وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ایران کے نامور جوہری سائنسدان محسن فخری زادہ کے قتل کو اسرائیل اور امریکہ کی مذموم کاروائی قرار دیا ہے۔انہوں نے دہشتگرد صہیونی آلہ کاروں کی اس بربریت کی شدید مذمت کرتے ہوئے کہا ہے کہ اسرائیل جس آگ سے کھیل رہا ہے وہ بہت جلد اس کے اپنے دامن سے لپٹ جائے گی۔ایران کی اہم ترین شخصیت کو نشانہ بنایا جانا بدترین جارحیت اور ریاست کے داخلی معاملات میں مداخلت ہے۔اسرائیل،امریکہ اور عرب ریاستیں خطے کے امن کو تباہ کرنے پر تُلی ہوئی ہیں۔یہ شیطانی اتحاد اپنی سالمیت و بقا کی جنگ دوسروں کے کندھے پر سوار ہو کر لڑنا چاہتا ہے۔خود کو سپر پاور قرار دینے والی طاقتیں اندر سے کھوکھلی ہوتی جارہی ہیں۔امریکہ اقتصادی اعتبار سے تباہی کے دھانے پر پہنچ چکا ہے۔اسرائیل کی غاصب ریاست کا خاتمہ ایک اٹل حقیقت ہے جو بہت جلد پوری ہو کر رہے گی۔

انہوں نے کہا کسی بھی ملک میں دہشت گردی کا مطلب اسے اپنے خلاف  لڑنے پر آمادہ کرنا ہے۔اسرائیل اور امریکہ عالمی امن کے لیے سنگین خطرہ بن چکے ہیں۔ساری دنیا پر حکمرانی کرنے کے خواب کی تعبیر یہود ونصاری کے لیے انتہائی بھیانک ہو گی۔تاریخ شاہد ہے کہ ظالموں کا انجام ہمیشہ عبرتناک ہوتا آیا ہے۔عرب ریاستوں کو چاہیئے کہ وہ منافقانہ طرز عمل ترک کر کے عالم اسلام کا ساتھ دیں۔کلمہ گو کبھی توحید کے دشمنوں کی طرف دوستی کا ہاتھ نہیں بڑھا سکتا۔جو مسلمان حکمران امت مسلمہ کے مقابلے میں یہود ونصاری کو اپنا دوست سمجھتے ہیں وہ قیامت کے روز رسول اللہ صلی اللہ علیہ والہ وسلم کا سامنا کس منہ سے کریں گے۔دنیا حق و باطل کے دو گروہوں میں تقسیم ہو رہی ہے۔ باطل سرنگوں اور حق فتح یاب ہو کر رہے گا یہ خدا کا وعدہ ہے

وحدت نیوز(شکاپور)یوم شہادت امام علی ؑ کے موقع پر جلوس عزا برآمد کرنے پر شکارپور پولیس کی جانب سے ایم ڈبلیوایم ضلع شکار پور کے سیکریٹری جنرل اصغر علی سیٹھار اور دیگر 40 عزاداروں پر درج جھوٹا اور بے بنیاد مقدمہ ختم کرکے انسدادی دہشت گردی عدالت نے تمام عزاداروں کو باعزت بری کردیاہے ۔

تفصیلات کے مطابق گزشتہ ماہ رمضان میں 21تاریخ کو شکارپور میں نکالے جانے والے مرکزی جلوس شہادت مولائے کائنات حضرت علی ابن ابی طالب ؑ پر شکارپور پولیس کی جانب سے قائم مقدمہ اور ایف آئی آرمیں نامزد ایم ڈبلیوایم کے ضلعی سیکریٹری جنرل اصغر علی سیٹھار ،فدا عباس لاڑک سمیت تمام 40عزاداروں آج عدالت نے باعزت بری کرتے ہوئے مقدمہ خارج کرنے کا فیصلہ سنا دیا۔

واضح رہے کہ شکارپورپولیس نے متعصبانہ رویہ اختیار کرتے ہوئے جلوس یوم علی ؑ نکالنے پر 40 سے زائد عزاداران کے خلاف انسداددہشت گردی ایکٹ کے تحت جھوٹا اور بےبنیاد مقدمہ بنایا تھا، جس پر آج انسداد دہشت گردی عدالت نے حتمی فیصلہ سناتے ہوئے تمام نامزد عزاداران کوباعزت بری کرنے اور کیس خارج کرنے کا فیصلہ دے دیا۔

اے ٹی سی عدالت کے باہر وکلاءکے ہمراہ گفتگو کرتےہوئے ایم ڈبلیوایم کے رہنماؤں اور دیگر عزاداروں نے عدالتی فیصلے کو حق وسچ کی فتح قرار دیا اور کہاکہ عزاداری ہماری شہہ رگ حیات ہے ، ہم کسی صورت عزاداری سے دستبردار نہیں ہوسکتے۔

وحدت نیوز(شکارپور)ہمیشہ حق سچ کی فتح ہوئی ہے شکارپور پولیس نے متعصبانہ رویہ اختیار کرکے ایم ڈبلیو ایم ضلع شکارپور کے سیکرٹری جنرل اصغر علی سیٹھار سميت 40 عزاداروں پر اے ٹی سی کی ایف آئی آرز درج کی تھی جس مقدمہ سے عزادار باعزت بری ہوگئے یہ شکارپور کے عزاداروں کی فتح ہے ۔

یاد رہے کہ ماہ رمضان المبارک میں 21 رمضان یوم شہادت امیر کائنات حضرت امام علی علیہ السلام کا مرکزی جلوس بر آمد کرنے پر شکارپور پولیس نے عزاداروں پر بلاجواز فائرنگ لاٹھی چارج کرکے عزاداروں کو گرفتار کیا گیا تھا 100 سے زیادہ عزاداروں پر ایس او پیز کے تحت جھوٹے مقدمے درج کیئے گئے تھے اور 40 سے زیادہ عزاداروں پر تھانے پر حملہ کی جھوٹے ایف آئی آرز داخل کی گئی تھی جس میں سیکریٹری جنرل مجلس وحدت مسلمین ضلع شکارپور اصغر علی سیٹھار، نظام الدين انقلابی، کامران حیدر دل، فرحان حیدر شیخ، ایم ڈبلیو ایم صوبائی رہنما فدا عباس لاڑک، سمیت جتوئی ہاؤس کے ترجمان علی حسن جتوئی، سید میر شاہ، سمیت دیگر عزادار شامل تھے۔

 مجلس وحدت مسلمین تحصیل گڑھی یاسین کے سیکرٹری جنرل مستنصر مہدی ابڑو نے گفتگو کرتے ہوئے کہا کہ میرا سلام ہو مجلس وحدت کے بہادر کارکنوں اور شکارپور کے عزاداروں پر جس نے 21 رمضان یوم علی علیہ السلام کے جلوس بر آمد کرنے پر ہر تکلیف کو برداشت کیا مگر ایک انچ بھی پیچھے نہیں ہٹے شکارپور کے عزاداروں کو انسداد دہشت گردی عدالت سے باعزت بری ہونے پر دل کی گہرائیوں سے مبارکباد پیش کرتے ہیں۔