وحدت نیوز(گلگت) جوتل گلگت میں مجلس وحدت مسلمین شعبہ خواتین گلگت کی ڈویژنل سیکرٹری تبلیغات محترمہ زیبی حسن کی طرف سے جشن بلوغت پروگرام کا انعقاد کیا گیا جس میں ایم ڈبلیو ایم شعبہ خواتین کی مرکزی سیکرٹری یوتھ محترمہ سائرہ ابراہیم نے خصوصی شرکت کی ۔

شرکاۓ جشن سے خطاب کرتے ہوئے انہوں نے کہا ہمیں اپنے بچوں کی تربیت پر بہت توجہ دینے کی ضرورت ہے ہمارا دشمن ہماری صفوں میں موجود ہے اور وہ ہماری نوجوان نسل کو ذہنی طور پر معزور کرنا چاہتا ہے۔

 انہوں نے کہا کے ماؤں کو چاہیے کے وہ حالات سے باخبر رہیں اور اپنی بچوں کی تربیت عصر حاضر کے جدید تقاضوں کو مد نظر رکھ کر کریں ۔

انہوں نے کہا کے دشمن جس تیزی سے مختلف شکلوں میں ہماری نوجوان نسل کو تباہی کے دہانے پر لے جانے کی تیاری کر چکا ہے ہم کو بھی اسی تیزی سے اپنے بچوں کو بچانا ہو گا۔

 انہوں نے کہا کے بچوں کو انٹرنیٹ کے استعمال سے روکا نہی جا سکتا لیکن ان کو اس کا بہتر اور مثبت استعمال ضرور سکھایا جا سکتا ہے جس کو وہ اپنی طاقت بنا سکتے ہیں ۔

پروگرام میں خواتین سے خطاب کرتے ہوئے معاون سیکرٹری شعبہ جوان محترمہ ثوبیہ انور نے روزے کی فضیلت اور اہمیت پر روشنی ڈالی  جبکہ محترمہ جنت حور نے احکام تقلید سے متعلق بچوں کو آگاہی دی اختتام میں بچیوں میں تحائف تقسیم کیے گئے۔

وحدت نیوز(کوئٹہ)مجلس وحدت مسلمین پاکستان کے مرکزی ترجمان علامہ مقصود علی ڈومکی نے ڈی آئی جی کوئٹہ اظہر اکرام سے ملاقات کی اس موقع پر گفتگو کرتے ہوئے علامہ مقصود علی ڈومکی نے کہا کہ دہشت گردی کے حالیہ واقعات انتہائی افسوسناک ہیں دہشت گردی کے ان واقعات کے پیش نظر مدارس اور شخصیات کے لٸے مناسب سیکورٹی انتظام کیا جاٸے۔انہوں نے کہا کہ یوم علی علیہ السلام کا جلوس عظیم عبادت اور مودت اہل بیت علیہم السلام کی نشانی ہے لہذا کرونا ایس او پی کے تحت مجالس عزا و جلوسہاٸے عزا کی اجازت دی جاٸے۔

 انہوں نے کہا کہ کرونا کے حالیہ واقعات انتہائی افسوسناک ہیں جس کا تقاضا ہے کہ ہم اپنی زندگی میں احتیاط سے کام لیں گلی بازار مارکیٹ اور عوامی مقامات پر میل جول میں عوام کورونا ایس او پیز پر عمل کریں۔ عوام کی جانب سے کرونا سے متعلق ایس او پیز کو نظرانداز کیا جارہا ہے جو کہ افسوس ناک ہے۔اس موقع پر گفتگو کرتے ہوئے ڈی آئی جی کوئٹہ اظہر اکرام نے کہا کہ کرونا ملک میں سنجیدہ صورتحال اختیار کر چکا ہے جبکہ پڑوسی ملک میں ہونے والی ہلاکتیں ہم سب کے لئے لمحہ فکریہ ہے۔

انہوں نے کہا انتہائی افسوس ہے کرونا کی ہلاکتوں اور تباہ کاریوں کے باوجود عوام کرونا ایس او پیز کو نظر انداز کر رہے ہیں مذہبی اجتماعات میں کرونا ایس او پیز پر عمل درآمد ضروری ہے جسے نظر انداز کیا جا رہا ہے۔ کرونا وبا سنگین صورت حال اختیار کر چکی ہے۔اس موقع پر علامہ مقصود علی ڈومکی نے جناب اظہر اکرام کو تاریخ و سیرت حضرت امام حسین علیہ السلام کے موضوع پر کتاب کا تحفہ پیش کیا۔

وحدت نیوز(کراچی) مجلس وحدت مسلمین کے ضلعی قائدین نے بلدیہ ٹاؤن میں پیپلز پارٹی حلقہ این اے 249 کے امیدوار اور رہنماؤں کا استقبال کیا۔کارنر میٹنگ سے خطاب کرتے ہوئے پیپلزپارٹی کے رہنما فاروق اعوان نے پی پی پی کی حمایت کرنے پر مجلس وحدت مسلمین کا شکریہ ادا کیا۔

انہوں نے کہا کہ قادر خان مندوخیل دونوں پارٹیوں کے مشترکہ اور مضبوط امیدوار ہیں۔پیپلز پارٹی شہیدوں کی جماعت ہے جس نے آئین کی بالادستی کے لیے جانوں کا نذرانہ پیش کیا ہے۔حلقہ این اے 249 میں ترقیاتی کام نہ ہونے کے برابر ہیں۔حلقے کے عوام بنیادی سہولیات سے محروم ہیں۔تحریک انصاف نے تبدیلی کے جھوٹے نعرے لگائے. 29 اپریل حقیقی تبدیلی کادن ہے۔انتخابات میں جیت کر حلقے کی تقدیر بدل دیں گے۔حلقے کو شہر کا رول ماڈل بنانے کا تہیہ کر رکھا ہے۔

مجلس وحدت مسلمین کے رہنما علامہ مبشر حسین نے کہ تبدیلی کے ثمرات محض سوشل میڈیا تک محدود ہیں، عملی زندگی میں بڑھتے ہوئے مسائل نے عوام کو شدید مشکلات سے دوچار کر رکھا ہے۔قادر خان مندوخیل حلقے کے رہائشی ہیں اور مسائل سے بخوبی آگاہ ہیں۔وہ حلقے کی محرومیوں کو ترجیحی بنیادوں پر دور کر دیں گے۔حلقے کے عوام تحریک انصاف کے امیدوار سے یہ پوچھنے میں حق بجانب ہیں کہ حلقے کابجٹ کہاں لگایا۔این اے 249 کے سابق امیدوار کے خلاف نیب انکوائری کا مطالبہ کرتے ہیں۔ قادر خان مندوخیل جیت کر حلقے میں تعلیم و صحت کے مسائل حل کریں گے۔

امیدوار قادر خان مندوخیل نے کہا کہ فیصل واڈا نے بجٹ میں گھپلا کیا۔حلقے میں ترقیاتی کام سب کے سامنے ہیں۔2018 الیکشن کے بعد بلاول بھٹو نے 2 ترقیاتی منصوبوں کی منظوری دی جو مکمل ہوگئے۔قیادت کے شکر گزار ہیں کہ حلقہ این اے 249 میں نشست نہ ہونے کے باوجود کام کروائے۔

انہوں نے کہا کہ میڑو پولیٹن سٹی ہونے کے باوجود اس حلقے میں پانی و سوریج کا نظام نہیں ہے۔حلقے میں صحت و تعلیم کے مسائل کو حل کرنے کیلئے اسپتال و یونیورسٹی بنائیں گے۔حلقے میں حمایت پر علامہ راجہ ناصر عباس جعفری کا خصوصی شکریہ ادا کرتا ہوں۔کارنر میٹنگ میں علامہ مبشر حسن. علامہ صادق جعفری۔مولانا علی انور جعفری،قادر خان مندوخیل، فاروق اعوان، ممبر صوبائی اسمبلی لیاقت اسکانی کے علاوہ کثیر تعداد میں مذہبی،سیاسی و سماجی شخصیات موجود تھی۔

وحدت نیوز(کوئٹہ)مجلس وحدت مسلمین پاکستان کے مرکزی ترجمان مقصود علی ڈومکی نے بلوچستان نیشنل پارٹی کے مرکزی جنرل سیکریٹری سینیٹر ڈاکٹر جہانزیب جمالدینی سے ملاقات کی اور انہیں فلسطین فاؤنڈیشن کے زیر اہتمام منعقد ہونے والی سالانہ القدس کانفرنس میں شرکت کی دعوت دی۔

اس موقع پر گفتگو کرتے ہوئے علامہ مقصود علی ڈومکی نے کہا کہ فلسطین کے مظلوم عوام اپنی سر زمین کی بقا کے لئے لڑ رہے ہیں۔ تحریک آزادی فلسطین کی حمایت کرنا ہم سب پر واجب ہے اس لئے کہ فلسطین کے مظلوم عوام غاصبوں کے مقابلے میں اپنی ارض وطن کی آزادی کے لیے جدوجہد کر رہے ہیں۔انہوں نے کہا کہ مسنگ پرسنز کا معاملہ انتہائی اہمیت کا حامل ہے بلوچستان سمیت ملک بھر سے جو افراد غائب ہوئے ہیں انہیں جلد بازیاب کرایا جائے۔

اس موقع پر بی این پی مینگل کے مرکزی جنرل سیکرٹری ڈاکٹر جہانزیب جمالدینی نے کہا کہ اس وقت بلوچستان سے 5128 ایسے افراد لاپتہ ہیں کہ جن کی باضابطہ طور پر لسٹ ہم حکومت کو دے چکے ہیں مسنگ پرسن چاہے ملک کے کسی بھی علاقے سے تعلق رکھتے ہوں اور ان کا کسی بھی مکتبہ فکر سے تعلق ہو ہم ان کی بازیابی کا مطالبہ کرتے ہیں کراچی میں جاری مسنگ پرسن کے دھرنے میں بی این پی مینگل کا اعلیٰ سطحی وفد اظہار یکجہتی کے لیے شریک ہوگا۔

 انہوں نے کہا کہ مختلف اسلامی مکاتب فکر کے درمیان ہم آہنگی اور مذہبی رواداری ضروری ہے اس سلسلے میں علماء کرام اپنا کردار ادا کریں کیونکہ دشمن قوتیں مسلمانوں کے درمیان اختلاف پیدا کرنا چاہتی ہیں ہمیں ان کے آلہ کاروں سے ہوشیار رہنا ہوگا۔انہوں نے کہا کہ القدس کانفرنس میں بی این پی مینگل کا اعلی سطحی وفد شریک ہوگا. اس موقع پر علامہ مقصود علی ڈومکی نے انہیں بلوچ تاریخ کے حوالے سے کتاب اور سالانہ کلینڈر کا تحفہ پیش کیا۔