The Latest
وحدت نیوز(اسلام آباد) مجلس وحدت مسلمین کے شعبہ سیاسیات نے روہنگیا میں ہونے والی مسلمانوں کی نسل کشی پر عالمی عدالت کو باضابطہ طور پر خط لکھا دیا ہے۔ نیدر لینڈ میں واقع عالمی عدالت انصاف کے رجسٹرار کو لکھے گئے خط میں مجلس وحدت مسلمین کے سیکرٹری سیاسیات ناصر عباس شیرازی نے موقع اختیار کیا ہے کہ روہنگیا میں نام نہاد بدھوں کے مذہبی پیشوا وراتو کے ماننے والے نسل پرست مسلمانوں کا خون پانی کی طرح بہا رہے ہیں، معصوم بچے، عورتیں حتیٰ بوڑھے بھی ان نسل پرستوں کے شر سے محفوظ نہیں۔ میانمر میں ہونے والے مظالم پر عالمی برادری کی خاموشی نے بھی کئی سوالوں کو جنم دیا ہے، ایسے میں جب انسانی خون کو ارزاں سمجھ کر بہایا جارہا ہو اور انسانیت کیخلاف جرام کا ارتکاب کیا جارہا ہو تو ہم عالمی عدالت سے استدعا کرتے ہیں کہ وہ اس قتل عام پر اپنا کردار ادا کرتے ہوئے مقدمہ درج کرے اور بدھو کے پیشوا وراتو کو عالمی عدالت کے کٹہرے میں لاکر سخت سے سخت سزا دی جائے۔ ایم ڈبلیو ایم کی جانب سے لکھ خط میں عالمی عدالت انصاف سے اس خط کو پٹیشن میں تبدیل کرنے کی بھی استدعا کی گئی ہے۔
علامہ راجہ ناصرعباس گلگت کے بعد کوئٹہ پہنچ گئے، رکن صوبائی اسمبلی آغا رضانے ایئرپورٹ پر استقبال کیا
وحدت نیوز (لاہور) مجلس وحدت مسلمین پاکستان کے سربراہ علامہ راجہ ناصرعباس جعفری تنظیمی دورے پر کوئٹہ پہنچ گئے،مجلس وحدت مسلمین میڈیا سیل جاری پریس ریلز کیمطابق علامہ راجہ ناصر عباس جعفری کوئٹہ میں بڑھتے دہشت گردی اور دہشت گردی کا نشانہ بننے والے شہداء کے خاندانوں سے اظہار تعزیت کریں گے روانگی سے قبل ایئرپورٹ پر کارکنان سے گفتگو کرتے ہوئے ان کا کہنا تھا کہ بلوچستان میں ایک منظم سازش کے تحت ملت جعفریہ کی نسل کشی کی جارہی ہے ،بانیان پاکستان کے اولاودں کو چن چن کر ٹارگٹ کیا جا رہا ہے ،بلوچستان حکومت امن و امان کے قیام میں مکمل ناکام ہوچکے ہیں،بلوچستان میں کالعدم جماعت کے دہشت گردوں کو مکمل آزادی حاصل ہے جو ببانگ دھل کہتے ہیں کہ ہم شیعیت کا قتل عام کریں گے،لیکن بلوچستان حکومت ان شرپسندوں کے خلاف کو ئی بھی کاروائی سے گریزاں ہے،انہوں نے کہا کہ دہشت گردی کا تحفہ ہمارے اداروں کی ناقص حکمت عملی کا نتیجہ ہے،افغان وار کے پالے دہشت گرد اب پاکستان کے سلامتی کے درپے ہیں،آپریشن ضرب عضب کا دائرہ ملک بھر میں پھیلائے بغیر پاکستان مین امن ممکن نہیں،علامہ راجہ ناصر عباس جعفری کے کوئٹہ ائرپورٹ پہنچنے پر رکن بلوچستان اسمبلی مجلس وحدت مسلمین آغامحمد رضا و دیگر سینکڑوں کارکنان نے پر تپاک استقبال کیا۔
وحدت نیوز (لاہور) سانحہ ماڈل ٹاوُن کو ایک سال گذر گئے لیکن شہداء کے ورثا آج بھی انصاف کے طلبگار ہیں،ماڈل ٹاوُن کے قاتلوں کو من پسند جے آئی ٹی کے ذریعے کلین چٹ دے کر انصاف کا قتل عام کیا گیا،ہم شہداء کے ورثا کیساتھ ہیں اور اس ظلم و بربریت کیخلاف آواز بلند کرتے رہیں گے،سانحہ ماڈل ٹاوُن کے مرکزی کرداروں کو اہم عہدوں پر فائز کر کے پنجاب حکومت نے انسانیت کے سر شرم سے جھکا دیے،ن لیگ ملک ھر میں غندہ گردی اور دھونس دھاندلی سے اقتدار کو طول دینے کے درپے ہیں،لیکن یہ ان کی بھول ہیں کہ جب خلق خدا انصاف کے لئے گھروں سے نکلیں گے تو یہ ظالم اور جابر گروہ سامنا نہیں کر پائیں گے،ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے ورکرز اجلاس سے خطاب میں کیا۔
انہوں نے کہا کہ پنجاب میں ن لیگ اپنے سیاسی حریفوں کو بدترین انتقام کا نشانہ بنا رہی ہے،جب کہ اس کے برعکس پنجاب میں کالعدم دہشت گرد جماعتوں کو کھلی چھٹی دے رکھی ہے،پنجاب کا ایک وزیر جو سانحہ ماڈل ٹاوُن کا مرکزی کردار ہے ان دہشت گرد ٹولے کی مکمل سرپرستی کر رہا ہے،ہمارے بے گناہ افراد کو بغیر کسی وجوہ کے پابند سلاسل کیا جا رہا ہم حالات کا بخوبی جائزہ لے رہے ہیں،ایک مخصوص سوچ اور فکر کو ملک پر مسلط کرنے کی مکمل منصوبہ بندی جاری ہے،علامہ اسدی کا کہنا تھا کہ ہم سانحہ ماڈل ٹاوُن کے شہدا ء کے لواحقین کو سلام پیش کرتے ہیں کہ وہ استقامت کے ساتھ ان ظالم حکمرانوں کا مقابلہ کر رہے ہیں انشااللہ مظلوموں کی فریاد کو اللہ ضرور سنے گا اور ان یہ ظالم گروہ نشان عبرت بنے گا۔
وحدت نیوز (حیدرآباد) مجلس وحدت مسلمین ضلع حیدرآباد کی جانب سے جمعے کی نماز کے بعد قدم گاہ مولا علی عہ سے ایک احتجاجی ریلی نکالی گئی،جس کی قیادت مولانا امداد علی نسیمی کر رہے تھے،ریلی کے شرکاء سے خطاب کرتے ہوئے مولانا امداد علی نسیمی کا کہنا تھا کہ پوری دنیا میں مسلم امہ کو نشانہ بنایہ جا رہا ہے اور ہمارے حکمران خاموش تماشائے بنے ہوئے ہیں، برما، بحرین، فلسطین، شام، عراق میں مسلمانوں کو کچلا جا رہا ہے،برما انسانی درندگی کی انتہا ہوچکی ہے،عالمی اسٹیبلشمنٹ برما میں مسلم کشی اور نریندرمودی کی پشت پناہی میں ملوث ہے، حکمران ہوش کے ناخن لے،گلگت بلتستان الیکشن میں بدترین دھاندلی کے باوجود ہم نے وہاں سے نشستیں جیتیں، گلگت بلتستان کے عوام کے میڈیٹ کو ان سے چھینا گیا جو کہ ایک تاریخی ذیادتی ہے،مولانا امداد علی نسیمی اور دیگر کا کہنا تھا کہ بھارت آنکھیں کولے ایسا نہ ہو کہ اس کو پھر ماضی پہ افسوس کرنا پڑے، چونکہ ہندستان کئی دہائیوں سے پاک وطن کے شہریوں کو سرحد کے اندر قتل کرتا رہا ہےاور اب اس کو ہوز کے ناخن لے اور مودی اپنی عوام کے مسائل حل کرے ناکہ پڑوسی ممالک کے معاملات میں مداخلت کرے، جو کہ ناقابل برادشت عمل ہے،حکمران جماعت نے پری پول رگنگ کا ہوم ورک کرلیا تھا جس کا خدشہ ہماری قیادت نے پہلی ہی ظاہر کردیا تھا اور ماروی میمن نے پیسوں کی برسات سے عوامی میڈیٹ پر کاری ضرب لگائی گئی ہے، ووٹوں کی گنتی رکاواکر ہمارے امیدواروں کے ووٹوں کو نظر اندا ز کیا جارہا ہے جو کے قابل مذمت فعل ہے،اس موقع پر مجلس وحدت مسلمین ضلع حیدرآباد کی کابینہ کے ممبرز بھی موجود تھے۔
وحدت نیوز(قم) مجلس وحدت مسلمین قم کے سیکرٹری سیاسیات عاشق حسین آئی آر نے ایم ڈبلیوایم قم کی کابینہ کے اجلاس کو گلگت بلتستان کے انتخابات کے حوالے سے بریفنگ دیتے ہوئے بتایا ہے کہ گلگت بلتستان کی دیندار اور باشعور عوام نے انتخابات میں ایم ڈبلیو ایم کو ہی ووٹ دئیے ہیں جس پر ہم ان کا شکریہ ادا کرتے ہیں۔لیکن نون لیگ نے دھونس اور دھاندلی کی بنیاد پر اقتدار پر قبضہ کیا ہے۔انہوں نے کہا کہ نون لیگ یہ معلوم ہونا چاہیے کہ دھاندلی سے حاصل کی گئی فتح در اصل خود بدترین شکست ہے۔انہوں نے کہا کہ نون لیگ کی طرف سے کی جانے والی دھاندلی نے نون لیگ اور اس کے اتحادیوں کو عوام میں مزید متنفر بنادیاہے جبکہ دیانت داری اور اصول پرستی نے عوام کو ایم ڈبلیو ایم کے اور زیادہ قریب کردیاہے۔
وحدت نیوز (قم) ماہِ مبارک رمضان کے حوالے سے مجلس وحدت مسلمین قم کی کابینہ کا اجلاس قائم مقام سیکرٹری جنرل حجۃ الاسلام گلزار احمد جعفری کی زیرِ صدارت موسسہ رسولِ اعظمﷺ قم میں منعقد ہوا۔جس میں ملک میں جاری قتل و غارت، ڈکیتیوں اور اغوا جیسے واقعات پر گہری تشویش کا اظہار کیا گیا۔اراکینِ کابینہ نے کہا کہ دین،ملک و ملت اور آئین کی بالادستی نیز ملی دکھ سکھ میں شریک رہنا ہی ایم ڈبلیو ایم کا طرّہ امتیاز ہے۔انہوں نے کہا کہ ہم اس صورتحال پر خاموش نہیں رہ سکتے۔حکومت کو چاہیے کہ وہ ملکی امن و امان کی صورتحال پر قابو پائے اور یا پھر مستعفی ہوجائے۔اراکینِ کابینہ نے علمائے کرام اور مبلغینِ اسلام سے خصوصی طور پر یہ اپیل کی کہ وہ ماہِ مبارک رمضان میں وطنِ عزیز کی سالمیت اور دفاع و بقا کے لئے خصوصی دعائیں کریں نیز وحدت و اخوّت کے فروغ کے لئے کوئی دقیقہ فروگذاشت نہ کریں۔اس موقع پر یوم القدس کے انعقاد کے حوالے سے بھی اہم نکات پر گفتگو کی گئی۔
وحدت نیوز (لاہور) مجلس وحدت مسلمین کی کور کمیٹی کے رکن اور پنجاب کے ڈپٹی سیکریٹری جنرل سید اسد عباس نقوی کا کہنا ہے کہ گلگت بلتستان میں پاکستان پیپلز پارٹی کی عبرتناک شکست کی وجہ ایم ڈبلیو ایم نہیں بلکہ ان کی اپنی نااہلی ہے۔ شہلہ رضا کی جگہ انتخابی مہم چلانے کے لئے کوئی اور آتا توشاید اتنا برا انجام نہ ہوتا۔ مجلس وحدت مسلمین سیکرٹریٹ پنجاب سے جاری کردہ بیان میں ایم ڈبلیو کے رہنماء اسد عباس نقوی کا کہنا ہے کہ گلگت بلتستان کی عوام نے حالیہ انتخاب میں پیپلز پارٹی کو نشان عبرت بنا دیا ہے۔ انہوں نے کہاکہ گزشتہ دور میں مہدی شاہ سمیت پیپلز پارٹی کے رہنماؤں نے عوام کی بجائے صرف اپنی عیش و عشرت کی فکر کی ہے جس کا خمیازہ انہوں نے شکست کی صورت میں بھگت رہے ہیں۔
انہوں نے کہ پیپلز پارٹی کی رہنماء شہلہ رضا انتخابی مہم میں مذہب کے نام پر ووٹ مانگتی رہیں مگر گلگت بلتستان کے با شعور اور با غیرت عوام شہلہ رضا کے ماضی سے بخوبی آگاہ تھے۔انہوں نے کہاکہ جب شیعہ قوم کے گھر میں صف ماتم بچھا تھا اور ہر گھر سے پانچ پانچ جنازے اٹھائے جارہے تھے تو سانحہ عباس ٹاؤن کے موقع پر شہلہ رضا اور پیپلز پارٹی کی قیادت وزیر اعلیٰ ہاؤس میں ناچ گانے میں مصروف تھیں۔ انہوں نے کہاکہ ووٹ لینے کے لئے شیعت کا ڈھونگ رچانے والی شہلہ رضا کو چاہئے کہ علماء کرام کی شان میں گستاخی کرنے پر پوری قوم سے بلا مشروط معافی مانگیں۔ اسد عباس نقوی نے کہاکہ ایم ڈبلیوایم ایک سیاسی حقیقت ہے جس کا راستہ اب کوئی نہیں روک سکتا۔انہوں نے کہاکہ پیپلز پارٹی کے بعد مسلم لیگ ن کی حکومت بھی جان لے کہ گلگت بلتستان کی با شعور عوام حساب کتاب کرنے میں دیر نہیں کرتی آئندہ آنے والے انتخاب میں ان کا بھی احتساب کیا جائے گا۔اسد عباس نقوی نے قرار دیا کہ حالیہ انتخاب میں گلگت بلتستان کی عوام کا ایم ڈبلیو ایم کی قیادت پر اعتماد کر نے پر شکر گزارہیں اور ان کی جماعت عوام کی فلاح وبہبود کے لئے اپنی کوششیں جاری رکھے گی۔
وحدت نیوز (لاہور) مجلس وحدت مسلمین لاہور کے سیکرٹری جنرل علامہ امتیاز کاظمی کا کہنا ہے کہ پنجاب حکومت کی جانب سے میٹرو ٹرین چلانے کے لئے قدیمی قبرستان مومن پورہ کو منہدم کرنے کا فیصلہ اسلامی اقدار کے خلاف ہے۔ اسلام میں قبرستان اور مساجد کو منہدم کرکے کوئی اور پراجیکٹ بنانے کی اجازت نہیں،مومن پورہ قبرستان کے انہدام پر بلائے گئے اجلاس سے خطاب کرتے ہوئے علامہ امتیاز کاظمی نے کہنا تھا کہ پنجاب حکومت کے عتاب سے اب زندہ انسانوں کے ساتھ ساتھ مردے بھی محفوظ نہیںرہے۔ شہباز شریف کے بچگانہ خواب صوبہ کو بدترین بحران کی طرف لے کر جا رہے ہیں صرف لاہور ہی میں پل ،سڑکیں اور ٹریک بچھائے جا رہے ہیں جبکہ باقی صوبہ کاکوئی پرسان حال نہیں۔ا نہوں نے کہاکہ پنجاب حکومت اگر عوام کے انتقام سے بچنا چاہتی ہے توفوری طور پر اپنا قبلہ درست کرے اور عوام کا پیسہ صحت اور تعلیم جیسی بنیادی سہولیات کی فراہمی پر لگایا جائے۔ انہوںنے کہا کہ سڑکیں بنانے سے غریب کا چولہاجلتا ہے اور نہ ان کے بچوں کو علاج معالجہ کی سہولیات میسر آتی ہیں۔ اجلاس سے خطاب کرتے ہوئے شیعہ شہریان کے رہنماء علامہ وقار نقوی کا کہنا تھا کہ پنجاب حکومت کے اس غیر اخلاقی اور غیراسلامی فیصلہ کے خلاف ان کی جماعت مظاہرین کے ساتھ مل کر جدوجہد کریں گے۔ انہوں نے کہا کہ وہ کسی صورت پنجاب حکومت کو اپنے بزرگوں کی قبریں پامال کرنے کی اجازت نہیں دیں گے۔ انہوں نے کہا کہ قوم کے لئے خوش آئن بات ہے کہ مجلس وحدت مسلمین نے اس اہم ایشو کی طرف اپنی توجہ مبذول کی ہے اب اس مسئلہ کا حل کر کے ہی دم لیں گے۔ انہوں نے کہا کہ شریف برادران نے پاکستان سے فرار کے بعد سعودیہ عرب میں آ ل سعود سے مزارات، مساجد، مقامات مقدسہ اور قبرستان مسمار کرنے کی تربیت حاصل کی ہے جس کا عملی مظاہرین پیش کرنے کی کوشش کی جا رہی ہے ۔انہوں نے کہا کہ پاکستان اولیاء اللہ کو ماننے والوں ، مزارات اور مقامات مقدسہ کا احترام کرنے والوں کی دھرتی ہے ہم اسے آل سعود کی کالونی نہیں بننے دیں گے۔
وحدت نیوز (لاہور) سربراہ مجلس وحدت مسلمین پاکستان علامہ راجہ ناصرعباس جعفری کا کہنا ہے گلگت بلتستان کے حالیہ انتخاب میں بڑے پیمانے پر دھاندلی کر کوبا قاعدہ سازش کے تحت الیکشن کو ہائی جیک کیا گیا۔مرکزی کور کمیٹی کے اجلاس سے خطاب کرتے ہوئے سیکرٹری جنرل مجلس وحدت مسلمین راجہ نا صر عباس نے کہا کہ گلگت بلتستان کے انتخابات میں دھاندلی کے تمام تر ریکارڈ توڑے گئے۔ انہوں نے کہاکہ مسلم لیگ ن کے امیدوار کامیاب کروانے کے لئے حلقہ نمبر ایک میں پانچ دفعہ دوبارہ گنتی کی گئی جبکہ ایم ڈبلیوایم کی درخواست پرالیکشن کمیشن ایک بھی حلقہ میں دوبارہ گنتی کرنے سے کترا رہا ہے ، الیکشن کمیشن کا دہرا معیار نا قابل قبول ہے۔ علامہ راجہ ناصر عبا س نے کہاکہ دھاندلی کے ذریعہ شکست دے کر ان کے حوصلہ پست نہیں کیے جاسکتے وہ آخری سانس تک ملک و قوم کی بہتری کے لئے اپنی جدو جہد جاری رکھیں گے۔
علامہ راجہ ناصر عباس نے گلگت بلتستان میں ایم ڈبلیو ایم کی انتخابی مہم چلانے پر رہنماؤں اور کارکنوں کو سراہاتے ہوئے کہا کہ آنے والے دنوں میں مجلس وحدت مسلمین کا راستہ کوئی نہیں روک سکے گا ہم اصولوں کی سیاست کے حامی ہیں دھونس دھاندلی کے ذریعے عوامی حق رائے دہی پر قدغن لگانے والوں کو قبول نہیں کریں گے گلگت بلتستان اسمبلی میں انشااللہ تاریخ میں پہلی بار حقیقی اپوزیشن دیکھنے کو ملیں گے ہم عوام سے وعدہ کرتے ہیں کہ ان کے حقوق کے حصول کی جدو جہد میں خیانت نہیں کریں گے۔انہوں نے مطالبہ کیاکہ الیکشن کمیشن فوری طور پرایم ڈبلیو ایم کی درخواست پر متنازعہ حلقوں میں دوبارہ گنتی مکمل کرکے انصاف کے تقاضے پورے کرے۔ علامہ راجہ ناصر عباس نے واضح کیا کہ انتخابی عمل سے دھاندلی کے نا سور کو ختم نہ کیا گیا توعوام کا اعتماد جمہوریت سے اٹھ جائے گا۔ انہوں نے کہا کہ عوام ووٹ کسی اور کو دیتے ہیں اور کامیاب کوئی اور ہوتا ہے اس سارے عمل نے انتخابی نظام پر بہت سے سوالیہ نشان کھڑے کر دیے ہیں۔سربراہ مجلس وحدت مسلمین علامہ راجہ نا صر عباس نے عہدیداران اور کارکنوں کو ہدایت جاری کیں کہ وہ اپنی جدو جہد جاری رکھیں وہ دن دور نہیں جب عوام خود ان نااہل حکمرانوں کا احتساب کریںگے۔ انہوں نے کہاکہ ایم ڈبلیو ایم قوم کی خدمت جاری رکھے گی اور غاصب حکمرانوں کے احتساب تک چین سے نہیں بیٹھیں گے۔ اجلاس میں کور کمیٹی کے اراکین سید اسد عباس نقوی، سید ناصر عباس شیرازی اور دیگر نے شرکت کی ۔
وحدت نیوز (اسلام آباد) گلگت بلتستان الیکشن کے نتائج غیر حقیقی اور ناقابل قبول ہیں۔ مسلم لیگ نون نے بیشتر حلقوں میں گنتی کے عمل کو موخر کر کے نتائج میں تبدیلی کی ہے۔ دھاندلی کے لیے مالی فوائد سمیت دیگر ذرائع کو بھی استعمال کیا گیا۔ماروی میمن نے پیسے کا پانی کی طرح بہایا۔ الیکشن پُرامن مگر دھاندلی زدہ تھے۔ ان خیالات کا اظہار مجلس وحدت مسلمین پاکستان اور آل پاکستان مسلم لیگ کے مرکزی رہنماوں علامہ اصغرعسکری اور احمد رضا قصوری نے ایم ڈبلیو ایم مرکزی سیکریٹریٹ میں مشترکہ پریس کانفرنس میں کیا۔سینئر سیاسی رہنما احمد رضا قصوری نے کہا کہ ماروی میمن کو بے نظیری انکم سپورٹس پروگرام کے پچاس ارب روپے کا بجٹ دے کر گلگت بلتستان بھیجا گیا جہاں انہون نے ہزاروں خاندانوں میں بے نظیر انکم کارڈ اور پچاس پچاس ہزار روپے نقد تقسیم کیے۔قومی خزانے کو ووٹوں کے حصول کے لیے بے دردی سے لٹایا گیا۔الیکشن میں دھاندلی کے لیے ایک غیر مقامی شخص کوسانگلہ ہل سے اٹھا کرگلگت بلتستان میں گورنر بنادیا ہم نے اس الیکشن کو سیاسی و قانونی طور پر چیلنج کرنا ہے۔علامہ اصغر عسکری نے کہا کہ ہم نے الیکشن سے پہلے ہی کہ دیا تھا کہ نون لیگ نے پری پول رگنگ کے لیے ہوم ورک مکمل کر لیا ہے۔2013 الیکشن فارمولے کو گلگت بلتستان میں آزما کر موجودہ نتائج حاصل کیے گئے۔جن جن حلقوں کے نتائج دو دو گھنٹے بعد آنا شروع ہو گئے تھے اور مجلس وحدت مسلمین کی برتری واضح ثابت ہو رہی تھی انہیں روک دیا گیا اور پھر ستائیس گھنٹے بعد حکومت کے من پسند رزلٹس منظر عام پر آنا شروع ہو گئے۔انہوں نے کہا کہ ایک طرف بعض حلقوں میں چار چاربار گنتی کے عمل کو دوہرایا جا رہا ہے جبکہ دوسری طرف مجلس وحدت مسلمین کے امیدواروں کے ووٹوں کی گنتی روکنے کے لیے چیف الیکشن کمیشن اپنے خصوصی احکامات صادر کرتا ہے۔نام نہاد شفاف انتخا بات کی قلعی کھل کر سامنے آ گئی ہے۔
انہوں نے کہا کہ ہم نے گلگت بلتستان کی تعمیر و ترقی کے لیے دیانت دار اور تعلیم یافتہ افراد کو آگے آنے کا موقعہ دیا لیکن مسلم لیگ نون نے ان شخصیات کو کامیاب کرایا جو داغدارماضی کے حامل ہونے کے ساتھ ساتھ فرقہ وارنہ سرگرمیوں میں بھی فعال کردار ادا کرتے رہے ہیں۔یہ لوگ گلگت بلتستان کے امن و سکون کو تباہ کر کے رکھ دیں گے۔انہوں نے کہا افواج پاک کی نگرانی کے باعث الیکشن پُرامن رہے۔مجلس وحدت مسلمین کے رہنما نے مطالبہ کیا کہ حلقہ 3سکردو اور حلقہ 4 روندو میں ووٹوں کی گنتی دوبارہ کی جائے۔ ہم ان دونوں حلقوں سے جیتے ہوئے ہیں جبکہ گنتی میں ہیر پھیر کر کے نتائج تبدیل کیے گئے اور شکست خوردہ امیدواروں کو کامیاب قرار دے دیا گیا۔ایم ڈبلیو ایم سندھ کے صوبائی سیکریٹری سیاسیات سید حسین علی نے کہا کہ الیکشن فوج کی نگرانی میں کرانے کا مطالبہ اس لیے تھا کہ مسلم لیگ نون گلگت بلتستان میں فرقہ وارانہ فسادات برپا کروانا چاہتی تھی۔ فوجی نے الیکشن کی نگرانی کر کے حالات کو پُرامن رکھنے میں اہم کردار ادا کیا۔ ہم نون لیگ کی طرف سے وزارت کی پیشکش کو رد کرتے ہوئے مطالبہ کرتے ہیں کہ ہمیں گلگت بلتستان کے آئینی حقوق دیے جائیں۔
