The Latest
وحدت نیوز(سکردو) وزیر اعلیٰ گلگت بلتستان خالد خورشید کیساتھ مجلس وحدت مسلمین کے وفد نے صوبائی ڈپٹی سیکریٹری جنرل شیخ احمد علی نوری کی قیادت میں کمشنر ہاؤس سکردو میں ملاقات کی۔ مجلس وحدت مسلمین کے وفد نے وزیر اعلیٰ گلگت بلتستان کو بلتستان ڈویژن کے اولین دورے پر خوش آمدید کہا۔
بلتستان کے اہم علاقائی اور عوامی مسائل کا ذکر کرتے ہوئے وفد نے وزیر اعلی سے توقع ظاہر کی کہ ماضی کے ادوار کے برخلاف موجودہ حکومت علاقے کی تعمیر و ترقی کیلئے عملی اقدامات اٹھائے گی، میگا منصوبوں کو بروقت مکمل کرواتے ہوئے عوامی مشکلات کے حل کرنے کیلئے وزیر اعلیٰ خصوصی توجہ دینگے۔ سکردو شہر سمیت گلگت بلتستان کے مختلف اضلاع کی انفراسٹرکچر، بجلی کی کمی، صحت اور تعلیمی امور اور دیگر اہم معاملات کا بالخصوص تذکرہ کیا۔
وزیر اعلیٰ خالد خورشید نے یقین دلایا کہ وہ ان امور کی بابت وزراء اور تنظیمی رہنماؤں کے وساطت سے آگاہی رکھتے ہیں اور ہر ممکن کوشش کررہے ہیں کہ عوام کے مشکلات کا ازالہ کمترین وقت میں ممکن ہوسکے، وسائل کی فراہمی ہو، اداروں میں معاملات منظم انداز میں چلے اور عوام کو بار بار شکایات کا موقع نہ ملے۔
مجلس وحدت مسلمین کے وفد میں رکن اسمبلی شیخ اکبر علی رجائی اور ڈاکٹر فاطمہ علی سمیت ڈپٹی سیکریٹری جنرل شیخ علی محمد کریمی ، الحاج سر محمد علی، سکریٹری سیاسیات کاچو ولایت علی خان، ڈپٹی سیکریٹری سیاسیات مولانا محمد اسحاق ، سکریٹری نشر و اشاعت وزیر کلیم، سلیم یاسر ، عقیل ایڈووکیٹ و دیگر شامل تھے، جبکہ وزیر اعلیٰ کے ہمراہ صوبائی وزراء سینئیر وزیر و وزیر جنگلات راجہ زکریا خان ، وزیر تعمیرات عامہ وزیر سلیم ، وزیر ذراعت محمد کاظم میثم، وزیر سیاحت راجہ ناصر علی خان اور دیگر اہم حکومتی و انتظامی ذمی داران موجود تھے۔
وحدت نیوز(اسلام آباد) بسلسلہ ولادت باسعادت حضرت سید الشہداء نواسہ رسول امام حسین عالی مقام علیہ الصلاۃ والسلام جشن انوار شعبان منعقد ہوا۔ تقریب جشن سے خطاب کرتے ہوئے مجلس وحدت مسلمین پاکستان کے مرکزی ترجمان علامہ مقصود علی ڈومکی نے کہا ہے کہ امام حسین عالی مقام تمام عالم انسانیت کے عظیم رہبر اور رہنما ہیں جنہوں نے ہمیں باطل اور ظالم قوتوں کے خلاف قیام کا درس دیا ہے آپ نے 72 ساتھیوں کے ساتھ یزیدی سلطنت کے خلاف قیام کیا اور اسے عبرتناک شکست دی۔ آج بھی اہل حق کے لئے نواسہ رسول امام حسین عالی مقام کا اسوہ اور کردار مشعل راہ ہے۔
انہوں نے کہا کہ پنجاب کے بعض اضلاع میں عزاداران امام حسین علیہ السلام کے خلاف درج مقدمات پر ہمیں تشویش ہے شریف شہریوں کے نام شیڈول فور میں درج کرنا انتہائی افسوس ناک ہے۔ چنیوٹ کی ضلعی انتظامیہ شیعیان حیدر کرار کے خلاف انتقامی کارروائیوں کا سلسلہ روکے۔
انہوں نے کہا کہ پیپلز پارٹی کی جانب سے ملک بھر میں عوامی اجتماعات جاری ہیں جبکہ پیپلز پارٹی کی صوبائی حکومت کی جانب سے حضرت لعل شہباز قلندر کے عرس مبارک پر پابندی عائد کی گئی ہے جس کے باعث اس ملک بھر کے کروڑوں عقیدت مندوں میں تشویش پائی جاتی ہے انہوں نے پیپلزپارٹی کی صوبائی حکومت اور وزیر اعلی سندھ سید مراد علی شاہ سے مطالبہ کیا کہ وہ حضرت شہباز قلندر کے سالانہ عرس مبارک کی تقریبات پر پابندی کے فیصلے پر نظرثانی کرے۔
وحدت نیوز(مظفرآباد) سیکرٹری جنرل مجلس وحدت مسلمین مظفرآباد سید غفران علی کاظمی نے وحدت سیکرٹریٹ سے جاری بیان میں کہا ہے کہ آزاد کشمیر ضلع باغ میں متنازعہ تقریر کرنے والے مولوی کو ضلعی انتظامیہ نے گرفتار کرکے مقدمہ درج کر دیا ہے۔
سید غفران علی کاظمی نے کمشنر پونچھ ڈویژن مسعود الرحمن صاحب سے بزیعہ ٹیلی فون رابطہ کیا جس پر کمشنر صاحب پونچھ ڈویژن نے آگاہ کیا کہ ملزم کو حراست میں لیتے ہوئے مقدمہ درج کر دیا ہے اور متنازعہ تقریر کے متعلق قانونی رائے کے لیے اسلامی نظریاتی کونسل کو مکتوب لکھ دیا ہے جس کے جواب میں مزید کاروائی عمل میں لائی جائے گی۔
سیکرٹری جنرل مجلس وحدت مسلمین نے کمشنر پونچھ ڈویژن سے مطالبہ کیا ہے کہ ایسے فرقہ ورانہ کاروائیوں میں ملوث ملک دشمن عناصر کے خلاف سخت کروائی عمل میں لائی جائے۔ ان افراد کا کوئی دین کوئی مذہب نہیں یہ بھارت، امریکہ و اسرائیل کے ایجنٹ ہیں جو ملک میں فرقہ ورانہ فساد مچا کر ملک کا امن تباہ کرنا چاہتے ہیں۔
وحدت نیوز(کراچی) واٹس اپ کے مقابلے پر جدید سہولیات سے آراستہ FFMetting اپلیکیشن بنانے والے مایہ نازنوجوان سوفٹ ویئر انجینئر نبیل رضا نے بارگاہ فاطمتہ الزہرا س انچولی میں مجلس وحدت مسلمین کراچی ڈویژن کے پولیٹیکل سیکریٹری میرتقی علی ظفرسے خصوصی ملاقات کی۔
میر تقی ظفر نے اتنی کم عمری میں اور وسائل کی کمی کے باوجود شاندار سوشل اپلیکیشن کی ڈیزائننگ پر نبیل رضا کو خراج تحسین پیش کیا اور نیک خواہشات کا اظہار کیا۔انہوںنے کہاکہ نبیل رضا نے بغیر ملک وقوم کا نام روشن کیاہے،ایسے ٹیلنٹڈ نوجوانوں کو حکومتی سطح پر سراہا جانا چاہئے اور ان کی صلاحتیوں کو مذید اجاگر کرنے کیلئے مواقع فراہم کرنے چاہئیں، اس موقع پرنبیل رضا کے والد محترم ،شیعہ علماء کونسل کے رہنماحیدر زیدی اور علاقہ معززین بھی موجود تھے۔
وحدت نیوز(مظفرآباد) نگہبان رسالت حضرت ابو طالب ع کی شان اقدس میں ابرار شائق کی گستاخی ناقابل برداشت فعل ہے ، شرپسند و کالعدم تنظیموں کے لوگ ریاست امن کو ثبوتاژ کرنے کے درپے ہیں ، شیعہ سنی بھائی تھے ہیں اور رہیں گے ، کسی بھی سازش کو کامیاب نہیں ہونے دیں گے۔ ان خیالات کا اظہار مولانا سید حمید حسین نقوی ڈپٹی سیکرٹری جنرل مجلس وحدت مسلمین آزادجموں و کشمیر نے وحدت سیکرٹریٹ سے جاری ایک بیان میں کیا ۔
انہوں نے کہا کہ حضرت ابو طالب علیہ السلام کو معاذ اللہ کافر کہنا دراصل توہین رسالت ہے ، وہ کہ جن کے جانے کے سال کو نبی ص عام الحزن کہیں وہ کہ جو نکاح خوان رسول ہوں وہ کہ جو اپنی اولاد کو رسول ص پر قربان کر دینے کو اپنا فرض عین سمجھتے ہیں وہ کہ جو شعب ابی طالب میں رہیں ان کے بارے میں گستاخانہ جملے قبول نہیں ، کلمہ لا الہ الا اللہ کافر سے مسلمان ہونے کے لیے پڑھا جاتا ہے جب اسلام و اسلام کے بانی کو اپنے ہاتھوں سے پالا ہو انہیں بے بنیاد قصوں کی بنیاد پر کچھ کہنا ناقابل قبول حرکت ہے۔
انہوں نے کہا کہ سڑکوں پر فرقہ ورانہ نعرے انتظامیہ کے سامنے انتظامیہ کے منہ پر طمانچے تھے ، انتظامیہ کی موجودگی میں نعرے لگائے گئے انتظامیہ خاموش تماشائی بنی رہی ہم اس پر شدید تشویش کا اظہار کرتے جب قانون کے رکھوالے قانون ہاتھ میں لینے والوں کو یوں کھلا چھوڑے گی تو پھر امن کیسے قائم ہو گا ۔
انہوں نے مزید کہا کہ الحمد للّہ ریاست آزاد کشمیر شیعہ سنی اتحاد کے حوالے سے مثالی ریاست ہے ، ہم مطالبہ کرتے ہیں ابرار شائق اور اس کے ہمنواؤں کو قرار واقعی سزا دی جائے اور شر پسند عناصر کی سرکوبی کی جائے ورنہ حالات ان کے قابو میں نہیں رہیں گے۔ ہم قانون پسند و امن پسند ہیں لیکن کمزوری نہ سمجھیں انتظامیہ غیر جانبدرانہ کردار ادا کرے اور باغ میں امن و امان کے حوالے سے ہر ممکنہ اقدامات کرے ورنہ ریاست بھر میں شدید احتجاج کیا جائے گا۔
مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے امام عالی مقام، نواسہ رسولﷺ حضرت حسین علیہ السلام کے یوم ولادت کے پر مسرت موقع پر محبان اہلبیت اطہار علیہم السلام کو مبارکباد پیش کرتے ہوئے کہا ہے کہ حسینی فکر کو مشعل راہ بنا کر طاغوت و استعمارکا مقابلہ کیا جا سکتا ہے۔ دنیا میں جتنی بھی حسینی تحریکیں ہیں سر بلند و سرخرو جبکہ مد مقابل پامال و رسوا ہیں۔ امام حسین علیہ السلام وہ شخصیت ہیں جنہوں نے انسانیت کو معراج عطا کی ہے.آپ نے جرات و استقامت کی وہ تاریخ رقم کی جس کی دنیا میں کوئی مثال موجود نہیں اور نہ ہی قیامت تک ہو گی۔
انہوں نے کہا آج دنیا کی استکباری قوتیں تمام تر وسائل رکھنے کے باوجود بھی حسینی پیروکاروں سے خائف ہیں۔جب بھی حق وباطل کا معرکہ ہو دنیا کی نظریں کربلائی فکر کا پرچار کرنے والوں پر جا کر رکتی ہیں۔ دنیا اس حقیقت سے آگاہ ہو چکی ہے کہ انسانیت کی فلاح درحسین علیہ السلام سے وابستگی کے بغیر ممکن نہیں۔ مسیحیت کے عظیم مذہبی رہنما پوپ فرانسِس کی آیت اللہ سید علی سیستانی کے در پر حاضری اس حقیقت کو آشکار کر رہی ہے کہ غیر مسلموں کے نزدیک بھی اگر اسلام کی کوئی شخصیت قابل احترام ہے تو وہ اولاد حسین ع ہی ہے۔
انہوں نے کہا کہ امام عالی مقام سے ہماری وابستگی ہم پر اس ذات کریم کا خصوصی انعام ہے۔آج کا مقدس دن ہم سے اس عہد کا تقاضا کرتا ہے کہ ہم نے اپنے آپ کو حسینی اپنے عمل و کردار سے ثابت کرنا ہے۔ ہمارا کردار ہماری گفتار کی تصدیق کرے۔حقیقی معنوں حسینی وہی ہو گا جس کوامام عالی مقام خود کہیں گے کہ یہ میرا سچا محب ہے۔
وحدت نیوز(جیکب آباد)مجلس وحدت مسلمین پاکستان ضلع جیکب آباد کے زیراہتمام حضرت سیدہ ثانی زہرا جناب زینب کبریٰ سلام اللہ علیہا کے یوم ولادت با سعادت کی مناسبت سے ڈی سی چوک پر وقار تقریب منعقد ہوئی۔ اس موقع پر تقریب جشن سے خطاب کرتے ہوئے مجلس وحدت مسلمین پاکستان کے مرکزی ترجمان علامہ مقصود علی ڈومکی نے کہا ہے کہ سیدہ زینب کبری سلام اللہ علیہا نے دین اسلام کی بقا کے لئے عظیم قربانی دی آپ پیکر شرم و حیا مظہر شجاعت و صداقت اور اعلی انسانی اقدار کی علمبردار تھیں۔ لہجہ حیدر کرار میں آپ کے خطبات نے یزیدی سلطنت کی بنیادوں کو ھلا دیا۔
انہوں نے کہا کہ باپ کی زینت، ثانی زہرا اور شریکۃالحسین جیسے القاب آپ کی عظمت پر بین دلیل ہیں۔ آپ نے کربلا کے پیغام کو پوری دنیا تک پہنچایا اور یزیدی سلطنت کے پروپیگنڈے کا مؤثر جواب دیا۔ آپ کی بے مثال جرات اور للکار نے باطل کے ایوانوں میں لرزہ طاری کر دیا آج بھی اہل حق کے لئے سیرت زینب کبریٰ اور کردار زینبی مشعل راہ ہے۔
انہوں نے کہا کہ عالم انسانیت آپ کے بے مثل کردار اور عظیم احسانات کو تا ابد یاد رکھے گی۔ آپ کی ذات میں پنجتن پاک کا پاکیزہ کردار متجلی ہوا آپ علی مرتضیٰ کے لئے زینت بنیں۔ تاریخ انسانی نے آج تک ایسا انسان نہیں دیکھا جس نے دین خدا کے دین کی راہ اس طرح طرح سے اپنا سب کچھ لٹا دیا ہو اور سب کچھ خدا کی راہ میں دے کر بھی کہا ہو کہ میں نے کربلا کے مقتل شام کے بازار میں جمال خدا دیکھا۔اس موقع پر تقریب جشن سے سید احسان شاہ بخآری وسیم لطیف مہر سعید کربلائی و دیگر نے خطاب کیا۔
وحدت نیوز(سکردو) وزیر اعلیٰ گلگت بلتستان جناب بیرسٹر خالد خورشید خان اپنے پہلے 4 روزہ دورے پر سکردو پہنچ گئے، ایئرپورٹ پر مجلس وحدت مسلمین گلگت بلتستان کے رہنما اور صوبائی وزیر زراعت کاظم میثم سمیت وزیر سیاحت راجہ ناصرعلی خان اور دیگر اعلیٰ حکومتی شخصیات او رحکام نے ان کا استقبال کیا ۔
وزیر اعلیٰ گلگت بلتستان کی آمد پر مجلس وحدت مسلمین ضلع سکردو کی جانب سے پرتپاک استقبال کیا گیا، مجلس وحدت مسلمین گلگت بلتستان شیخ احمد علی نوری اور سیکرٹری سیاسیات مجلس وحدت مسلمین گلگت بلتستان راجہ ولایت علیخان نے استقبالیہ کیمپ آمد پر ان کا خیر مقدم کیا، اس موقع پر صوبائی وزیر زراعت کاظم میثم بھی موجود تھے ۔
قبل ازیں وزیر اعلیٰ نے کاظم میثم اور صوبائی وزیر جنگلات راجہ زکریا مقپون کے ہمراہ قومی ہیرو علی سدپارہ کے گھر جاکر فاتحہ خوانی اور ان کے خاندان سے دلی ہمدردی کا اظہار کیاعلی سدپارہ کے لئے دعا کی اورانکی ملک و قوم کیلئے جان کی قربانی کو سنہری الفاظ میں سراہا ۔
اس موقع پر انہوں نے ساجد سدپارہ کے لئے محکمہ سیاحت میں باوقار ملازمت کا لیٹر جاری کیاجو کہ وزیر زراعت کاظم میثم اور وزیر جنگلات راجہ زکریا نے انہیں پیش کیا،صوبائی حکومت کی جانب سے علی سدپارا کے خاندان کے مالی معاونت کے لئے چیک بھی پیش کیا گیا۔
وحدت نیوز(لاہور) ولادت با سعادت امام حسین علیہ سلام و حضرت عباس علمدار علیہ سلام کے پر مسرت موقع پر مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے میڈیا سیل سے جاری اپنے تہنیتی پیغام میں تمام امت مسلمہ کو مبارکباد پیش کرتے ہوے کہا کہ تین اور چار شعبان المعظم سید الشھداء امام حسین علیہ سلام اور ان کے با وفا بھائی اور سالار لشکر حضرت غازی عباس علمدار علیہ سلام کی ولادت باسعادت کے یہ مبارک ایام تمام اہل اسلام و محبان اہلبیت علیھم السلام کے لیے عید سے کم نہیں یہ ایام جو اھلبیت سے منسوب ہیں تمام عاشقان محمد و آل محمد علیھم السلام کے لیے باعث برکت اور پر مسرت ہیں۔
انھوں نے کہا کہ نواسہ رسولؐ کا میلاد عظیم الشان انداز سے منانا چاہیے کیونکہ یہ وہ ہستی ہیں جن کے دم سے دین اسلام اور کل انسانیت کو بقا و دوام حاصل ہوا ۔انہوں نے کہا کہ جناب رسول خدا صل اللہ علیہ وآلہ وسلم سے امام عالی مقام کی فضیلت و عظمت پر کثرت سے روایات موجود ہیں آپ کی ذات گرامی منبع ھدایت ہے اور تاریک دلوں کو روشن کرنے والے نور کا سرچشمہ ہے ۔ان کا کہنا تھا کہ فرزند حیدرؑ و بتولؑ تمام انسانوں کے لیے نجات کی کشتی ہیں اور ھدایت کا چراغ ہیں۔ انہوں نے کہا امام حسین علیہ سلام نے معرکہ کربلا سجا کر رہتی دنیا تک آنے والی نسلوں کو عزت سے جینے کا راستہ دکھلا دیا ۔
حضرت عباس علیہ سلام کی شخصیت پر روشنی ڈالتے ہوۓ سیدہ زہرا نقوی کا کہنا تھا کربلا کے میدان میں حضرت عباس علیہ السلام نے جس عزم وحوصلہ ، شجاعت وبہادری اور ثابت قد می کا مظاہرہ کیا اس کو بیان کرنے کا مکمل حق ادا کرنا نہ تو کسی زبان کے لئے ممکن ہے اور نہ ہی کسی قلم میں اتنی صلاحیت ہے کہ وہ اسے لکھ سکے مولا حسین ع کے با وفا اور زمانے کے فقیہ بھائی نے جرات بہادری اور وفا کے ساتھ ساتھ اپنے امام کی اطاعت کرنے کا سلیقہ ہمیں سکھایا ۔انھوں نے بتلایا کہ امام وقت کے ہر حکم کے سامنے کیسے سر تسلیم خم کرنا ہے انہوں نے مزید کہا ہمارا لاکھوں سلام ہو اہلبیت علیھم السلام کے عظیم گھرانے پر جو شمع ھدایت ہیں اور جنکی پاک و پاکیزہ سیرت پر عمل پیرا ہو کر ہی ہم دنیا و آخرت کی کامیابی حاصل کر سکتے ہیں۔
وحدت نیوز(سکردو) حلقے کے عوام کی مشکلات اور پریشانیوں کا احساس کرتے ہوئے مجلس وحدت مسلمین گلگت بلتستان کے رہنما اور صوبائی وزیر زراعت کاظم میثم نےاعلیٰ ظرفی کی بہترین مثال قائم کردی ہے ،
وزیر زراعت میثم کاظم نےمحکمہ برقیات کو اپنے گھربجلی کی اسپیشل لائن لگانے سے روک دیا۔وزیر زراعت کا کہنا تھا میرا جینا مرنا عوام کے ساتھ ہے، پروٹوکول کلچر کا قائل نہیں ہوں جیسی بجلی عوام کو مل رہی ہے میں بھی اسی پر اکتفا کروں گا ،عوام کو سہولیات دینے کی کوشش کریں گے عوام نے ہی مجھے ووٹ دے کر اسمبلی پہنچایا ہے۔
دوسری جا نب عوامی سطح پر وزیر زراعت کے اس فیصلے کو خوب پزیرائی مل رہی ہے،لوگوں کا کہنا ہے کہ انہوں نے عوامی نمائندہ ہونے کا حق ادا کیا۔کاظم میثم کے ووٹرز سپورٹرز اور علاقہ عوام نے کہا ہے کہ وزیر زراعت نے ہمارا سر فخر سے بلند کردیا ہے ، وہ چاہتے تو بجلی کی اسپیشل لائن کا کنکشن لے سکتے تھے لیکن انہوں نے عوام کی مشکلات کا احساس کرتے ہوئے ایسا نہیں کیا۔
