق جعفری سے ملاقات کی اور ملک بلخصوص سندھ کی سیاسی صورتحال پر تبادلہ خیال کیا۔

رہنماوں کی مشترکہ پریس کانفرنس سے سردار عبدالرحیم نے تبادلہ خیال کرتے ہوئے کہا کہ کراچی بلخصوص سندھ کی عوام کے بنیادی مسائل اور سہولیات کے حل کے لیے مشترکہ طور پر جدوجہد کریں گے، مثبت سیاسی ملاقات رہی ہم کشکول لے کر یہاں آئے ہیں،عوام کی ابتر حالات ہے صوبائی اور مرکزی حکومت کو عوام کی کوئی پرواہ نہیں ہے حلقے کی حالات بہت خراب ہے نہ روڈ ہے اور ناہی پینے کا پانی اور طبی سہولیات میسر نہیں،ہم جمہوریت پسند ہیں،دیگر سیاسی جماعتوں کے پاس جاکر بھی ان کی حمایت حاصل کریں گے،جی ڈی اے نے ہمیشہ پی ٹی آئی کی مدد کی ہے سینٹ انتخابات میں ہمارے 14 ووٹوں سے پی ٹی آئی اور ایم کیو ایم پاکستان کے امیدوار کامیاب ہوئے،پی ٹی آئی والوں سے مطالبہ کرتے ہیں کہ اپنے امیدوار کو جی ڈی اے کے امیدوار کے حق میں دستبردار کرائے،ہمیں امید ہے کہ مجلس وحدت مسلمین ہماری مدد کرے گی۔

انہوں نے مزید کہا کہ اگر مجلس وحدت مسلمین اور جی ڈی اے مشترکہ طور پر الیکشن میں حصہ لے تو عوام کی بہتر خدمت ہوگی،متحد سندھ اور مظبوط پاکستان کے پلیٹ فارم سے کراچی سمیت پورے صوبے کی عوام کو متحد کریں،سندھ کو کرپشن سے پاک کرنے کے لیے عوام ہم پر اعتماد کرے۔

مجلس وحدت مسلمین کے صوبائی رہنما علی حسن نقوی نے کہا کہ این اے 249 کی عوام سے پی ٹی آئی والوں نے کیے گئے وعدے پورے نہیں ہوئے وہاں کوئی ترقیاتی کام مکمل نہیں ہوا،کون سی تبدیلی آئی ہے،حکمران صرف عیاشیوں اور محلات بنانے میں مصروف ہے انہیں عوام سے کوئی سروکار نہیں ہے،ہمارا مؤقف واضع ہے کہ مظلوم عوام کی داد رسی کی جائے،این اے 249 میں ہمارا مناسب ووٹ بینک ہے،سردار عبدالرحیم مناسب امیدوار ہے جن کی حمایت کے لیے مجلس وحدت مسلمین کی کاؤنسل کے اجلاس میں فیصلہ کریں گے،عوام مہنگائی کے ہاتھوں بہت پریشان ہے،اگر حکمرانوں نے سنجیدگی سے نوٹس نہیں لیا تو عوام روڈو پر ہوگی اور حالات کی تمام تر ذمہ دار حکمران ہونگے۔

وحدت نیوز (اسلام آباد) مجلس وحدت مسلمین پاکستان کے سربراہ علامہ راجہ ناصر عباس جعفری  نےکہا ہے کہ ملک میں لاپتہ شیعہ افراد کی بازیابی کے لیے شروع ہونے والی ہر تحریک کی حمایت کی جائے گی۔کسی بھی حکومتی ادارے کو یہ حق حاصل نہیں کہ وہ نوجوانوں کو گھروں سے اٹھا کر ان کی زندگی کا قیمتی ترین حصہ خفیہ عقوبت خانوں کی نذر کریں۔اس غیر آئینی اقدام کے خلاف کبھی خاموش نہیں بیٹھیں گے۔ہم ملک میں آئین و قانون کی بالادستی چاہتے ہیں۔اپنے اس موقف سے کبھی دستبردار نہیں ہوں گے۔

انہوں نے کہا کہ لاپتہ نوجوانوں کو آئین و قانون کے مطابق عدالتوں کے سامنے پیش کیا جائے۔جو لوگ قصوروار ہیں انہیں قانون کے مطابق سزائیں دی جائیں۔بے گناہ لوگوں کے ساتھ مجرموں جیسا سلوک نا قابل برداشت ہے۔ہم نے حکومت عدلیہ اور سیکورٹی کے اداروں سمیت ہر پلیٹ فارم پر آواز بلند کی ہے،جبری گمشدگی انسانی حقوق کی سنگین ترین خلاف ورزی ہے۔ اس ظلم و زیادتی پر حکومتی اداروں کا غیر سنجیدہ ردعمل ہمارے اضطراب میں اضافے کا باعث بن رہا ہے۔لا پتا افراد کے اہل خانہ کی جانب سے جوائنٹ ایکشن کمیٹی فار شیعہ مسنگ پرسنز کے تمام مطالبات کی مکمل حمایت کی جائے گی۔

انہوں نے مزید کہا کہ 2اپریل کو کراچی کے دھرنے میں مجلسِ وحدت مسلمین بھرپور شرکت کرے گی۔جب تک ہمارے لاپتہ پاکستانی بیٹوں کو عدالتوں کے سامنے پیش نہیں کیا جاتا یا ان کے اہل خانہ سے ملاقات نہیں کرائی جاتی تب تک ہم سکون سے نہیں بیٹھیں گے۔ایک جمہوری ریاست ایسے آمرانہ طرز عمل کی متحمل نہیں ہو سکتی۔مقتدر اداروں نے اگر اپنی نیک نامی برقرار رکھنی ہے تو  آئینی حدود و قیود کو مقدم رکھیں۔ کسی بھی شہری کی جبری گمشدگی آئین پاکستان کی خلاف ورزی ہے۔ محض شک کی بنیاد پر شیعہ عزاداروں کو لاپتہ کرنا قانون و انصاف کا قتل ہے۔عدلیہ کو اس غیر آئینی اقدام اورلاقانونیت کا نوٹس لینا چاہئے۔شیعہ قوم کو دیوار سے لگانے کی کسی سازش کو کامیاب نہیں ہونے دیں گے۔

وحدت نیوز(قم المقدسہ)حوزہ ہائے علمیہ خصوصا حوزہ علمیہ قم المقدسُ ، نجف الاشرف ، مشہد المقدس ، اصفہان ، کربلا و سیدہ زینب دمشق کے جید اساتذہ کرام اورطلاب دینیہ کی ایک کثیر تعداد نے  مجلس وحدت مسلمین اور ایم ڈبلیو ایم پاکستان کے مرکزی سیکرٹری جنرل حضرت  علامہ راجا ناصر عباس جعفری حفظہ اللہ پر اعتماد کا اظہار کیا ہے۔

حوزہ علمیہ کہ بیرون ملک موجود پاکستانی اساتذہ و طلباء نے اپنے خطوط کے ذریعے مجلس وحدت مسلمین کی عملی کوششوں اور مرکزی سیکریٹری جنرل علامہ راجہ ناصر عباس کی ملت کیلئے بے لوث خدمت پر خراج تحسین پیش کیا ہے۔ انہوں نے مجلس وحدت مسلمین کی گزشتہ دس سال کی کارکردگی پر سربراہ شوری عالی حجت الاسلام و المسلمین مولانا شیخ صلاح الدین سیکرٹری جنرل علامہ ناصر عباس جعفری صاحب کی خدمت میں ہدیہ تبریک وہ تہنیت بھی پیش کیا۔

خط میں مزید کہا گیا کہ حوزہ ہائے علمیہ میں زیر تعلیم اکثریت پاکستانی طلاب ایم ڈبلیو ایم کی پالیسیوں اور جدوجہد سے مکمل اتفاق کرتی ہے۔ اساتذہ کرام نے خط میں کہا کہ ایم ڈبلیو ایم  علامہ راجا ناصر عباس جعفری حفظہ اللہ کی مدبرانہ قیادت، ، شجاعانہ اور بابصیرت فیصلوں اور مسوولین و کارکنان کی شب و روز محنت کی بدولت شیعہ قوم کی مقبول ترین نمائندہ جماعت بن کر ابھری ہے جس پر مجلس وحدت مسلمین کی قیادت اور کارکن مبارک باد کے مستحق ہیں۔

علاوہ ازیں حوزہ ہائے علمیہ کے جید اساتذہ اور طلاب کی ایک بڑی تعداد میں مجلس وحدت مسلمین پاکستان کے اعلی نگران ادارے شورای عالی کے سرپرست حضرت علامہ شیخ حسن صلاح الدین حفظہ اللہ کو اپنے خط میں مجلس کے اقدامات کو سراہا اور مسوولین سمیت تمام کارکنان کو خراج عقیدت پیش کیا اور اپنی ہمہ جہتی حمایت کا اعلان کیا۔