The Latest
وحدت نیوز(لاہور) صوبائی سیکریٹریٹ مجلس وحدت مسلمین لاہور میں چشتیاں ضلع بہاولپور سے خواتین کے ایک وفد نے مرکزی سیکرٹری جنرل ایم ڈبلیو ایم شعبہ خواتین اور رکن پنجاب اسمبلی سیدہ زھرا نقوی سے خصوصی ملاقات کی اس موقع پر ضلع لاہور کی سیکرٹری جنرل محترمہ حنا تقوی بھی اپنی کابینہ کے ہمراہ موجود تھیں چشتیاں کے علاقے کی فعال خواتین نے مجلس وحدت مسلمین شعبہ خواتین میں شامل ہونے اور چشتیاں میں تنظیمی سیٹ اپ تشکیل دینے کی خواہش کا اظہار کیا تھا جس کی بنا پر باہمی مشاورت کے بعد ایک آرگنائزنگ کمیٹی تشکیل دی گئی اور محترمہ کوثر پروین کو چشتیاں ضلع بہاولپور کا آرگنائزر منتخب کیا گیا اس موقع پر مرکزی سیکرٹری جنرل محترمہ سیدہ زہرا نقوی نے حلف لیا اور خواہران سے تنظیمی امور پر تبادلہ خیال کیا۔
وحدت نیوز(سکردو) رہنما مجلس وحدت مسلمین گلگت بلتستان و صوبائی وزیر زراعت کاظم میثم کی بلتستان کے معروف علماء کرام نائب امام جمعہ والجماعت سکردو شیخ فدا حسن عبادی اور آغا سید باقر حسین الحسینی سے ملاقات۔ملاقات میں بلتستان کے مسائل اور مختلف ایشوز پر تبادلہ خیال کیا ۔
انہوں نے کہا کہ بلتستان میں گوناگوں مسائل ہیں ان کے حل کے لیے نمائندے کردار ادا کریں۔چند مسائل ایسے ہیں جنکا فوری حل نہ نکلا تو عوام سڑکوں پر آنے پر مجبور ہوں گے۔انہوں نے مزید کہا کہ عوام کی حکومت پر بڑی توقعات ہیں انکے حل کے لئے حکومت سنجیدگی سے اقدامات اٹھائے۔
کاظم میثم نے کہا کہ ماضی میں حکومت نے بلتستان کو جان بوجھ کر دیوار سے لگایا اس بار ہم ایسا ہونے نہیں دیں گے۔آخر میں دونوں علماء کرام نے کاظم میثم کو انتخابات میں کامیابی اور وزیر زراعت کے قلمدان سنبھالنے پر مبارکباد دی اور نیک خواہشات کا اظہار کیا۔
وحدت نیوز(سکردو) رہنما مجلس وحدت مسلمین گلگت بلتستان و صوبائی وزیر زراعت کاظم میثم کا راجہ زکریا خان مقپون سے ملاقات۔مختلف امور پر تبادلہ خیال کرتے ہوئے دونوں رہنماؤں نے اس عزم کا اظہار کیا کہ عوامی حقوق پر کبھی آنچ آنے نہیں دیں گے۔خطے کی تعمیر و ترقی،کرپشن مافیا کے خلاف گھیرا تنگ کرنے،ریاستی وسائل کو لوٹنے والوں کا کڑا احتساب کرنے اور وطن عزیز کی سر بلندی و استحکام کرنے کے لئے مل کر جدوجہد کریں گے۔اس موقع پر صوبائی وزیر زراعت کاظم میثم نے راجہ زکریا خان مقپون کو سینئر وزیر، وزیر جنگلات، وائلڈ لائف و ماحولیات کے قلمدان سنبھالنے پر مبارکباد دی اور نیک خواہشات کا اظہار کیا۔
وحدت نیوز(ٹنڈوالہیار) مجلس وحدت مسلمین شعبہ خواتین ضلع ٹنڈو الیار کی آٹھ رکنی کابینہ نے حلف اٹھا لیا ۔مجلس وحدت مسلمین شعبہ خواتین کی جانب سے ملک بھر میں شعبہ خواتین کے مربوط تنظیمی سیٹ اپ کی تشکیل کے لیے دورہ جات کا سلسلہ جاری ہے اسی سلسلے میں مرکزی سیکرٹری روابط محترمہ سیمی نقوی معاون سیکرٹری روابط محترمہ طلعت نقوی اور معاون سیکرٹری تنظیم سازی محترمہ غزالہ جعفری نے ضلع ٹنڈو الہیار کا دورہ کیا اور مجلس وحدت مسلمین ضلع ٹنڈوالہیار کے سیکرٹری جنرل جناب غلام رسول لاشاری کے تعاون سے آٹھ رکنی ضلعی کابینہ تشکیل دی جس میں محترمہ سمیرا بانو ضلعی سیکرٹری جنرل نامزد ہوئیں ۔
محترمہ غزالہ جعفری نے نو منتخب اراکین سے حلف لیا۔ اس موقع پر محترمہ سیمی نقوی نے آئمہ معصومین علیھم السلام کی تعلیمات کے تناظر میں خواتین کی ذمہ داریاں بیان کیں جبکہ محترمہ طلعت نقوی نے تنظیم کے منشور اور مقاصد پر تفصیلی گفتگو کی۔
وحدت نیوز (اسلام آباد) مجلس وحدت مسلمین پاکستان کے مرکزی ترجمان مقصود علی ڈومکی نے کہا ہے کہ 12 دسمبر وہ سیاہ دن ہے کہ جب نائجیریا کی فورسز نے نے اپنے ہی نہتے شہریوں پر گولیاں برسا کر سینکڑوں بے گناہ انسانوں کا قتل عام کیا نائجیرین فورسز نے اغیار کی خوشنودی کے لیے یزیدی کردار ادا کرتے ہوئے اپنے ہی نہتی عوام کا قتل عام کر کے ظلم و بربریت کی سیاہ تاریخ رقم کی۔
انہوں نے کہا کہ عظیم انقلابی رہنما علامہ ابراہیم زکزاکی کے 6 جوان بیٹوں کو دہشت گردی کا نشانہ بنایا گیا اور ابراہیم زکزاکی اور ان کی اہلیہ کو بلا جواز پابند سلاسل کیا گیا دنیا بھر کے انسانوں کو اور حقوق انسانی کی تنظیموں کو چاہیے کہ وہ ایک مظلوم اور بے گناہ قیدی کے آزادی کے لیے صدائے احتجاج بلند کریں.انہوں نے کہا کہ سینکڑوں نہتے شہریوں کے قتل عام پر ان سفاک قاتلوں کو جواب دہ ہونا چاہیے جنہوں نے کانو اور زاریہ میں بے گناہ انسانوں کا قتل عام کیا۔
انہوں نے مطالبہ کیا کہ علامہ ابراہیم زکزاکی کو فوری رہا کیا جاٸے اور ان کا تسلی بخش علاج معالجہ کرایا جائے اس لیے کہ ان کی صحت کے حوالے سے ہمیں شدید تشویش ہے۔انہوں نے کہا کہ نائجیریا کی حکومت کو یہ بات یاد رکھنی چاہیے کہ علامہ ابراہیم زکزاکی دنیا کے کروڑوں انسانوں کے محبوب رہنما ہیں ان کی صحت اور زندگی کو کوئی خطرہ لاحق ہوا تو اس کی تمام تر ذمہ داری نائجیریا کی حکومت پر عائد ہوگی۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے مرکزی و صوبائی رہنمائوں کے ہمراہ پریس کانفرنس سے خطاب کرتے ہوئے کہا ہے ارض پاک میں سیاسی عدم استحکام پیدا کرنے کا مقصد سی پیک منصوبے کو سبوتاژ کرنا اور ایشیا کی جانب طاقت کی منتقلی کے عمل کو روکنا ہے۔پاکستان کی غیر مستحکم صورتحال ملک دشمن عالمی قوتوں بالخصوص امریکہ و اسرائیل کے لیے نفع بخش ثابت ہو گی۔
انہوں نے کہا کہ وطن عزیز کسی ایسے سیاسی،مذہبی یا اقتصادی بحران کاقطعی متحمل نہیں ہو سکتا جس سے عوام میں بے چینی پیدا ہو۔اس سے قبل دشمنوں نے مذہبی منافرت پھیلانے کی کوشش کی جسے مدبر علما و دانشور وں نے اپنی بصیرت سے ناکام بنایا۔اب سیاسی بحران پیدا کر کے قومی ترقی کے عمل کو روکنے کی کوشش کی جا رہی ہے۔مادر وطن کے حصول کے لیے ہمارے اجداد نے ان گنت قربانیاں دی ہیں۔ طویل جدوجہد کے نتیجے میں حاصل ہونے والی اس ریاست کی نظریاتی و جغرافیائی حفاظت ہم سب پر واجب ہے۔
ان کا کہنا تھا کہ ایک جمہوری ریاست میں ہر کسی کو احتجاج کا حق حاصل ہے لیکن مذاکرات کے دروازے کو ہمیشہ کھلا رہنا چاہیے۔جو معاملات بات چیت کے ذریعے حل کیے جا سکتے ہیں ان پر ڈائیلاگ کی بجائے ہٹ دھرمی کا اظہار جمہوری رویہ نہیں بلکہ کسی اور ایجنڈے کو واضح کرتا ہے۔احتساب سب کا بلا تفریق ہونا چاہئے،کرپشن میں جو جو ملوث ہے چاہے وہ حکومت میں ہےیا اپوزیشن میں سزا ملنی چاہئے،تخت اینڈ تختہ کی صورت حال جمہوری تحریکوں میں نہیں ہوتی،اپوزیشن کو بات چیت کرنی چاہیے، پارلیمنٹ میں بات کرنی چاہئے،احتجاج اپوزیشن کا حق ہے، جمہوری لوگ مذاکرات کے دروازے بند نہیں کرتے،حکومت کو بھی مل بیٹھ بات بات کرنی چائیے۔
انہوں نے کہا کہ سعودی عرب اور یو اے ای میں ان پاکستانی شہریوں کو جبری لاپتا کیا جا رہا ہے جو قانونی ضابطے پورے کر کے محنت مشقت کے لیے بیرون ملک مقیم ہیں۔پاکستان میں ان کے اہل خانہ کوکرب ناک صورتحال کا سامنا ہے ۔ حکومت کو چاہیے کہ وہ اس مسئلہ کو سفارتی سطح پر حل کرے۔بیرون ملک رہائش پذیر پاکستانیوں شہریوں کا تحفظ ریاست کی ذمہ داری ہے۔
انہوں نے کہا کہ پاکستان میں بھی بعض جگہوں پر ایسی ہی صورتحال کا سامنا ہے۔متعدد نوجوان جبری طور پر گمشدہ ہیں۔قانون نافذ کرنے والے اداروں پر یہ ذمہ داری عائد ہوتی ہے کہ کسی کو لاپتہ رکھنے کی بجائے عدالتوں میں پیش کیا جائے تاکہ جو لوگ کسی جرم میں ملوث ہیں انہیں قانون کے مطابق سزا مل سکے اور بے گناہ افراداپنے اہل خانہ کے پاس جا سکیں۔ مختلف شہریوں کو کئی کئی ماہ غائب رکھنے کے بعد ان پر جھوٹے مقدمات کا اندراج بھی کیا گیا جو سراسر زیادتی ہے۔ایسے غیر قانونی اقدامات کی روک تھام کے لیے جوڈیشل کمیشن تشکیل دیا جانا چاہیے تاکہ انصاف قائم ہو سکے۔
انہوں نے کہا کورونا کے بڑھتے ہوئے کیسز تشویش ناک ہیں۔محکمہ صحت کی طرف سے جاری ہدایات پر پوری قوم کو عمل کرنا ہو گا۔انسانی زندگی بہت قیمتی ہے اس کی حفاظت سب پر واجب ہے۔ کوروناوبا ءکی دوسری لہر پہلی سے زیادہ خطرناک ثابت ہورہی ہے ۔ عوام کو کرونا ایس او پیز کا خاص خیال رکھنا چائیے۔اس مہلک وباء پر قابو پانے کیلئے حکومت اور عوام کا ایک پیج پر ہونا ضروری ہے ۔
وحدت نیوز(نگر)ساس ویلی نگر کے عوام کے بجلی کے بحران کے دیرینہ مسئلے کے حل کیلئے مجلس وحدت مسلمین کے سابق رکن گلگت بلتستان اسمبلی ڈاکٹر حاجی رضوان علی کے پرزور مطالبے پر وفاقی وزیر امور کشمیر و گلگت بلتستان علی امین گنڈا پور نے اپنا وعدہ پور اکردیا ۔
ساس ویلی کو درپیش بجلی بحران پر قابو پانے کیلئے 1میگاووٹ جنریٹر ساس ویلی پہنچ گیا۔ انشاءاللہ جلد عوام کو اس سے بجلی کی فراہمی کا آغاز ہوجائے گااور عوامی مشکلات میں کمی واقع ہوگی ۔
اہلیان ساس ویلی نے اس دیرینہ عوامی مسئلے کے حل پر ایم ڈبلیوایم کے رہنما ڈاکٹر حاجی رضوان علی اور وفاقی وزیر علی امین گنڈا پورکا شکریہ ادا کیاہے ۔
واضح رہے کہ وفاقی وزیر امور کشمیر گلگت بلتستان علی امین گنڈاپور کی ایم ڈبلیو ایم کی خصوصی دعوت پر نگر آمد کے موقع پر حاجی رضوان علی نے ساس ویلی میں بجلی بحران پر قابو پانے کے لیے 1 میگاواٹ واٹ جنریٹر کی فوری منظوری کا مطالبہ کیا تھا۔
وحدت نیوز(اسلام آباد)مجلس وحدت مسلمین پاکستان کے مرکزی ڈپٹی سیکرٹری جنرل سید ناصر شیرازی نے کہ ہے کہ عوام کے ذمہ دارانہ کردار ادا کیے بغیر کورونا پر قابو پانا ممکن نہیں۔ ہمیں باشعور اور ذمہ دار شہری ہونے کا ثبوت دیتے ہوئے ایک دوسرے کی صحت کے تحفظ کو یقینی بنانا ہو گا۔
انہوں نے کہا کہ صحت مند معاشرہ ترقی کی ضمانت ہے۔کورونا وائرس کو روکنے کے لیے حکومت کی جانب سے جن ایس او پیز پر عمل کرنے کی ہدایات کی گئیں ہیں انہیں نظر انداز کر نا اپنے اور خاندان کی زندگی کو داؤ پر لگانے کے مترادف ہیں۔دنیا کے ترقی یافتہ ممالک اس آفت ناگہانی کا مقابلہ کرنے میں ناکام دکھائی دے رہے ہیں۔
ان کاکہنا تھا کہ دنیا بھر میں کورونا وائرس کے باعث پندرہ لاکھ سے زائد ہلاکتیں مرض کی سنگینی کا عکاس ہیں۔جن ممالک نے حفاظتی ہدایات کو نظر انداز کیا انہیں بدترین نتائج کا سامنا کرنا پڑا۔آزمائش کی یہ گھڑی مرض پر قابو پانے کے لیے محتاط روی کا تقاضہ کرتی ہے۔
انہوں نے کہا کہ کورونا وبا کو روکنے کے لیے حکومتی اقدامات قابل ستائش ہیں۔ تعلیمی اداروں کی بندش اور سرکاری اداروں میں ملازمین کی نصف تعداد سے آن لائن کام کی حکمت عملی ظاہر کرتی ہے کہ حکومت کی اولین ترجیح عوام کی صحت کا تحفظ ہے تاہم انفرادی کردار ادا کیے بغیر حکومت کی کوششیں ناکافی ثابت ہوں گی۔ ہر شخص کو اس سلسلے میں اپنے حصے کا کردار ادا کرنا ہو گا۔
وحدت نیوز(کراچی)مجلس وحدت مسلمین پاکستان سندھ کے سیکرٹری جنرل علامہ سید باقر عباس زیدی کی کراچی میں ایران کے قونصلیٹ جنرل احمد محمدی سے ملاقات اس موقع پرانہوں نے ایران کے مایہ ناز جوہری سائنسدان شہید محسن فخری زادہ کے لئے فاتحہ خوانی اور دعا کی۔
علامہ باقرزیدی کے ہمراہ کراچی ڈویژن کے سیکرٹری جنرل علامہ صادق جعفری بھی موجود تھے، علامہ باقر زیدی نے کہا کہ شہداء ہماری عظمت ہیں اور عالم برزخ سے ہماری نگرانی کررہے ہیں اور اپنی تاثیر سے اسلام و مسلمین کی کامیابیوں کے نگہبان ہیں۔ قونصلیٹ جنرل احمد محمدی نے مجلس وحدت مسلمین کے رہنماؤں اور علامہ باقر زیدی کا شکریہ ادا کیا۔
وحدت نیوز(قم) مجلس وحدت مسلمین کے رہنما علامہ ڈاکٹر سید شفقت حسین شیرازی کی تصنیف اردو زبان قارئین کے لیے اسلامی مقاومتی تحریک حزب اللہ لبنان کے موضوع پر مبنی اپنی نوعیت میں یگانہ کتاب "حزب اللہ لبنان تاسیس سے فتوحات تک” چھپ کر بازار میں آچکی ہے۔
280 صفحات پر مشتمل اس کتاب میں مصنف علامہ ڈاکٹر سید شفقت حسین شیرازی نے تاریخی اور زمانی اسلوب کے تحت حزب اللہ لبنان کی تاسیس سے حالیہ فتوحات تک کے حالات و واقعات کی تدوین اور ان پر اپنا تجزیہ و تبصرہ پیش کیا ہے۔
علامہ ڈاکٹر شفقت شیرازی نے امید ظاہر کی کہ یہ کتاب اسلامی تحریکوں کے موضوع پر اردو زبان لٹریچر میں ایک بہترین اضافہ شمار ہوگی اور اردو زبان قارئین کی حزب اللہ لبنان کے حوالے سے معلومات اور زاویہ نگاہ میں بہتری میں معاون ثابت ہوگی۔
اپنی کاپی بک کروانے کے لیے اور مزید تفصیلات کے لئے آپ اس فون نمبر +923344663575
