وحدت نیوز (آرٹیکل) ایک پاکستانی ہونے کے ناطے حکامِ بالا سے ہمارا پہلا یہ سوال ہے کہ کیا مسافروں کو ہراساں کرنے، دھمکانے اور رشوت لینے والے سرکاری کارندے بھی را اور بھارت کے ملازم ہیں؟؟؟ دوسرا سوال یہ ہے کہ اگر یہ سب “را” اور بھارت کے لئے کام کر رہے ہیں تو پھر پاکستان کی ایجنسیاں اور ادارے کہاں ہیں؟ اور تیسرا سوال یہ ہے کہ کیا رشوت خوری اور دہشت گردی کا یہ سلسلہ یونہی چلتا رہے گا اور یہ 780 ارب روپے بھی “را” اور بھارت کے ایجنٹوں پر خرچ کئے جائیں گے۔۔۔؟
 

سانحہ مستونگ کے بعد لوگوں کی نظریں آل پارٹیز کانفرنس پر لگی ہوئی تھیں، یہ اتنی اہم کانفرنس تھی کہ وزیراعظم اور آرمی چیف سمیت متعدد اہم شخصیات اس میں شامل تھیں، ان ساری شخصیات نے سرجوڑ کر بیٹھنے کے بعد یہ نتیجہ نکالا کہ سانحہ مستونگ ملک دشمنوں کی کارروائی ہے اور اس کے پیچھے غیر ملکی ہاتھ ہے۔ ساتھ ہی ان جذبات کا اظہار بھی کیا گیا کہ ہم ذمہ دار عناصر کو چھوڑیں گے نہیں۔ اتفاق کی بات ہے کہ اتنی اہم کانفرنس منعقد کرکے ہماری اہم شخصیات نے جو نتیجہ نکالا ہے، ہمارے ہاں کا ان پڑھ آدمی بھی بغیر کسی کانفرنس کے یہی نتیجہ نکالتا ہے۔ آپ کسی دودھ بیچنے والے ان پڑھ یا یا نسوار فروش اجڈ کو اس طرح کے واقعات سنا کر پوچھیں، آپ کو کیا لگتا ہے کوئی محبّ وطن شخص ایسا کرسکتا ہے! وہ کہے گا، نہیں نہیں! اس کام کے پیچھے تو مجھے کوئی غیر ملکی ہاتھ لگتا ہے۔ آپ اسے کہیں کہ سانحہ مستونگ کے ذمہ دار عناصر کی بارے میں تمہارے کیا جذبات ہیں؟!  وہ کہے گا کہ اگر میرے ہاتھ لگ جائیں تو چھوڑوں گا نہیں۔

اس سے پتہ چلتا ہے کہ ہماری اہم شخصیات کی تجزیہ و تحلیل کرنے کی صلاحیت اور جذبات ہمارے ہاں کے عام اور ان پڑھ آدمی جیسے ہی ہیں۔ ہماری ان اہم شخصیات نے مالی سال 16-2015 کے لئے 43 کھرب 13 ارب روپے کا بجٹ پیش کیا ہے اور مزے کی بات یہ ہے کہ ملکی سلامتی کو درپیش خطرات کے پیچھے غیر ملکی ہاتھ قرار دینے والوں نے ملکی دفاع کے لئے 780 ارب روپے مختص کئے ہیں۔ یاد رہے کہ یہ 780 ارب روپے ایک سال کے اندر ہمارے دفاع کے لئے مختلف لوگوں کی جیبوں میں چلے جانے ہیں۔ یہ تو آن دی ریکارڈ 780 ارب روپے ہیں، دوسری طرف ہماری سلامتی اور دفاع کا آف دی ریکارڈ بجٹ اگر آپ نے دیکھنا ہو تو کوئٹہ سے تفتان روٹ کا سفر کرکے دیکھیں، جہاں ہماری سکیورٹی اور دفاع پر مامور جیالے مسافروں سے  دھڑا دھڑ رشوت بٹورنے میں مصروف ہیں۔ جو مسافر رشوت دینے سے کترائے، اسے کہتے ہیں کہ تمہیں ایک ہفتے تک ادھر ہی “کانوائے” کا انتظار کرنا پڑے گا۔

پورا سال یہ سرکاری کارندے مسافروں سے رشوت بٹورتے ہیں اور جب دہشت گردی کا واقعہ ہوجاتا ہے تو یہ کہہ دیا جاتا ہے کہ اس کے پیچھے غیر ملکی ہاتھ ہے۔ ایک پاکستانی ہونے کے ناطے حکامِ بالا سے ہمارا پہلا یہ سوال ہے کہ کیا مسافروں کو ہراساں کرنے، دھمکانے اور رشوت لینے والے  سرکاری کارندے بھی را اور بھارت کے ملازم ہیں؟؟؟ دوسرا سوال یہ ہے کہ اگر یہ سب “را” اور بھارت کے لئے کام کر رہے ہیں تو پھر پاکستان کی ایجنسیاں اور ادارے کہاں ہیں؟ اور تیسرا سوال یہ ہے کہ کیا رشوت خوری اور دہشت گردی کا یہ سلسلہ یونہی چلتا رہے گا اور یہ 780 ارب روپے بھی “را” اور بھارت کے ایجنٹوں پر خرچ کئے جائیں گے۔۔۔؟
 

تحریر۔۔۔۔۔نذرحافی
This email address is being protected from spambots. You need JavaScript enabled to view it.

وحدت نیوز (گلگت) گلگت بلتستان 2015 کہ الیکشن کہ حوالے سے  مجلس وحدت مسلمین کی الیکشن کیمپنگ نہایت جوش و خروش کے ساتھ جاری ہے گلگت بلتستان میں مجلس وحدت مسلمین پاکستان کے وفد کا جگہ جگہ بھرپور استقبال کیا جارہا ہے۔مختلف علاقوں میں الیکشن کے حوالے سے سیاسی صورت حال سے آگاہی کے حوالے سے لیکچرز کا انتظام کیا جارہا ہے۔مجلس وحدت مسلمین شعبہ خواتین پاکستان گلگت بلتستان نے بھی باقاعدہ الیکشن کیمپنگ کا آغاز کردیا ہے۔گلگت بلتستان میں سیاسی شعور اور الیکشن میں خواتین کہ کاکرداگی کی اہمیت کو اجاگر کرنے کے حوالے سے مجلس وحدت مسلمین شعبہ خؤاتین پاکستان کا وفد گلگت بلتستان پہنچ گیا ہے۔پہلے بھیجے گئے وٖفد میں کراچی سے مرکزی کمیٹی شعبہ خواتین کی رکن خواہر زہرا نجفی اورصوبہ سندھ کی سیکرٹری جنرل خواہر ہمانقوی شامل تھیں جنھوں نے گلگت بلتستان کے مختلف علاقوں میں جن میں مجینی محلہ،غلمت،جعفرآباد ،پسن،ھئچر،بگروٹ،بارگو شروٹ چھیپروٹ الیکشن کیمپنگ کے حوالے سے بریفنگ دی۔

گلگت چھلت نگر میں الیکشن کے حوالےسے ہونے  والے ایک پروگرام میں صؤبہ سندھ شعبہ خواتین کی سیکرٹری جنرل خواہر ہما مہدی نے خواتین کردار کی سیاسی میدان میں اہمیت بیان کرتے ہوئے کہا کہ اب الحمداللہ وہ وقت آگیا ہے کہ جب گلگت بلتستان کی عوام کو ان کےحقوق دیئےجائیں اب وقت آگیا ہے کہ ہم اپنے حق کے لیے آواز بلند کریں اب ہم کیسی کے آگے  ہاتھ نہیں پھلائیں گے بلکہ اپنے آئینی اور دستوری حق کے لیے یہ جنگ خود لڑیں گے کیسی کو اب اجازت نہیں دیں گے کہ وہ ہمارے وؤٹ کو لے کر ہمارے ہی حقوق کونظر انداز کرئے۔

مجلس وحدت مسلمین صوبہ سندھ کی سیکٹری جنرل خوہر ہما مہدی جعفری نے مجلس وحدت مسلمین کی  مجموعی چار ساله کارکردگی اور گلگت بلتستان مین جاری منصوبوں کا خصوصی طور په ذکر کرتے ھوۓ کھا که ان منصوبوں کے ذریعے یہان کے عوام کو بھتر سھولیات حاصل ھونگی .مجلس وحدت مسلمیں گلگت بلتستان کی عوام کے دلوں کی آواز ہے لہذا اب وقت ہے کہ ہم خواتین بھی اپنا کردار ادا کرئے اور ظالم حکمرانوں کے ظلم و ستم سرزمین گلگت بلتستان  کو آزاد کرائیں ۔

وحدت نیوز (سکردو) سنی اتحاد کونسل پاکستان کے سربراہ صاحبزادہ حامد رضا نے اسکردو میں مجلس وحدت مسلمین پاکستان بلتستان ڈویژن کے زیر اہتمام گلگت بلتستان قانون ساز اسمبلی انتخابات کے سلسلے میں منعقدہ سیاسی جلسے سے خطاب کرتے ہوئے کہا کہ اگر یہاں کے عوام نے سابقہ حکمرانوں کو دوبادہ ووٹ دیئے تو اس دنیا میں جو کچھ ہوگا وہ اپنی جگہ، آخرت میں بھی ان کا حال برا ہوگا۔ میں نواز شریف کو اسکے گھر میں بیٹھ کر بے غیرت کہتا ہوں اور یہاں پر بھی بے غیرت کہوں گا، اس لئے وہ طالبان کا یار ہے، انڈیا کا یار ہے، امریکہ و اسرائیل کا یار ہے، جو انکا یار ہوتا ہے وہ اسلام کا غدار ہے۔ نواز شریف نے پنجاب میں درود و سلام پر بھی پابندی عائد کی ہے۔ نواز شریف نے پنجاب میں میلاد اور عزاداری پر بھی پابندی عائد کی ہوئی ہے۔ پاکستان میں دہشتگردوں کے یاروں کو دہشتگردی روکنے کی پالیسی بنانے کا کام دیا ہوا ہے، دراصل نواز شریف دہشتگردی کو پھیلانے کی پالیسی مرتب کرنا چاہتا ہے۔

انہوں نے کہا کہ پاکستان میں دہشتگرد نواز پالیسیوں کی وجہ سے اسی ہزار محب وطن پاکستان لقمہ اجل بن گئے، ملک میں پے درپے دہشتگردی کے سانحات ہوئے، سانحہ کراچی، سانحہ میلاد، سانحہ کوئٹہ اور دیگر ہونے والے سانحات میں نواز شریف اور آصف زرداری کو یہ توفیق نہیں ملی کہ وہ ان شہداء کے گھروں میں جاکر وارثین شہداء کو دلاسا دے سکیں، انکی مدد کریں اور انکے غم میں شریک ہوں۔ نواز شریف ان شہداء کے گھروں میں بھی نہیں جائے گا، انکو تعزیت بھی نہیں کرسکے گا کیونکہ ان شہداء کے قاتل انکے یار ہیں۔ یہاں پر جو نواز شریف کے نام پر ووٹ مانگے گا، وہ پاکستان کے بھی غدار ہیں اور 80 ہزار پاکستانی جو دہشتگردی میں شہید ہوئے ہیں، ان شہداء سے غداری ہے۔ انہوں نے کہا کہ بلتستان میں جہاں جہاں نون لیگ کے کیمپ ہیں، وہاں جا کر انکے کارکنان سے پوچھیں کیا طالبان، لشکر جھنگوی، لشکر طیبہ، بیت اللہ محسود، حکیم اللہ محسود کے ٹکٹ سے الیکشن لڑنے کے تیار ہیں؟ نواز لیگ کے ٹکٹ سے الیکشن لڑنا گویا انہی جماعتوں کے ٹکٹ سے لڑنے کے مترادف ہے۔ جس شخص میں ایمان کی ذرا بھی رمق موجود ہو، وہ نواز شریف کے امیدوار کو ووٹ نہیں دے گا۔ آپ اپنے ووٹ کو دہشتگردوں کے مدد گاروں کو شکست دینے کے لئے استعمال کریں، پاکستان کی بقاء کے لئے استعمال کریں، خطے کی ترقی کے لئے استعمال کریں، گلگت بلتستان کی عوام آئینی حقوق کے لئے جدوجہد شروع کرے تو ہم پاکستان میں موجود کروڑوں محب وطن اہل سنت اور اہل تشیع ملکر آپکو حقوق دلا کر دم لیں گے۔

وحدت نیوز(سکردو) وائس آف شہدائے پاکستان کے ترجمان سید فیصل رضا عابدی نے اسکردو میں الیکشن کمپین کے سلسلے میں منعقدہ مجلس وحدت مسلمین کے جلسے سے خطاب کرتے ہوئے کہا ہے کہ گلگت بلتستان کے حقوق کی جنگ ہم پاکستان کی گلی گلی میں لڑیں گے اور حقوق دے کر دم لیں گے۔ انہوں نے کہا کہ مجھے بتاو کہ اگر سپریم کورٹ ہمیں 80 ہزار لاشوں پر بھی انصاف نہ دے سکے تو میں کہاں جاوں، انصاف کے طلب گار کدھر جائیں، سانحہ پشاور کے قاتلوں کو ملٹری کورٹس کے ذریعے سزائیں دینے سے روک کر جمہوریت کی چمپئن نواز شریف نے آئین پاکستان کی تذلیل کی ہے، اگر گلگت بلتستان کے عوام طالبان کے سرپرستوں کو انتخابات میں ووٹ دیں تو کراچی کے عوام کو جا کر کیا بتاوں۔ میں گلگت بلتستان کی عوام کو خوشخبری دینے آیا ہوں کہ یہ الیکشن گلگت بلتستان کا آخری الیکشن ہوگا، آئندہ الیکشن سینٹ کا ہوگا، گلگت بلتستان میں آئندہ الیکشن پارلیمنٹ کا ہوگا، اب کوئی ظالم حکمران اس قوم کو آئینی حق سے محروم نہیں رہ سکے گا، کیونکہ اب گلگت بلتستان والے تنہا نہیں ہیں، ہم آپ کے ساتھ ہیں، آپ کے حقوق کی جنگ میں، صاحبزادہ اور آپکی قیادت مل کر لڑے گی اور یہ جنگ پاکستان کی گلی گلی میں لڑی جائے گی۔ ان خیالات کا اظہار انہوں نے گمبہ اسکردو میں مجلس وحدت مسلمین بلتستان ڈویژن کے زیراہتمام منعقدہ انتخابی جلسے سے خطاب کرتے ہوئے کیا۔

سید فیصل رضا عابدی نے کہا کہ 80 ہزار شہداء کے وارثین نے گلگت بلتستان کے عوام کو پیغام دے بھیجا ہے کہ جب جی بی کے بے گناہوں پر ظلم ڈھائے گئے تو ہم کراچی سے لے کر کوئٹہ تک آپ کے ساتھ کھڑے رہے، ہم نے سڑکوں پر آپ کے لئے دھرنے دیئے۔ ان شہداء کے لواحقین نے گلگت بلتستان کے عوام سے سوال کیا ہے کہ وہ سیاسی قائدین بشمول نواز شریف کے کہاں تھے جب یہاں کے عوام کو شہید کر دیا گیا اور آج اسکردو کی گلی گلی میں گھوم رہے ہیں، یہ وہ لوگ ہیں جنہوں نے کبھی کسی زخمی کے علاج کے لئے مدد نہیں کی، یہ وہ لوگ ہیں جنہوں نے ہمیشہ طالبان جماعتوں کو پروٹول دیئے، یہ وہ لوگ ہیں جو افواج پاکستان کے شہداء کا مذاق اڑاتے ہیں، یہ لوگ ہیں جنہوں نے دہشتگرد جماعتوں کو اپنی حفاظت پر لگا رکھا ہے، تو گلگت بلتستان والو! کیا آپ اپنے 82 ہزار شہیدوں کے قاتلوں کو ووٹ دیں گے، اگر ایسا ہے تو میں کراچی کے عوام کو کیا جواب دوں۔ یہ سیاست نہیں بلکہ پاکستان اور دین بچانے کا وقت ہے۔

سید فیصل رضا عابدی نے کہا کہ اگر کسی نے آپ لوگوں کی خدمت کی ہے تو ان کو ووٹ دو، اگر نواز شریف کسی شہید کے گھر آئے ہیں تو انکو بھی ووٹ دو، اگر نواز شریف نے کسی شہید کے لواحقین کی مدد کی ہے تو انکو ووٹ دو، اگر ایسا نہیں تو یاد رکھنا تاریخ میں غداروں میں تمہارا نام ہوگا۔ یہ جنگ پاکستان کی بقا کی جنگ ہے۔ گلگت بلتستان مضبوط ہوگا تو انڈیا ختم ہوجائے گا، پاک ایران گیس لائن، اقتصادی کوریڈور بن جائے تو انڈیا ختم ہوجائے گا۔ میں نے سینیٹ، پارلیمنٹ اور کرسی کو چھوڑا، تاکہ پاکستان کی حفاظت کی جنگ لڑ سکوں۔ میں نے پاکستان کی بقاء کی خاطر سینیٹ کی کرسی کو جوتے کی نوک پر رکھا ہے اور اب عوام کے ساتھ مل کر ان دہشتگردوں اور قاتلوں کا مقابلہ کیا جائے گا۔